عمر

2022-09-04 15:31:16 امشي دام الجهال بالدوام ..امشي منتاخر

انداريت عليه مروان ..مو وكتها ..

/ هو شنو الي مو وكتها ترة الملائكه تلعن بيج منا للصبح

انتي شايفه هنا شلونهم يفكن القلب

ترة لو اريد الف وحدة اتونس وياها بس اني اخاف الله بيج ..

ضحكت اي تخاف الله

المهم عيني هذا الاكل جهز ..واني ورايه صلاه

اريد اصلي ..

واريد احضر الاكل للجهال بعد ولا تنسى احضر العشا الكم
يعني ماكو لو تحسب ساعات وتجيني ..

كال / ضلي ضلي باهي سوالفج مخد يخسر غيرج ولا تلوميني ع اي شي ..

كال سويلي مكان بالهول لسرير داجيب امي شوف باجر شوكت

كتله مروان ..

عافني وطلع ...

راح ترجع يمي ..ياربي ..شلون مراح ارتاح
اتغير كل مزاجي ..

هو اني كوة طايقه نفسي مو عاد ..

هي يمي ومريضة

ما اتحملها نهائى

دك تليفوني ..

امي تتصل

هلو شلونج رهف يمه .

هلو ماما شلونكم .

كالت احنا بخير وينج لا تسالين لا تكولين عندي اهل اطمىن عليهم . ..

كتلها ملتهين وتعب يا امي هنا الحياه تختلف كلها ركض. بركض ..

كالت ..مصار عندج شي

جاوبت مثل شنو ..

جاهل
... لا ممفكر مروان ميريد بعد

...ليش اني بكدج كلكم عندي لعد هناك امهات الصلوخ ترة ياخذو منج ..
وعمتج شلونها ..وسهادة حبلى ..ما شاءالله
وابوج سكرة مزين ..

واخوج اجته بعد بنيه واختج جابت وذيج اجتي وعمتج شلونها

وبقت امي تحجي واسولف

ويايه...الى ان اجوي جهالي

اتغدو ..وصعدو كلمن بغرفته ..

احب هذا الوقت . يكون كل شي مرتب
وكل شي نظيف الي مثلي تنظف البيت مرتين واكثر في سبيل تقتل الملل .

اخذت الواني وبديت
ارسم .

ا



اتمنى يوما ما كل النساء تتحرر من قيود المجتمع

اتمنى سنا هي الي تختار وتقرر حياتها وتدرس وتزوج
شخص تحبه

لا اتمنى تصير مثل عمتها ميلاد قوية ..

ما اتمناها تصير مثلي ..

ما احب ضعفي

جنت اكدر ارد واكول لا متجي امك

بس سكتت ..

جنت اكدر اكول الزواج مو بس رغبه عيش بداخلي حس بيه
اني ولا يوم حسيت بيك

دائما اكون مجرد جسد وياك

جنت اتمنى اكوله . هنا القانون ساندني معاجبتك روح اطلع

ع جود وغيرها ليش ماعرف كل شي اعرف بس ساكته حتى المركب تمشي

حتى لا ارجع لاهلي ولا احد يشمت بيه

كل ظني عي هاي الحياه الزوجيه
ويمكن جريمتي اني اكتب وارسم الي بداخلي وكل تعبير يخوني هنا اسطرة بهذا الدفتر الي
ضميته سنين طويله والدفتر صار مجلد جبير ..
كد ما اكتب بي ..

رجع مروان بليل ضايج وكالب خلقته عليه ..

اخذ العشا وراح ..يم اهله

وثاني يوم من الصبح اجه ..

گلبب البيت عليه لان بلغني .اسوي مكان لعمتي حتى تجي هنا كم يوم ..

كال باجر تفرغين من الاثاث ..

جان يدور حجج وياية

انطيته حقه الشرعي في سبيل اخلص من عصبيته

وكلت عسا ولعل . ميجيبها.

جانو جهالي كلش فرحانين بيبيتهم

وينتظروها تجي ..

اله اني الي واهسي انكسر
حتى من نمت كضيت اليوم كله كوابيس

كعدت من نومي خايفه وعركانه من الحلم الي شفته

شفت نفسي اني واطفالي ومروان ..
بسيارة دنمشي بطريق
كله اشجار
جهه جبال والجهه الثانيه منحدر ..

طول الطريق جنه نسولف ونضحك ..
وكل شويه اباوع ع جهالي ومروان ..

فجاءة
الطريق صار اظلم ..
انظار مروان ماكو
ولا واحد من اطفالي والسيارة سريعه كلش
وصلت لنهاية الطريق

ووكعت بمنحدر ..

فزيت من نومي واني اشهك الهوى
لان انكطع نفسي ..

كمت اتعوذت من الشيطان ..وصليت
وباثناء ما اصلي طكيت بجي ع الحلم وحصرة الروح الي شفتها ..
وكلت ادفع صدقه لاي احد اشوفه بشارع
متسولين هوايه ..

بعد ما كملت صلاتي سبحت وارتاحيت وريكت الجهال والكل طلع
بقيت وحدي ..بالبيت ..
بقيت افتر كل شي نظيف
سويت مكان لجربايه عمتي ..
وكملت الغدى
بس بعد ماكو شي اسوي وجنت محتصرة

رحت للماركت ..واني اريد اروح للكوفي داخل نفسي

وبقيت اباوع ع الكوفي ..

اعبر واشرب شي لو اطلع كبل

احتاريت ..عبرت ودخلت ..
وشفت خالد يشتغل سلمت عليه
وطلبت كهوة ..

اجه كعد يمي وبقينه نحجي
كال شكد عمرج

كتله ٣٠

كال مستحيل ولا مبين عليج ..

اني ٢٨ ..
ومبين اكبر منج ...

ترة شكلج كلش طفولي وعيونج حلوة ..

سكتت ..ماعرف شنو اجاوبه ..
اني شكلي طفولي وعيوني حلوة .
صدك ..
بقيت ساكته ..

كال هم جنتي بربج ادكين الجرس ع الجيران وتنهزمين ..

هزيت راسي لا
كال شعجب ..

مستحيل اكو عراقي ممسويها ..

زين هم لعبتي توكي ..

...ضحكت اي اكيد ..لعبت

كال اي سولفي ..لا تسكتين ..

زين شتحبين .

شنو شحب

هوليتج

هوايتي ...

