الشاعر امجد الشطري

2022-08-01 11:44:31 عود عاشور - الرادود جمعة حامد





عنوان القصيدة : عود عاشور

الرادود : #جمعة_حامد
الشاعر : #أمجد_الشطري

• حسينية خدام فاطمة الزهراء (ع)

| ليلة 1 محرم الحرام - عام 1444 هـ - 2022 م |

________

مونتاج : علي حسين الشافعي
مكساج : حسن مرهون

________

تصوير :
يونس سعيد
مهدي صفا

اخراج :
خادم الزهراء (ع)


إنتاج : حسينية خدام فاطمة الزهراء (ع) باز کردن / نظر دهید

2022-08-01 01:46:19



اذن جرح من فاطمة

اداء الخطيب #شيخ_حسن_خليفة
كلمات الشاعر #أمجد_الشطري

ليلة 1 محرم الحرام 1444
النبطية #لبنان باز کردن / نظر دهید

2022-07-26 23:45:57 قصيدة : فتى العقيدة




︎ أداء : الرادود علي الرضا دمشق
︎ كلمات الفصيح : الشاعر محمد نايف
︎ كلمات الشعبي : الشاعر أمجد صاحب الشطري

*تسجيل و توزيع : مهدي عليق
*هندسة صوتية : مهدي عليق
*مساعدة فنية : محمد خليفة

*تصوير : علي متيرك
*مساعد مصور : حسين طباجة
*مونتاج : علي متيرك

*كورال : هادي حجازي - محمود حجازي - مصطفى كمال - محمد خليفة

*تمثيل :رضا كمال - محمد نحاس - عباس منصور - محمد كمال - حسين دمشق - عباس كمال

*مخطوطة : أبا الحسن عماد
*إنتاج و تنفيذ : مصباح الهدى

*شكر خاص : هيئة شباب كفرمان - موكب أبا عبدالله الحسين ع - عباس طباجة - حسين علامة - محمد خليفة - حسين طباجة -حسين علامة - فرقة أهل البيت للعمل المسرحي - عيترون - ولكل من ساهم بإنتاج هذا العمل

#فتى_العقيدة
#الرادود_علي_الرضا_دمشق
#الشاعر_أمجد_صاحب_الشطري
#الشاعر_محمد_نايف
#محرم_1444
#ويبقى_الحسين باز کردن / نظر دهید

2022-07-21 03:12:24 غني وافرح

#محمد_بوجباره
#أمجد_الشطري

عيد الغدير الاغر ١٤٤٣
حسينية الحاج #ملا_علي_المرزوق
ستره مملكة البحرين




باز کردن / نظر دهید

2022-07-18 02:40:25 باز کردن / نظر دهید

2022-07-16 18:59:53 مقدمة ليلة 1 محرم

محـــرم لاتجينـــي وتاخــذ الغالـي امــن أدية
هــــلالك بيـــن وباجــــر يسمــونــــي السبيّة

1
محــرم جيتـــك أجلهـــا خـــل عيونــي ترتاح
بعـد مابيـه حيـل أحمــل بعــد دمعـــات ونياح
ولا عندي استطاعة أنظر مناحر فوك الرماح

ولا أريـــد أنصــدم بعضيــدي بــدر الهاشمية

2
محــرم كافــي بســك للـدمــع ماظلــت عيــون
بـيـن الخيـل ماأريـد أنظــر أيتامـي يركضــون
وخيمنا محركـه والكـوم تنظرلـي ويضحكـون

محــرم والشـمـــر يضربنـــي ويكطـــع أديـــة


3
على وجه الهـلال أجـم حـزن عاينتـه مرسوم
شفت نحـر الرضيـع بجـف أبوه أبنبلة مفطوم
ومن جسم الحسيـن بكربـلاء مسلوبة الهدوم

وخنصـر منبتـر وضلــوع مسحوكــة ورخيــه

4
محـرم شـرد اسولـف باجر يحركوهـا الخيـام
ولا يسلــم علـي ولا بالعــرس يتهنــه جسـام
وبيـوم اهـدعش تـدري بخرابــة عيونــه أتنام

وعلــى رأس الابـو تتوفــه مــن عدنــه رقيــة




5
محرم عندي موقف بس صعب لو ردت احجي
مـــن كلــي الكمـــر سهــــم المثلــت لا تشلعي
ياخويــه يزينــب هــــل سهـــم بعيونـــي خلي

خــاف تحشمينـــي والاخــــو جفوفــــه رميــة

6
بعد ماتنتهي ويروح كلشـي ويمشـي الحسين
أروح ميســرة لديـــوان آميـة ويــه النساوين
محــرم آنـه زينـــــب وينــــي ويــن الدواوين

