عمر

2022-09-05 20:10:38 كتله كاااااافي اني مو خدامه وجاي تعيط بوجهي اذا امك هيج مهمه ومهتم بيها روح انت داريها لو صيح اختك لي شايله ايدها
موملزمه اني بخدمتها
باوع عليه كالي رهف وتردين بوجهي من شوكت
كتله اييي ارد كافي عاد طلعتوني من طوري شما اسوي اطلع موزينه
كالي شنو لي مسويته اشو لاتعرفين تقرين اطفال لاتعرفين تسوين شي حالج حال باقي النسووان مكضيتها بس بالبيت شنو لي متعبج
كتله لاتعيرني بالقرايه معليك بيه اذا عندي شهاده او لا
اني بزعت منك ومن جهالج ومن امك من اختك الشايله ايدها طلكني مروان هو سكت

كتله روح جيب معينه تساعد امك
واني استقبلها
اني ممجبره اخدمها اني مجبره بيك وباولادك غير هذا الحجي ماعندي وشتريد اسوي سوي
ميهمني بعد

وكف كال اها ميهمج ..
كاله اي لان كل شي يصير اذبوها براسي لهنا حدي ماكدر

زعل عليه ..وكام ينام جوة حتى اكل مياكل ويانه
ثاني يوم اتصل باخته كلها
ع الي صار
ورهف مدتكدر ..ع امي .
ماعرف شنو كلامهم بس اتفقو ع معينه ..
وبقى زعلان
وبقيت ما احجي وياه
حسيت بالنصر حسيت واخيرا راح تمشي كلمتي
واخيرا راح يسمع الي
ثاني

يوم جنت يم اسماء ..طلعت من الصالون ..

وطلعت ويايه كالت امشي نروح للماركت ناخذ كم شغله
مشينه مسافه ..
و
صلنه قريب ع الكوفي من بعيد اخذت نفس احسة ترس كل ريتي ..
دخلنه اشترت غراض واني هم اشتريت. .
وطلعت ..
من طلعت شفت خالد واكف بالجهه المقابيلها ..






يباوع عليه ..
بوست اسماء راحت واني مشيت للبيت
بعدني مماشية رن فوني

خالد ...

جاوبت ..

شدسوين ..

كتله طالعه ويا صديقتي ..

كال اها من شوكت عندح صديقه ..

كتله صار فترة ..

كال اهااا اممم ..وعفتي الكل صادقتي اسماء ..
سيمو ..

كتله وشبيها اسماء ..

كال. رهف حجايه وراس سطر وينختم الكلام
اسماء من هل اللحظة تكطعين علاقتج بيها ..

كتله ليش البنيه حبابه وصديقتي ونطلع سوة.

كال ..انداري ..

انداريت جان واكف ورايه ..
سدة ..
شبسرعه عبر واجاني واني قطعت مسافه قريبه ع البيت .

انصدمت كتله خالد روح هذا منا بيتنه

مال اعرف ترة منا بيتكم ..
بس عوفي اسماء ..

كتله شبيك وياها . تعرفها ..

كال هسة ليش تسالين عوفيها. وشو هاي مطلعه شعرج
وشهل المكياج
رهف شجاي تسوين وياها ووين جنتو ..

كتله هاي شبيك ..

شعليك انت ..

ابتسم كال شعلية مو ..اوك اني اسف . ع تدخلي

يلا روحي ..

كتله ما اروح ..غير افتهم ..

كال لا تفتهمين ولا افهمج دام شعليه اني خليج وياها
بس بعدين لا تجين عليه ..تكولين ساعدني اني معليه
مو
لا والله عليه ونص ..زين مو بكيفج انتي ..

عليه وجرني من ايدي امشي ويايه ..

وكفته. ..وين امشي هد ايدي ..

شبيك خالد ..

كال امشي اشوفج الشعليك شتسوي ...

كتله هد ايدي جان عاصرها قوي ..
وتقرب مني جر شالي غطه نص وجهي امشي ..
دفعته وخر ..خالد انت تخبلت ..

وعفته ومشيت ..
وصلت قريب البيت اول مرة اتعرض لهيج موقف بحياتي كلها ...
مو من حقه هيج يسوي ويايه ...
بس وصلت البيت ..
دك رقمي كلت هو ..
اشوف ميلاد

كلت هاي شتريد .
جاوبت ..
نعم ميلاد

كالت هلا رهف اتتي وين ..

متلها وين بلبيت يعني ..

كالت اها اني يم البيت .

انداريت باوعت صدك سيارة بالباب ..

دخلت اني بسرعه مسحت دموعي وخليت فوني صامت ..

دخلت سلمت .. وسالت عن امها والجهال ومروان ..

دخلت يم امها كالت اليوم تجي المعينه
راح تبقى يمكم ويمي ..
رهف وتبتسم ..

كتلها عادي ..

كالت شبيج ..حتى كلاص مي مقدمتي شنو جنتي طالعه
وتبوس بامها وتسلم عليها ..

كتلها اي جنت بالماركت ..

كالت اي شفتج هسة بالطريق ..

جمدت ..

ماعرف شحجي ..

كالت ..اني شفت بس راح اغلس
تدرين ليش لان لا اخويه ولا اولادة يستاهلون مثلج
سبحان الله الي مثلج اول ميتغير مكانه
ويرتقي ينحرف ةيرحع ليورة عمرة ميتقدم هذا
شي وارد منج .
لا طلعين حجج ماكدر وتعبت كولي ملتهية يابه

بقيت ساكته ماعرف شكول الها ...

كتلها اوكفي مو مثل ما انتي ابالج

كالت اي واضح بس جان مشهد هندي لازم ايدج بنص الشارع
شويه استحي ..ابنج بطولج ..
متلام امي بيج والله بس هي دواج
يا ساقطه ...

بهل الاثناء دخلو الجهال
واني مسطورة ومضروبه ع راسي .
خايفه منها
كل هل القوة الي عود بنيتها انهارت بكلمتين منها

حذفت رقم خالد

وبقيت بيومها بس ساكته حتى من اجه مروان
ما حجيت شي .
ولا هي حجت شي
كان شيئاً لم يكن
بس الخوف كتلني

اي اخاف لان اني غلط لو ممسويه شي ما اخاف
ليش وصلت نفسي لهيج ليش. .
اني مو ساقطه
والله اني مغلطت ليش الكل عليه .

رجعت قررت انتهى خالد وانتهت اسماء وانتهت كل قوة بنيتها
كل للحظه حسيت بيها اني حرة
كل شي انتهى وراح ..

رگبتي صارت بايد ميلاد. ...
شكد حاولت ابين الها اني مو هيج
ماكو شي بينه ..

بس مكدرت ..جنت اخاف اواجه باز کردن / نظر دهید

2022-09-05 20:10:38 يوسف ماما اخذ فلوس من جزداني ..

الك ..

سنا ضاجت وكعدت ..
بسرعه اني طلعت الدجاجه وقطعتها ..

حتى تبين مال بيت
وكل جيس وغلاف ذبيته بالحاويه البرة
وبهل الوكت الي اعرف بل نص ساعه يتاخر

سويت تمن ..
وصار اكل بيت ..

ولا عبالك من برة ...

كعدنا اكلنا وكلنا نضحك ونسولف
وكانما احنا اجمل عائلة بالكون ..
مرات احب هذا التمثيل ومرات لا اكرهه

بقيت هيج يوم يم اسماء ويوم يم خالد
خالد تجي ايام يختفي وابقى اسال وينه
اتصل بي يكول مسافر مدودة وارجع اجازة
عندي شغل عندي التزام ..

رحت يم اسماء ضايجة اتمنى احجي الها عن خالد
بس ليش احجي عنه هو مجرد صديق ..