ابتسمت اله كتله كلش احب الرسم ..

كال عندج نموذج ..

كتله اي هاي بالموبايل ..شوف ..
وشوفته عدة رسوم ..

كال كلش حلو ..زين مفكرتي تساركين بمغرض
يجوز هاي الرسوم الي تشوفيها عادي
تربحين منها فلوس

ضحكت كتله هاي شنو

كال اي والله ..

كل شي هنا بفلوس فكري واني اساعدج

كتله لا ..ماكدر اكيد زوجي ميقبل

كال ..وليش ميقبل ..هي رسوم وتنعرض ..

بقيت ماعرف شكول اله .. باز کردن / نظر دهید

2022-09-04 15:31:16 دخلت ..جانت عيوني ادور هذا الشخص ..
وين الكاه ..

بس مشفته..

بقيت افتر حتى ماعندي شي اشتري ..

هيج رحت ع المنظفات اخذت كم قطعه بس ما اجه ..

بقيت انتظر واني افتر ..

داخل الماركت ..اخذت كم حاجه للجهال والبيت ..

ورحت اتحاسب ..

يالت الكاشير عن هذا الشخص الي دفع الي فلوس
بس اني لغتي ابد مو مضبوطه ..
يعني ..كوة فهم مني ..

واشر الي عبور الشارع اكو ..كوفي ومطعم صغير
يتواجد بي ...

دفعت حسابي وطلعت...

بقيت اباوع اعبر انطي الفلوس لو لا ..

اباوع من بعيد ..

بقيت دقايق بعدها قررت ا رجع للبيت ..

لان هو ما اجه يعني شسويله اركض وراه ..

قبل لا امشي جنت اباوع

شفت شخص من بعيد ياشر ..الي ..
هلو ..

انتبهت عليه اي هو ..

اشرت اله هلو ..

رجع اشر تعالي ..

عبرت الشارع ووصلت اله ..

ابتسم الي اهلا هاي عود صدك سويتيها واجيتي ترة ما تسوة ..
كتله لا ميصير ..

رجع ابتسم ..اني جنت ابعد عيني عنه ..

كال صدك / اني خالد ..

وانتي رفيف مو ..

ابتسمت اله لا اني رهف ام يوسف .

رفع حاجبه ما شاء الله ام يوسف ..

كال اخذني الكلام تعالي تفضلي اعزمج ع كهوة جاي عصير اي شي ..

باوعت ع الطريق و ع ساعتي ..

وطلعت فلوس من جنطتي ..كتله
لا اعتذر منك لازم اروح اولادي ينتظروني ..

ابتسم ..

كال / ممكن ترجعين الفلوس لان جد متسوة

واحنا اولاد بلد واحد يعني ترة نفسنا عراقين ..
واحسها مو حلوة ..

كتله بس ميصير ..قاطع كلامي

تعالي ..ادخلي ونحجي جوة افضل ..

مابين اي و لا

دخلت ..

مطعم بسيط ..

كعدت ع وحدة من الطاولات ..هو راح
بقيت اباوع
ناس كاعدة تشرب كهوة الي يشتغل
الي ياكل شي سريع
بقيت دقايق كاعدة حسيت بالاحراج
لا اني نطيته فلوسه ولا هو الي اجه

بله اني شمكعدني خلي اخلي الفلوس ع الميز زارجع للبيت
هسة يجيون الجهال
ومروان بايت يم امه ..

ردت اكوم ..صار بوجهي

كلاص عصير ..

وكعد كبالي اشربي ..هذا ضيافه مني الج ..

/ شكرا ..بس يعني المفروض تاخذ الفلوس

/ اهووو هم رجعت ع الفلوس
انتي هنا ساكنه ..

/ اي هنا ..قريب

/ اني هم بس مو قريب مثلج ابعد بشوية

صار شكد هنا ..

وبدينه نسولف ..عن الوضع والشغل .وللغه ..

مر الوقت ..اني محاسه ب فوك ال نص ساعه ..
الى ان صاحو ..
ع شغله لان اخذ استراحه ..
هنا حسيت بنفسي ..

وكمت ..اتشكرت منه وطلعت ..

طلعت ابتسم واضحك احس روحي مسويه انجاز
وحدي اليوم ..
كعدت وتعرفت ع شخص
بدون مساعدة احد..

وصلت البيت سريع ..
رجلي اخذتني ..بسرعه ..

اووو اول مرة بحياتي شخص يحجي ويايه
بدون اي شكوى ولا اوامر ولا طلبات

صح هي نص ساعه بس احسها اخذت هوايه من وقت
شخص سألني عن .حياتي مو عن اني شسويت اليوم

او اسكتي انتي بطرانه

اووف هيج الكلام يريح ..

رجعت للبيت بعدة محد جاي ..

ذبيت الشال وفتحت شعري ..

وتقربت من المرايا ..

اني شكد كبرانه ..وهاي الخطوط الرفيعة والتجاعيد تحت العين مبينه ..

بس مو جبيرة ليش هيج ..

لا لا لازم اهتم بروحي ..
يعني ..هو كال مستحيل انتي جايبه اولاد عبالك بنت ..

يجوز منتبهه ع الخطوط ..

رحت ع الفريز
اخذت قالب ثلج ومررته ع وجهي ..

عود ينعش البشرة ..
بعد سويت شراىح خيار
ومددت بالصاله ..وخليتها ع عيني ..

وجنت اسال نفسي لو اروح باجر واسولف وياه معقوله يكعد ويسولف لو يكول هاي لزكه شجاها ..

زين اني ليش ما اتعرف ع الجيران
لو اتعلم لغه وبعدها ادرس لو اسوق سيارة
لو اشتغل شكو بيها

شو كلها هنا هيج
حتى من اروح ع اولادي المدرسة اشوف الامهات كلهم واحد يعرف الثاني اله اني بعيدة عنهم اوكف ..
وكلهم سيارات ..

ليش ما اطور نفسي

عمتي وسكتت بعد ..

بين هاي الافكار ..
اسمع صوت فوك راسي هاي شمسويه بروحج ..

وخرت الخيار ..

كتله خرب ببليسك مروان ترة متت بدمي..

شمسوية هيج داريح عيوني ..

كال / سويت ي غدة ..

/ اي طبعا كل جهاز دانتظركم تجون ..