محــرم ماكفــاك الصــــار والسويتــــه بيـــــه

شطره
امجـــد صــــاحب الشطـــــــري

https://t.me/oydgh باز کردن / نظر دهید

2022-07-16 18:59:52 قصيدة اساس ليلة 2 محرم

أول شخص حبيتك
مثل الهوى شميتك
كل لحضة من سنيني ادعي ودمعتي بعيني
خادم إلك خليني

1
خادم تحت أمرك عايش على ذكرك
كل عمري خلصته وياك

ما افترك عنك عمري بده منك
يابو علي آنه بحماك

ماريد شي من دنيتي بس خدمتك هاي
اقبلني وقبل خدمتي مرة يمولاي
أتشرف آنه بمجلسك لو وزعت ماي

لو أخدمك كل عمري
ما وافي حبك ادري
بس نظرتك تكفيني ادعي ودمعتي بعيني
خادم إلك خليني


2
شهر الحزن لو هل بدموعي أتوسل
والبسهن أثياب الإحزان

انعه لقطع نحرك وجروح الــ بصدرك
ويلي على المذبوح عطشان

شلون ابخل بدمعي انه وأنت على الرمال
شلون ابخل بلطم الصدر وصدرك صفه وصال
شلون ابخل بالبس السواد وسلبو عيال


شهر الحزن لو مرني
يذبحنـــي ويألمنــي
والحسرة من تجويني ادعي ودمعتي بعيني
خادم إلك خليني


3
جمرة إلك بيه مشتعلة يومية
ماتنطفي بقلبي يحسين

مصابك ولا صاير بصدرك إلف حافر
ياعين توفي إلك ياعين

راسك يلوح أعله الرمح والضلع مكسور
والسهم نابت بالجبد والصدر محفور
ياعين توفي بالدمع بيام عاشور

شما عيني صبت يمك
متساوي قطرة بدمك
كل يوم من سنيني ادعي ودمعتي بعيني
خادم إلك خليني


4
بدونك شلي بعمري يلي أرفعت كدري
سويتلي قيمة بالناس

نطيتك فقط دمعة وحصلت هل الرفعة
منك ومن الكمر عباس

شكراً وألف شكراً على القدمته إليه
بس هذا مو همي يبو الروح السخية
كل همي أمك فاطمة ترضه عليه

والترضه عنه الزهرة
وكت المنية أتحضره
خاف الأجل يلفيني ادعي ودمعتي بعيني
خادم إلك خليني


5
مهما الزمن يفتر والدنيـا تتغير
تلكاني واكف على الباب

لاطمع يبعدني ولا أمر يرهبني
خليها هاذي بالحساب

أول محب لو عسرت تلكاني يمك
لو وحدي اظلن ما أهم يحسين أخدمك
غير آنه بيك اتولعت من فدوه لاسمك

آنه أقسمت للتالي
ماخالفك يالغالي
همه وعزم تنطيني ادعي ودمعتي بعيني
خادم الك خليني


6
قبرك الي جنة يابـو علـي اتمنه
يمك أجي واجري الدموع

محروم انه هواية ما امشي مشايه
دربك يبو اليمه مكطوع

قلب اليحبك سيدي شيطفي ناره
يايوم بالله ينفتـح درب الزيارة
مشتاك أشم عطرك وصد أعله المنارة

جم روح إلك مشتاكه
بالله شوكت نتلاكه
مديت الك جفيني ادعي ودمعتي بعيني
خادم الك خليني

شطره
امجد صاحب الشطري

https://t.me/oydgh باز کردن / نظر دهید

2022-07-16 18:59:52 قصيدة اساس ليلة 3 محرم

خايفه يروح الضعن ويردلي خالي
خايفه أترد عمتي وماعدها والي
كون نفس الفاركوني
للوطن كلهم يجوني

1
آنه ياناس العليلة أهلي ما أنساهم
خايفه يرحون مني وبعد وين الكاهم
ضلتي بالدار صعبة كون اروح وياهم
آنه متعودة عليهم مكدر بلياهم

عيني مشبوحة بدربهم ليلة ليلة
همه مايدرون بأحوال العليلة
يمته تنظرهم عيوني
للوطن كلهم يجوني


2
عشت وي أهلي سعيدة وما أحس بهمومي
وجان وياهم عجيبة بسرعة يخلص يومي
من سمعت حسين كلي للموادع كومي
رحت ملهوفة الغرفتي كمت ألم اهدومي

كتله بويه ابهل مسيه وياك أخذني
شلون أودعك وأنت مأخذ كلشي مني
ما أريد يودعوني
للوطن كلهم يجوني



3
عشت كل أيام عمري أبيت أبويه الغالي
وجان غير البيت هذا كلشي مايحلالي
جنت يم الباب اكعد من يجيني الوالي
والله وسفه اليوم غربة بيت أهلنا وخالي