دخلت وصرت صديقه للمكان
كمت اساعدهم انظف .اغسل سعر زبونه وهيج ..
اجفف شعر احضر الصبغ ..
اشياء خفيفه

كتلها اسماء هم حبيتي بعد ..

ضحكت كالت اووو كومه وربج ..حتى اجانب بس ماعندي حظ ..
خو واحد متت عليه اسمه ديمتري بس شنو رهف طول بعرض يعني صاك للستار ..
خوما مثل الي عدنه كرش متر وريحه العرك والجكاير تفوح منه ..اووع

كتله اويي اسماء ..وشصار. حبيتي

كالت عشتو اي حبيت ولج شنو ..من اشوفه اخرب ويذبون عليه مي واضل وارمش بعيوني ..
تالي متالي الارعن عافني ..

كتلها ليش ..

كالت مدري انقطع عني هو مطلك .وعندة ٢ جهال ويموت عليهم
بس شنو زوجته .. مسلوعه جنها ماسحه مال سحارة.
مسح ويموت عليه ..ابن الزفرة






اخذ قلبي وروحي وعقلي ..ذهب ولم يعد

كمت اضحك ..

كالت ضحكي ضحكي ..اكولج رجلج حلو ..

كتلها اي حلو ومرتب حتى يكولون احلى مني

كالت منو يكول المهمودة لو الحيزبونه .

ولج من. الحيزبونه..

كالت اخته عيد ميلاد سعيد ..
عساه بلا سعد ..

ولج كافي كافي ..

كالت شكد فطيرة لخاطر ربج انتي شايفتهم هنا ..
شكد يحترمون المراه. ورومانسين واجتي تقريت مني ..

خو ذيج الشغله ..يخبلون خوما مثلنه.
مثل المشايف. ..
تكولين يركضون وراه ..

كتلها كافي عزة بعينج .. انتي شنو

كالت اني كل شي وكلاشي وربج ..صار سنين هنا كل شي اعرف.

كتلها بس حرام اسماء ..

كالت هااا حرام ..اي عيني الحرام عليه. مو عليج ..

وبقت تسولف وكانما شي عادي ..
علاقاتها ..
حتى بدون خجل وتريد واحد يحتويها .

وتضحك تكول ياحلاوة نغص حنان ..

رجعت منها ...
اول ما طبيت ..
لكيت عمتي ..واصله للمطبخ .

طالعه ومتكولين
اني مريضه....
يله تعالي فركي ايدي....
وبدليلي وسويلي اكل...
تعالي وين رايحه كتلها هسة انزل بس اذب هدومي
بدلت ونزلت ..

كالت كومي ..

كتلها وين ...
كالت امشي انروح اليوم عرس صادق ..

بقيت ساكته يا صادق

كالت غبرة صادق ابن تحسين امشي ..لا السيارة تروح
رحت يمها
خاله صادق عرس واجاه ولد ..

صفنت كالت من شوكت البارحه عزموني ..

عفتها ..ومشيت ..
رتبت الصاله والمطبخ وسويت اكل...

وبدلت العمتي لي صار شي مجبر بحياتي...

اووف شوكت اخلص عاد
اجوي الاولاد
سلمت عليهم وصعدو فوك ورة
نصف ساعه طب مروان
السلام عليكم
كتله وعليكم السلام
رهف بسرعه اكل ميت جوع
صبيت غده وتغدينه كلنا ..
بقو هو وامه يحجون...
كملت كل شي من مواعين وبيت صعدت فوك

وسبحت
ولبست تراك وحطيت مكياج
واباوع ع روحي تغير بسيط وصرت كلش حلوه

كعدت ع السرير ..

ضوة فوني خالد
شلونج رهف
الحمدالله... انت وينك مختفي
كال من اشوفج اسولف الج ..

خالد لاتراسلني مروان هنا وخاف يلزم تلفوني
من اراسلك اني يله ترد
تمام ماشي..بس اكثر يستفزني من تكولين هيج وكانما احنا مسوين شي وتخليني الف مرة اتردداجاوبج ..واراسلج واحجي وياج






لا تخليني بهذا الموقف الخاين عبالك.

كتله ..الخاين ..
خالد اني داخون ..مو انت انت ولد ممتزوج ..

صاح مروان رهف وينج ..

كتله روح خالد ...

تمام باي
مسحت المحادثة ونزلت سريع
نزلت
جان يسالني عن دوة امه انطيته الباكيت
وامشي ورتب بالبيت رغم هو حيل نضيف
صعدت يم الاولاد اباوع عليهم .

لازمين كتبهم ويقرون ابتسمت
وسديت الباب ونزلت جوه ...

امشي حياتي ع احنا عائله مثاليه بس بالحقيقه احنا واحد مبتعد عن الثاني اي شعور اتجاه العائله ماكو
كتله مروان راح انام شويه
كل شي كامل ابقى يم عمتي

لان عمتي من وكعت وتمرضت
مكامت تتعارك مثل قبل
ولاتحجي اصلا تحجي
سوالف مال قبل ومرات
تحجي اشياء مصايره تهلوس
توني غفيت ..
اسمع عياط ..
فتحت عيوني مين هل الصوت
من جوة
نزلت سريع
اشوف
عمتي صارت زركه ع صفرة شايفها بيض
وتخربطت
احرك بيها متتحرك لاايد ولارجل
سكرها كلش هبط
بسرعه مروان كال انشيلها بسرعه
ر
بسرعه اخذها الطوارئ
ورة ساعه اكثر اجوي
دخلتها ويا
نوم عمتي بسريرها..وسد الباب وصاحني تعالي
رحن للمطبخ

انتي شلون هيج تعوفين ...

امي شلون متنتبهين عليها وين بالج...

عنهاا ليش هاملتها...

ويعيط بوجهي هنا اني فقدت اعصابي باز کردن / نظر دهید

2022-09-05 20:10:37 يعني حياتي هيج دمرت بسبب اهمالي لرهف
بسبب اهلي اني هي ماعرف
راح اتخبل والله .

شايف نفسك من تضيع وشي واحد يحتوك وتكون
متعطش اله ..

هذا اني ويا دفتر رهف ..

كل شي انهمل

بهاي الفترة صحتي بالنازل وزني نزل ٨ كيلو ..
شعري ولحيتي ..
كل شي بيه .
رجعع لصومعتي ..
رجعت اقرا ما تبقى من حكايه

..........
كتبت رساله ورجعت حذفتها وكتبت وحذفت
كل شويه افكار ابالي اريد احجيها
اله
اريد اكوله شكرا الك غيرت رهف شكرا الك خليتني اعرف
ادافع عن نفسي شكرا الك
لان اني تغيرت بسببك
شكرا خالد ..

كتبتهه ودزيته اله ..

اجاني رد ...
اني اشكر وجودج بحياتي رهف ..

بهاي الفترة يوميه احجي ويا ..واروح للكوفي التقي بي
نكعد نسولف نحجي ..
نضحك ..
يحجيلي عن حياته ..شلون طلع لهنا هو واهله
وشلون ولادة انقتل بالطائفيه ..
وشلون كام من جديد هم ٣ اخوة بس
وامهم وياهم ..

خالد مستمع ..جيد الي ..وينطيني حافز ..
وينطيني حلول
من حجيت اله عن عمتي ..

