الشاعر محمد الإبراهيمي

2022-08-04 04:46:16 ((وتحزمو))



وتحـــزمـــو كــلهم ســـوه
وسجدو على تراب الخيم
وخــدودهم گــلهــن دمــع
ويــه الدمــع ينـــزل شيم

غــرام وشــوگ وسيــوف
عطش والجيش مصفوف
شباب وتشــتري المـــوت
مــحـــد منــهم يــعـــوف

صـارو سـتر
الأم الخـــدر .. مــاتعبر اسهام

شيب العشگ
خضر حـــرگ .. وتفسره الايام

حبيبي ياحسين
حبيبي ياحسين ...

"""""""""""""""""""""""""""""""""""''''''''''''

وتكاسر الشيب بغزل
وكلمن يسولف مايلي
جون بترافةّ دمعـــته
والاكبــر بصــفه علي

حسين يـدير العيون
وهايم بالعشگ جون
عاشگ والجرح موت
وهب بحسين مجنون

جــون وهب
مثـــل اللهب .. وتّچـــووّ بنـار

هــوه اليحب
جرحه صعب .. من يهجر الدار

حبيبي ياحسين
حبيبي ياحسين ...

"""""""""""""""""""""""""""""""""""''''''''''''

ودموع ابو الاكبر جرن
وذبوّ عگـــلهم عـالترب
لو نحترگ مـيةّ حــرگ
أحنه انخلقنه للــحرب

المــثلك ليــش ينــعاف
حنين وطيب الاوصاف
نخاف أعليك يحــسين
تظل أوحـــيد ونــخاف

بجرف النهر
تــشــبع قهر .. من تنضر چفوف

تجر السهم
وأنته بألــم .. وعضيدك أتشوف

حبيبي ياحسين
حبيبي ياحسين ...

"""""""""""""""""""""""""""""""""""''''''''''''

وعابس بده يشگ الهدم
لــمن سمــع راســه برمح
وتــسومر بخلـگه الحچي
وضل ينتضر سيف الذبح

يريت وتعمه هــالعين
برمح وتصير يحسين
هــــاي شمـالها الناس
ويـــن تــريـد لاويــن

بگلبي انجرح
وأشـــبع ذبح .. ولا أنته مذبوح

سيف وحجر
حــــــافر عبر .. وعالگاع مطروح
حبيبي ياحسين
حبيبي ياحسين ...


عبد زينب
محمد الابراهيمي باز کردن / نظر دهید

2022-08-04 01:36:25 ((كل العجب))



عجب كل العجب
إليـــــك يـــاوهب
مسيحي وللســبط من المحبين
وهمه اسلام ويكرهون الحسين

"""""""""""""""""""""""""""""""""""''''''''''''

وهب مبروك وأنته تعانق سيوف
عريس الشهاده بنص الطفوف
يـــاخوف المنيه ملاوي الخوف
لوما حسين چـــا ليهسه مچتوف

لقد سار الذهب
إليــــك ياوهب
حيرت الصـــــليب بچلمةْ الدين
وهمه اسلام ويكرهون الحسين

"""""""""""""""""""""""""""""""""""''''''''''''

جــــنت زغير تذكر لمــــن أجـوع
وهب حيدر اجالك موش يـسوع
شتل بيك العشگ وزگيته بدموع
صرت اعله المنابر ألف مــوضوع

نخيلاً وعنب
إليك ياوهب
مجنون الحسين وعمره سنتين
وهمه اسلام ويكرهون الحسين

"""""""""""""""""""""""""""""""""""''''''''''''

شراواك الحـــسين وصرت مجنون
ســولفــلي أشــفت يابــعد العــيون
شو گمت اعله طولك ونتچه الكون
هـــواي اســرار بـــالقـــرآن تــدرون

وساماً ورتب
إليك يـاوهب
لتگلي العشــگ محصور بثنين
همه اسلام ويكرهون الحسين

"""""""""""""""""""""""""""""""""""''''''''''''

وهب امك شجاعه تگابل الجيش
هم مجنونه عرفت بــالسعر بيش
طارت بالطفوف بعـشگ مو ريش
راح بهــــاي أگلك قاتلـــت ليــش

حسينيو النسب
إليــك يـــاوهب
شفتهم وانته عاشگ شوفت العين
وهمه اسلام ويــكرهون الحـــسين

"""""""""""""""""""""""""""""""""""''''''''''''

وهب مرتك شـــجاها تقــاتل وياك
شني الموضوع حتى بسرعه تلگاك
اجتلك چـــه لأن مـكـــروه فـــرگاك
مجانــين الطــــفوف اتسمو اهــناك

جنوناً ونشب
إليك يـاوهب
صليبك واگـــف بمثواك مسكين
وهمه اسلام ويكرهون الحسين


عبد زينب
محمد الابراهيمي باز کردن / نظر دهید

2022-08-03 05:20:30 ((يهابونه))



من عينه ... مسلم من عينه يهابونه
من عينه ... وأحتارو بي ميدرچونه
مسلم ...

