عمر

2022-09-04 15:33:17 ع كيف فهميني ..

ماعرف خالد ماعرف ...

وباقي الصفحة فارغه ..

ضجت رجع خالد قلبت الصفحة منو هذا خالد اريد اعرف منو هذا الانسان ..

لست من حديد..

ياسيدي انا لست خائنه
انا عاشقة
عاقبني على عشقي وليس خيانتي
وان كانت عداله السماء والارض تعاقب على خيانة الروح
فأنا على اتم استعداد
لتنفيذ الحكم
لكن رفقاً.
بروح اول مره تتذوق العشق



وللحكاية بقية باز کردن / نظر دهید

2022-09-04 15:33:16 كتله ساره منو
كال زميلتي بالشغل
ط
كتله يعني هي صديقتك

كال لاموهيج رهف اني ماتربطني بيها بس صداقه الشغل
ليش سئلتي عليها ?حجت وياج

كتله يي رحت للكوفي وكالتلي ادورين ع خالد

يي هي لان شوفج ويايه تكعدين سألت
هيج
كتله تمام
كال اكدر اشوفج باجر

ابتسمت تلقائيا
كتله ان شاءالله اشوف ضرفي

حطيت تلفوني
سرحت شعري وخليت كحل

ونزلت جوه مبتسمه عمتي نايمه

الحمدالله
مر اليوم طبيعي بين الكل بهدوء

ثاني يوم
حضرتلهم ريوك واني كلشي نشاط
وطلع مروان للشغل
والاولاد مدارس

كلت بسرعه اانظف وشوف شسوي غدة
لو اطلع من الجامد عندي اشكال
جنت فرحانه
ومتحمسة ..حيل
وفكر شلبس ..الجو حلو هل اليومين ..
البس بنطرون وقميص لو فستان. ..
طلعت من المطبخ دارتب الهول واشوف عمتي
عمتي نايمه
تقربت منها خاله
كومي شربي دوة
متجاوب
خاله ..

خاله
قلقت ..تقريت منها احرك بيها
ماكو اسمع نبض اكو

خابرت مروان
الو ها رهف
مروان الحك عمتي متخربطه ماعرف شسوي
كال شوفي السكر جاي جاي .
شفت السكر نازل
هي صاكه حلكها
ماكدر انطيها شي مروان ع الخط كال بسرعه دكي ع طوارئ

ماكو دقائق واجوي

وصعد مروان وياهم وراح
كل ضويه اتصل
ميجاوب
كلت ماتت اكيد ماتت

خابرني
كال السكر نازل وع المغذي ساعه اكثر ونجي ..

وكع قلبي اكلت رجفه من الصبح ..

دزيت مسج لخالد

صباح الخير خالد اسفه ماكدر اجي بسبب الضروف

كال صباح النور رهف
ليش خير
كتله عمتي تخربطت واجه زوجي
اخذها للدكتور
كال سلامتها

براحتج لا تفكرين ..ان شاء الله نلتقي غير يوم ولو اليوم اني اخذت اجازة حبيت نطلع نروح سينما
او مكان ..حلو
نكعد ماعرف حبيت اسمعج اليوم ..نغير جو لان اني هم بين الدوام والبيت

كتبت اله ..ان شاء الله غير مرة ..

كال / زين اكدر اجيج ..بلبيت مو الكل طالع ..

انصدمت بطلبه ..

اتصلت عليه

جاوب نعم رهف ..

كتلة اكولك انت شفتني تطلب هيج طلب شعبالك اني من ذني الي عادي عدها كل شي
انت لا عبالك قبلت واخذت رقمك عبالك كل شي عادي
لا غلطان عيب هل التصرف
واصلا اني الغلط مني ..انطيتتك مجال

رهف اسمعي ..انتي مفتهمتي مو بالي شي غلط

كتتله لا افتهمت ..

المهم احذف رقمي ..

وسديته واني ارجف

اني وين وصلت نفسي.

حتى يطلب مني هيج طلب

يجي هنا شيريد مثلا مو ابالهةشي غلط مثلا شكو انصلي

خرب برياجيل كلهم نفس التفكير الله ياخذهم كلهم
كلهم عقلهم
بشي واحد ..

يديت الدفتر واني اضحك من كل قلبي
وفرحان

حسيت نفسي انتصرت ..

رهف مو خاينه مو خاينه .

مروان مرتك شريفه ليش تخاف ..
بس هل الجلب اريد اعرفه منو ..
باوع ع الساعه بعد بيها وكت والكل مفتح

م
بدلت بسرعه ووطلعت ع وصف رهف رحت بسرعه عيوني ادور اوصاف خالد

وكبل عبرت للمطعم
وقلبي يدك نبضاته سريعه
كعدت اجاني النادل كالي تفضل
كتله
اريد كهوه
كالي تمام تريد شي بعد

كتله بس بلا زحمه خالد وين ?

باوع عليه بستغراب

وكال خالد بطل من الشغل
اني هنا نصدمت ....

بطل?
شنو بطل شوكت...

وانت منو

كال اني صديق قديم
كتله من شوكت بطل
كال تقريبا صار شهر
نصدمت اكثر
كتله
ليش بطل ?
كال مادري...

كتله زين عنوان بيته وين
رجع كال مادري..

كتله زين رقمه ماعندك ?

كالي انت بس كوليلي شتريدين منه
واني اوصله...

كتله بس كوله اكو شخص ديسال
عليك
احتاج رقمه
وشكد متريد اني انطيك
كتله انتو هنا كلكم
عرب

كال اي كلنا عرب هصة شنو المطلوب مني

كمت ودفعت حساب
كتله المطلب تكول لخالد مروان يريدك ..
ولو هو رجال يجيني

وكتبت رقمي ع الورقه الي جانت بايدة يسجل الطلبات
خلي يخابرني تمام ...

رجعت واني ممحصل شي
ردت اكله بسنوني الي راد يتقرب
من ام يوسف ..

دخلت للبيت صعدت ع يوسف شفت بغرفته ..

اخذت الدفتر وصعدت بغرفتنه بقيت اتامل كل شي
ع ترتيبها

اشتاقيت الها ..

اشتاقيت صدك ..

اريدها يني اريد اكولها اني اسف
تعالي اعوضج عن كل شي مضى
اني جنت اعمى مداشوف..اذيتج

كلنا قتلناج حتى اني ..
هنا ك واحس جنت ممقصر
هي الي قصرت بالكلام ويايه
هل التناقض تعبني ..