كال من ترجعين تخلين حد رهف هذا استغلال

استغلال وقت وصحة وغيرها
باعي رهف مهما يكونون اقوياء موني اقوى منهم مو شرط تتغاركين وتحجين وغيرها
لا ..
خلي الج قرارات ثابته ما اريدها ما اريدها .
مو ما اريدها وترجعين تشتغلين وتسوين العكس
باعي مال يطلكج كذب ميطلك هنا الطلاك يكسر الظهر حق وحقوق بي واغلبه لصالحج
انتي تدرين هنا جرائم تصير بسبب الطلاق لان يخسر الاول والتالي او يعلن افلاسه او ينسجن فصدكي انتي المسيطر الاول والاخير لا تخلي يستضعفج
ابد ..داعي بكل حقوقج ..
وحقوق اولادج

رهف اترجاج صيري قويه
الضعيف بها الزمن ينداس وينتهي ومحد يذكرة ..
حتى اطفالج يقون من تقوين انتي ..
اخذت حسرة ..
كتله ان شاء الله اتغير من اليوم. .

كال رهف اتمنى اطلع واتمشى وياج ..
بحديقه بسينما ..
محبوسين هنا بهذا الكوفي او ذاك.

كتله لا ميصير ..

كال لا تخافين مراح اخذج لمكان وحدنا نكعد نفتر ..ناكل
زين انتي شايفه غير هل الاماكن.






كتله ميخالف خالد ماكدر.

اوك براحتج ما اضغط عليج ..
وبقينه نلتقي .
ونحجي . بالفون
والكلام ميخلص ابد .

فديوم مثل كل يوم يمر عندي ..

دكت اسماء بعد ما جمعتني بيها علاقه وصداقه كلش حلوة ..

الو هلو رهوف وينج
هلو قلبي سماوي
بالبيت
ولج شسوين بالبيت
تعالي للصالون ونطلع نشتري كم شغله...
نفتر ...
باوعت الوقت بعد بي ..اكدر اطلع براحتي ..

اوك حبيبي مسافه الطريق...

باوعت ع نفسي بالمرايه...
لاي اطلع ولازم اغير لبسي وشكلي...

كمت انزل بالاوقات الي مروان ماكو...

ولاولاد بالدوام..وعمتي اكمل كل شي واروح ...

تحجي كومه بس اتجاهله وما اسمع الها او اغلس عنها..
اعوفها شسوي الها ..
كل شي كامل وطلعت . .

اكو اشياء بسيطه تغير كل الحياه ..وبديت اعيش الحياه ..

طبيت للصالون....

نفس البنوته استقبلتني
اهلين مدام تفضلي
كعدت وشويه طبت اسماء
سلمت عليها.....

وشسورنه شعرنه
كالت امشي
كتلها وين
كالت معليج امشي
رحت وياها طببتني
بمول جبير...

بي اشكال والاوان اول مره اشوفه

هاي شنو اسماء...

طبي اخذي كلشي تحتاجي.... هنا تخفيضات عدهم ..

كمت كل شويه اكدر شي مثل الجهال انزع والبس
وكلش فرحانه .
اخذت ..بلي مجمعته كله

...

كتلها اسماء اتاخرت لازم ارجع...

دوكفي شبيج نتغده...

كتلها لا لازم ارجع هسه الاولاد يجون..واني ممسوية
غدة
كالت وليش تسويت اخذي منا اي شي خلي ياكلو طلبي .
اوي توكفين وتكسرين ظهرج ع مال منو ..
هاي مهمودة الشيب عدها اكل

كتلها اي عدها لان اكلها محدد اطبخ واضم
كالت سهله ..
امشي نرجع من يم الصالون اكو واحد عربي يبيع تمن ومرك
وكص ودجاج بس شنو يموت
اخذي وروحي ..

رجعنا . ووكفت ..ع المطعم اخذت دجاج شوي ..
بس يجي كامل ...
اباوع الساعه عدت .
اخذت تكسي حتى اوصل قبل الكل .
ذبيت حذاىي ودخلته بالجزامه .

ودخلت ..
صارت بوجهي سنا ماما وينج ..

كتلها جنت طالعه ..
هسة اجيت شوكت جيتو ..
يلا بين متغسلون اصب الغدة
مديت راسي ع عمتي مددة ..

بسرعه صعدت فوك ١ميت غراضي بلوندري .
وبدلت ونزلت ..
من نزلت ..

اسمع سنا تكول .
ها بابا .






ايدي ع قلبي ..بس لا اجه ..

نزلت بسرعه

كالت هاك ماما ...

جاوبت ها مروان ..

كال وينج مو جاي ادك عليج وينج ..

كتله هااا مادري وين شامرته .

شكو ..

كال جاي بالطريق . لا تتغدون نتغدة سوة
محتاجين شي.

كتله لا ..

سديته منه ..
ودخلت المطبخ يوسف فاتح الثلاجه و سنا ..
كاعدة ..
كتلهم ماما ماكو داعي تكولون لبابا جنت طالعه

لان ابوكم ميحب اطلع . واني اختنك ..
من بيبي والبيت واطلع.

يعني كدام بابا خلي نكون طبيعين لا عراك حتى لا يحجي عليه ولا تحجون شي ..

يوسف كال صار

سنا كالت ليش انتي وين جنتي..

عطت بيها وين جنت يعني شوفي مشسورة شعري
جنت بصالون والله

بس ابوج النغصه كل شي ميقبل .. باز کردن / نظر دهید

2022-09-05 20:10:37 #الجزء الثالث عشر .....

جاوبت ...
نعم ..

جاوبني شخص ..انت شتريد مني ..

مكافي الي سويته...دمرتني

كتله منو حضرتك ...

كال ..والله والله لوما احنا عرب واعرف تصير سالفه شرف ..
جان بلغت عنك ..ابتعد عني ..
لا افضحك ..

كتله انت منو ...

كال اني خالد ...
كمت من مكاني

الله جابك ..لو انت رجال صدك تعال ..

اجي اجي مخايف منك اصلا اني دانتظر هذا اليوم. .

وسدة بوجهي ..

جنت شارب هوايه بس واعي ع نفسي وكلامي ..
واعرف شنو الي ديصير ..
بقيت اروح وارجع اباوع ع البرة كل شويه افتح البردة
اريد اشوف يجي صدك اولا ..
مرت ربع ساعه وماكو ..
رحت ع الموبايل ..
اريد اتصل بي ..
قبل لا اوصل اله اندك الباب ..

رحت ع السريع بدون تفكير فتحت الباب

شفته واكف واحد مقابيلي ..بس بيناتنه درج صغير
لزمت المحجر ونزلت ..
اريد انتبه ع ملامحه ممبين شي منه ..ضلمه والهوى بارد ..وضايع شكله بين الظلام والأشجار..
لابس قمصلة والكلو مغطي نص وجهه

كتله ..
انت صدك صلف ..والك عين تجي ..
تقرب مني بحركه ..دفعني بصدرة ..
ويخنزر بغضب ..

خالد /شتريد مني
شكو دور عليه......
دفعته
ولك ..شعندك ويا مرتي ..
اله اقتلك ..
اثنينكم قذرين ...

.........

ورحت عليه سريع ..لزمته. وبديت اضربه ..
نومني بالكاع..

مروان انت شدتحجي انت خربت حياتنا
انت قتلت رهف..
ليش قتلها ليش جان بقيته لاودها
جان عفته..
جان طلكتها ..

ضربته بوكس ع وجهه وكع بالكاع

من الشرب مداكدر ادافع عن نفسي

حسيت بي يضربني. ..

جنت اضربه ماعرف ..ان جان يصير بي او لا
نزلت ..ايدي
وبديت افقد ..

صح فاتح عيني بس استسلمت ..

اسمع صوته ..

يكول ..ابعد عني لا والله اندمك ..ماعندي شي اخاف منه ..
شتريد تسوي سوي ..

بقيت نايم بالكاع ..

وبعدها حسيت الشمس بعيني ..
ماعرف اي ساعه ..

