نجود:: شلون انقذتني من اجيت ومخليتني اشتكي ع أوس الحمار ...هههه تشتكين انتي مريضه بابا هذوله طابخيها سويه ولج انتي مجنونه نجود::ابتعد خلي اروح للبيت تأخرت ....نجود هذا رقمي اتصلي عليه اعتبريني اخوج وحق الله ماا ائذيج ابد نجود::اخذت الرقم وشكيته كدامه ودفعته صعدت بسياره ورحت للبيت نزلت لكيت بيبي نايمه بصاله ونور تسوي الغدا وصالح يلعب بالايباد تقربت عليه وبسته نجود::حبيبي ليش ممداوم اليوم هم صالح::هاي السنه اجلها بابا الي والسنه التجي اروح يم خوالي ادرس مثل عبدالله وأحمد نجود::ها ليش شوكت انقلو صالح:؛ انتي شكد قديمه بابا نقلهم بس كال لتكولون لا لنجود ولا لاسماء نجود ،::عزا وليش نقلهم وليش ميكولون النه كمت رحت بدلت وطلعت جان اشوف الطفله تزحف بالكاع تقربت عليها وشلتها تباوع بعيوني مستغربه كامت تبجي بصوت عالي اجت امها تركض نور:: شبيها رفوله نجود::محجيت كتبها هاج نور::لا خليها تتعلم عليكم هي هم اختج نجود::اخذتها ودخلت لغرفتي طلعتلها كاكو ومبايلي سكتت بس استغربت ليش ما اخذتها كمت العب بيها وهي تكركر من الضحك حبيتها حيل دخلت بكلبي بيضه ودنفوشه وشعرها اندومي تخبل رفوله فوفه وهي تضحك العب وياها ودخل الولد العمره ٥سنوات حجه ::اني هم اخوث (اخوج)واييد العب وياثن (واريد العب وياجن نجود::تعال حبيبي انت شسمك :::اني اثمي(اسمي) حمودي نجود:: هلا بحمود تقرب عليه وحضنته هم شما يصير ماعليهم لا بابا ولا باامي ومستحيل اكرههم هم هم اخواني كمت العب واضحك وياهم حيل تونست وهم هم حبوني يسموني جوجو رفل اصيحلي سو ومحمد ثوثو باوعت للساعه ب١ اخذتهم وطلعت للمطبخ فتحت الجداري وصبيت اكل الي والهم أكلنه ورحت اوديهم لمهم دخلت بدون ماادك الباب وانصدمت من المنظر الشفته جانت نور نازعه الشال ورأسها مابيه ولاشعرايه انرعبت هي كبل عدلت الشال أخذتهم مني نجود::وكلتهم بس نوميهم نور::تعبتج نجود ؛:عفتها وطلعت لكيت بيبي كاعدا صبيت الها ولصالح اكل تكلو ورحت اني صافنه ليش هاي كرعه شنو السالفة معقوله بابا نزينها نفضت راسي وسكتت كمت افتر بالغرفه لحد ما رجعت اسماء بدلت ملابسها وراحت أكلت واجت اسماء:: اليوم بالشغل صارت مشكله شكبرها نجود:: ليش اسماء:: والله مااعرف بس ابو الصيدليه عساس متحرش ببنت ومنطيها رقمه وهي فضحته وهو يحلف يكول جذابه نجود::عوفي هاي السوالف باعي اليوم دخلت ع نور غرفتها ولكيتها مالابسه شال اسماء:: شبيج نجود ترا التتحجب عادي تنزع بغرفتها نجود::الصميم خلي اكمل ولج اسماء ؛: احترمي اختج اني الجبيره يابقره نجود::اهوووو ولج انطيني مجال خلحجي اسماء::احججي نجود::ولج ماكو براسها شعر اسماء::عزا كولي والله نجود ؛:والله يمكن بابا مزينها وحتى جهالها مااستغربو يعني شايفينها بهيج منضر اسماء ؛:انجبي بابا ليش يزينها نجود::واني شدراني اسماء::خاف مريضه نجود::ها هم صدك اسماء::سكتي بله خلنشوف شنو السالفة الله يعلم شنو وراهم يطلع اسماء::راح انام وكعديني ب٤ نجود::والله اني هم نعسانه اسماء::تنبل نووم انتي اروح انام يم بيبي احسن نجود::اخذت الحاف وطلعت واني هم فرشت ونمت سمعت صوت بابا وبيبي فزيت وطلعت لكيت أسماء تبجي وهم يصيحون عليها اسماء::مااريد ازوج والله وانت موكلت ابد مااجبرجن ليش بابا هيج تغيرت وين سوالفك وحبك النه علي ؛: كاافي ابن عمج ورايدج بعد شكو اسماء ؛؛ماخذا لوتذبحني والله مااخذه نجود::اني بعدها النومه بين عيوني بس استمع دخل بابا يركض للمطبخ جاب سجينه واجه ع اسماء لزمها ونام فوكاها يريد يذبحها اني كبل كمت اعيط لاااا لااا لاااا وبيبي تلطم ولك لا عوف البنت اسماء ؛:,بابا اتركني عليك الله نجود::،خله السجين والدم كام يطلع اني تخبلت اسماء::خلل. خل..اص م..وا..فقه ع..وفني شمرها وكام تفل عليها وطلعت اركض احضن بيها واباوع عليها شلون جارحها تخبلت وهي مثلي دموعها تجري وتتحسب لحد مافقدت الوعي راحت تركض بيبي كبت عليها مي واني ابجي واتوسل بيها تكعد كعدت وره شويه وكامت دخلت للحمام سبحت وطلعت مشطت ومتحجي بس دموعها يحجون وره ساعتين اجه كال بأجر بيت عمج محمود يجون واريد تطلع منجن كلمه موزينه واني اعلمجن عافنه وراح كعدت اسماء وكامت تلطم وتبجي تقربت عليها نجود::ليش رافضه ابن عمي محمود ياهو منهم اسماء::ولج يوووم وينج ولج تعرفين منو ولج جاسم واني وشاهين واحد يحب الثاني كليلي شلون ازوج اخوو فهميني نجود ،::اذا شاهين يحبج راح ياخذج غصباً عليهم اسماء:: خابرني يكلي ارفضي اني اخاف اخسر اخوي نجود::مابيه خير خلي يولي لعد اسماء::اريد انام نجود::رفعت الغطا ونامت وغطت حتى وجها اني طلعت لكيت يحجي ويه بيبي 381 views12:48
