الشاعر محمد الإبراهيمي

2022-08-29 11:37:56 ((مطَشر حلالك))



جــــزه حـــد الفـــهم بيـه دلالك
اعله مـــود ارتاح عالهزله عيالك
حــلال الله وتطشر بين الخيول
اعله عرض الگاع متبدي جمالك

يالـــواهب ضـيائك ليش
من چـــان الضلام يعيش
يمّوَزع ضوه أعله الجيش .. يــانور

عيونك يــادوى المخنوگ
ومّسيـــر نحـــر بالشــوگ
الغيـــرك والدمـــع ميلوگ .. عاشور

اجيتك نـــادم بذنبي
اجيتك ياعشگ گلبي
سفينةّ نـــوح بيبانك
الدربك قــربت دربي

ياحبيبي ياحسين ...

"""""""""""""""""""""""""""""""""""''''''''''''

بياضك خجل النــــور وبياضه
ياشيخ العرب وابــــن الفراضه
اجيتك زاير ودربك يغص هيل
وتهد بروحي هوسات وعراضه

بعيونك ينـــام الليل
يالماتزعل من الخيل
ويــــلاه وألف ياويل .. مسحوگ

متبدي أعله وجه الگاع
يالـــــرايح بلايه اوداع
يالتدري المخيم ضــاع .. محروگ

المخيم محترگ حاله
مشاعـل نـــــار خياله
وعـدو ماترحم العيله
اجــــوّ للخـيمه چتاله

ياحبيبي ياحسين ...

"""""""""""""""""""""""""""""""""""''''''''''''

اجيتك مستحي وبس دمعه جايب
يـــــالــمــمــدود طولك عــــالترايب
يــــالــمــسلـوب ثـوبك والـــــعمامه
ومن أصفــاحك اطيح المــصـــايب

ياهمك غـــده الخيمات
عيونك غورگت دمعات
طايح تسمع الصيحات .. يبچون

يبچون وسياط اتلـــوح
بيهم والگلب مجــــروح
وانته اعله الثره مذبوح .. وشلون

شلـون اتگــوم لعـيالك
ورمحك بالدمع شـالك
يشوفونك يــبو الــيمه
ذبيح امگطعه اوصالك

ياحبيبي ياحسين ...

"""""""""""""""""""""""""""""""""""''''''''''''

دربك محتويني وگلـبي محروگ
على زينب عجيبه والجرح سوگ
مشبوگ الحبل بچـــفوف الازغار
بــــس شلون ويلي صار مشبوگ

يويلي بالحجر مصـيوب
ضعنك والعقــيله اتـلوب
شمعه وبالجروح اتذوب .. عباس

تنادي والعمــر وبالراگ
ياعباس خــويه افراگ
خيالي وبالنضر وأنباگ .. ياناس

هاي الـــدنيا جابتني
بديره وناس شتمني
عن اخـواني بعدتني
أبد مــايوم رحمتني

ياحبيبي ياحسين ...



عبد زينب
محمد الابراهيمي باز کردن / نظر دهید

2022-08-29 01:01:36 ((ياخوله))


عمرچ والسبي
عفـه وبت نبي
الضعن بجروحه لمن سار

من صحتي أبي
وراسـه يصطبي
راسه عالرمح و اندار

يدير عيـــونه ويسلهم
ويعاين چفــچ وگيدچ
يا خوله العــــمر حفنه
زغيره وچويه بـ أيدچ

مسافةّ دمعتچ ويه الضعن حيره
خـــوله زغيره وحبـــالچ للچبيره

السوط بحاله تفسيره
وأنتي انفـاسچ زغيره ...

"""""""""""""""""""""""""""""""""""''''''''''''

محنيه الضهر
متروسه قــهر
طفله وتنردم بالخيل

هيــمه ولا أبوّ
ومگيود الاخوّ
عزيزه وضگتي طعم الويل

اذا مــــاتطلع الحـــسره
الهوى مايشــبع انفاسك
زغــــير چبـــــير مايفهم
يجيك الشيب عد راسك

نارچ والخيم نفس الجــــمر هوه
ركبتي اعله الهزل ياخوله بالگوه

عشتي بمحنتچ حيره
وأنتي انفاسج زغيره ...