رهف ..وينج ..

اخذت من هدومها وحضنتها ..
خليتها ع صدري ..

وبلشت اقرا .

حلمت ..نفس الحلم ..كمت مخنوكه وبس ابجي ..

كمت خايفه من هل الكابوس نفسه

شفت نفسي اني واطفالي ومروان ..
بسيارة دنمشي بطريق
كله اشجار
جهه جبال والجهه الثانيه منحدر ..

طول الطريق جنه نسولف ونضحك ..
وكل شويه اباوع ع جهالي ومروان ..

فجاءة
الطريق صار اظلم ..
انظار مروان ماكو
ولا واحد من اطفالي والسيارة سريعه كلش
وصلت لنهاية الطريق

ووكعت بمنحدر .. وحدي ..
واكوم مخنوكه من نومي حتى نفسي مقطوع
كوة اجر النفس ..

كمت ابجي ..
اتمنيت احجي ويا احد ..

بعد مرور اكثر من اسبوع ..

ايدي راحت ع التليفون واتصلت بخالد

جاوب اهلا رهف ..

جنت ابجي ..اني خايفه خالد ..

شبيج رهف .
ماعرف احس بخوف خالد.
وابجي وابجي بحيث اسمع يكولي ..

ترة مدافتهم شي ..اهدئي اهدئي رهف .. باز کردن / نظر دهید

2022-09-04 15:33:16 وصلت يمي اني اسفه
اني ربيكا ..

وطلعت ونزل وراها ..

نزلت اني وكعدت بالمطبخ دخل ..

كال نعم بابا ..

كتله شنو هذا الي شفته ..

كال اعتبر نفسك مشفت شي ..

كتله شنو اعتبر نفسي مشفت شي هذا الي سويته حرام ..

كال بابا حرام عليه مو عليك ..

ابني شنو عليه مو عليك ..اني مسؤول عليك ..

كال ..اخ المطلوب شنو اروح يم عمه ..

اوكف يوسف .الي سويته غلط ولازم تعتذر وانت بعدك طفل
غلط ..

كال مو طفل عمري ١٥ سنه وعادي الي سويته ..

وهي راضيه وحبيبتي يعني ماكو شي راح يصير
لا تفكر هنا ماكو فصول
وجيب عمك وخالك

يوسف ...انت ليش احسك حاقد عليه ..

كال لا ماعندي شي وياك. ولا يا اي احد هنا .

ابني اخذ مني واسمع النصيحة ..

يعني هسة شتريد بعد ما اسوي تمام ادلل
وبعد ..

استغفر الله لا تستفزني ..

انت تتعاطى شي تشرب ..

كال لا لا ما احب الاشياء الي تفصل الدماغ احب اكون مسمتع بكل شي ..

مو مطفي ..

واخذ عصير من الثلاجه وبدا يمشي

بقيت اصيح يوسف يوسف
صعدت وراه اسمع صوت الاغاني وقافل الباب...

اني شلون حتعامل وياه وشراح اسوي شلون افهمه
هذا خطا

جانت كلش ادك براسي ارجع للعراق واترك هل البلد

الي آذاني بشكل ..
بعد ما اخذ الفلوس اعوف كل شي وارجع ...

اخذ جهالي واربيهم مثل ما اريد لهنا وبس

هذا اخر قرار ...

ومراح اكول لاحد راح افاجى الكل بزيارة وبعد ما ارجع مستحيل ارجع ..

بقبت افتر بلبيت
سبحت ..اخذتلي نومه ..
دزيت اكل ..

اكلنا وبقيت ساكت كل شي ما احجي ويا يوسف
اتصلت بسنا حجيت وياها

المشكله هنا الاساس لو كان اساسك صح مع اولادك راح يثمر اولاد صالحين
لو جان مثلنا راح يضيع الاول والتالي
واحتمال حتى بنتي تضيع

صار لليل ..

ومددت ..
وسديت الباب ..

وفتحت دفتر رهف
بعد ما يهمني شي اني حاليا اجردت مشاعري من كل شي ..

بديت اكلب بالاوراق ورجعت ع اخر كلام قريته

يلا رهف نبلش بقصتج العجيبه

حطيت ايدي ع حلكي هاي شبيه اني...
شكلت يارب ..

استغفرالله ياربي
جننتوني خبلتوني الله ياخذ رهف وترتاح منكم ومن كل شي
بقيت خايفه لا تحجي شي لمروان
وارجع واكول واذا حجت شسوي الها اني

بهذا الوقت عمتي تكرر وتذكر اخر كلام نكولة ..

و
عفتها وصعدت لغرفتي نزعت الشال
واني بالي مشتت
هو كلام ساره شنو يعني صديقهم
كلهم يعني اني صديقه حالي حالهم
اووووف ياربي شعليه اني ليش داهتم بهاي التفاصيل

نزلت سويت الاكل رتبت البيت
وعمتي من يمها تعالي عدلي افراشي
تعالي سوي مساج لايدي
تعالي شربيني دوه
ابشع شي هو من شخص يظلمك

ويجي يوم تكوم داري بي

ولازم غصب عني اجامل

وبدل حفاظات وسمع مهانه وووووو كومه

رحت يمها باوعت عليه هاي شنو شمسويه

كتلها شنو عمه شسويت

سكتت وبقيت احجي عن اشياء بعيدا عن الي حجيته كدامه حتى لا تتذكرة

اجوي الاولاد اكلو صعدو غرفهم

ولزمت التلفون اتصفح بي
وخالد ماكتبلي شي ابد
منتبهت لعمتي عينها عليه
شدسوين ..

كتلها هيج ماكو شي .

اجه مروان شافني
ماكال اي شي فقط باوعلي وراح يم امه

حطيتله اكل
مرتك هيج ومرتك
كلها شبيها

صفنت كالت غمتني ..وتتفل عليه ..

ضحك كلها يمه صلي على النبي
جان ايدي ع قلبي لا تحجي شي ..
بس مدتذكر
هالكد ما حجيت ودوختها.

بس مروان يعرف امه شنو واخر فتره مرضها لذلك
مااخذ بكلامها....

صعدت فوك ارتبه صار كم يوم عايفته
طلعت فساتيني
وملابسي رتبتهم بكنتوري ..

