بفتش ف صوري اللي ف التلفون قبل فترة كدة... وكنت بمسح نظام اخفف | محمد | سايكولوجي
بفتش ف صوري اللي ف التلفون قبل فترة كدة... وكنت بمسح نظام اخفف .. فا اي صوره انا اتصورتها وعجبتني كانت بي السناب نظام انو بيخلي الوجه والمحاسن أكتر طبعاََ ... ولما اتصور بكاميرا التلفون العاديه بالمعنى الحرفي بكون م متقبله الصورة وطوالي بمسحها طبعاََ...
فا الحاجة دي ربما خلتني افكر للحظة انو نحن بنحب وشديد نشوف روحنا حلوين شديد ف الميديا.. وبنخدع روحنا انو نحن فعلاََ بالجمال دة ولو شفنا شكلنا الحقيقي م ح نتقبلو..
الحاجة ديي بتجي من ورا المحتوي البتتابعوا وانو انت م مقتنع بشكلك لأنو بتشوف في ناس أحلى وليه انت كدة؟... كمثال ( والحاجة دي اكتر فينا نحن الإناث طبعاََ ) الليله بتشوفي وحدة متصوره ووشها ما شاءالله طبيعي وحتى هي بدون ميك اب حلوه... وانتي لا ... شويه شويه حتقل ثقتك ف نفسك وشويه شويه تقعدي تعملي حاجاات ربما تضرك اكتر من انو تنفعك عشان تصلي للشي اللي ف راسك...
المهم هسه تقبل شكلك الحقيقي حتى ولو كنت م جميل ذي كل الناس لانو الجمال أصلا نابع من القلب .. وكذلك م تحاول تغير ف شكلك أبدا عشان تصل لجمال فلان/ة عشان انت شايفو احلي منك.. + الجمال ما هو المحدد الأول لشخصيتك ... بالعكس ممكن تكون زول م سمح لكن عندك كاريزما وارهب إنسان ومحبوب جداََ من كل الخلق ومن ربنا كمان ... خلونا شويه نغير نظرتنا انو فلان/ة ديل سمحين وعشان كدة نحن نصاحبهم ونصاحب الناس ع اساس عقولهم وفِكرهم وفهمهم في الحياة .