اريد اكوم ماكدر ..احس عيوني بيها شي لان مداشوف زين ..

بديت اتذكر ..

وينه وينه هالجلب اله اموته ..

وكت كوة ..
اندار ماكو احد اريد اتذكر شصار بالضبط مداذكر غير اتصل واجه ..






دخلت داخل البيت جريت كرسي وكعدت ..

الدفتر واتصال ويكولي انت. القاتل ..

اباوع ع الساعه دنيا فجر
يعني اني كل هذا الوقت نايم برة ..

كمت للحمام داغسل وجهي ..

اباوع بالمرايا ..

جوة عيني مشكوك .

ووارم ..والدم تارس وجهي من الجرح

حركت فكي الاسفل كلش يوجعني ..

ا
فتحت المي ودخلت اغسل ..

كله بسببج رهف كمت اشرب كمت انهزم ..

كمت حتى ماكدر ادافع عن نفسي ..

كله بسببكم ..
دمرتوني ..اني لازم ارجع ..للعراق
الوضع كله تغير هسة ..

لا اني اقتله ..واغسل عاري ..
اي اقتله ..
وانسجن مو مهم ..
وخلي الاولاد يم عمتهم ..

هو كل شي ضاع ..مو مهم بعد . شيريد يصير يصير..

بقيت راسي جوة المي ..

اتذكر .. هو يضربني ...
واجه شكل رهف كدامي شلون غاطسة بالبانيو كله دم ..
مثل موجات الكهرباء براسي كل شوية ضوة وذكرى ..
خليت لاصق جروح لاوجهي و
طلعت من الحمام
ورحت .سويتلي جاي اريد اصحصح ..
كعدت ..
اخذت الفون
اتصلت باخر رقم دك عليع ..
بس جان الرقم مباشرا يتحول للبريد يعني مغلق .
حاولت مرة مرتين أكثر
ماكو ...

اريد اروح للبوليس اريد اعرف اكدر اسافر لو بعدني مقيد

اريد اعرف مجريات القضية وين وصلت

لا. وين اروح وجهي هيج هسة يجلب بيه ال المحقق

اتصل بي ...

لا ما اتصل ...

بقيت هيج بين اقتله وبين لا اسافر
وبين شنو انت قاتلها ..
وبين مواضيع هوايه ..احس راسي
بدا يوجعني اكثر واكثر ...
اريد انهزم واهج من الكل اريد اروح بمكان محد يعرفني ولا اعرف احد
اريد اختفي
مثل تشبيهه اشعر كأني شهب في السماء
اضيئ واشتعل فإسقط واختفي
الى الابد....
الى الابد ..اريد اختفي اريد كل شي ينمحي ..
شكد ضعيف وشكد جبان وشكد مغفل
مكدرت ادافع عن نفسي
ولا اواجهه
اني شنو اريد بالضبط
اروح افضحه
واخلي القضيه تنفتح من جديد
يجوز خالد قتلها
لا ليش يجوز
اكيد هو قتله ..شوف شنو جان بيناتهم زين هم ينام وياها
اي يمكن لان اخر ايام تعتني بروحها
هم جانت تكوله حبيبي وحياتي ..

ااااااخ ..هل الاشياء دمرتني
هل التفاصيل الصغيرة هي الي تقتل

شلون اعرف ..
لازم اعرف
احس معدتي توجعني من الجوع والقهر
والشرب ع فراغ معدة ..
اباوع على روحي الكدمات ماليه وجهي معقوله هذا مروان
هذا الي جان يصوم ويصلي ويشتغل
معقوله اهمال بسيط مني
يسوي حياتي دمار هيج






خسرت صحتي ومرتي واولادي
خسرت وضيفتي وخسرت صلاتي

شنو بعد اخسر اكثر من هيج
اني هسه عبالك عمري 80سنه لاصحه ولاعافيه

ايي مروان شنو مضموم بعدك
شنو ماخسرت بعد
ياا القدر شنو ضاملي بعد
اخ معقوله هاي حياتي
مو حلم وصحه منه
والكه رهف تسوي ريوك والاولاد بدوام لو هاي حقيقه

عقلي احسه وكف تعبان كلمه قليله اكولها

يعني كلشي ضاع من ايدي بالحظه باز کردن / نظر دهید

2022-09-05 20:09:41 بعد الصدمه ضربت راسي
اتذكر اتذكر ..
بس مذكرت شي ..
كل شي مشوش ...

مددت ...بالهول ...

غمضت عيوني وكل حياتي وياها مرت ..
بسرعه ..

كل شي مر سريع ..
فززني يوسف بابا بيك شي
فتحت عيوني شفتها دنيا لليل ...

كتله نمت. .

كال اي ...
واجتي عمه وراحت ..

كتله ليش مكعدتني ..
كال عفناك تعبان ..
تعال اكل ...
رحت وراه مثل الطفل وهو ابويه
صب الي من الاكل وكعدت اكل ..
وتجمع براسي كل الذكريات ..

اكلت لكمتين كمت ..

كال وين بابا ..

كتله هسة اجي ...

بسرعه ..اخذت السويج ...
وطلعت .بسيارة بالطريق شفت نفسي بملابس البيت
نزلت ع السريع ..
مقابيل الكوفي فتحت الباب شفت نفس الولد ..

ديعزل بالمحل ..

كال المحل مغلق ..
رحت عليه لزمته من هدومه كتله انت خالد ..
دفع ايدي
كال لا ..بعد ايدك ..

دفعته ..ع الميز ..
مثل الي خانكه ..

خالد وين انت خالد ..

كال بعد عني ..ودفعني بقوة ...
كال اطلع برة لا ابلغ البوليس ..

كتله كولي انت منو ..
اشر ع المكتوب بهدومه ..

اني محمد اقرا الاسم زين اما خالد ماعرف شنو الي بينك وبينه .
داكولك بطل . منا افتهم كلامي وبعد لا ترجع لهنا
وان رجعت ابلغ البوليس .

كتله اريد رقمه عنوانه اي شي يدلني عليه ..

رجع وهو شايل الفون وشوفني كاتب رقم النجدة ..

داكولك اطلع ما اعرف شي ..

طلعت ..من يمه ..
رحت للماركت اخذت مشروب
واذكرت هي داىما تجي هنا ...

سالت الولد عنها وعن خالد

كال اني جديد هنا ما اعرف احد ..

رجعت للبيت ..
واول ما دخلت ..طفيت كل الاضويه ..
واخذت المشروب ورحت للغرفه وبايدي الدفتر..
الدفتر صار ادمان

كلبت بالصفحات اغلبها رسم او شخابيط

بديت اقرا
اليوم تغير فعلي
اليوم قررت اروح لصالون وحدي بعد ما سالت ام صديقه سنا ودلتني ع صالون عربي ..

بدلت
ونزلت طبيت صالون سوري ع وصف رحت

كلت مرحبا
وكعدت
اجتني بنيه قصيره وسمره حليوه

كالتلي اهلين مدام شو بتحبي تعملي

كتلها اريد اصبغ شعري اسود واشسورة ..

كالت
تفضلي هون مدام...

رحت كعدت
بعد مدة اجتي عليه كالت تفضلي هون .
كعدت ع
متحرك وكدامي مرايه جبيره
حلوه وبيها شوار وكاويه ومقص
ومشوطه احجام مختلفه
راحت جابت صبغ ..
صبغتلي شعري
ولفته ودخلتني جوه شي حراري






وبنات بصفي كاعدت
يسولفن بس مو عراقي.. .

كالن شو هالجمال مشاءالله عليكي...

ابتسمت بحياتي محد كايلي اني حلوه
كتلها شكرا حبيبتي...