نزلت ع صوت عمتي تصيحني ..

نعم خاله ...

كالت اريد اصلي

هي من وكعت مدصلي ..

كتلها خاله شتصلين ..

مروان وين
مشفته يمكن طلع ..

كالت اريد اصلي يلا فرشيلي
خاله شفرش

السجادة

خاله متكدرين بقت تلح فرشي اصلي اريد اصلي من الله ياخذج حتى ٢لاه حرمتوني منها
اريد اصلي ادعي عليج

تلح تلح وزن براسي وتلح

كتلها خاله
انتي واعيه ترة انشليتي متكدرين ووضوئج مو نظيف لان الحاجتين جواج

سكتت ..

بل ١٠ دقايق ...

كالت لاااااااا هذا مي مو بووول مي ..
هذا مي غبيه مي ..
دخل مروان جايب غراض كتله استلم ترة تعبت صدك

كال شكو .

كتله تريد تصلي
وميلاد مو رجعت لو اني غلطانه

ميلاد شالت ايدها
من عمتي لاتجي
ولاتساعد كله رهف رهف
شصير اني...

بقى يحجي وياها واني
بديت اغسل الها
بين ماكملت عمتي وبدلتلها
حفاظتها وملابسها
رتبت البيت الهول مالتي مساحته حلوه كنبات لونهم كريمي

ستائر ابيض اللون وبي من الطرف الاسفل ورد

وسجاده بنص وسرير عمتي..

رحت رتبت مطبخي ...

وصعدت فوك غيرت فرشه السرير حطيتها لون ابيض اكثر لون احبه وطبيت سبحت
واحس المي يلجم بجسمي من التعب..
كلش تعبانه من الطلبات
والصعدة والنزله
احتاج هدوء .

اووف طلعت من الحمام ودانشف شعري
تلفوني كام يضوي لان صامت مسويته
فتحت المسج من خالد كاتب
هلو رهف ..
شلونج ?
كتبت اله

اهلا تمام وانت شلونك

كال الحمدالله

لحظه سكوت صار بينه..

كالي كلش مشتاق احجي وياج

كتله خالد ممكن اسالك سؤال

كال طبعا تفضلي ? باز کردن / نظر دهید

2022-09-04 15:33:16 كتلها بس هو باسم امي وامي مميته

كالت هنا الحل. .نسحب الوصايه من امك
لان امك غير مؤهله ..

وبهاي الحاله نبيعه هو المحلين ..
وهم حتى راتبها يصير النه ..

بس هاي تاخذ وقت واجراءات تدري اذا سحبنا وبعنه
هنا نشتري بيوت.

شتكول ..

كتلها ميلاد معناها نورث امي بالحياه

كالت مروان امك بس نفس صاعد نازل ..

اذا وافقت من باجر ادبر الفلوس الك
و امشي بالوصاية ..

كتلها صعبه ميلاد انطي مجال بالكي ادبرها
كالت من. ميت عليك وينطيك
هاك خوال جهالك بالكذب مكالو عيب منه
ومن جهاله بس همهم فلوس
ترة الدنيا تغيرت
كول اي ولا تفكر ..

بقيت متحير ..

وكل شويه احد يتصل
الى ان كلت الها اي ..

وجابت الي ميلاد مبلغ كامل وحولته .

هل الموضوع اخذ مني ايام ..
حتى الفصل صورو الي ودزو

وشلون اعتبروني اني السبب

وشلون تراضو ب ٢٠ مليون ..

والباقي راح مصاريف

شلون ما ادري .

بلشت ميلاد بالوصايه مثل ما اتفقنه
اني نسيت الدفتر

و جودة ..

واللتعيت بين ميلاد وبين بيتي وهل البلوة الي وكعت
ع راسي
بقيت كم يوم ابات يم ميلاد

علمود اولادي ..

اولادي الي احاول الم بيهم مثل المي المطشوش
وكلما اقترب يبعدون عني بقيت هاي الفترة ؤم
ميلاد

لان من تطلع الاولاد وحدهم ...

امي بعالم ثاني عالم اتمتى اكون بي

عالم النسيان اجمل عالم
انك تنسى اسمك
هويتك
كيانك
روحك كل شي
تبقى ضايع

اتمنى اضيع ..

واختفي وانتهي

اتمنى اموت ..

رحت كعدت ؤم امي بقيت اباوع عليها واتخيلها مثل مجانت توصفها رهف ..

كتلها ماما ..

رفعت راسها ..

انت ظالمه ..انتي عذبتي رهف وضيعتي عائلة
شتتي عائلة
دمرترني كضيت عمري حتى ارضيج وانول رضاج

تدري اني شداسوي هسة

اني واختي انطلعج عقلج مو سليم
امي

انتي وصلتينه لهذا الحال

جانت تباوع عليه واحس تفتهمني وتريد تكولي شي
بس بقت ساكته بحزن ..

كتلها كوليلي بشنو قصرت معقولة طلعت حيوان
بس هني النومه والاكله
معقولة مايوم كتلها احبج
لو مايوم حست بيه
لو انتي السبب
لو شمو فهميني
مثل ما وصلتيني لهدا الحال
تعالي رجعيني يلاااا

رجععيني رجعي الايام

رجعي رهف لاولادها

بقيتي تحجين تحجين بعدتيني عن كل شي

هسة ماعرف غلطان لو لا

يعني ..كل الي سويته جان كل رجال يسوي
ومجانت تشتكي
لهذا جنت اشوف كل شي يمر صح ..

وعادي ..

ليش جانت تسكت

ليش مجانت تكول اكو جانب بحياتي مظلم ..

ليش محبتني ..
ولا حبت جهالها

يمكن علمود مني

ماعرف ماعرف..

تدرين اول مرة اخاف
اخاف من كل شي ..حتى منج ومن اختي
واخاف اكمل المذكرات ..

اخاف اتفاجئ
اني جنت داىما اوصفها ملاك المضحية العاقله

كل شي اختلف هسة
اخاف اروح اضوف شمكتوب ما اريد ادخل البيت ماريد اتفاجئ
مااريد اعرف شنو الي صار ..

اني اخاف ...

كالت تعال ..
حبيبي تعال ..