/ ادري مدام جاهز جان جبتي ترة اهلي هنا قريبين ..
يعني اله اطلعيني واني لليل كله سهران .

كتله مروان ..يعني اني وجدورتي وامشي ..انت سيارة وعندك ..

جاوب ..عفيه رهف كل شي عدها صعب بس هاي لو يمج ماكو اسهل منه ..

يلا فضيني داخذ لامي اكل ..

خوما خليتي ملح زايد ..

كمت كمت ..لا مخليت ..سوب دجاج وبس ..

وانت هذا اكلك فلست الك الدجاج لان اعرفك مالك خلك تفلس ..

كال / رهف ليش ما اجيب امي هنا اني تعبت رايح جاي
يعني هي مراة جبيرة ..وعدها علاج طبيعي
ولازم اروح وارجع لهنا تعبت

وميلاد يادوب تلحك ..بين دراستها وشغلها

يعني مابيها شي ساعه اني وساعه انتي

هسة هي بس وكليها وسبحيها
واني وياج بالباقي

بقيت ساكته ماعرف شنو اكول اله

اذا اكول لا يعصب
واذا اكول اي ابتلي ..

رحت اصب الاكل واحضر كل شي لازم حتى الزلاطه ابرشها لان اسنانها متساعد ..تاكل ..

رجع حضني من ظهري وباسني ..

كال مشتاقلج هوايه ..

بعدت جتفي كتله ..امك اكلها جهز

داكولج مشتاقلج .. باز کردن / نظر دهید

2022-09-04 15:31:14 ٩__١٠



الجزء التاسع ..

انا امرأة.. انا انسانة و لست عبده)

جنت صغيرة بعمر ال ١٢ سنه تقريبا ...

اتذكر فديوم والدي اجه من الشغل تعبان ..

امي دائما اطفي الجدورة من ساعه ب ١١
هل الحجي جنه بعدنا كاعدين بيت جدي
وبقت هي الجنه الوحيدة الي مطلعت ولا كالت لابوية بيوم طلعني. .

جانت بيبتي موجودة و جدي واحنا كلنا ..

اشوف امي تكعد من ساعه ٤ الفجر ..بين الخبز وبين البيت والطبخ ..
ويرجع والدي ب ١٢ الظهر ..
يسبح ويتغدى ويطب يم امه ..

شويه ..

لكن هل الشوية جانت تحرك البيت كله ..

طلع ابويه من يم بيبتي موجر نار ..

صاح امي ..

تعالي ..

امي مابين المطبخ وتعزيله وبينه ..

راحت تركض .تسكت بينه وبلا صوت ولا نفس جاي عصبي طبو بغرفكم ..
لا تحجون شي ..
بقبت اباوع ع امي وهي راحت خاضعه اله..

كلها ..

ليش اليوم ..مسمعه امي حجايه وذابه حجارة جوة الفراش مالتها ..

امي تحلف هي ممسوية شي

وتطلع بيبتي من الغرفه تكولة اذب حجار حتى لو اموت لو اطلع منا
هاي مرتك متريدني تحش براسك
وانت وانت ..
وهو يندفع ويضربها ..
وان جان واحد بينه يمهم هم ينضرب ..

امي حتى لو يضربنا جانت تخاف ادافع النا
ومتحجي شي ..
ومن كل وحدة بينه تزوجت ماعندة غير هل كم كلمه
ضربج سبج ..طردج

وهو كضة عمرة ويا امي بهين بيها
لا طلعت زعلانه ولا يوم حكرته ..

بقت ويا طول هل العمر مستحملته لخاطرنا ..

هل المواقف الي جنت اشوفها خلت مني انسانه ضعيفة

اخاف تداعي بحقوقي
انسانه مهمشة ..

من جنت اشوف هل المجتمع شكد ذكوري ارضخ اكثر واكثر الى ان انمحت شخصيتي وكل شي بيه ..
حتى خواتي ..
صار بزازين من الخلفه والكراب
عود اني المدللع مالتهم ..

حتى بينه ماكو ترابط ولا حنينه
من صفنت ع نفسي جنت اشوف امي بينه
مايوم لمتنه احنا كاخوان وخوات .
كل واحد بينه بديرة مشغول عن الثاني وان ردنا نجتمع
فشكوى اعلى من صوت الفرح ..

يعني مواقف متنسي ولا راح انسه بيوم من جنت مزوجه واول يوم العيد ..

وكلنا ملتمين
بنات وجناين بس ماعدا مروان الي جان ميقبل يجي ويكعد وياكل اغلب شي من الباب ويروح لو ع كد استكان الجاي ...

امي توها صبت الغدة هي والبنات ..
طبعا الزلم تاكل يلا احنا ناكل ..

بعدهم ناكل بالمطبخ لان لازم نكون باستعداظ بطلباتهم

بين مدياكلون ..

هم عاط ابويه ع امي ..

جنت خال فلوس فوك الثلاجة وينها ..

امي بحيرة والله ابو رضا مدري ..

كال شنو مدري لعد انتي شنو بلبيت ..كم مرة اكولج
لا تلعبين بغراضي .

ع الصوت اجوي ..الولد ..

وبقى يصيح ويحجي عليها

كبرتي خرفتي .غبيه ..عورة متشوفين زين ..

والكل يهدي بي ..يردة بس يسكت ..

واحنا ندور مثل المصرع من يفتر

الى ان اخويه صاح هنا لكيتها بسيارة ..

بعد هذا الموقف امي ابتسمت بكسرة خاطر وروح

ها مو كتلك انت ضامها ..

و جعو ياكلون ..
وطلعت امي بالطرمه ..تبجي ..

من وصلت يمها اسمعها تكول وين اولي وين اهج

كتلها يمه شبيج ..

جانت تبجي

تكول كل سنه اكول السنه الجايه يتغير ويحترمني
يحترم هل الشيب..بحترم مشية العمر ..
مو كدام النسابة ..هيج يسوي قابل ابوكه اني ..

كون اهيم بارض الله الواسعه
ومحد يعرف الي قرار ولا دار ..

وبعدها كالا كومي خلي نصب جاي ونحضر الفواكه

كأن شيئ لم يكن ..

رجعتامي طبيعي وابويه هم
وان عاتبت بكول اني وين هيج سويت ..

مسويت شي وينكر كل شي ..

شكد جنت اريد اتمرد احجي اكول بس اخاف من الجاي
مستحيل اطلك
ومستحيل ....ابقى هنا ...