كالت لهجتك مو سوريا ...
ولالبنانيه
كتلها اني عراقيه وانتي....

كالت اهلين تؤبريني...

انا رولا وهاي رفيقتي دانا من الوطن العربي وضحكو .

كتلها تشرفت بيكم....

كاعدات يشربن جكاير وضحك..
ولبسهن كله صلوخ وحلوات...

بدو يحجون ..

كالت رولا انا هربت من اهلي..
مع رفيقتي وتعرفت ع ختيار بيصرف علينه...

تفاجئت شلون جرئه...

واحنا نخاف نسوي شي...

ابتسمت كتلها شلون امنتو بي...

ضحكو وكالو
ماكلو بيضحك ع كللو حبيبي....

هو كبير مختير وبدو مين يونسو...

ونحنو بحاجه لمصرياتو...

وهيك ماشيه حياتنه وانتي شو...

كتلها اني مزوجه وعايشه هنا...

بهذا الوقت كملو تسريح شعرهم واجتهن سياره راحو بيها

بعد ماطلعو اجتني بنيه عراقيه

كالت هلا بالوطن الحبيب اني اسماء اشتغل هنا
من العراق ثلاثينه جادة ابحث عن شريك
وضحكت ..

كتلها اهلا اني رهف
يلا تعالي اغسل شعرج ...
كمت وياها وبدات تسالني عن حياتي ..
وهي

حجتلي حياتها شلون نظلمت...وازوجت وانفصلت
وعانت لحد ما ابوها مات وتقاسمو الورث واجتي هنا عاشت
و
اخذنه ارقام بعض وكالت
نتعرف اكثر احتاج صديقات

غسلت شعري وشسورته طلع يجننن
كلش حلو ..
...

كلبت الصفحة وفتحت ثاني قوطيه مدري الثالثه تاهت
بقيت اكلب حجي عادي عنها وعن اسماء وامي والبيت

وصلت ..
كاتبه ..

من اصعب ما يكون تصادف نصفك الثاني نصفك المتكامل
تشوف كل شي فقدته بي
وتشوف احلامك تنولد من جديد
لكن تنولد بدون روح
كان شيئ مزعج ومتناقض
هل المشاعر الي تجتاح بثواني مثل اعصار من نار
وفجاءة تخمد وتنتهي.. وكأن شيئ لم يكن..
دوم كنت صريحة مع نفسي حتى في النوايا السيئة
لكن اليوم اني اهرب من نفسي
اهرب واهرب
اريد اختفي..
اشعر كاني شهب في السماء
اضيئ واشتعل فإسقط واختفي
الى الابد..
ايام طويله عايشة بغربة روح وجسد ووطن
فجاءة كل شي اتغير
اكعد الصبح احب نفسي وشكلي ومكاني
واسمي ورسمي حتى عدوي احبه

اني احيا من جديد واعيش

كل شيئ داخلي ينبض ويحيا من جديد
اشعر انني ولدت من جديد
اشبهه بمولد جديد ويرى الحياة اول مرة.....

رن تليفوني ...
وكطع سلسله القراءة ..

اباوع رقم غريب ...

منو ...يتصل بهيج وقت ...

جاوبت ...
نعم ..

جاوبني شخص ..انت شتريد مني ..

مكافي الي سويته...دمرتني

كتله منو حضرتك ...

كال ..والله والله لوما احنا عرب واعرف تصير سالفه شرف ..
جان بلغت عنك ..ابتعد عني ..
لا افضحك ..

كتله انت منو ...

كال اني خالد ...

وللحكاية بقية باز کردن / نظر دهید

2022-09-05 20:09:40 كعدت يمه ..
هيج حرام ميصير تسوي هيج شغلات بهيج عمر بدون زواج
باوع عليه كال بابا احنا مو اتفقنا وصرنا حلوين .

بابا شلون مادخل اني اخاف عليك...
من الامراض من الحرام ..

كام وكال اهووو ...
راح ارجع يم عمه ميلاد ابد مترفض طلب
ولاتحجي

شنوو ميلاد اني ابوك ..

عمتك تعرف انت هيج تسوي.. اذا تعرف اطيح حظك .
قاطعني.
اييي بابا تعرف ومتحجي شي لان هاي حريه شخصيه
وعافني وصعد...






واني هنا مصدوم معقوله هاي شنو ديصير اني لهل درجه غافل عن اولادي..اني مغيب ..
الحاضر الغائب ..

بسرعه اتصلت بميلاد ..

الو ها حبي مروان...

ولج ميلادد انتي شلون هيج تسمحين ليوسف هل الحركات والتصرفات
وتسكتين......
كالت صبرك خاي افتهم

كتلها انتي تدرين دخلت وشفته بوضع ويا بنيه ..

كالت اي ادري كلي ابنك مو صغير.

وخفت امنعه ويضيع من عدنه...

كتلها انت ..صدك تحجين لو تشاقين ..

يضيع ليش بعد هذا لي صار ماضاع هو..

كالت مروان اذا امنعه يروح ويا صديقته للبيت ويسوي لي يريده بدون ماعرف ..
انطيته الحريه والثقه ..ويحجيلي كل شي

هنا تخبلت نار وصعدت براسي...

كتلها كل عقلج انتي تشوفين.. .هذا تصرف صح ولج جاهل

وساكته اليوم هيج يعلمو باجر يخلو مدمن مجرم يسرق
انتي شنووو شلون تسمحيله هيج يسوي...

منا وهيج ممنوع تتدخلين بجهالي ...
انتي ربيتيهم تربيه غلط

انتي المفروض اصيرين امهم الثانيه ..
تعلميهم الصح من الغلط ...
مو تشوفين وتسكتين
ميلاد بعد شيلي ايدج من جهالي
ممنوع تدخلين..

كالت باوع مروان..اولادك اني وامي ربيناهم ..

كتلها ونعم التربية

كالت يلا وينك انت ...

انت لو اب حريص ع اولادك ..وبيتك
جان حافظت
ع زوجتك مو تجي هسه تحاسبني
ع تربيه اولادك..الي هي مو مسؤوليتي
جنت اكول ما اخلي اولاد اخويه الوحيد يضيعون بلد الغرب

اني الوحيدة الي كسرت ضهري عليهم وربيتهم
بوقت انت جنت مشغول بي ..
وامهم عدها علاقه بغيرك...

سكتت وهي سكتت ...
كتلها ميلاد ..يا علاقه ويا شخص ...

اوكفي ...

تراجعت بكلامها ...

كالت ..مروان ..اطلع الواحد من طورة ..

مو قصدي هيج ...

ضحكت بصوت عالي ..

قصدج خالد لو اكو غيرة واني غشيم الي نايم ع وجهي .

كالت مروان البنيه ماتت متجوز عليها اله الرحمه
هسة انت شلك بهل المواضيع ..

ترة ..ماتت ..

كتلها الحمدلله ماتت وله جان اني قتلتها ..

بسرعه سدت الخط ...

بعد بعد اريد انصدم اريد اعرف ...
هل المسرحية الي جنت عايشها منو ابطاله ..

اخاف حتى جهالي مو جهالي






يجوز جانت تخون حتى بالعراق

والله الي تحجي ويا رجال وتطلع كل شي تسوي .

نزل يوسف ..

كال هاي عمه تريدك ..من تليفونه

اخذت الفون ..
كالت انت غبي ..ترة انت تحت الرقابه شلون تكول جان قتلتها ..

مروان لا يذبوها براسك ..

كتلها تصدكين يا اختي مو مهم
اذا انتي ..اختي

وتعرفين وساكته ..

كالت شحجي اهجم بيتك ..