اجيت قريب عليها واني ابجي جنت اشهك ..
مثل طفل ضايع بازدحام ويدور بالوجوة وجه امه ولكها

تقريت منها وخليت راسي بحضنها
بقت تمسد بي

كالت ..

يمه شوف اخوك وين صار كتله ..
جيب خبز وما رجع ..

ضل بالي عليه.

بجيت اكثر ..من اعرف هي هم سجينه الماضي ..

لا تبجي يمه اخذ من جزداني ..فلوس واشتري الك ولاخوك طوبه ..

ولعبو كبال الباب ..
لا بعيد لا ادك الغارة...

كمت منها ومسحت عيوني ..

كتلها حاضر ...
ادللي راح اجيب طوبه واطلع اخوي من كبرة ونلعب اني ويا ..

هسة ..صار من عيوني ..

بند ما تريدين اجيب ابويه بالمرة ..

باوعت عليه ..

كالت انت منو ...

عفتها وطلعت من الغرفه ..
لبست حذائي ..
واتمشيت للبيت ..جان الجو بارد ثلج بحيث من اخذ نفس احسة بنص صدري يجمد

دخلت للبيت

البيت اظلم ونظيف وهادى

رحت للثلاجه اخذت مشروب وفتحته.
اتصلت بميلاد كلت الها اني رجعت للبيت
اريد انام بفراشي
ويوسف طالع يم صديقه
و سنا دتاخذ درس
وامي المعينه يمها ..

بين مدامشي.

اسمع صوت بلبيت .

وكفت ..بسرعه كتبت رقم 911
بس بدون ما تصل

اسمع الصوت جاي من فوك ..

قلبي كام يدك سريع ..

وكفت ع اول بايه بدرج ..

للصوت مو واضح ..اهات ..ون ..

شنو هاي .

استغفر الله ...

صوت مو طبيعي ..

صعدت بايتين ونزلت ..
اخذت سجينه من المطبخ ورجعت ع السريع كلما اصعد كلما الصوت يوضح اكثر الى ان وصلت
لغرفه يوسف ..

الصوت واضح منا ..

بقيت واكف متردد ..
شنو الي ديصير جوة
بس من هل الاصوات وضح عندي كل شي

معقوله ابني جوة

فتحت الباب سؤيع واتفاجئت بيوسف يقيم علاقه جنسيه مع بنت
والاثنين كانو عريانين تماما.

بسرعه سديت الباب ..
وبقيت واكف متفاچى

ابني كبر ويفتهم هل الامور وعندة غريزة
زين شلون يجيبها لهنا ..
شبسرعه ..كبر وفكر بهل الامور.

دكيت الباب ..
دقيقتين وفتح الباب ديلبس التيشرت ..

والبنيه كذلك دتلبس جانت صفيرة بعمرة ..
الاثنين اطفال ..
كال هسة افهمك

كتله خلي تروح .

اسمعها تكول جوزيف ..

كتله منو هذا جوزيف ..

كال بابا هسة افهمك ..

اخذت غرا١ها وباسته من خدة باز کردن / نظر دهید

2022-09-04 15:33:16 الجزء الحادي عشر

اهل زوجتك هدو علينه بليل ..

ودكو بيتنه وبيتكم مكتوب عليه مطلوب عشائريا
وانطونه عطوة ..

نجيب عمامنه ويفصولنه ع موته ام يوسف
يردون فصل ..

بقيت مصدوم..بعدت عني الهوسة وكمت من مكاني

شنو يعني شيردون هي ماتت انتو شعليكم..
جاوب علينه مو علينه هذا الي صار تعال شوف الك حل خابر دز احد عليهم احنا شنو ذنبنا فهمني
اتهجولنه احنا وجهالنا وانت هناك مرتاح ..

اوكف اوكف ..غيث بس اسمعني ..

شتريد اسوي هسة ..
انجر التليفون منه .

وبدا عمي يصيح ..عليه ..

تعال طلعنه من هل البلوة شنو انت كاتلها مسممها شمسوي الها ..

جاوبته عمي والله ممسوي شي والله ...

بقى يحجي وكال خابرهم وافتهم منهم احنا مالنه دخل
هي ماتت احنا نبتلي ..

بعد كلام هوايه سديته منه دايخ ..

اندكت الباب

رحت افتحها ..

ميلاد ..
كالت مروان شلونك وباستني ..هاي شصاير بيك ..
لحيتك ..وتفتر بالبيت شنو هاي مروان
شنو هاي ..هل الهوسة ..
وبدات تفتح البردات والشبابيك ..

اني كعدت وخليت ايدي ع راسي ..

جابت جيس وبدات تلم القواطي والغراض الي مشمرة

شفت اهل مرتك الشفيه شمسوين ..

/ اخذت حسرة ..وحلها شنو ..

مالها حل غير تتصل بيهم وتفتهم ..

بيت عمي شعليهم ..وشنو صدك همج ..احنا شعلينه ..

بربك ذولي بدل ميكفون وياك ع مصيبتك ويسالون ع جهال بنتهم هيج يسون
يعني شنو من عائلة

بتهم بحياتها محك ذكرها هسة صارو حنان عليها

زين هم خابروك ..

كتلها اي اكيد صار اتصال بيناتنه وحتى ع الدفن ..
ومن هل الامور جان كل شي ماشي تمام ..

مدري شنو الي صار ..

اتصلت بابوها يدك محد يجاوب ..
رجعت اتصلت برضا ..

جاوب
نعم ..
السلام عليكم شلونك رضا..

وعليكم السلام ..

ممكن اعرف شنو الي صار ..

اسمع ماعندة كلام ويام دم بنتنه بركبتك انت الي جنت سبب بموتها ..لو حريص اختي متموت
لو مامن عليها جان منكتلت ومنو يكول مو انت الي كاتلها
الك يومين لو ..تجي هنا وتنطي الديه مال اختنا
لو انت وعائلتك مطلوبة دم ..

كتاه انت واعي ع كلامك يا دية ..يا قتلتها ..
انت اكيد مو صاحي بابا هنا المحكمه برئتني تجي انت تذبها براسي ..
هاي بيا منطق تفصلوني ..اني شعليه ..
انتو خوال جهالي عيب هل التصرف تاخذون من فلوس اولادكم

كال اولاد اختنا واختنا ماتت
ومن يجون هنا هم يداعون بحق امهم الي انت. قتلتها

باهمالك.

