2023-06-11 15:57:01
بالحقيقة ربنا بيعطينا هدايا ..
مرة على شكل حُب ومرة على شكل أصحاب ومرة على شكل مال وصحة ومنصب وجاه وغيره..
بالغالب بننشغل بالهدية عن مانحها ..
وبتسيطر الهدية ع قلوبنا وبنحبها أكتر من حبنا لموجدها وخالقها ومانحها ومعطيها ..
وبنستمسك بالهدية لدرجة بصير صعب علينا نعيش بدونها ..
وقلوبنا المفطورة على حب الله والإفتقار إله بحل فيه ما سوى الله ..
ربنا لما يعطيك هدية بيعطيك إياها بإيدك بس للأسف أنت بتمسكها بقلبك ..
كرمال هيك بتعيش حياتك خايف من الفقد ومتوتر من إمكانية ضياع الهدية منك ..
وفجأة بتصير الهدية عذاب وسجن من صنع إيديك ..
بعدها بتجي رحمة ربنا
بتحررك من هاد السجن وبتنقذك من هاد العذاب ..
طيب كيف؟
من خلال الفقد ..
لما تنسحب الهدية منك ..
وقتها لحالك بتسترجع قلبك المفطور على حبه والإفتقار إله ..
بترجع إله بقلب منيب لكن هالمرة خالي من كل شيء سوى الله ..
بترجع وإنت راضي ومسلّم لحكمته ..
ومجرد ما أظهرت تواضعك وإخلاصك وصدقك وتضرعك ..
ربنا الكريم بيمنحك هدية تانية ..
بس بوقتا دير بالك ..
استلمها بإيدك هالمرة ..
مو بقلبك
895 viewsRaneem , 12:57