"""""""""""""""""""""""""""""""""""''''''''''''

تحزم ابو طـــاهر جــرد السيف
مطرت من جبينه وبلل الصيف
كون اليوم منــكم ياخذ الحيف

جرد بتاره
گوم ومحتاره
وضل يشب ناره .. بالكوفه

وسواهم بايه
ودگ بيهم ثايه
وبچتافه الرايه .. معروفه

من صوته ... خرت حيطان المعموره
من صوته ... فرسان وضلت منحوره
مسلم ...

"""""""""""""""""""""""""""""""""""''''''''''''

سواهم حطب ضل يشعل النار
الفارس من يجيله يصير محتار
مسلم هذا بـــس الصـــوت كرار

ما ميز صوته
حيدر وبقــوته
شايل تــــابوته .. واحدهم

ومرعوبه الديره
والـــــگوم بحـيره
چف أيده چــــبيره .. ويشدهم

من سيفه ... ردت فـــرسان وفَــرآسه
من سيفه ... والفارس ما حصل راسه
مسلم ...

"""""""""""""""""""""""""""""""""""''''''''''''

حي الله انتفض عالگوم بركان
شما طلعو يرد الجيش خسران
من دمهم صبغ بالكوفه حيطان

وتحشم طـوعه
وتغيض ضلــوعه
والجــيش بــروعه ... خلاهم

من زوده الغالي
ويـــنوش الـعالي
عـــمــي الــيــبرالي .. بچاهم

خلاهم ... واحـــد ويِــرَدمّ بـــالثاني
خلاهم ... من سيفه الشجعان تعاني
مسلم ...

"""""""""""""""""""""""""""""""""""''''''''''''

تبده الجيش مثل الماي بالگاع
وضمو روسهم ذوليچ الأسـباع
لو عباس چا حتى القصر ضاع

چا من ريشاته
تصـــعد صولاته
ويصرخ صرخاته .. هدوني

لو يـمه عضيده
الجـايبته الحيده
چـــــا اتـرس بيده .. تلگوني

وعضيده ... عبــاس وطباها الكوفه
وعضيده ... ويسرفن عباس چفوفه
مسلم ...

"""""""""""""""""""""""""""""""""""''''''''''''

يضل عــــدادهم بـــالقتله ويعد
موش الجيش حتى الگاع تشرد
وبنحور الرجال ومـــرهفه إيحد

لو مر أخياله
ترجف خــياله
مسلم وبــــهاله .. وبجوده

مــسلم ترتيبه
ضل عالي الهيبه
والــــراح يــجـيبه .. وبزوده

يا بويه ... ضل يحصد بيهم بالحاله
يا بويه ... والخــــيل تــفارگ خياله
مسلم ...


عبد زينب
محمد الابراهيمي باز کردن / نظر دهید

2022-08-03 04:53:10 ((يمسلم والنعم))


تَحزمّ ونچفه أعله الجيش ضربات
ومشــدوها الزلم مــن يمها لو فات
وفـوگ الروس ضل يزرع مسافات

أذا خــنــزر .. انتهه العسكر
ســـفير حسـين لو ضهضب

نعم فارس .. صدگ حارس
أباب الدين مــــات الـــطب

أذا دم دم .. نــــهر مــن دم
هــــوه الــــزين المـــرتــــب

غــيره يرف .. اذا يحــــلف
بــــالعـــبــــاس وبـــزيــنب

صاح ... هذا الجيش بارد
من عيوني شارد

يمسلم والنعم ...

"""""""""""""""""""""""""""""""""""''''''''''''

كون اهناك چا حتى الهوى يموت
وي عبـــاس ضــهر بضهر ويفوت
روح بروح وي عــباس منحـــوت

لو بالطف .. الگاع تخف
ابـــو طـــاهر وطـــباهم

تصد عينه .. لبـــو سكينه
ويـــگله آنــــــه اتلگـــاهم

اذا يحچي .. الزلم تـبچي
مســــلم والله بچــــاهــم

يشد ايده .. على عضيده
كــــلها تصـــيح خــلاهــم

آخ ... كــون بكــــربله هــناك
حـــتى الحومه تنخاك

يمسلم والنعم ...