اكيد يرجعوني ..اهاي اذا فكرت اطلك ..

هوايه ايام ..
جنت اريد الم شتات هل العائلة

اريد اعرف شنو هل الفجوة بيني وبين الكل
مرات اذب الصوج بيه ومرات لا

بس اولادي ..جانو الاهم من هذا كله ..

اصعب احساس من يجي شخص يجردك امن الامومه
وياخذها هو ...

ياخذها ويضيعها .
ومتعرف شنو ترجعها باي طريقه

حاولت اطلعهم البي طلباتهم .

بس الي انبنى من الصغر ميتغير وخاصه
انو اني اكرهم اني بايعتهم
اني مو ام صالحه ..
ولا زوجه تستحق
ولا ام تستحق ..

اذكر مرة يوسف كال ..

الي انتي مو امنة بيبي الي ربتنا
مو انتي ..

لا تصيرين علينه ام ..
هذا هو ابقي مثل ما انتي لوحه من لوحاتج

واحنا نبقى مثل ما انريد

عندي اتفاق وياج ليش ما تعوفينه براحتنا
وبالمقابل انتي هم ..طلعي طبي
براحتج

رفضت اكيد ..هل الوضع ..لعد اني وين دوري كام ..
وين
وكل شي يصير ينذب براسي

اني واني واني ..
السبب

..............................

وعاف الاغراض بالكاع.. ومشى خطوتين
واندار لابس نظارة شمسيه..
واشر بايدة باي
وجان مسرع بمشيته...
ابتسمت وشلت الاغراض ورجعت للبيت..
دخلت جنت ابتسم على الموقف ..

اباوع على الساعه مبقى شي وأطفالي يرجعون
اما مروان يرجع متأخر..

مر اليوم عائلي مثل كل يوم يمر..

اليوم الي بعدة.
من الصبح حضرت نفسي حتى اروح وانطي الفلوس للولد.
كملت كل شغلي من. وكت..
ونفس القوت الي كال موجود بي

اتمشيت للسوبر ماركت باز کردن / نظر دهید

2022-09-04 15:28:50 بقيت واكفه واحس الدمعه راح تنزل من عيوني
اعتذرت من الكاشير وبررت بأن محفظتي لو انسرقت لو نسيتها..

جنت محرجة بشكل مينوصف..
تركت كل شي وطلعت..
واني متاكدة محفظتي بالجنطه
اسمع واحد يصيح مدام.
وتكلم ويايه باللغه البلد
لكن اني للغتي ضعيغه

وشايل بايدة اكياس هاي الغراض الي طلبتها..

بقيت صافنه بوجهه
ماعرف شكول اله كلت Thank you
وكملتها بالعربي بله هذا شحجي وياه

ابتسم الي اني رفعت وجهي وانتبهت عليه
شاب رشيق.. لابس قميص ابيض وبنطرون كابوي
شعرة خفيف عيونه ملونه ..ملامحه دافيه ..

ملامحه عبالك عربيه او اصول تركيه..

حنيت راسي كتله انت عربي..

ابتسم اي نعم اني عربي عراقي
ابتسمت اله اكثر كتله اني هم عراقيه

كال الحمدلله فهمتيني..
المهم عندي شغل وباوع على ساعته
اخذي غراضج..
بقيت واكفه..
كتله مستحيل اخذها.. واني مدافعتها

ابتسم الي من جديد.. عادي كلنا ننتعرض لهل مواقف
اخذيها اعتبريها من اخ او صديق..
كتله لا لا مستحيل..
كال شنو اسمج..
سكتت بعدها كتله رهف..
كال تمام يا رهف اني باجر بنفس الوقت راح اتواجد اهنا..
عادي جيبي المبلغ باجر
واعتذر لان عندي شغل..
باي.
وعاف الاغراض بالكاع.. ومشى خطوتين
واندار لابس نظارة شمسيه..
واشر بايدة باي
وجان مسرع بمشيته...

.......................
احتاج الى جرئة
لبوح مشاعري وأسراري وكل شي
احتاج الى ذلك الصدق
الذي يجردني من كل شيء
وبعدها انتمي لنفسي
فأنا اسكن الأعراف
يفصل بيني وبين الجنه والنار
ذلك السور العالي
كلما رفعت رأسي أصيب بالخوف واتراجع
فاصل صغير مابين جنتي وناري
لا يفصلني سوى
الجرأة
..... باز کردن / نظر دهید

2022-09-04 15:28:50 وهاي الفترة اخذنه بيت قريب على بيت عيالي
اطمئنيت اكثر لان اطفالي هوايه يسمعون لعمتهم..
ولبيبيتهم الي مجانت حارمتهم من شي نهائى. .
تصرف بدون إدراك الهم
كل شي يردو ..تم ماكو شي تكول لا ..
تجي ايام طويله عايفني ويم بيت بيبيتهم

ولا يجون يمي او يجون مثل الخطار

عمتي حاله النسيان بدات تزيد عدها ..
حتى شكلها وملامحها بدات تتغير عبالك مو هي ..

تغيرت..بشكل مينوصف ...شدت ويايه اكثر
كامت تحجي عليه وع شرفي ..فد كلام مينوصف..
ويوميه تجيني ..

وتحجي وتغلط ..واروح وكأننا تشيد وطني يونيه لازم اسمه
فكر ..وصخة .. ام سحورة.
فد سوالف مالعا اولا ولا تالي .

فجاءة وبدون سابق انذار
اتصلو بينه بليل..

عمتي.. ناقليها للمستشفى وحالتها حيل حرجة..
اخر انسان يتبلغ هو اني دائماً

راح مروان يشوف عمتي وبقيت اني ...

جنت كل شويه اتصل بي لكن ميجاوبني..

بعد ساعات بلغني عمتي صابتها الجلطه دماغية ومسببه الها شلل.. بكل جسمها
و حالتها جدا خطرة.. وبالعنايه المركزة ..

انصدمت معقولة هل الهرم القوي ينهار معقوله.. ويتمرض جنت اتهيلعا متتمرض بيوم

يايابه هل السنين الطويله وسم البدن انهارت
مستحيل اكيد الدكتور غلطان بشي .






عمتي مو مثل العالم تتمرض لا مستحيل..
الي مثلها قوي مو بسهوله ينهار ولا يوكع..