اسمع يا ابن الناس العندي كلته لا دور بعد سوالف مالها معنى
تريد تسلم ع اهلك هنا لو لا
يعني انت اخر وقت تخالف هل المبادئ الي تربيته عليها

كال الي عليه كلته الك والباقي يمك ...

والله منخلي طابوكه بلبيت بيوتكم نحركها حتى بيتكم الي ماجري
نحركه ..
قد اعذر من انذر
الك يوم تنصب جادر ودز عمامك
غيرها متشوف بس الشر

وسدة بوجهي ...

ميلاد كالت هااا ..

كتلها ماعرف ءولي من كل عقلهم يحجون ..

يعني اكو هيج بشر ..
اني مالي ذنب بشي

تدرين ميلاد اكثر انسان اكرهه هو رهف ..

كعدت كبالي ..

كالت لا تكول هيج حبيبي بس مو كل الناس مثل قلوبنا طيبه
يعني هل البنيه بس اذية من يوم دخلت لهل البيت لليوم ..

اندارت شنو هل الاوراق والدفتر

كمت بسرعه عنها لميتها وصعدت فوك ..

ضميتها واني دايخ شنو اسوي ..

لا الفلوس الي عندي تكفي ولا اعرف شصرف

اتصلت بعدة اصدقاء داخل العراق وشرحت الهم الموقف
والكل كالو الافضل تنطي فصل وتخلص
لان يبقون اهلك هنا متاذاين ..

رجعت اتصلت بولد هنا ونفس الكلام وهذا يكول ادز اهلي وذاك يكول غلس
ومنا عمامي يدكون علية ..

اتصلت بعمي كتله
عمي ماعرف شكول الك
بس من حجية ياذوكم ..راح ادز الك مبلغ ..
سوي ٠ادر وهل السوالف
عمي بقى يغلط عليه اني رجال جبير ومالي خلك هل السوالف
ورطتنه ..

حاولت اهدي واني بقمة العصبيه ..

اخر شي كتله روح منك الهم مالي دخل عساكم ناركم تاكل حطبكم...

يعني مين ما اجيك مترضى ...
بقيت بلبيت اتصل منا ومنا
الى ان اتصل بيه نسيب عمامي
كال يمي الموضوع كله مروان
لا تفكر ولا تهتم بس الي اريدة منك
٣٠ مليون
بقيت مصدوم وهلي شكد بالعراقي..
وليش هل المبلغ

كال اصمعها مني اني ابن شيوخ
ومتربي ع السنن .

اذا انت مو مسبب رئيسي الفصل 12مليون و600 الديه
واذا يعتبر مسبب رئيسي ف 25 مليون
هاي السانيه العشائرية
مالها دخل بالقانون ..
واذا رادو يزيون مالنه حق نحجي بس اني حجيب هيج عمام وهيج خوال
ولعنك وكع ولخالك وكع
يمي ولا تفكر بيها اعتبرها مكضيه ..

اني جد تعبان نفسيا وعقليا
وكل شي بيه تعبان
مابيه افكر ولا اتصرف شي

ميلاد مراحت بقت يمي ونظفت البيت وسوت اكل اليه

كلت الها يردون ٣٠ مليون وتفض .

ميلاد / وهاي ضكد بالدولار

/شدتين اقل ماعرف ..

كالت وكل ضنك مياخذ اله كم فلس

كتلها ميلاد تعبت افتهمي ..
اني الي عندي ميكفي شسوي فهميني ..

كالت مروان هو بس اني وياك وامي تعبانه ..
شوف اكو حل واحد ..
نبيع البيت بغداد ..

كتلها وهيج ينباع بسرعه.

كالت لا اكيد نداين نرتب امورنا .. باز کردن / نظر دهید

2022-09-04 15:31:16 لزمت حلكي ..واني مصدومه شنو حجيت ..
سديت حلكي بقوة
وهي تباوع عليه ..
............

انقطعت سلسله القراءة بدفتر رهف ..
باتصال ...

وانقطع كل شي وياها قبل لا افكر منو خالد وشنو الي صار بينه وبين مرتي

اباوع هذا رقم عمي ..الجبير ..

بقى يرن كلت اكيديسالون عليه ويطمنون ..

مجاوبت
انسد رجع اتصل مرة ثانيه وثالثه ..

وبعدها اتصل ابن عمي ..

هنا قبل لا اشرب مي وابل ريكي بصدمتي برهف ..

خفت لاصار شي بالعراق مهم ..

لان اتصالاتنه محدودة ..

جاوبت
نعم

ابن عمي ..وينك ابو يوسف

جاوبت شكو صاير شي

كال شكو شصار يمك انت وينك وبصوت عالي ويعيط عليه ..

اهل زوجتك هدو علينه بليل ..

ودكو بيتنه وبيتكم مكتوب عليه مطلوب عشائريا
وانطونه عطوة ..

نجيب عمامنه ويفصولنه ع موته ام يوسف
يردون فصل ..

.....

وللحكايه بقية . باز کردن / نظر دهید

2022-09-04 15:31:16 شوي وذب جسمه جانب يمي وهو يتنهد..

ـ الشغل اليوم هواي وتعبت.. وتفكير
زين من الواحد يمارس حياتة الطبيعية ..

سحبت فوني متجاهلتة و هو يباوع

ـ ما ناوية تنامين

ـ لا مجايني نوم..

ـ شبيج شو تحاجيني بثكل.

الاحساس داخلي صار معدوم حتى العشرة الزوجية صارت حالها من حال شغل بيت وواجبات و يلة نخلص ننام..
ماكو مشاعر ولا غزل. ولا حب
من جنت مراهقة جنت احلم بالفارس و مشاعر حب رومانسية و نلتقي حتى جوة مطر او ضباب ما يهمنا..
شي
بس الواقع تعيس ..

حتى النومه طارت من عيوني
عفته ..يشخر
ورحت اسبح

رحت للحمام فتحت المي بالبانيو
وكعدت ع حافه البانيو
وبيدي التلفون ...اجه ابالي خالد
رجعت ع الغرفه بسرعه سحبت جنطتي ع كيف و اخذت
ورقم خالد
ورجعت للحمام
صافنه اراسله لولا متردده كلش
شعور اول مره احسه..
ذبيت الفون لا ما اراسل ..
ليش داسوي هيج ..
رجعت اخذت الفون
دارسل رساله كتبت هلو وحذفتها
قبل لاارسلها
رجعت كتبت هلو اني رهف ومسحتها متوتره حساس جديد
بس بقى الحذف ..