كتلها ليش هو بعدة ممهجوم ...

ترة كل شي انهجم ..

ولج انتو كلكم ضيعتوني
شكد لمت نفسي وشكد ايام ابجي ..
لان اذيته ..

وشكد وشكد ..
بس هسة احس اني ...غشيم

كمت اعيط ..

اني الي مكسور ظهري ..وانخان ..

اني الي ا تحملت اشكال والوان ولج بالموت اشتغلت حتى اسوي عائلة
حتى عائلة ما حصلت ..

اني الي ..انخنت ..من كل الناس ..
الكل الكل دون استثناء

ولج لو غرب اكول اي ..استاهل وطبني مرض والف مرض ..وبعد مرض
ولكم انتو اهلي..
تعرفين شنو اهلي ..
تعرفين اني مداعرف
عليج الله ميلاد اني مروان لو غير. اسم ..
زين اخاف اني مريض ..
وجنت اعرف بكل شي وهسة مثل امي صرت ..
فهميني ...
ولج كلكم كلكم مخدوع بيكم ...
كلكم مزيفين ..
كلكم ..غدرتوتي ..
انتي امي هي اولادي عمامي اهلها
الكل

مروان ..اسمع ..

ماااا اسمع مااااا اسمع ..
سديته منها ..

واني منهار ...

يوسف يمي يحاول يهديني ...

حضنته حيل ...
وكمت ابجي ..ابجي ...

اريد احد يلمني ..

هدات .وغسلت ....اكثر من مرة ..
ويوسف بصفي معافني توجيت. عليه ...
وراح كعدني ...
بالمطبخ ..
وكعد مقابيلي ...

كال بابا نكدر نتجاوز الماضي ...نكدر كل شي نسوي ..

رفعت راسي عليه ..
كتله انت تعرف ..

كام من يمي راح يم الطباخ ..
كال ..الله ريحة التشريب تجنن

يوسف كولي انت تعرف ..

كال بابا شعرف ..

تعرف شجنه نحجي اني وعمتك ..

سكت ..

كال لا ...بس هل العاىلة من زمان مشتته مو من اليوم
تاكل ويايه لو لا ..

عفته ورحت للحمام ..فتحت فتحت الصيدليه
اخذت من حبوب رهف الي هي جانت تكول عنها تساعدني ع النوم اني هم اريد انام وانسى كل شي
اخذتها..
وبقيت فاتح المي ..
اتمنى أسأل الماء
اتمنى ..عندة ذاكرة
وتنعاد واعرف منو الي قتلها ..
ثواني حسيت يمكن اني قتلتها
يمكن مريض مثل امي بالزهايمر وماعرف يمكن ..
فقدت الذاكرة باز کردن / نظر دهید

2022-09-05 20:09:40 اباوع دنيا ظهر صارت

كتله اروح اني

كال وين مو زعلانه ..

كتله ماعندي مكان اروح بي ..

كال اكو ..اماكن مو مكان اولا ترفعين قضيه طلاق ونفقه وغيرها
ورجلج غصبا عنه يدفع ..

وتشتغلين وادرسين وتعيشين حياتج ..

حتى اطفالج ..تاخذيهم ..

بقيت صافنه عليه الله الكلام شكد حلو بس الواقع
غير ..

كتله خالد
الكلام مو مثل الفعل ..
المهم اني اروح ..

اشكرك ع الكعدة الحلوة ..
مرت الساعات واني محاسه بشي
وشكرا لانك سمعتني .






بداخلي اكول اول مرة بحياتي احد بس يسمعني بدون طلبات بدون قيود بالكلام غير دفتري شخص يتنفس يسمع ويتجاوب
ويايه ..

كال اوكفي هسة ب ١
شنو رايج نروح نتغدة ..

اندل مكان روعه شتحبين موجود حتى باجه ويضحك ..
وع حسابي
ضحكت ..وكمت

هل الانسان عبارة عن طاقه وروح .

عكس كل الناس الي مرو بحياتي

هذا بس يضحك وكل شي عندة سهل وحلو ..
ردت اكعد مرة ثانيه بس خفت
لا مروان يشك بشي وين اروح قابل وشندل هنا
ويامحامي ويا طلاك ..
اروح اشوف عايدة شصار منها ..

ودعته ..ورحت ..
رجعت ...فتحت الباب ودخلت ..
من المطبخ ..شفت الكل كاعد ميلاد وابنها وجهالي
ومروان ..وعمتي يمهم ع الكرسي
شافني مروان

رجع ياكل ..
اباوع جايب سمج ..والكل كاعد ويضحكون ..

سلمت ..
ميلاد كامت ..
انطتني بوسه بالهوى ..

كالت هلو تعالي شلون سمج يفوتج ..عبالك مال ابو نؤاس

سنا كالت يلا ماما تعالي ..

كتلهم الف عافيه مالي نفس

صعدت فوك ..اخذت هدومي ..ودخلت للحمام ..
فتحت الدوس وجنت ابجي ..
ابجي اان اذا اموت بيوم ..محد راح ينقهر عليه ولا يفتقدني
بله اهلي صار اكثر من ١٠ ايام ميعرفون شي عني
اذا متت يحبوني ..
اذا بيوم متت هم يفتقدوني ..
ينقهرون يترحمون عليه
لو انسي وكانما منولدت ..

دخلت بالبانيو ..
ياريت عندي الجراءة انهي حياتي واختفي ..
يارب اذا تحبني اخذني
ما اريد اغلط ولا اريد اخسر شي
اذا تحبني ..صدك اخذني يمك اني تعبت من هل الحياة
اني انسانه مو صالحة للحياة ..
اخذني يمك انت احرم من كل ذولي الي محوني بحياتهم
تسمعني يارب تشوفني
اني هنا احقر وأضعف عبد عندك
اخذني يمك
بس ياللهي بيوم الي اموت
اريد تعذبهم ..
كل شخص اذاني تاخذ حقي منه ..
يمكن ارتاح بساعتها ..

ينفس هذا اليوم بليل
حاول يتقرب مني مروان
بداخلي صرخت كلت شهل الرخص شكد رخيصه عندك

كتله ..
بعد عني ..

كال ليش زعلتي ولد ويروح يم عمته

كتله كسرت كلامي ...

كال رهف ..عمته مو غريبه ..

كتله بالكذب ..مخابرت ولا سألت عني ..
ولا عرفت وين

كال اعرفج ترجعين لان تحبيني ..

.......

حسيت ع نفسي اني نايم ...

مداعرف الليل من النهار وهل الصداع مرافقني من اكعد لحد ما انام. .
باوعت ..
ساعه ب ٤ ..

زين اني شوكت نمت ..
حاولت ارجع بذاكرتي
اذكرت بيوم الي طلعت صح
ومن رجعت كالت جنت كاعدة بالحديقه
وهي جانت ويا خالد






منو هذا خالد ..

اسوء شعور هو الخيانه
يمكن اكو اشياء الواحد يكدر يتجاوزها ويعديها اله الخيانه

اكو شعور اشوف نفسي داكرر كلام رهف بي
من توصف شنو الي جان ناقصني ...
ودورت غيري
مو اسباب ..ما احس بيك ميفهمي ..

وهل الخرط
كلها تبريرات مالها داعي ..

احس نفس احساسها ع جود

احس تبنجت مشاعري
كمت غسلت ...
اخذت حبايتين بندول ..

صحت يوسف يوسف ..
صعدت فوك لغرفته ..
شفته ماكو ..
شسويتي بيه رهف قلبتي حياتي كلها
لا اعرف لليلي من النهار ولا اعرف احنا شكد بشهر
ولا كل شي

الملاك الي وصفته اختفى
اني كدام انسان مجهول مداعرفه ..
ابد

حاولت الحك ع جهالي ..الي ضاعو بسبب امهم ..