بقيت اضحك وابجي بنفس الوقت..

وين وصلت اني الى اي مرحله هل هو الجنون

ابجي من العمر الي راح
واضحك من سخريه القدر..
الي شالني لسابع سما ونزلني..

جنت افتر بالبيت واحجي ويا نفسي معقولة
شر هل الانسانه راح ينتهي
معقولة اللعنه. انتهت

راحت عني وراح اتحرر..
اكو بلاء تلتهي بي...

كد ما تعبتني خلتني احجي واستغفر
اكول حيل وارجع انقهر مجنت اعرف شسوي بيومها ..
بقيت هيج..

مروان بقى يم امه.
وحتى من طلعت بقى يمعا
اما هي لا ايد ولا رجل والنسيان جان جلطه ضاربه جزء من الدماغ وتالفه بس احنه مندري بي .

مرت الايام ثقيله ع عائلتي ..وطبيعيه ويايه ..
اول مرة بحباتي ماحس بندم
ومن جنت اروح يمعا ما احس شي غير هو هذا الجزاء الصحيح ..

كل انسان ياخذ استحقاقه ..

مروان يبات يمها اكثر مني ..

تعب ع مرض امه ..حتى اولادي ..

اله اني ..جنت سعيدة ...

.............

شمرت الدفتر وهذا راسي طابوكه من حقدها وكرهه لاهلي
بقيت اصرخ بالبيت
تستاهلين جزائج لعد
مو كل انسان ياخذ جزاءة هذا جزائج رهف ...

هناك وكعدت ..

وحنيت راسي ع موضوع جود ..

جانت تعرف ..اني ع علاقه ..

جانت تعرف بكل التفاصيل ..

شكد حاولت اخفي وامثل بس عرفت ..

اني غبي ..اي غبي ..ليش منتبهت عليها وهي تدري ..

وارجع زاكول واذا عرفت

هي انسانه مريضة يمكن انتحرت ..اي هي مريضة ومرضتنا وياها ..
جان لازم تتعالج

لا لا لازم اطلكها

ماكو انسان طبيعي شايل بداخله هالكد حقد وكرهه ع ماضي ..وهل التلون شلون جانت تسمعني كلام حلو
وتكول احبك
وتنام ع صدري وتتغزل بيه
شهل القابلية الي عدها ..
كدرت تخدعني ..

وارجع واكول بسببها خنت.
امك اختك أهلك تعبت .

ليش مجانت تسكت تسكت. ..
خنت مدة وتركت ورجعت وكسرت ظهري عليها وع هل البيت ..

وووووولج رهففففف. انتي من.
كل صفحة تصدمني بيج.

ويييينج جاوبي...

انتي منو
انتي من
ضيعتيني ..

انتي انسانه فاشله. واني اكول لا اولادي سبب البيئة
لا سببج ضاعو
انتي فاشله . فاشششلة
لا ام
ولا زوجة
ولا شي.
هسة ارتاحي امي مخبله..وجهالج ماعرف عنهم شي
وانتي جوة التراب ...






ارتاحي ارتاحي ..

هالمرة اني انهاريت اريد شي استند عليه ..راح اتخبل يالله
وين اروح وين ..
منو يسمع مني هل الكلام
منو يصدك الي جان يصير
والي ديصير ..

بديت امشي وادفع غراضها عني و ولوحاتها الي كلها سلاسل وسجن ..وعصافير محبوسة
عبالك اني مجرم وياها

اطلعي منا ..اطلعي ...

اطلعي من حياتي ورأسي.
ماريد اي شي يذكرني بيج .

رحت بسرعه ع الدفتر ..
اخذته وبديت اشك
باوراقه ...
اي اي راح ينتهي كل شي ما اريد اعرف شي
بعد اكتفيت ..

وكعت ورقه ..بيها رسم
بقيت اباوع عليها ..
كعدت بالكاع ولميت كل الاوراق جنت احجي وياهم ساعه اعصب وساعه اضحك وساعه ابجي وصلت للجنون

لليوم ماعرف ظلمتها ظلمت نفسها او ظلمتنه هي
بقيت الم بالاوراق الي تمزق وراح والي بقى ..
كدرت الم الباقي وعيني راحت ع ورقه ..مكتوب



جنت طالعه للماركت
















اوووه! هذه الصورة لا تتبع إرشادات المحتوى الخاصة بنا. لمتابعة النشر ، يرجى إزالته أو تحميل صورة أخرى.


جنت طالعه للماركت..

وواكفه انتظر ادفع فلوس..
فتحت جنطتي..
ادور ع محفظتي..
ماكو اتلبكت..

وبقبت واكفه ادور اكو ناس ورايه
ماعرف شسوي اباوع على العلاليك الي اخذتها باز کردن / نظر دهید

2022-09-04 15:28:50 بديت اعصب واعيط واصيح على اطفالي...

بديت اعوف البيت واطلع امشي ..

الى ان اوصل نقطه ما اندل شي بيها واتصل بالبيت ويدلوني وارجع للبيت..

هوايه جنت اطلع وابقى كاعدة اباوع على العالم واسال نفسي اني شنو فرقي عنهم شنو الي ناقصني وموجود بالناس بس هاي الاسئلة
بقت بدون اجوبة ..

ومرت ايام واني اعرفه يخون وساكته
وياريت اشوف لسكوتي مبرر ...

ماعرف اخاف افقدة لو اخاف افقد اطفالي لو ولو

ماعرف بقيت حايرة... ..

فديوم رجع مروان من الشغل من وكت واول ما دخل للبيت جان عصبي واعصابه متوترة.

حاولت أسئلة شبيك أكثر من مرة
يجاوب ماكو شي لا تلحين

صرخ على الجهال.
ومن صبيت ا لا كل عاف الاكل وكام.
معجبه.
وطلع برة يدخن. وبقى يتراسل بالموبايل
جنت اغسل المواعين وعيني عليه
واشوف كل حركاته وانفعالته..
وشلون يحجي..

هنا اني وضحت الصورة عندي اظن متعارك وياها او
تركوا بعض...

مرات احس اذا اوجهه بخيانته راح اقلل من قيمة نفسي هوايه وافقد كرامتي
لهذا اسكت
حتى لو ابقى بس داخل نفسي اني عزيزة.
مو مهم هو...

عندما لا أعاتب اعلم انك خرجت من محور اهتمامي
ولن تعود أبداً..