راسا
دز رساله

يا هلا ...
بسرعه جاوبت
كتله اني رهف

كالي عرفتج

كتله شلون ..

كال حسيت انتي راح تراسليني بهيج وقت

سكتت ماعرفت شكوله..

كتله شلونك
كالي تمام وانتي

كتله تمام..

كتله بعد شلونك ..

دز هههه هم زين وانتي ..

دزيت

راح انام

جاوب انتي مراستلني حتى تكولين الي راح انام

دز سمايل واحد فاتح عيونه ...

مارديت..حذفت كل شي ..وطفيت النت ..

بداخلي شعور ماعرف شلون اوصفه
خوف ع فرح شي غريب..
ع ضوجه ..
شعور غريب ..

كمت للمرايه اباوع وابتسم شبيه حلوة جسمي حلو و حتى وجهي حلو ..

غسلت وجهي وسبحت






حطيت ماسك لبشرتي واني ابتسم..

والله اني حلوه ويرادلي شويه تعديلات
باللبس والبشره ومكياج

ليش هيج مكبره نفسي

ليش ماتعلم السياقه
ليش اسمح لمروان يكولي انتي ثوله
ليش ؤجبرني ع اشياء ما اريدها ..

لازم اطب جم
واتعلم سياقه اطب مراكز تجميل
اغير قصه شعري اغير طريقه مكياجي
اني مناقصني شي
بقيت وقت طويل بالحمام افكر
ليش وليش اجتي بالي وقررت راح
اتغير من باجر اطلع اجيب ملابس وروح صالون اغير شعري قصته ولونه

اخاف مروان ميقبل وعمتي شلون ..
وارجع واكول لا مياخذ من الوقت هوايه . .

اووف تعبت من الافكار ..

مروان كلشي وكال متعرفين ثوله

طلعت من الحمام واني كلي نشاط وامل
وحب للحياه
نمت اول مره بحياتي واني افكر شسوي وشغير بنفسي

وكعدت الصبح ع صوت مروان حضرتله الريوك ..

وريكت عمتي ..

وعمتي رادت سمج ..

وماعندي ..

مروان كال جيبي من الماركت
تندلي مو

كتله اي

كال رهف دخيل ربج ..انتبهي زين مو جيبين غير شي
اعرف دماغج ميشتغل عدل .

جاوبته ليش ميشتغل عدل مروان

كال هاي شبيج اشاقه . ...

وصعد فوك يبدل

رحت ع مروان كتله مروان اني اريد اطلع اريد اشوف الناس اريد اعيش حالي حال العالم
هو جام ديبدل ويباوع صفح عليه
يتحضر يريد يروح للشغل
كالي انتي متفتهمين الناس بره
مومثل ماتتصورين الشارع شنو وشلون ناس بي

كالتله ليش مقيدني عوفني اجرب خليني اشوف اتعلم ماكو شي مستحيل

كالي انهي الموضوع طلعه ماكو هذا بيتج وكعدي وحمدي ربج..روحي جيبي مسواك حيري بجهالج
وامي وخلص ..
عافني وطلع...

كمتت رتبت كلشي... ونزلت للسوك اجيب سمك

ومن داطلع راحت عيوني ع الكوفي..

عبرت الشارع وطبيت اباوع بعيوني ادور ع خالد...

لكن ماشفته وكعدت ع الطاوله واجاني النادل طلبت عصير...

اجتني بنيه كالت ادورين ع خالد...

كلبي وكع من الخوف كتلها
لا ياخالد اني جايه اتسوك
وتعبت وطبيت اشرب عصير.
باوعتلي
كالت ترا عادي كولي جايه علمود خالد هو صديقنه كلنه
اني سكتت استغربت

شنو صديقنه كلنه ...

بسرعه البنيه عرفتني ع نفسها
كالت اني ساره من العراق
اشتغل هنا

وخالد اجازه اليوم

راح يقضي يومه ويا عائلته

كتلها اني رهف وبيتي قريب منا

بس بداخلي ضايجه من كلامها ماعرف شعور غيره او شنو احساس غريب..

حسيت خالد متاح لكل البنات

رادت تسولف تعذرت منها وعفتها وطلعت

انقهرت بداخلي كمت رجعت للبيت...
دخلت للبيت خليت السمك جوة المي ...
دخلت ع عمتي ..
مجرد ما شافتني

كالت وين جنتي

ليش اتاخرتي مشوفين اني مريضه عاجزة

واريد احد يداريني

شعندج هالكد بره....شدسوين ..

اني من كلام ساره قلبي يفور ...

من القهر وهي مستمره بالحجي...

تعالي قيسي ضغطي
ونطيني اكل
وعدلي فراشي
فركي ايدي خدرت

اريد اكل قبل الدوة

انتي ليش متتحركين

وكومه طلبات عبالك اني انسان الي
ولازم كلهن اسويهن بنفس اللحظه
تعبت حيل تعب منها
علما افهم كلامها وقت وعلما اتحرك وقت ..

وينج ..راح اختنك شربيني مي
من الله لا يوفقج
ولا يوفق ابني ذبني عليج ..

وكفت كبالها كلت الها..

بكل غضب اني اكرهج....
واكرهه ابنج واكرهه نفسي
واكره اليوم الي عرفتكم بي واكره حتى جهالي
شتريديييين كافي اسكتي دخت اسكتي اسكتي باز کردن / نظر دهید

2022-09-04 15:31:16 اني سمرة ..وشعري طويل صابغته صاجي ..
عيوني مو كبار بس رمموشي طويله لونها جوزي
خشمي موالم وجهي لا كبير ولا صغير
شفايفي ناعمه
شكلي حلو ..
مابيه شي انعاب عليه
حتى زوجي دائما يكولي اتشبهين
ياسمينا الي تطلع ويا علاء الدين

بس هذا لبسي من العراق
اني لحد هسة مماخذة شي جديد ماعدا القماصل
لان مو كل شي يعجبني ..البس القديمات شبي
لبسي
والبس ربطه ..
حتى مو شال
ولا اخلي قراصه ترفع الشعر
كل شي عادي وطبيعي
حتى اظافري دائما اكصها
....
يعني شسوي مثلا ..
كل واحد يريد مني شكل ..

