كتير من الناس اللي بتجيني في الخاص تشتكي من إستغلال أصحابهم لي | محمد | سايكولوجي

كتير من الناس اللي بتجيني في الخاص تشتكي من إستغلال أصحابهم ليهم تحت مسمى العلاقات ، ولمن نبدا نحلل المواضيع مع بعض بنلقى إنهم اللي علموهم الحاجة دي ..

- الواحدة تعلم صحباتها إنها حاتلبي كل طلبتاهم حتى لو كانت مش قادرة ، ولمن يجي اليوم وترفض صحباتها مش حايشوفوا إنها مش قادرة حايشوفوا إنها إتغيرت ..

- الواحد في بداية العلاقة بيغرق الطرف التاني بالاهتمام لحدي ما يتعود عليه ، ولمن يجي يتعامل بطبيعته الطرف الثاني حايشوف إن إتغير مش حايشوف إن طبيعته كده ..


فماف حاجة إسمها إن الزمن بعلم " اي شخص بيقول الجملة دي هو بيهرب من المواجهة ليس الا " ..

- إنت ما تنتظر الزمن يحدد ليك طبيعة العلاقة مع فلان ..
- ما تتنظر الزمان يخلي فلان يحترمك لان مش حايحصل كده ..

لازم في بداية اي علاقة وفي علاقتك الحالية برضو تحدد شنو الحاجات اللي إنت بتفضلها وشنو الحاجات اللي إنت بتكرها وتبدأ ترسم حدودك " علشان تسهل للطرف الثاني التواصل معاك ، وعلشان تضمن سلامة نفسك برضو "

ومن بداية العلاقة إتعامل بطبعك ما تحاول تقدم حاجة مش فيك حتى لو حاتخسرني مش فارقة " لأن يا أتقبلك بكده يا لا "

أخيرا :

- صحبتك اللي زعلت علشان ما لبيتي طلباتها
- شريكتك اللي شافت انك اتغيرت لمن قللت إهتمامك بيها ..

مش غلطانين ، لأنهم بكل بساطة مش عارفين حقيقتك لأنك لمن جيت إتعرفت عليهم واتواصلت معاهم بدل توريهم شخصيتك وقيمتك وريتهم حاجة تانية وعودتهم عليها وطبيعي لمن تجي تبطل تعمل الحاجة دي حايشوفوا إنك إتغيرت ..

الليلة لمن يوميا في البيت تاكل فول في الصباح ، وامك تقرر تغير الوجبة بعد شهر كامل حاتستغرب وحاتسألها الحصل شنو ؟

ده نفس اللي بيحصل في العلاقات، لمن تعودني على إسلوب معين وفجأة تغيرو انا ما حاشوف غير إنك إتغيرت علي !


فعلشان الواحد ما يقع في محطة زي دي ، من البداية خليك واضح " انا كده وكده ..الخ ، وبحب كده وكده ..الخ ، وبكره كده وكده .. الخ ، ومبادئ كده وكده .. الخ " فلو عاوزني كده اوكي ولو مش عاوزني براحتك

#محمد_سايكولوجي