نجود:بعدني مارديت لكيت نور كاعدا بالمطبخ واسوي ريوك ردت اروح اشيلها واركعها بالكاع بس اسماء لزمت ايدي اسماء:: روحي أسبحي يله نجود::امشي واحجي اخذت مكان امي لا وداخله مطبخ امي وتستعمل غراضها دخلت للحمام علكت ملابسي والتفت ع السريع صار أحد بوجهي شكله بشع ويخوف وخنكني وبعد مااعرف شصار كعدت لكيت روحي نايمه بغرفتي واسماء تقرأ ايات يمي فتحت عيوني وباوعت شبيج اسماء شكو اسماء::صدق الله العظيم ماكو شي بس لكيتاج بالحمام واكعه وجبناج نجود:: اجه أبالي الشفته بدون وعي كمت وكفت وانداريت يمين ويسار وارجف تقربت عليه وحضنتني اسماء::شبيج نجود اني يمج نجود::شفت شخص بالحمام يخووف والله اسماء::يتراوالج حبيبي سمي بالرحمن بهاي الفتره هواي ضغوطات صارت عليج وحتى الجامعه إذا تريدين تأجلين هاي السنه اجلي نجود::لالا الساعه بيش اكوم اروح مابيه شي ككمت نفضت نفسي ونزلت من السرير لأن جنت واكفه فوكاه بدلت وطلعت للجامعة بسيارتي دخلت للجامعه لكيت انس بالكافتريا وياها امل سلمت عليهن وكعدت كامت امل جابتلي جاي واجت نجود:: رحمه الله و الديج شدراج مصدعه أمل:: ادري اني احس احساسي كلي نجود:: فديت الاحساس أنا أمل:: يله بنات اني عندي شغل باي نجود:: أخذي راحتج حبيبي راحت امل وحجت انس انس:: نجود باعي تذكرين من طلعتي من مكتب الدكتور تبجين نجود ؛: رفعت راسي اباوعلها حجت انس ؛؛ هنا كلها تكول تريد الدكتور وهو رفضها ولهذا السبب تبجي وهواي حجي طلع عليج نجود::اخر همي حجي الناس انس ؛: باعي ترا امل ماعدها الشغل ولاشي بس حبيبها منعها عنج نجود:: فتحت عيوني بصدمه شنو ليش اني شنو سويت وليش هيه متعرفني اني شنو انس::لتزعلين بس كلها هنا كامت تحجي عنج اشكال والوان نجود::كمت وكفت لميت كتبي وباوعت عليها حجيت انتي هم متريدين تمشين وياي موو؟؟؟ انس::تفهميني انتي نجود اني هنا متت لما وصلت للجامعه اهلي عرب وحذروني اذا يسمعون كلمه وحده عني يبطلووني اني صح اعرفج واعرف اخلاقج نجود::ماخليتها نكمل رفعت اصبعي وحجيت من بين ادموعي لتكملين معذوره صاحت وراي بس اني مارديت اخذت اغراضي ودمووعي يجروو من عيوني باوعت هذا نفسه الي دائماً اشوفه يركض وراي أو يراقبني بس هو يكول اني هنا معيد بقسم علم النفس رفعت عيوني هو باوعلي بنظره ماكدر افسرها جان حزن ع لوم وعتاب كلهن بعيونه وخرت شعري عن وجهي ورحت للمكتب مال العميد دكيت الباب سمعت صوت أحد يسمحلي بدخول التفت لكيت هذا نفسه ابوعيون واكف يباوعلي فتحت الباب دخلت لكيت ماكو بس معاون العميد استاذ اكرم نجود ؛:: السلام عليكم اكرم::وعليكم السلام ورحمه الله اتفضلي بنتي نجود::وين العميد احجي وعيوني يجرن وامسح بيهن باوعلي وحجه اكرم::بابا اني هنا بمكانه احجي اذا محتاجه شي او اكدر اساعدج نجود::استاذ اني مااعرف شلون ابدي بس لازم انت اصدكني اكرم:: احجي شنو السالفة نجود:: نزع النظارات الطبية ويباوع عليه بجمود صح يحجي بسلوب حلو بس نظراته محبيتهن استاذ الدكتور اوس بعدني ممكمله اندك الباب ودخل هذا ابو عيون وياه دكتور ثاني حجه أستاذ اكرم لازم تجي صارت عركه بالحديقه نجود::طلعوو كلهم يركضون واني بقيت وحدي ضربت رجلي بالكاع شكد كرهته طلعت من الجامعه وقررت ااجل وشيصير خليصير اخذت سيارتي وطلعت رحت افتر بكل الشوارع لحد ما وكفت يم شارع والشارع بيه بساتين والزيتون ع السور نزلت كعدت كبال سيارتي بالكاع وخليت ايدي ع وجهي وكمت اشهك بصوت عالي مااااااماااااا وينجج حضنت رجليني بيدي ومدنكه ودمووعي تنزل بالكاع سمعت صوت خطوات يمي رفعت راسي وهو نفسه واكف ومجتف ايدينه ويباوعلي حجه ...انتي هووعي ضعيفه وجبانه نجود:: كمت نفضت نفسي وتوجهت للسياره رجع جرني من ايدي وحجه موكتلج جباااانه نجود:: وخرت ايده من ايدي ومشيت مشى وراي وحجه انتي ضعييييفه وجبانه انتي متكدرين تواجهين نفسج حتى تواجهين الناس نجود ؛؛:دفعته من صدره وحجيت شرايد شرايد هااا شكو تركض وراي اني ماعندي اي شي انطيكياه عوووووفووووني الحاطر الله دفعته رجع لزمني وكال باعي اني اشفق عليج والله تعرفين من اشوفج احس ملكت الدنيا بس من اشوووووف هذا الضعف بعيونج تنهار الدنيا من بين اديني اذا تبقين بهذا ضعفج تموتين نجود:: ههههههههه جنت اضحك من كل كلبي اضحك وارجع ابجي اضحك ودموعي تجري مااعرف شلون اوصف شعوري جان فريد واحتمال اكو احد حاس بهذا الشعور بس بوقتها شكد ماجنت منهاره وقرفانه من حياتي بهذا حجيه كرهت حالي أضعاف هزني حيل لحد مصحاني من هذا الشعور حجه من بين أسنانه نجووود اصحي ولج محد يفيدج واليوم لوما اتلاحكج جان الله يعلم جان شلون فصلوج وخلوج سيره بكل الجامعه 377 views12:48