...
عفت نفسي وكل شي صعدت ع جهالي بقيت احضن وابوس بيهم
اتمنى احس بيهم وهم يحسون بيه
واعتذرت منهم
وكتلهم شنو الي تريدو اصير
بس ما اريد اخسركم اني امكم
انتو اجيتو من روحي
ماعندي سي اغلى منكم من هل الكون كله بس انتو ..

نزلتهم اتغدو وبقوا يتعاركون ويحجون ويضحكون
رغم هل الهوسة
بس اني بوجوهم
سعيدة
مداعرف اعبر ولا اعرف شلون اكسبهم ..
.....
دقت ساعه الصفر واجتي عمتي ..
يمنا دخلناها اني ومروان
ووالجهال كلش فرحو بيها .

واني ..
بقيت صافنه عليها شلون
جانب كامل منها متاثر بالجلطه وشلون ع الكرسي ..
وبدا مروان يعلمني ..شسوي وشوكت انطيها علاج ويا حبايه وشسوي
اخذ نص الوكت
والجهال يمها ..
يبوسون ويشبكون بيها ..
وكف مروان
وكال شفني يمه مو داكواج هنا مكانج. الصح
شفتي الجهال شلون فرحانين بيج ..
هي تجاوب بس كلامها متقطع
يعني الجمل متطلع كامله ..

احساس غريب بين الحزن والرضا
استغفر اللع متمنيت انحط بهيج موقف ..
رغم ما اذتني بس جنت اتمتى ابتعد مو اكثر
والاصعب اداريها
مداكدر او مداتحمل الموقف ..

كال اني حنام هنا بين ما امي تتعلم ع الوضع ..

مر اليوم بين صاعدة نازله الدوا المساج
الدهن
والجمله كوة تطلع منها
نص يوم هلكت
بحيث ردت بس اخلي راسي ع المخدة اريد انام
حتى ارتاح
حتى اكوم للشوط الثاني ثاني يوم...

ثاني يوم كعدت من الصبح ريكت الجهال
وسويت اكل لعمتي ..
ورحت اوكلها
هي اديها اليسرى تشتغل عادي بس اليمنى
بيهت الجلطه تحسنت شويه ..
بديت اوكل واشرب جاي
ومروان طلع لشغله
بس الاكل ساعه يلا كملت ..






بقت تخزر بيه

شكو كتلها ..

كالت غسلي الي ..
جبت مي وبخاولي ناعم مسحت حلكها ..
ورحت ع شغلي
وكل شويه اتصبح عليه ..
اروح
تكولي عدلي رجلي
كلبي القناه ..

فركي ايدي خدرت
خلي الي دهن ..
تعبت طلعيني برة ..
كوة شلتها روحي طلعت خليتها بلكرسي وطلعتها بالحديقه الجانبيه ..
اباوع عليها من شباك المطبخ ..

صاحتني

تعالي رجعيني بردت ..

رجعت عمتي طفله ..
بس طفله مو مني ولا احبها
ومتعبة
اول مرة بحياتي الغدة هالكد يتاخر ..

اتاخرت ع كل شي بين ما اروح الها وارجع اكمل كم شغله ..
احس نفسي اركض ..
هنا وهنا
بيومها مروان اتاخر لان صار فترة يطلع من وكت
اجوي الجهال وبقو يمها
وراها ..صعدو
اني رحت يمها ومددت ع القنفه الي يمها
ما احس ع نفسي اله
مروان يكعدني ..
كمت

كال نايمه دنيا مغرب ..

كتله محاسه والله ..

كال ..اي محاسه وحفاظه امي طاكه..رهف ..

كلش تنرفزت ..اني شعلية ..

عمتي كالت اكعدها مكعدت يلا يمه رجعني واجيب معينه ترة مروان اني يوم واحد وتعبت ...مرتك متعرف شي
واني صرت ثكيلة
اوف لو عندي رجلين ..اوف

كال ليش معينه واحنا يمج والله ما ارضاها .
ع نفسي صدك تحجين يمه
من امداني اي والله امداني
اخلي الغرب تشيل امي
كلت بسم الله هاي اول يوم هيج ..
كتله اوكف مروان ترة نمت مصويت جريمه ..

كال ..مو
قاطعته وبعصبيه ..

كتله داكولك نمت ..مو متقصدة واذا ابالكم معينه جيبو افضل للكل ..

فتح عيونه عليه ..كلها
شللون ..
تريدين اذب امي ..

كتله لا تذبها ولا شي

صاح رهففف ..
عفته ورحت للمطبخ ..
وبقى يحجي ويا امه ماعرف شيكول
بس عبالك مو نمت اجرمت ..

اجه يمي

رهف فدوة لعينج كم يوم تحمليها ..
يعني لخاطري ..
هل كم يوم وبعدها شوف تجي ميلاد ونقرر
نشوف شنسوي
انتي الكبيرة الراكزة الي تفتهمين

كتله مصار شي
بس كم يوم مروان ..

مروان كدام اهله يعيش دور البطوله اكثر
ويعيش الحماس
وكل شي كدامهم يبرزة اكثر ..
واكثر ..

...
اخذت الطاسة والملحف ونظفتها مثل مدانظف طفل
حتى كريم وبودرة اخلي لان بدايه قرحه الفراش ..
ولا حمدا ولا شكورا
وكانما هذا واجبي
ومناك ميلاد تخابر
سودة عليه امي وسودة عليه
وعساها بالي يكرهوج

وهل الحجي الي يكصر العمر
.......

خلص اليوم بركض
مصدكت صعدت فوك اريد اندل الجربايه مين
طفيت الضوة ..






مثل كالعادة بدلت..

دخل مروان ورايه
بدون كلام ولا نقاش
نزع ملابسة و اجة كبل يحضني ويبوس بيه بوساتة تتناثر بتسرع يريد بس يكمل وينام ..

تقززت الوضع... ما احس بيه.. وتعبانه ..والف شغله براسي

كل همه مصلحتة..

رجع باوعلي لحظة وهو يتقرب مني بكل استعجال... باز کردن / نظر دهید

2022-09-04 15:31:16 رهف اني عندي شغل لازم اروح اكمل..

اني اسفه داخذ من وقتك

كال لا لا ابد ..بس هو طبيعه العمل هيج


ممكن ..اخذ رقمج ونتواصل بخصوص الرسم ..