; بعد ماشفت يوسف بهاي الوضعيه ...

بقيت اراقبه ولد شاب مراهق اخاف عليه من الضياع
كمت بدون علمه اراقبه من يطب للحمام او يطلع بره بسرعه اطب افتش كتبه وجنطته هو وسنا ...

من الخوف لي بداخلي رحت للمدرسه سألت عنهم كالو زينين

سنا ماعدها شي وشاطره وعدها قناه باليوتيوب تسوي فيديوهات...واغلب فيديواتها طفوليه تحدي وغيرها ..
وجانت محبوبه كلش من صديقاتها ..
اطمئنيت من عرفت درجاتهم زينه ..
هل الايام تركت الدفتر ..
ما اريد اقرا شي بعد احس اكتفيت بلي قريته ..

بقيت بلبيت ..
وعرضت البيت مرة ثانيه للبيع ..

اريد ارجع للعراق ...
والفلوس الي عندي دنعيش منها لا شغل ولا غيرة
لا رياضه ولا اصدقاء

صرت حبيس الذكريات .. ضايع..
حاولت الم ما تبقى مني ..

وتعلمت من النت الطبخ ..
وسويت تشريب لحم
سنا يم عمتها اغلب الايام
يوسف يروح ويرجع

اليوم ..حاولت اغير الجو بالبيت...
نظفت الي اكدر عليه ..لميت كل غراض رهف من ملابس وغيرها وعبيتها باكياس ...
ونزلتها جوة ذبيته

نزلت لكيت يوسف مدد ع الكنبه...

كتله بابا...
اليوم سويت تشريب
ونظفت وكل شي تمام

ابتسم الي .. باز کردن / نظر دهید

2022-09-05 20:09:40 وصلت قريب عليه كتله خلي ابنك يسمع كلامي ..
لا تعصي عليه

كال ممسوي شي غلط بيت عمته ..عوفي يتونس

بقيت اترادد وياه ..

بهل الاثناء نزل يوسف وع صوتنه نزلت سنا

كالت اجي وياك يوسف هسة بس ابدل

اباوع الاب ولا يمه ..
وهمه متجاهليني ..

مروان كال روحي بدلي حفاظه امي وسويلها ريوك بسرعه وقت الدوة ..

ويفتر بالبيت هاي شنو الغراض بالكاع ..

ليش مذابه جاي ع النار
وين الخبز
مو البارحه جبت عيش.

وينج رهف ...

اني احس البيت يفتر بيه ..

كتله ..والله جهالك اذا طلعو اطلع اني هم

اندار عليه ..بعصبيه ..

يلا اطلعي مخبلتني اطلع واطلع يلا ولي

روحي عبالك نموت بلياج .
الناس تكعد صباح الخير انتي عراك ..
وحجج

عفته ومشيت جريت سنا امشي ويايه يلا يوسف انت هم
ولا واحد بيهم سمعني

كالو يعني حتى بيوم العطله تتعاركون.

تجون لو لا ..

كالو لا

صعدت فوك لبست الكدامي ..

ونزلت ..
مثل كل مرة اظن راح يجي ورايه يصيحني يكولي
تعالي وين ..
بس نزلت شفته ديحضر ريوك ..

عفتهم وطلعت امشي بخطوات ثكيله اكول هسة يصيحني لو جهالي يجون ورايه

اريد اندار وماكدر اخاف واحد بيهم ورايه
بس انداريت مشفت اي احد ..






شفت نفسي قريب الكوفي ..

اتصلت بخالد كتله اكدر اشوفك اليوم. .

كال خالد رهف نلتقي خارج الكوفي..

كتله لالا ماكدر غير بالكوفي يعني وين

كال اي مكان لان مكان عملي وما اخذ راحتي بي
كتله لا ماندل غيرة ..

كالي تمام تعالي

عبرت واني متوتره

وطبيت للكوفي شافني وابستم..

تقرب مني كال امشي منا اندل مكان حلو احلى من هنا هوسة لا تخافين والله ما اخطفج

ضحكت
كال والله .ما اخطفج عمي .انتي متريكه .

كتله لا ..طلعت زعلانه ..باوع ع ايدي

كال لعد وين جنطه الزعلانه ..

امشي هاي بعد اكو نسوان تطلع زعلانه ..
طلع قبلي ومشيت وراه

رجع كال امشي بصفي ..

كتله لا خلينه هيج الى ان نوصل المكان ..
جان يمشي واني وراه
امشي وارقب كل شي اخاف اشوف احديعرفني وارجع اتذكر اني ماعرف احد هنا ..
وصلنا لمكان ..
بي درج نزله ..
وعليه لافته هم كوفي ومطعم ..

فتح الباب ودخل اني بقيت ع الدرج ..

باوعت ع التليفون جنت اتمنى واحد منهم داك عليه

بس محد متصل
نزلت الدرج ودخلت

كعدت وكعد بصفي مو مقابيلي

كالي ايي رهف اليوم اريد اعرف منو رهف وطلع تليفونه وكال هاي راح اغلقه احجيلي شنو الي بچاچ
ومنو انتي

جنت متوترة ..

كال رهف هذا المكان محد يندله علمود جوة ..

بس هو هادى اتخيلي مرات اعوف مطعمنه واجي هنا

كال شتحبين تاكلين ..
كتله بكيفك .
فرك ايدة خوش ..عوفي نفسج الي اليوم
ايركج احلى ريوك ..
اجتي بنه اخذت الطلب ..
وراحت ..
سولفيلي ليش لحد هسة بلا لغه وغيرها

كتله زوجي ميسمحلي اطلع مو كلشي بكيفي

باوع عليه بستغراب ليش ?

كتله هو من زمان ميسمحلي غير للماركت اتسوق وكافي
كالي بس انتي مو صغيره وميسمحلج...

واحنا بدوله المرأه الها كامل حريتها

الج دور كلش كبير. هنا لا تهملي
باوعت بحزن كتله
مو مهم ..
كال لا ليش مو مهم هنا كل شي مهم هاي الدقايق الي تمشي مهمه..
ليش صيري قويه طالبي بحقوقج ..
كتله ..ماعندي حقوق متزوجه والسلام ..

كال والحب ...تحبي

بقيت ساكته ..ماعرف اي او لا ..

اخذت حسرة ..
كتله
اني من صغري مسلوبه حريتي..






هو باوع بهدوء
كالي رهف ممكن تحجيلي عن حياتج اني حاب اليوم اسمعج
كتله خالد
اني من كنت صغيره وممنوع كلشي عليه لاطلعه ولالعب ولاكلشي...
وكبرت هستوني وتقدملي مروان...

مجنت اعرف شنو يعني رجال
ولا شي قبلت بمروان في سبيل اخلص من هذا التقيد
بس طلعت منهن
وكعت بقفص ثاني اكبر

هو مروان واهله...

ام مروان وحده قويه ظالمه متعرف شنو يعني حلال وحرام ابد...

واخته ابد مانلتقي بيها كضتها شغل واني اربي باابنها

مروان يعشق امه فوك ماتتخيل يعني تشتمني وتاذيني ويعرف امه غلط بس يوكف وياها ضدي ...

حتى اطفالي حرمتني منهم ...

خالد طول مااحجي متفاجئ...

زين رهف ليش ماطلبتي الطلاق
طلبت وحاولت اكثر من مره واهلي يرجعوني يكولون ماعدنه مره تطلك
ويرجعوني مذلوله اكثر من مره
نزل الاكل جان طالب كل شي موجود بحيث الميز انترس وبدا ياكل وياشر اكلي
واستمري
مديت ايدي ..
لزمها
جريتها بسرعه وخزرته
كال

زين رهف ايدج ليش ترجف شبيج ? ..
بعدج صغيرة ..

