2021-08-18 12:46:26
هوسات ليلة العاشر من محرم
ليلة الوداع
الليله وداع نسهر ويه بت حيدر
مانامت وظلت للصبح تفتر
تعاين للحسين وحالهه تغير
وياها الحجه الليله
،،،،،،،،،،،،،،،
الليله عاشر والعقيله شحالهه
تنظر اعلى حسين واعلى اطفالهه
عمت عيني تخربطت يحوالهه
هد حيلي ياليل العاشر
ـــــــــــــــــــــــــــــــــــــ
يهد الحيل ليلة عاشر بعاشور
بي زينب الحره ساهره وتدور
ويه حسين ظلت للصبح ناطور
سهرانه تودع ابن امها
ــــــــــــــــــــــــــــــــــ
كعدت كابلت ابن امها وتناطر
حضنته وتشمه تكسر الخاطر
ريتك ياعلي بوداعهم حاضر
ليل العاشر هد حيلي احاه يبن امي
ــــــــــــــــــــــــــــــــــــــــ
هدت حيلي هليله وعيني من السهر ذبلت
وداع ونوح يبن امي ليلة عاشر اسوت
ماظل حيل عندي وروحي هل سلت
يحسين وداعك هد حيلي
ــــــــــــــــــــــــــــــــــــــــــــ
تمت بعون الله تعالئ
بقلمي
شاعرة اهل البيت
ام احمد ( البصراويه)
صاحبة كتاب
(ديوان الحزينه)
اسالكم الدعا۽ لي
ولوالديه بالمغفره
t.me/raehinah
لا اجيز حذف اسمي
وغير مبرئ الذمه الئ يوم الدين من يحذفه
ـــــــــــــــــــــــــــــــــــــ
18/8/2021
843 viewsالشاعره ام احمد البصراويه , 09:46