"""""""""""""""""""""""""""""""""""''''''''''''

انته الزود كله وصـعب ملگاك
يريد يموت هذا الواگف وياك
تعرف قيمته والســيف يهواك

يالمعــدل .. چن محـفل
شــــو فرحان بالــحومه

ابتسامــاته .. بچــلـماته
اركان الجيش مــهدومه

يالحــالم .. بصف جسام
هــلاهل عـــرس بهدومه

يشد ظهره .. تشم عطره
مثـــــل بركـــان وبــيومه

سيف ... من آل النبي
العمه الطالبي

يمسلم والنعم ...

"""""""""""""""""""""""""""""""""""''''''''''''

يتـــخيل بمنــــضر يـــمّ الحــسين
كلهم آلـــ هـــاشــم مــن يصد عين
ويمهم هوه بس ذاك الحچي الزين

وبعد منظر .. يجي الأكبر
يـــنـگـط هـــيل والغيــــره

يشد صبره .. على الشكره
وحـــتى الخـــيل وبحيره

فده عمرك .. تشــد مهرك
ضــــاگـوّ ويــــل تعـــبيره

هله بمسلم .. وظل يثلم
ويــــم حســـين تدبيــره

گــــام ... و الكــون انچفه
والجيش اخـتفه

يمسلم والنعم ...



عبد زينب
محمد الابراهيمي باز کردن / نظر دهید

2022-08-02 11:57:17 ((ندبةّ ام البنين))




طلعت شايــــطه ومرفوعه الادين
اوصيكم يـــــولدي بسيدي حسين
اكطعو اجفوف وانطو للسهم عين

((ونطتهم كل واحد رايه))

"""""""""""""""""""""""""""""""""""''''''''''''

جعفر يمه اسمع مني الحچايه
اريدك للضعن يــــــايمه تچايه
ماوصيك بعد امك يبــو الرايه

((ياجعفر گص روس القاده))

"""""""""""""""""""""""""""""""""""''''''''''''

ها يربات حضني ودمعةّ الغفلله
أخَيَك يمه أخَيَك يـــمه عبدالله
صير أگبال بالطف يـمه لو صلى

((ماريد اسهام اتمر صوبه))

"""""""""""""""""""""""""""""""""""''''''''''''

بطلوگي بحليبي بســـهر العيون
زينب حطها فوگ الهامه ياعون
يبني انته الزغير وحيـل مزيون

((وصيتك وآنه البدويه))

"""""""""""""""""""""""""""""""""""''''''''''''

مايحتاج يبني حتى اوصيك
تندل كلشي مايحــتاج أدليك
گمر حتى السمه هم ماتكفيك

((بمتونك شيل العلويه))



عبد زينب
محمد الابراهيمي باز کردن / نظر دهید

2022-08-02 05:19:09 ((ضعون الموده))



شالـــت أضعون الموده والأمان
شــالــت وأم البـنيـن بيــا حنان
تلــتــفـت وعــيونها مـتغورگات
تگول هلبت بالضعن ألگه مچان

آه ..
ويــاچ زينـب بالضعن
بحماچ زينب بالشجن
وياچ أشد حمولي يمه وياچ زينب

اه ..
مطروح حملي بالدمع
ياصوت گـلبي ينسمع
خاف طفله أضيع منچ يمه زينب

يــمه صعبه
البيت أطبه
يــمه حيره
الدنيا غربه

يمه زينب ... يمه زينب

"""""""""""""""""""""""""""''''''''''''"""""

تعلگت بــالهودج ومدمــعها سيل
تريد تركض بس بعد مابيها حيل
حسين من المهره حَول بالدموع
يمـه يـم عـباس باچـر كلها خيل

آه ..
والـــنار يـمـه بـخـيمتچ
وشلون حالي بطيحتچ
وخيلهم مابيها رحمه أدوس يمه

آه ..
ضلي بونينچ والجرح
خايف تموتي عالرمح
لو لگيتيني آنه طايح صعبه يمه

گــلي بيهن
من يجيهن
جيـش يمه
بلا وليــهن

يمه زينب ... يمه زينب

"""""""""""""""""""""""""""''''''''''''"""""

الخطوه مـــن عيونها تاخذ حياة
شَيـبت منـها العـبايه أعله البنات
عاشت بسكتت الميت من يموت
وفارگتها ضعون أهــلها النازحات