اي وصلت هاي المرحله مو مهم هو
هوايه ايام من ينام اجر الفون واشوف كلامهم وغزلهم
و الحب والزعل
والأدهى من هذا كله الكل يعرف إلا اني
امه واخته ويمكن اطفالي هم






لان وحدة من المحادثات

يسألها عن شنو اخذت انطباع من شافت اهله
تكول اله وهي الظاهر مو عراقيه

انا كتيير مبسوطة فيهم.
حسيت نار بداخل روحي زادت

منو هاي حتى يعرفها على اهله..

اخذت تليفوني ونزلت جوة للمطبخ فتحت المي ع السنك
حتى يضيع صوتي المنهار
كرامتي وانوثتي الي انمحت..

اتصلت بعمتي

/ الو خير رهف جهال بيهم شي مروان

جاوبتها ونار الغيرة والحقد يمليني

/ هو الي يعرفكم يعرف خير الي يشوفج يشوف الخير

/ شببج بهل لليلي

/ جان استحيتي رجال متزوج وعندة اولاد تتشجعي ع الحرام

انجر الفون وحجت وياية ميلاد ..

حسيت دموعي تنزل

/ تعرفين منو جود

/ والله منعرف
/ لا تعرفون كلش زين. مو ٠ابها الكم

/ هسة شتريدين مخابرتنه بها الليل وتريدين تتعاركين ويانه احجي واختصري. .

/ كتلها حرام عليكم المفروض تكولون اله هاي نرتك وام جهالك بلا هل التصرفات بس انتو عناد بيه تسون

ميلاد ..رهف كافي ترة شعلينه احنا اتزوج عليج او لا
لا هو جاهل ولا يسمع كلامنه

/ كتلها يعني شنو متزوج..

/ لا بس شعلينه وخلي يتزوج شتريدين منه انتي ..

/ اريد هوايه اشياء منها زوجي واطفالي من كل شي حرمتوني الله يحرمكم من كل شي تحبو ..
/ انجبي وبلا حجي زايد يلا ولي انتي مو ادميه وواحد يسمع منج ..

/ لا والله ادميه ونص بس الي صار بيج تريدي ع الكل ..

/ كالت ..ايا ادبسز ..ولج الرجال هو ونعالي زين المهم شغلي وهادتي الي تسوى راسج ...

وسيارتي وبيتي ونستي يارجال يا صخام يلا ولي ولي

اسمع عمتي هم تحجي ..

/ الله لا يوفقكم شوكت اواخلص منكم ومن شكم شووووكت...
سديت الفون منها..
واعصابي انهارت..

صعدت فوك

مروان نايم..

رجت يمه بقيت واكفه.. ..

اصعب احساس انك تعيش ويا انسان متحبة
والاصعب من هذا
هذا الانسان خاين..

هوايه ابالي افكار منها اقتله
واخلص منه..
اقتل نفسي ..مادري
سلبوني كل شي ..
انتظرت تتصل وتكول لاخوها عليه ..
بس مكالت ولا حجت شي
مرت الاويام وبديت اتبنج ..

موقف مضحك ..من متهتم لهاي التفاصيل الي جانت تشعلك بنار ..

حقدي زاد على هل العائله الي من يوم الي شفتهم واني مشفت راحه منهم..






بقيت.. ساكتة لكن بالمقابل بديت اطلع واطب وبديت اعرف اماكن بدون مساعدة احد .

جنت اشوف العالم كله جميل اله اني والي يحيطني والي بداخلي اعترف اني فشلت بأن اكون ام وزوجه ناجحة إعرف كلنا ولا واحد بينا مرتاح ...

اولادي اخذتهم المدرسه الهواتف الذكيه مني
وزوجي اخذته امرأه ماعرف منو اصلها ..

وكل شي راح مني
لكن من نتجمع يامحلانا عبالك عائلة مثالية
هو هذا القشر الزائف..
هنا اتعلمت امثل اني اسعد انسانه من موجود بينه ..هو
وحتى اطفالي بدو يتفاعلون ويمثلون
كل شي ممنوع بغيابه نسوي وهو موجود
يامحلانا من عائلة ..
كل واحد يمثل ع الثاني
لكن كل واحد بداخلنا يختلف عن الثاني مرت الايام
وتناسيت او نسيت وجود جود ...

ويانه وبعد ما شفت بموبايله..

ولا عرفت لان كل ما جنت اشوف اكرهه اكثر واستحقر نفسي لان باقيه ويا.. ..

اطفالي كبرو من يوسف وسنا ..

وبالمقابل كل ما يكبرون سنه كلما يبعدون عني سنه

اخلاقهم وتصرفاتهم تغيرت مرات ابقى مصدومه

بديت احس كلشي ديضيع مني...

ومداعرف شلون احتويهم ...
ولا اعرف اسيطر واكون ام الهم ..

حاولت اكثر من مرة اتواصل ويا مروان بهل خصوص
لكن ردة كان واضح هاي مسؤوليتج انتي
لا دخليني بهاي الامور باز کردن / نظر دهید

2022-09-04 15:28:50 بقيت اباوع عليه ..
سكتت .
وورحت مددت يمه ..
جنت انتظر يندار عليه يكولي شبيج او يضمني بين صدرة
ويكولي حفج
بس نام ..وبدا يشخر ..

بعد بساعه او اكثر نام..
كمت من مكاني حاولت اجر الفون يمي..

جنت خايفة رجعت لفراشي

وبقيت هيج ساعات
واخطط واتخيل نفسي اخذ الفون

واشوف عندة علاقه
ويا وحدة وهناك واكذب خيالي واكول جود ولد
الا ان احس صبري نفذ كمت على اطراف اصابيعي.
اخذت الفون.. من يم راسه ورجعت على السريع للفراش قلبي يدك سريع احس نفسي اختنكت من الخوف..
وخليته يمي...

اخاف افتحه لا يبين ضوة..
سحبت نفسي على كيف.

ومشيت على اطراف اصابيعي..
وصلت للباب التفت علية نابم..
طلعت سريع..
ودخلت للحمام.. سديت الباب..
وفتحت المي.. وبسرعه كتبت الرقم.
فتحت الفون..