وللحكايه بقية












الجزء العاشر ...
ممكن ..اخذ رقمج ونتواصل بخصوص الرسم ..

بقيت صافنه عليه ماعرف شنو ارد ..
ولا اكول ..

بقيت ساكته ..

اندار ع شغلة .

كال رهف ..كتبي رقمي ..

الله ذب عليه شكو غباء وثول بالكون بقيت هيج .

صافنه ..

كال شبيج ...

عافني وراح ..

اني هم من فشلتي كمت ..شلت جنطتي وغراضي ..

اجه سريع ..

خله ورقه بيها رقمه كدامي ..

وراح ..
احسن الدنيا كلها تباوع عليه ..
عركت وصخنت ..

اخذته بسرعه وطلعت امشي سريع وكانما الكل شافني شداسوي ..
امشي سريع حتى من عبرت الشارع بدون تركيز ..
اسمع صوت هوررن قوي ..

صحاني من الخبصه الي اني بيها ..

عبرت ع الجهه الثانية ..
الى ان وصلت قريب ..

يلا كدرت اتنفس طبيعي

عبالك جان يركض ورايه جلب...

وصلت قريب البيت ..
دخلت ..

اول ما فتحت الباب صار بوجهي مروان ..

باوع عليه بنظرة استغراب ..
فزيت كتله يمه اسم الله

وين جنتي ..
دخلت جوة ..كتله هنا جنت يم الماركت جبت كم حاجة
..
محتاجتها ...

كال مروان هاي شبيج شالج متخربط ..وجهج مخطوف

عبالك وحدة راكضة ..

بقيت واكفه ثواني ..

اذا يطخني اعترف بكل شي ..

اباوع ع ايدي ترجف ...

كتله جيت انسحك ...

كال / مو اعرفج ثولة مو مال اطلعين وحدج

من اكولج ثولة تزعلين ..

يلا ..صبيلي غدة داروح اودي والله تعبت من اروح وارجع ..

انوب امي صايرة فد مرة متنجرع ..تعبت

يلا فضيني ..
فزيت ع صوته
بسرعه ..
اخذت جنطتي وصعدت فوك بدلت هدومي ومروان بعدة يصيح وينج ..

جيت جيت ...

نزلت بسرعه خليت الاكل اله بالحافظات ..
اخذة

وطلع ..

هنا بقيت ..صافنه واني واكفه يم السنك ..

ارتب الاكل ...

اني شداسوي ..

اني ما تذكر فديوم شخص ..اخذت منه رقم او انطيت رقمي لاحد ..

اني شداسوي ..بروحي ياربي ...
شداسوي بروحي شراح يكول عليه يوميه جايتني
وتريد اكعد واسولف وياها
وانوب بس ساكته ..
وهسة انطاني رقمه ..






ماعندي تجارب سابقه ..
ما اتذكر فديوم حبيت لو تواعدت ويا احد

اذا اعيد اغنيه مرتين بمراهقتي امي تكول عشكتي ..
واي رجال يدخل علينه من الاقارب فهم بغرفه واحنا بغرفه ماكو اي تقارب
اخر ولد سفته بحياتي هو بالمدرسة وماتذكر من طفولتي شي
بخص الشباب لان حتى لعب بشارع ممنوع
جنه نلعب احنا البنات بالطرمه
واذا اندكت الباب منفتحها الع واحد من الولد ابويه مانع هل الشي
بس مرات جنه نباوع من ورة الباب ع العالم الي رايح والي جاي وجانت احلى ونسه بحياتنا ..

ومرات منطلع ابد لان ابويه جاي عصبي من الشارع
والي يتنفس ينضرب. .

اي ينضرب هيج بلا سبب يطلع حجج ويضربنا ..

واذا امي دافعت النا هم تنضرب
محد بينه فكر ينتفض ع ابويه
ولا اخواني
كلنا راضين بي ..
.....

اول رجل بحياتي مروان جان ..

اول انسان لزم ايدي باسني تقرب مني هو ..
ماعرف غيرة

يعني حياتي عبارة عن مروان واهله
ماعرف غيرها ..

مستحيل اقبل وادك عليه لو اتصل بي ..

انتبهت ع روحي ..

كاعدة افرغ الاكل ..ع الكاونتر
بسرعه ..رجعته بالجدر ونظفت المكان ..

وانتظرت الاولاد يجون ..

اول ما اجوي فتحو الباب

وينها بيبي

كتلهم مو هنا بيبي بعدها مجايه ..

سنا / هاي شنو مو عساس اليوم .

تقربت منها حضنتها وكعدت ع ركبي...

سنا ..
نعم ماما ..

اني..ام صالحه الكم ..

باستغراب شلون يعني ..مدافتهمج ..

يعني تشوفوني ممقصرة وياكم تحبوني ..

يوسف واكف بصفها ..

كال / لا ..

رفعت راسي عليه ..

ليش ماما بيش قصرت وياكم ..

كال لا انتي ولا ابويه ..

احس بيكم اتمنى اعيش بغير عائلة
كل الاولاد امهم وابوهم يساعدوهم بالدراسه وبكل شي

يلا انتي تعرفين تقرين ..متعرفين
سنا كالت

ماما انتي شكلج ولبسج حلو. .كلش قديم
اصلا استحي من تجين علينه ..
انتي حتى متحجين انتي ساكته دومج. .

انصدمت ..كمت كتله انتو شلون تحجون ويايه هيج ..
شلون اني كاسرة ظهري عليكم
انتي تحملت كل شي علمودكم ..
انتو ليش متخافون مني ومحترموني
علمود ما اضربكم ..
جنه نرجف من صوت اهلنه مو عاد هيج انجاوب
صدك معرفت اربيكم ..






يلا صعدو فوك ما اشوف ولا واحد بيكم

........

عافوني وصعدو
اني شلون ارجعهم اليه شلون
اني مبن الكاها من جهالي لو عمتي الي جايه
لو من منو ..

شسوي ياربي ساعدني تعبت وحدي
محد يساعدني ..

رحت ع المرايا شبي شكلي
شنو الي بيه يستعرون منه ..

شكلي هادئ ما احب المكياج
كحل بعيوني ..وبس ..
حواجبي دوم اني اسويها ..
حتى صالون ما اروح .. باز کردن / نظر دهید