يابوية فك ذرعانك ارد اتوسد احضان يابوية هيد ونيني بجلمة هلا س | الشاعر سيف الخفاجي

يابوية فك ذرعانك ارد اتوسد احضان
يابوية هيد ونيني
بجلمة هلا سليني
يابوية يابوية
********************
هاك روحي بوية لا ترحل دخيلك
شلهه بيه خذهه وياك برحيلك
بوية افك اجفوف كلبي واندعيلك
انطيني ايدك انه مشتاكة ارد
اجيلك
ما واحد البعدك اجه يمسحلي ادموعي
وانه انطر اتناديني
بجلمة هلا سليني
يابوية يابوية
***************
بروحي ملكة وماكو انته شلون اسدة
طفلة اني السوط قاسي شلون ارده
بركبتك ليش الشمر سيفة يحده
واليحب بالطف هواهة ايصير ضده
من حركو اخيامي وكف ماطفة نيراني
نار الخيم تجويني
بجلمة هلا سليني
يابوية يابوية
*************
سطرو اخدودي الطبع شفتك
عليهن
عيوني ذبلن من كثر نوحي وبجيهن
والحبل عمتي وخواتي كص اديهن
وحاف اجرحك بويه عالصار ابسبيهن
جفوف الشمر خشنة يبوية
وتسطر اخدودي
وابسطرته ايأذيني
بجلمة هلا سليني
يابوية يابوية
**************
الهوه انته من اعوفك تطلع الروح
انطي عمر ولا اشوفك بويةمذبوح
يل ترف جسمك ولا يتحمل اجروح
والحوافر بيك طبعن وانته مطروح
سنونك يبويه شكسراهه وكسر اضلوعك
وشفافك اتبجيني
بجلمة هلا سليني
يابوية يابوية
**************
بوية راسك ليش هيجي امتربينة
وليش خد الجنت ابوسة امهشمينه
من يضربونه شعجب شو ماتجينة
كــــوم رجـــعنه الاهلـــــــنه للمدينة
اتردني بوية للوطن لو ارحل انه وياك
ما ضنك اتجافيني
بجلمة هلا سليني
يابوية يابوية
**************

سيف الخفاجي
https://telegram.me/saif_alkhafaji