2021-10-10 22:46:16
لسان حال السيده سكينه عليها السلام عند رجوعها الى قبور كربلاء وبكائها عند قبر الحسين عليه السلام
*
هذا الحنـــــــــــين الفاركيــته
وتحت الرمل هســه لكيــــته
وبدموع آهاتـــــــي نعيــــته
آنه سكنه العزيزه ناشديــــته
آنه سكنه يبــــــويه الدللتـــهه
ووياك بضعـــــونك جبتـــهه
وسفه بصحاري جا عفتـــهه
وكوم الاعــــــادي سلبتـــهه
كوم الاعـــــــادي عذبــــونه
وبحبال خشــــــــــنه جتفونه
واعله هزلهــــــــــم رجبونه
وبسياط يابويه اضربـــــونه
بسياط ضربونه اعله المتون
لاعدهم ظمــير ولايرحمون
كل ساعه واعلينــه يشتمون
واحنه بهظيمه تجري العيون
لسان حالها عندما بللت تراب القبر بدموعها
*
بويه اشــكبر فيــــك اعليــــنه
شلون جا تحمــــــل اسكيـــنه
كَلبي انفجــع واسمع ونيــــنه
بين البجي والهــــم رهيــــنه
بين البجي والهـــــم اذكــرك
طحت وحضنته رمل كــبرك
دافي لكيتــه ومثل صـــدرك
ودي اسمعن صوت نحـــرك
ودي اســـــــمعنك يغالـــــي
وتنشدني عن ذيج الليالــــي
وشسوة بســـكنتكم يوالــــي
من ودعت عزي ودلالـــي
من فرهدو خدري وســــلبوني
وفوك الهزل بويه اجتفـــــوني
للشام غصـــــــبن دخلــــــوني
وانه ابنيتك يوسفه ومرمروني
يناس ابويــــــه هاغلاته
احنين على ابنينه وبناته
ويتباهن بفيــــــه خواته
تمنيته يغطينــــي بعباته
https://t.me/pwvhj
أبو علي الركابي
#نسالكم_الدعاء
446 views⁽✺⃕₎ مۘلأ عليۧ ٱلوٱسۜطيۧ ⁽✺⃕₎, 19:46