2023-06-05 17:24:27
بـ فيلم The Fault N Our Stars طلب البطل من حبيبته إنها تكتب تأبين إله وإنه يسمعه منها وهو عايش ..
فـ كتبت :
في الرياضيات
هناك أعداد لا نهائية بين الـ 0 والـ1
وكذلك هناك أعداد لا نهائية بين الـ0 والـ2
وعلى الرغم من كونن تنينن أعداد لا نهائية
لكن النوع التاني يلي بين الـ0 و2 أكبر ..
إن بعض الأبديات أكبر من غيرها
لما اتوفى اكتشفت إنه البطل كتبلها تأبين وكان كاتب فيه :
"إن هايزل اكتشفت الحقيقة "
إنو ما كان بدا مليون معجب كانت مكتفية بمعجب واحد ..
ما كان بدا تنحب ع نطاق واسع من كتيرين ، إنما ع نطاق عميق ..
وهاد اللي هية حصلت عليه بالنهاية
هاد الموضوع دايماً بيجي ع بالي لما بفكر بـ وجودنا بحياة بعض كبشر،
هل المهم بالنسبة إلنا هوي إنو ناس كتير تحبنا؟
ولا المهم هوي ناس بعينها هية اللي تحبنا؟
مع الوقت ترسخ جوا مني مبدأ التأثير العميق
وإنو وجودي بحياة اللي حواليي بشكل أعمق أهم جدًا من الوجود الواسع.
حتى بقصة التغيير ..
بتلاحظوا أنو سعيك ومحاولاتك العميقة رح تترك أثر بينما محاولات كتير مو بالضرورة تكون مؤثرة
البعض بطبيعته بيميل للانتشار
بس الحقيقة هي إن الوجود العميق هو الأثر الأهم ..
في حديث عن الرسول عرفته من فترة قصيرة بيقول:
"ما قل وكفى خير مما كثر وألهى"
وبعتقد بيأكد نفس المبدأ
إنو الواحد منّا يكتفي بالقليل المؤثر والعميق
أفضل من الانشغال بالكتير الواسع واللي ممكن يبعدنا عن الطريق الصح ..
عمّقوا وجودكم بحياة كل اللي بتحبوهم
وحبوا وجودكم العميق طول الوقت
لإنه بيقدر يغنيكم عن أيّا شي تاني ..
ولإن ببساطة
لو الحساب بالأرقام
رح تضل النظرية دايمًا مطروحة
ورح يضل مافي شي بيرضيك
لإن الأرقام ما الها نهاية
483 viewsRaneem , 14:24
ب