وبسرعه بقيت اكلب محادثه ويا جود ما كو شي واضح منها بس حبي اني وصلت للبيت.
دخلت على الاستديو.
بقيت اقلب بي ماكو شي
هنا دقات قلبي بدات تهدى وتوتري قل
الحمدلله ماكو شي اخاف منه.
غسلت وجهي وجان احمر دم

واباوع على المرايا واضحك ويا نفسي تخبلت اني اكيد تعبان لهذا متغير هاي الفترة

قبل لا اغلق الفون وارجع ماعرف ليش
كلت ادخل مرة ثانيه
لان شفت محادثات ويا اصدقاءة
دخلت اول محادثه حسن الي اكثر صديق مقرب اله ..
قريت اكثرة كلام على الشغل ...

بديت اصعد بالمحادثه
وكفتها
شلونها جود
مجاوب مروان الأمور تمام وعال العال

بقيت ارجع وارجع
كعدت على اطراف البانيو
وجان جسمي وايدي ترجف
من الكلام الي بينهم..
انت تحبها
يجاوبه مروان.. والله يمكن بديت احبها
ومرتك
شبيها رهف ممقصر وياها.. بس جود حاله استثنائية
كله بس رهف معدله مروان

جاوبه بس بوومه حسن ..اريد انسانه ارتاح وياها
بكل شي ..

مكدرت اكمل الباقي

باقي محادثاته ويا اصدقائه عادية فقط حسن
يحجي ويا عنها..

رجعت الفون ورجعت مكسورة بفراشي






صبح الصبح واني دمعتي منشفت من عيني
جود منو ومن تكون

ومين بقيت افكر وياريت الكه جواب ..

جنت مقررة ثاني يوم اواجهه بلي شفته.. .

واتركه وارجع للعراق تعبت بعد
لكن ثاني يوم
طلع ومكدرت احجي شي
ورجع وكذلك محجيت شي
يوم بعد يوم
اشوف خيانته كدام عيني..

واسكت.. ماعرف ليش دائما اسكت..
خوف لا اخسر شي خاسرته من الاول او عناد بعيالي
الي دائما يهددوني بزواجه
بقيت هيج لا واجهت
كلما اريد اواجه اتراجع الف خطوة .

ضعف
ماعرف شنو تفسيرة ..

واقبل بكل شي ماعرف الى متى ابقى ضغيفه.
وهذا الضعف نابع من داخلي...

مرات اتسال ليش خاني وشنو الي ناقص بيه وشنو الي قصرت بيه ويا...

وليش يتعامل ويايه بهذا الاسلوب..

وكل كلمه والثانيه يكول اني ممقصر مالج حق تحجين...
طيب هو ميدري اني اعرف بعلاقتهم ..

وهيج يتعامل اذا يعرف شلون..

اجتي عمتي يمي ..

ويقت نفس الشي هاي منو وهاي بيش وشنو ومين اخذتو
بس هل المرة اكو شي يختلف لاحظته

عمتي تنسى هوايه او بيها خلل..

واكثر موقف الي فاجئني

كالت ..رهف ..
اريد تمن باكله ولبن كلش مشتهيته .للغدة ..

كتلها هاي ماكو اسهل منها لان كل عندي ...
وبلشت اسوي ..بالاكل ..

راحت ورجعت عليه

كالت رهف ..وين صرتي ..

كتلها دقايق واكمل ..

كالت ..تعالي سويلي حلاوة لجسمي (شيرة )

انصدمت بصراحه طول هلي السنين مايوم طلبت هيج طلب

كتلها خاله متاكدة ..

كالت اي لعد اني مو صار ساعه وصيتح تسويلي

كتلها لا طلبتي مني تمن باكله ..ولبن

صفنت عليه وكلنما بنظرتها حيرة ..
منو الصح ومنو الخطأ ...

كالت لا لا ..كتلج سويلي رجلي وشواربي يلا بسرعه ..

وبقت مصرة انو اسوي الها ..ومتقبل اله اني ..

رحت وراها وطلعت الي سيقانها مراه كبيرة بالعمر ومترهل لحمها اخاف لا اسوي وتنشلع اللحمه

واله كعدت واني جواها مديت الحلاوة مجرد ما شلت كفختني ..
وكامت عصبيه من غضب الله عليج تريدين تموتيني ..

وراحت تغسل ..

هل الموقف خلاني صافنه هل عي صح هيج تسوي او تريد تستفزني ...
عفتها وغلست ع الموضوع ..






ومن صبيت الغدة العا
رجعت ذيج.. الخاتون الي متاكل اي شي

كالت عفيه ..رهف الفكر لاحكج لهنا

ومنو بحاله هل الاكل ..

كتلها خاله ترة انتي طلبتي بلسانج ..

وكذبتني ومقبلت تاكل

من رجع مروان حجيت اله الموقف ..

مابين يصدك او لا ..

لان امه تكرهني وعزيزة نفس مستحيل تطلب شي .

كال هاي تشاقه وياج

كتله انكفخت ياشقه ..

كال لا تحبج ناسويها يجوز تشاقه ..

هزيت راسي اله اي اي تشاقه..

وكل يوم فاصل جديد بس الاكثر تصفن بالوجوة. وجول بالرد ..

بقيت بحيرة ..
وكل ما يجي مروان اكوله امك مو طبيبعيه ودوها افضل حل ..اني احسها بيها شي ...
بس محد مهتم ..

رجعت عمتي ورجعت عيني تترقب نروان وكل حركاته تصرفاته الي جانت اغلبها تخلي الواحد يشك بي ترتيب واناقه واهتمام مو طبيعي بنفسه .

واشوف نفسي داكبر يوم بعد يوم .. باز کردن / نظر دهید

2022-09-04 15:28:50 #الجزء الثامن

بقيت اتصل بمروان جاوبني

هاااا يمعودة شكووو..

كتله ليش متجاوب انت وين..
جاوب بصوت عالي شبيج وين يعني يم اهلي ودنتغدة سوة..

اهااا شوكت وصلت

كال قبل ساعه المهم لا تضلين تلحين..
راح اغلق الفوت ما اريد اي ازعاج ..

سدة وبدون ميسالني عن سبب اتصالي..
هنا بديت اشك اكو شي خافي عني..

بقيت افور مثل الجدر المغلي ماعرف شنو اسوي..
اولادي اشبهه بالاشباح..

فتحت الغرفه عليهم شفتهم بايديهم الايباد
جريته منهم ..

عيشو ويايه مو معقوله انتو ويايه او لا
مداتحمل كل شي.. اني وحدي ..