خالد اني خايفه ..وراح اكوم غلط الي داسوي

ليش خايفه

اخاف احد يشوفني ويفهمون غلط ..من هل التصرفات من كل شي

اسف بس لزمت رجفه ايدج مو اكثر

كمت ..
اني اسفه لازم اروح ...

اندار اكعدي العالم انتبهت علينه ..اكعدي يا حرمه ..

وضحك ...

اكعدي والله متتكررر .

اسف جدا ..

خالد / تعرفين داحسج طفله ...

وتريد وتبجي ..اصلا تريد تلعب ..

اكلي وانسي نفسج ..

رجعت هدات مرة ثانيه ..

جنت احجي احجي لا حسيت بوقت ...

ولا هو حسسني بشي محرد يسمع
مني باز کردن / نظر دهید

2022-09-05 20:09:40 الجزء الثاني عشر



اصعب شي بالكون انك تكون وحدك
وحدك. مجرد من كل حقوقك
مجرد من مشاعرك
مجرد من ممارسة ابسط الاشياء الي تحبها انت ..

كل ظني من اسافر راح اخذ حريتي
لكن شفت القيود نفسها والاحكام والاعراف متغيرت.

بعمري كله ماشفت غير رجل بحياتي ..
فقط مروان ..

الي جنت دائما ..استجدي منه كلام حلو
او موقف او هدية يفاجئني بيها ..
او موقف ينسيني كل ايامي ..
حياتي محورها
مروان واهله واولادة

اي اولادة حتى ما احسهم اولادي ..
كل شي هنا ما منتمي اله غير هل الرسومات
وهل الاثاث
الي حتى هذا يحسسني هو جايبه بفلوسة
كل شي يكول اني جبت واني اشتريت
انتي جبتي من بيت اهلج ؟
حتى تكولين غراضي بيتي ..

هوايه اشياء ننساها او نتناسا
ها حتى تعدي الحياه وتستمر
لكن بعمري ما فكرت
هل الايام الي نعديها هي سنين عمري دتمشي
واني اركض
بين ارضي عمتي واداريه
وبين مروان وطلباته
وبين اولادي والبيت

زين اني وين من كل هذا
اني وين ..

.......

كعدت من الحلم مخنوكه جنت احس روحي من اوكع اوكع بمي ..
واختنك اريد اجر النفس ماكدر ..

بحيث اكوم من الحلم اشهك.

كوة ..

ماكو احد يمي ..عمتي. جوة
ومروان يمه. .

ايدي راحت ع الفون واتصلت بخالد
واني منهارة من حلم حلم جسد واقع
جسد حياتي .
جاوب اهلا رهف ..

جنت ابجي ..اني خايفه خالد ..

شبيج رهف .
ماعرف احس بخوف خالد.
وابجي وابجي بحيث اسمع يكولي ..

ترة مدافتهم شي ..اهدئي اهدئي رهف ..

ع كيف فهميني ..

ماعرف خالد ماعرف ...
خالد / حاولي تفهمين شنو الي متعرفي رهف.
اهدي وسولفي الي

اولادج بيهم شي زوجج ..

جاوبته لا .

لعد شنو الي بيج ..

كتله كابوس خنكني وماعندي احد اتصل بي انت اجيت ع بالي ..
واتصلت بيك.
اخذت نفس هدات نفسي ..

وسلمت عليه .

شلونك ..

بعد سكوت

اني زين بس فهميني صاير شي رهف.

/ لا مصار شي والله ..واعتذر اذا زعجتك ..

سديته منه خفت لا مروان يصعد ويشوفني احجي
كتب الي
رهف ليش ما انلتقي ...

ونسولف ترة اني مو مثل ما فتهمتي اني اسف من كتلج اجي يعني اجي ونسولف عادي ماكو اي شي ثاني ابالي صدكي ..






قريت ومعرفت شنو ارد ..

كتبت اوك نلتقي باجر ..

اذا صار عندي. مجال ..اتصل بيك الصبح ونتشاوف
واذا لا هم اكول الك ..

بس خالد لا تراسلني ابد اخاف مروان يشوف الرسائل ..

ختمت منه ونزلت جوة ...

شفت الكل نايم ..

والبيت هدوء اباوع الساعه عبرت ال ١٠ ..

اتذكرت اليوم عطلة ..

دخلت ع غرفه يوسف ..جان كاعد بالفراش ..

كعدت يمه يلا حبيبي تعال انزل اسويلك ريوك ..

كال ..مجوعان ...

ليش ..تعال اسويك بيض عيون انت تحبه ..

دار جسمه عني ..تعبان ماريد ..

تقربت منه وخليت ايدي ع راسة
ماما اخاف مصخن ..

بعد ايد لا مابيه شي بس اريد اروح يم عمه
اروح هناك اتونس هنا كابه ..كلش ..

كتله بس هل اليوم نكعد سوة ..

ماما اني اضوج من البيت ومن كل شي انتي وابوية بس تتعاركون لو ع بيبي لو ع كل شي..
مليت منكم
انتي من اني صغير بس تبجين
هو طالع ...

محد يحس بينه بس بيبي وعمه ...

لوما هم احنا شنو هنا ....

الحمدلله عندي عمه وبيبي حنينه ..
كتله
يوسف انت تاذيني بهذا كلامك ..

وماما اني مو صغير انتي تاذينه بكل شي

اني مناسي ابد .

من دفعتينه من الغرفه وتكولين جهالنا وجهالنا ذولي جهالكم ربوهم انتي..
ماريدهم ما احبهم ..

لو كل حجايه والثانيه حتى جهالي ما احس بيهم
ما احبهم ..

انتي اذا اكعد يمج متسمعيني ..

تريدين نسمع ابوك عمتك بيبيتك ..
وبس ..
انت تعرفين يالون احب .

لو الاكل الي افضله

لو اي شي عني ..

اذا تحبين تعرفين اسالي عمتي وبيبي قبل

كل شي يعرفون عنه ..

اما انتي لا
حايرة بروحج وبيهم ..

عفيه عوفينه الله يخيلج انتي وابونا عوفونه ..
تعبنه من دوركم ..

هسة اروح يم عمتي لو شلون .

كتله ..

ماما يوسف انسى الي راح ..وهسة نبدي صفحة جديدة ..
اني هم مداعرف شلون اتصرف وياكم
زين كولي شنو اسوي حتى تحبوني وتنسون كل الي راح
اني من احجي من تعبي ..غير انتو اولادي المن اروح

كام عني ..وتجاهل كل كلامي

كال هي عمه البارحه رجعت ..

راح انزل ع بابا احجي .ويا






اوكف يوسف ..خلي نسولف ..متروح

عافني ونزل ..

اني شسوي هسة بديت انظف بغرفته بعصبيه
وارتب بيها ..
شويه وصعد
كلي بابا قبل ..

كتله متروح مو بكيفك ..

كال ..والله بابا قبل ..

طلعت من الغرفه ..صحت مروان يوسف ميروح ..

صاح
ليش شتردين منه عمته موجودة خلي بليل اجيبه اني .

كتله ميروح يعني ميروح ...

صار .بالممر الجوة

كال هاي شبيج هايجة من الصبح ..

الولد ضايج ..عوفي

كتله مروان لا تكسر كلمتي ميروح لا تخليني هسة. اهج واعوفكم ..

كال يالله صبحنه ..بمصباح الهجة ..

بله وين ترحين ..لاهلج.

بديت انزل من الدرج .. باز کردن / نظر دهید