"""""""""""""""""""""""""""""""""""''''''''''''

ليـــاليچ مضن
طفله وبالمحن
وگلبچ للرمح ينخاه

معودني بشبگ
بـابـا وينسحگ
حضنك لا ابد انساه

حضـــــنك دافــــي بالملگه
تحط روحي بوسط روحك
راح اعــــصر دمــــع عيــني
بلـــــكي يفــــــيد لجروحك

عالهزله وغفت عيــــنچ بعد عيني
طحتي اعله الحجر راسچ يأذيني

دمــچ ســــال تعبيره
وأنتي انفاسچ زغيره ...

"""""""""""""""""""""""""""""""""""''''''''''''

زينب والفـكر
مشعول بجمر
وگلب الحره مامرتاح

دمچ من جرى
ذكـــرو منحرى
وبضعنچ نحيب صياح

وحتارو يغســـــلوها
غربه ولا عرب يمهم
بياگاع ويـــــدفنونها
ابد ماينوصف همهم

ماتت بالغرب ودموم وبصحره
ماتت بالجرح وأحزان وبحسره

وكبرچ زارته الـطيره
وأنتي انفاسج زغيره ...



عبد زينب
محمد الابراهيميع باز کردن / نظر دهید

2022-08-29 00:12:07 مشاهدة "الرادود ..مله حمد البدري قصيدة علي الاكبر" على YouTube


باز کردن / نظر دهید

2022-08-28 15:11:53 ((مشاي اعتنيتك))



والرايه أعله أچـــتافي وترف بحميتك .. مشاي أعتنيتك
بكل خطوه آنه احبك وبشوگي اجيتك .. مشاي اعتنيتك
تارس روحي حُــــــبك ياماي الضميري .. مشاي اعتنيتك
يابو سكينه انتــــــه مجمـــعنه بثنـيتك ..
مشاي اعتنيتك

يامالك خطواتي يامن بعد عيوني
اتعبلك تستـاهل يـالجنيت جنوني

اسمك اجمل كلمه وغايه
وماتنزل من ايدي الرايه .. وترف أعله الراس

مكتوب أعله الرايه حچايه
وتــــحبهه كــــل المشـــايه .. يازود العباس

للضامي مشايه ...

"""""""""""""""""""""""""""""""""""''''''''''''

ساحرني بمعروفك شاملني بحنانك .. وبروحي مكانك
مرويني بلطــــافك يل يابس لسانك .. وبروحي مكانك
أمشيني مشايه وبمــــوكب جروحي .. وبروحي مكانك
ياكعبةّ كل عاشگ والغــيره بحِسانك .. وبروحي مكانك

مـــــــــن بعــيد اترجه تسمع نغمةّ نوحي
ياحُسين ابچيلك من روحي الحد روحي

اسمك اترف من الدمعه
يالزارع بالضلمه الشمعه .. كل كان وكان

بس مولاي جروحك هاله
نورك تسحگ بـــي خياله .. عاري وعطشان

للضامي مشايه ...

"""""""""""""""""""""""""""""""""""''''''''''''

حبك بينه ماشي من ديره لــ ديره .. ياشيخ العشيره
بس انته أميري وبس زينب اميره .. ياشيخ العشيره
محشومه مولاتي بالعفه العقيله
محشومه بطلعتها من الخيمه الچبيره .. ياشيخ العشيره

عالهزل مچتوفه بس متحزمه بعفه
والحجاب العدها الكــل الضعن كفه

زينـب اول نضـــره بعيني
زينب هيه اسلامي وديني .. مولاتي ام عون

مو بس قـائد اكبر هيه
زينب بت حيدر علويه .. والكل يدرون

للضامي مشايه ...