اجوي كعدو يمي لكن حتى حوار ماكو بينا
حتى اطفالي اذا اتناقش وباهم النقاش ينتهي بعركة ..

يالله اني داخسر كل شي
خسرت اهلي وبلدي
وهسة اطفالي وزوجي..
اني شديصير بيه..

بديت ابجي وجنت منهارة اعصابي ..

واطفالي ميعرفون شنو يتصرفون ويايه..ولا اني اعرف شلون اتصرف وياهم واتعامل بأي طريقة ..

بقيت احجي وياهم ..

ماما شنو الي غيركم عليه اني امكم

هنا احنا وحدنا خلي نرجع مثل قبل بحظني
ماريد اخسركم ..

لكن الي يوجع احسهم مماتقبليني ..

كام او بحياتهم مداعرف اتصرف ..

اني مو من نوع الي تضرب او عصبيه..

حتى ما اعرف اني من اي نوع...

عافوني وكل وحد دخل لغرفته..
اريد ارجعهم الي ماعرف شلون
بقيت افكر ..
حاولت اتمالك نفسي والموقف ..وكل شي
رحت عليهم

ماما شنو اسوي الكم اكل شنو يعجبكم ..
يوسف طبعه مثل اهل ابو دائما يشوف نفسه اعلى من الكل
حتى ويايه ..
زرعو هل الشي بداخلهم ..
حاولت نكعد كعدة عائلية ..

لكن انتهى العشاء وهم منعاركين بينهم
وهو ركول ادافعين الها وهي تكول تنحازين اله ..

اتعشو الاطفال ودخلو. نامو..

بقيت وحدي لليل انتظر يجي مروان
بيومها
اجه قريب ال ١١..
يلا اجه

دخل..
شمر السويج.. هلو رهف..

مجاوبته..
هاي شبيج هلو ..

كتله هلو ..با ع عليه بنظرة شبيج ..
درت وجهي عنه وبقيت اباوع ع تليفزيون ..

ذب ملابسه ودخل للحمام.
وهو بالحمام.
اخذت الفون مالته.
حاولت افتحه معرفت
جان اكو رمز
بقيت اكتب أرقام الى ان كال الي راح ينغلق
عفت الفون.
وبقيت كل شي ما احجي..






طلع من الحمام
اشر الي شبيج كالبه خلقتج اكو شي صار ماعرف بي

كتله لا ماكو شي بس ردت اخابر اهلي ورصيد ماعندي

كال اتوقع عندج نت

كتله ممتصلين بالنت.

جر تليفونه وجنت قريبه عليه شفت الرقم الي داسه
١٣٥٧ ارقام فرديه...
واتصل باهلي..

اول ما جاوبت والدتي..
انطاة الي اخذت الفون ..

الو هلو يمه شلونج شخبارج

كالت هلا يمة الحمدلله وانتو والجهال شلونكم.

سويت نفسي مداسمع الو ماما اتسمعيني
اشرت اله شبكة ضعيفه..

اخذت الفون وبديت انزل الدرج سديته من امي وصوتي عالي
شلونج وشلون بابا
احجي ويا نفسي
اخويه والجهال.

بسرعه دخلت ع التطبيقات المراسله

شفت اخر شي مكتوب جود.. ..

فتحت المحادثه ..

كاتب اوك حبي هسة وصلت اكمل واراسلج..
بس هاي باقي المحادثه فارغه ..

جود منو هاي ...

صاح مروان وينج رهف
بسرعه طلعت ورجعت الفون اله ...

كتله انكطع.. ..
النت يمهم ضعيف ..

جنت متوترة وخايفه وكأنما اني الي خاينه ومرتكبه ذنب .
بقيت بشك يمكن جود ولد
ويمكن بنت..
كتله ..تتعشى
جان يرتب بالفراش ويعدل مخدته
اندار عليه لا تعبان من الطريق كل شي ما اريد غير اطفين الضوة وانام

جاوبت ..اهاااا اهلك شلونهم ..

انتجه ع الجرباية ..

كال امي تعبانه وميلاد دوام..
صدك رهف اسبوع الجاي امي تجي يمنه
لان ميلاد عدها .. دورة بغير. ولاية وابنها راح يبقى يم ابو وامي يمي

مطول وترجع ..
هم كولي امك واختك لان هاي كلبه خلقتج ما وراها شي .غير امك اختك ..

كعدت بصفه وخليت ايدي ع رجله ..
وبديت افرك اله ..

مروان ..
نعم
انت تحبني ..لو بس مراه والسلام

صفن

كال انتي ششوفين كل هذا الي بي انتي وتسالين احبج لو لا ..يعني ممخليج محتاجه اطلعين لباب البيت وتسالين احبج او لا
حتى اني ارغب الج اكثر منج..

داخلي يكول بس هذا مو حب كل العالم هيج تصرف وتسوي ..
اني اني تحبني

......

كتله واذا متت بيوم تزوج عليه ..

ضحك ..

كال دموتي الاول وسهله ..هسة اريد انام ورايه الف شغله وشغله ..

كتله زين انت مايوم جبت الي هدية عيد ميلاد عيد زواج
هاي الاشياء احلى من هوايه امور احس انت مهتم بيه






باوع عليه وحسيته ضاج..

كال شوفي رهف كل ما اروح لاهلي اطلعين سالفه
هسة ..
بسنه ١٨٠٠ .. ليش ما جبتلي هدية ..

والله بطرانه ومن اكول بطرانه تزعلين

بابا هذا الي داسوي الج ولاولادج يكسر الظهر شوفي عالم قبلنا طلعت زهي بعدها ما متقدمه ..
واحنا غير ...

كمت من يمه كتله مروان اني مختنكه
من الوحدة وانت وجهالك دوم مو يمي راح اتخبل ..

محد يحس بيه ..

خله راسه ع المخدة اتسكتين لو اطلع بهل الليل .. باز کردن / نظر دهید

2022-09-04 14:06:13 صور كلششش عيب
مقاطع عيب للمتزوجين فقط
للمنحرفين والبالغين والكبار فقط
صور ومتحركات جريئة جداً للمتزوجين فقط تحت الـ 18 لا تدخل أبداً
للكبار فقط صغير لا تدخل
https://t.me/ssjii1/157296
https://t.me/ssjii1/157296 باز کردن / نظر دهید