عالرمح شافة انحمل كلمن ابدينة خلل اتشبهلهم بالرم | الشاعر سيف الخفاجي
عالرمح شافة انحمل كلمن ابدينة خلل اتشبهلهم بالرمح هذه جبريل النزل وبأيدة راسك شايلة
***************
رب الــــجلالة امــــر جبريل يـــــمة حــضر كلة انزل ابساع
راس الحــــسين انكطع والصوت يمي انسمع لايلــــمس الكاع
جــــــبريل لبـــة النداء وبلهفة عاف السماء رب العرش طاع
اتـــــــــــوجه الكــــربلة راس الســـبط يحملة جنحانة الاشراع
نزل بس شاف الحسين ابلاية راس ابكربلة
هذا جبريل النزل وبأيدة راسك شايلة
****************
لمن وصـــل للجسد ناجاه يمة وكعد اسمـــــعني يحسين
ربـــــي يبلغك سلام عينك كبل ماتنام يـــــــــاقرة العين
اطلب يــــنزل البلاء مفتوحة كل السماء بس وجه الايدين
رب العرش لو شئت يحسين منه وردت مـــا يبقة كونين
حسين كل هذا الوجود الاجلة مخلوق وهله
هذا جبريل النزل وبأيدة راسك شايلة
****************
عبد الله من انـــــذبح جان الوجـــود انمسح ضل صافن الريح
لحظة خروج السهم حد ما صبح كلـــه دم رادت سمه اطيح
سهم الي صاب النحر بعرش الجلالة استقر منه الدمه اتسيح
اختاريت انته الفناء للدين ردت البقاء كلهم فدا اتصيح
لجل دين الله ومحمد يبقة محد يوصلة
هذا جبريل النزل وبأيدة راسك يوصلة
***************
حسين دار النضر عالخيمة راسة استقر عندي طلب كال
ماريد زينب تذل يشتمهه واحد نذل لو راسي ينشال
جيش الكفر لو هجم انته التطفي الخيم وخيل العده صال
راسي لون ترفعة وتشوفه هل مدمعه اتفكدلي العيال
لو ثبت بالارض راسي يعني شوف العايلة
هذا جبريل النزل وبأيدة راسك شايلة
***************
من سارت القافلة راسه ثــــــــــبت بالفلة بهــــالموقف احتار
جبريل ناشد سئل يحسين شنهي الحصل شنهي الجره وصار
صب مدمعه ويه النحر وعيونه تحمل خبر عـــالقـــافلة اندار
طفلة وحيدة عفت ماكو رقية شفت ضلت بالاخطار
منه روح حسين ضاعت طفلته المدللة
هذا جبريل النزل وبأيدة راسك شايلة
********************
الشاعر سيف الخفاجي
https://t.me/saif_alkhafaji