"""""""""""""""""""""""""""""""""""''''''''''''

الخاطرها العقيله مشايه اجينه .. والرايه بدينه
بكل خطوه نذكرها مولاتي الحنينه .. والرايه بدينه
بكل دمعه النبچيها نذكرها الهزيله .. والرايه بدينه
يازينب لا والله لو حضه نسينه .. والرايه بدينه

زاير حشم زاير لاتگصر خطواتك
وحّسين متانينه لاتنشف دمعاتك

زود وغيره ومجلس خدمه
واحبـــاب حســـين الملتمه .. خدمةّ مولاي

شما يبرد واحد بالحرگه
يتــــذكر زينب والخنگه .. وماشربت ماي

للضامي مشايه ...


عبد زينب
محمد الابراهيمي باز کردن / نظر دهید

2022-08-28 12:23:57 مشاهدة "يا مضيف \ الملا زيد الماجدي \ محرم ١٤٤٤ هـ" على YouTube


باز کردن / نظر دهید

2022-08-28 12:07:44 مشاهدة "ملا ولاء الساعدي //جبير الحب __المشايه كلمات المخلص وعبد زينب محمد الابراهيمي" على YouTube


باز کردن / نظر دهید

2022-08-27 23:05:41 مشاهدة "نـجـل الــحســن | بهاء المياحي" على YouTube


باز کردن / نظر دهید

2022-08-27 18:01:34 ((شيخلصه الليل))



نمنه والجــــفن يحســـين مـــاغمــض
من شِيب الرمش والشوف صار ابيض

حزن مترهي بحالي
ويمّ الخيمّه چــتالي

والذكرى وصوركم والصدر منرض
بثوابك والســياط بمتـني ماتنفض
وبچعب الرمح ياخويه والمــقبـض
أشاگف والدمع بالسكته مايـنــكض

غديت أتراب .. وجروح الغـــرب كلفه
غديت اتراب .. خويه حسين ياوسفه
مــــــايرضا العدو يبطل
على متوني يدگ إيضل

شيخلصه الليل ...

"""""""""""""""""""""""""""""""""""''''''''''''

ماحــــاجه بعد للماي لا يحسين
وبثواب النحر ضلينه عطشانين

ماتـــــرهم بعد نشرب
وأنت مسلب مخضب

سوالف مـــــن بچينا ترجمتها العين
وبخيمةّ جـــرحنا سَكـتت المــــيتين
والحـــراس تخطف وأحنه مرعوبين
وحگ ريجك اليابس خويه سهرانين

شلون أنام .. وأحنه من الصبح أسره
شلون أنام .. وباچــــر تنسبي الزهره
باچر بالحـــبل مشدود
كل شاهد وكل مشهود

شيخلصه الليل ...

"""""""""""""""""""""""""""""""""""''''''''''''

يهب بينه الهوى وتــناشغ العيله
المحروگ بدمعته شنهي أسويله

شسويله الصرخ بابا
هذا الچَـويه بمصابا

أَسَكتْ رمله وتفـــــز بالبچي ليله
ورباب تگــــلي ويـــنه أرد ألوليله
وأگـــــومن للعليل بروحي أتَچيله
الشاف الخيل تسحگ ينمرد حيله

هنه هواي .. بـــــــــس فــــرگاك أولهن
هنه هواي .. المصايب خويه شيعدهن
المصايب بالجروح تعيل
كلنه وياك كـــــون نشيل

شيخلصه الليل ...

"""""""""""""""""""""""""""""""""""''''''''''''

يعاندني الجرح والذكرى ماتهده
والدمعه منذكرك خـويه شيردهه

الدمع يحسين عذبني
أفزعلي يخـــــال أبني

أختك ياشريچ البال وحدهه
وعيالك تريدك غيرك شعدهه
يخويه خلتك مانگدر نسدهه
يطايح للمدينه عيلـتك ردهه

خويه منين .. أجيبك وأنــته مطَشر
خويه منين .. اجيلك والدرب مخّطر
مامتعود انتـــه تنام
يسابينه بگينه ايتام

شيخلصه الليل ...

