2022-07-15 03:17:30
بتقول..
أنا متابعة مسلسل تُحفة،طيب قوليلي إسمه عشان لمّا أروح أسمعه
بصي يا ست البنات
ببساطة كدا،فيه آيات قرآنية بتتكلم عن غض البصر،وانتِ لمّا بتسمعي مسلسل أو فيلم نظرك بيتنقل بين الشخص والآخر،وأحيانا بتعجبي بالشخص دا !
ديننا بيمنع من الاختلاط بين الشباب والبنات،والفيلم أو المسلسل بيكون فيه اختلاط،يبقى أنتِ بتسمعي حاجة ماشية عكس ديننا وقواعد ديننا
انتِ ليه مش مُدركة إن حُرمة الأغاني والموسيقى الخارجة،هي نفسها حُرمة المسلسل والفيلم..!
أنتِ بتسمعي ناس بيمثلوا وملهمش علاقة ببعض،الشخص اللي عامل دور الأب لمّا بيمسك أيد البنت اللي عامله دور ابنته،مش أبوها،يبقى حرام ،
ومتقوليش دا زي باباها،رسولنا وحبيبنا كان لا يمس يد امرأة لا تحل له قط،واحنا بنسمع حاجة بتعكس مع أفعال الرسول -صلّ اللَّه عليه وسلم-'
كُل اللي سابوا المسلسلات والأفلام،عرفوا الفرق،شافوا بركة ربنا -سُبحانه وتعالى-في يومهم،أدركوا فعلاً [من تركَ شيئاً لله عوّضه الله خيراً منه. ]
الأفلام والمسلسلات كانت بتضيّع وقتك،كان الأذان بيأذن وأنتِ تقولي: لمّا أسمع اللقطة دي؟!
إزاي؟!
والأسوأ إن الكثير ينتظرون عروض المسلسلات في رمضان،وقد كان هذا الشهر أغلق الله فيه باب الشياطين،والله إن النفس لأمارة بالسوء !
خدي خطوة في كُل حاجة بتخليكِ تبعدي عن ربنا،الاغاني والمسلسلات واللبس الضيّق،والغيبة،سيبيهم عشان الله عز وجل يكون راضي عنك،الكُل بيتكلم عن أهوال يوم القيامة
طيّب يا ترى حالنا بعملنا اللي كُنا بنعمله في الدنيا هيجعل ربنا سُبحانه وتعالى راضي عننا؟
[ما ترفضيه من حرام ،يردّه الله لكِ ٔٔاضعافه بالحلال. ]
#إتركيها_لله
16 viewsأُم مَـريَـم.. , 00:17