جنت يم عبد الله اكعد يم رقية
هسه بس صوت الصدى يرجع عليه
وين أهلي الضيعوني
للوطن كلهم يجوني


4
هاي ياطفلة التقاوم هل العذاب القاسي
هجر تفكير ومشقة وحتى مات إحساسي
لاتسالوني عليمن (ليش شيب راسي)
راحو إعزاز من أديه وخذو كل أنفاسي

المثلي هسه آنه تنام بحضن أبوها
المثلي أهلها بهذا عمري يدللوها
ما اضن يعوضوني
للوطن كلهم يجوني


5
اليرحم بدلالي وينه وينطفي جمرة ناره
لليجيب أخبار منهم والله أنطي أبشاره
وصلو للغالي سلامي خل يعود الداره
كافي روحي تعيش غربة وبالدمع محتاره

قلب البنيه على الوالد حنينه
هاي إلي جم يوم أنه وروحي حزينة
الاحبهم عذبوني
للوطن كلهم يجوني


6
صرت من كد انتظاري ياخلك محنية
ايست وأهلي الغوالي ماوراهم جيه
لن أجه بشر ويكلي عمتج مسبيه
كتلي والغالي يكلي شيبته مدميه

لا خيم ظلت يكلي ولا حماية
بس حرم يافاطمة وراحت سبايا
للمصايب سلموني
للوطن كلهم يجوني

شطره
امجد صاحب الشطري

https://t.me/oydgh باز کردن / نظر دهید

2022-07-16 18:59:52 قصيدة اساس ليلة 4 محرم


سولف يابشّر وشعندك أخبار
على أوليدي الحسين شصار ماصار
حاجيني ييمه وأرحم بحالي
مو عالأربعة خبرني عالغالي
مابيه صبر والقلب محتار



1
حسين راح الكربله وخلاني وحدي بالمدينة
وآنه من ذاك الوكت أيدي أعله خدي بالمدينة
وهسه جيت أنت ييمه اليوم عندي بالمدينة
سمي بسم الله يبن حذلم وابدي بالمدينة

أول يمه ماتبديلي بحسين
صار هواي غايب شمعة العين
من هذا غيابه أنفطر دلالي
مو عالأربعة خبرني عالغالي
مابيه صبر والقلب محتار




2
مو على بعضك أشوفـك لـيش حاير شنو بكلبك
يبني أحسك مثلي هم مكسور خاطر شنو بكلبك
يا أهل يثرب كلت والدمع ناثر شنو بكلبك
لا مقام بهل الأرض مو حجي عابر شنو بكلبك

أحس عندك حجي ومصايب هواي
أحس ضامي أنذبح ماشارب الماي
أنزل من مهرتك وأكعد كبالي
مو عالأربعة خبرني عالغالي
مابيه صبر والقلب محتار



3
آه مـدري منيــن أبـدي يـم البنين آه ييمه
آنه خوفـي مـن اسولفلج تموتين آه ييمه
البقـه براسـج تره طاحن الجفين آه ييمه
جعفـر وعبدالله عالغبره مطاعين آه ييمه

آني ماسالتك عن الأولاد
كتلك يابشّر وين أبو السجاد
جاويني تراني منشغل بالي
مو عالأربعة خبرني عالغالي
مابيه صبر والقلب محتار



4
فاطمة راعي الكفالة أعله نهر نام حالة صعبة
جسمه ماينشاف ضايع من الإسهام حالة صعبة
بكربله لا ظل خدر لا ظلت أخيام حالة صعبة
زينب بحر الظهر تجمع بالأيتام حالة صعبة

عبد الله الطفل بالنبلة ذبحوه
ست أشهور عمرة بخيل سحكوه
بعد سولفلي شنهو الصار بالتالي
مو عالأربعة خبرني عالغالي
مابيه صبر والقلب محتار


5
سولفت كلشي وبقت حالة أخيرة يامصيبة
هو بس حسين ظل او ماكو غيرة يامصيبة
بلا نحر خليته وشلائه بحصيرة يامصيبة
عاري جسمه وحتى أضلاعه كسيرة يامصيبة

رأسه بالرمح يالحرة رفعوه
حتى خاتمة من أيده سرقوه
هسه بكربله كلشي تراولي
مو عالأربعة خبرني عالغالي
مابيه صبر والقلب محتار


6
الجنت احسبله أنه أيام والليالي راح مني
حسين مايرجع بعـد الدنيا تالي راح مني
يابشّر قلبي كسرته على الغالي راح مني
دموعي عالخد تندب باسمه وتلالي راح مني

شلي بعمري بعد وحسين مذبوح
راح أبجي لحد ماتطلع الروح
ويظل السؤال ايدور بخيالي
مو عالأربعة خبرني عالغالي
مابيه صبر والقلب محتار

شطره
امجد صاحب الشطري

https://t.me/oydgh باز کردن / نظر دهید