"""""""""""""""""""""""""""""""""""''''''''''''

جـــابو نوگهم والهـــزله عرفتني
نفسها من المدينه الناگه جابتني

من شافت خدر محروگ
هزّلَت خويه حتى النوگ

عيون الناگه تدمع من صحت متني
بچت يحسين حـــتى الناگه بچتني
وتّــــگلي الخدر چــــا وين حاچتني
وچفوفي بحــــــــبل تعبانه شافتني

مشينه وراح .. علـــى طبع الجرح بتنه
مشينه وراح .. على ضهور الهزل رحنه
ومن ضالم لعـــد ضلام
والاصعب طريق الشام

شيخلصه الليل ...



عبد زينب
محمد الابراهيمي باز کردن / نظر دهید

2022-08-27 07:35:06 ((النفس المطمئنه))


يا أيتاها النفس المطمئنه ارجعي الى ربكِ
راضيةٌ مرضيه
مذبوحةٌ مدميه ..

ياحسين
تهمس جروحـــك سوالف
طحـــت بس الرمح واگف
رحت لـ الله وكلشي عايف
گلب نازف
المخيم عفته خايف

(عندما كنت في الارض ترى السماء
وعندما صرت الى السماء حدقتُ
في ارض كربلاء)

ماذا ترى ..
والجيش ما يعرف حــروف الرحمه
اطــــفال كلــــــهه تصيح وينچ عمه

صعبه اليطيح بنص هله
لو عدله اخـــوته أتّجَبله
بس انته مــا مثلك بشر
كلشي بعت حتى النـحر

من هجمت خيول العده ولحدود المخيم دنت
شلت ايدك تگلهم عدل
والخيل ما چنهه أسمعتّ

(اضطرب بكَ الحنين بحرقّ الخيام
وسالت الذكريات التي علقت على جدران ألف خيمه وليله
وباتت العبرات مُكسره بحوافر الخيل)

والـــــذاريات ذروه
فـــــاحاملات وقره
وحسين حزو نحره

يحسين بضمـايرنه لا انته ضمايرنه
صحنه بيك آمنه ليش وياك مارحنه
وعن طفك تعطلنه
ولا يمك تگطعنه
ولا مره تغربنه
غيرك والله ماعدنه


(لكَ شوقً الى الطف لا يسعهُ الطف
بل كنت ألطف
وعندما جائت لك الناس صفاً صف
وعندما قالو لك العلقمي قلت لهم خذو دمي
وعند ضريحك بنفسي ارتمي
عاشقاً مجنونٌ مغرمي)

ان الله يا حسين ينضر الى زوار قبرك الاقدس
قبل ان ينضر الى حجاج بيته

وانا اقول
.. عندما ينضر الى زوار قبرك الشريف
لا ينضر ابداً الى حجاج بيته
يكتفي بالتلذذ الى زوارك ونورك الوهاج

يا حجاج .. عمي بكربله المعراج
ياحجاج .. عمي بالزياره التاج
متعنين الك يحسين هاي افواج فوگ افواج
يابحر الوفه والنور
هنياله البحبك فاج

أن قبلت قبل ما سواها
وأن ردت رد ما سواها
(زيارة الامام الحسين )

بس حبك صــــدگ مــــتواجد وياي
وحُــــــب حــسين بنــاقوس أله رنه
عــــــابس بـــــالغرام وصــار مجنون
يـــــندل الـــــدرب وبحــــــــبه يتهنه
وحبك ياحسين بجرحي ضل يعيش
ومشــــــايه ودمعــــتي بخدي تتعنه
أهي بسبعين حجه بخطوةّ الماشين
چـــــم حجه اذا من البـــصره وتعنه



عبد زينب
محمد الابراهيمي باز کردن / نظر دهید

2022-08-27 00:06:49 (بالرفگ عباس)

ملا قصي العيساوي
شعر محمد الابراهيمي باز کردن / نظر دهید