آه ..
وتگول جمره دمعتي
يحسين غربه ديرتي
الــغــريبه تــموت وحشه شوف حالي

آه ..
مكسور گلبي وخاطري
والشيب يبني بناضري
حتى حال البيه ضل يبچي أعله حالي

راح أمــوتن
وين اروحن
گــوه ابچي
گوه انوحن

يمه زينب ... يمه زينب

"""""""""""""""""""""""""""''''''''''''"""""

تحسب بسبحتها أيـــام الغياب
نوبه تگعد بالدرب فوگ التراب
خــلصـتها بــاليـــمر بيها سؤال
تسئل وماتلگه من تسئل جواب

آه ..
دنياي صـــارت مايله
ياريت وأوصل كربله
ريت كون اسحگ الجمره وبركاضي

آه ..
ياريت مچويه الجدم
والحيل كون ويـنهدم
حتى ألم ضــلوعه بيدي وبركاضي

حتــى أجعده
بشيله أضمده
وأشم عــطره
المالي خـــده
يمه زينب ... يمه زينب



عبد زينب
محمد الابراهيمي باز کردن / نظر دهید

2022-08-02 05:15:28 ((گوديني بدمع))



آخــذّ دمـعتي أبـحـــر الضنون
وأنـسـه كيـاني ويــاهوه أكون
لو لحضه أعوفك عمري سراب
وأندب هذيچه أم گلب الحنون

أحّـــزم دليـــلي بـالعشگ .. وأدگ الــباب
وأستجدي منها وأحترگ .. اريد أمصاب
أم الــــبــنيــن الاربــعـــه .. يـدر عــبــاس
والخدمه ودموع الصدگ .. وگلب مرتاب

گوديني بدمع ..
المجلس فاطمه وحسين
مـــاتنــشف بــعد هالعين
وابچي لـــلــخدر ويــلاه
من سافر ضــــعن لاوين

يا أم البنين .. مدد

"""""""""""""""""""""""""""'''

حــبـچ هــيام الـــمــاله هيــام
حــبـچ يــدلي بـذيـچ الــخيام
مــولاتي انـتي الجرحچ غميچ
ومن جرحچ أطلب دمع الغرام

دمع الغرام بشـيلتچ .. يظل مصبوب
دمع الموده بـرادتچ .. جــمر ويــلوب
يمفزعه شبان أربعه .. بلهيب الشوگ
أم البنين ونضــرتچ .. تـظل عالبوب

لَهفچ ينسمع ..
نـــار الــهــاجرو لهيب
وشموس السمه تغيب
راحو كربله وعـــذاب
وجروحچ أبد تطيب

يا أم البنين .. مدد

"""""""""""""""""""""""""""'''

منتضره عينچ هـلبت يجون
بدرب الأماني ماكو الضعون
روحچ حزينه ودمعچ ضياع
وانتي چبيره وگـلبـچ حنون

يمــشيبه بـيــبان الهـجر .. حبــيـــبـچ راح
مــايــسوه گـلتيله العمر .. يـحمـلچ طــاح
متوسده يحسين الترب .. وأتــاني بموت
أمــوتــن يــمـه وأنتضر .. وشجوني الناح

تدري الوضع ..
سكته وعــايشه بعذاب
ورمــشي وصـــل تراب
أرســـم بالـضعن وأنوح
وكل ماي الوكت سراب

يا أم البنين .. مدد

"""""""""""""""""""""""""""'''

قــاروره گــلــبي ودمـــك اشوف
شــفت الــرماح وشفت الطفوف
مــنحــر لــگــيته بـجرحه التراب
وعالشاطي يبني شفت الچفوف

جــمر المـخـيم للطفل .. شفت يحسين
ياهو الأگـله ويــنسئل .. طـــريقك وين
خيل وسيوف محمره .. تــريــد نحــور
وسلابه ودموع وحبل .. بـــعــد لاويـن

ومسحوگ الضلع ..
بعـــيوني وأظل أدير
ضـلعك يــالولد كسير
ضامي وما ألك معين
وخدك عالترب يصير

يا أم البنين .. مدد



عبد زينب
محمد الابراهيمي باز کردن / نظر دهید

2022-08-02 04:37:34 ((يمته ياهلي ))



يـــمته يــاهــلي تــردون
مو حتى الدمــع بي لون
يمه حسين ضعــنك وين
يمه حسين وين أم عون

يمته الدار افرشه وبالصلاوات
الناس أتعد ليالي وآنه لحضات
خِليه الدار وآنه الوحـدي مليت
وأقرا القل اعوذو والســـلامات

ســلامات اعله صدرك
ســـلامات اعله نحرك
ب آية گلبي محروس
وسلامات اعله ثغـرك

فدوه بنيني الرجعتك ...

"""""""""""""""""""""""""""""""""""''''''''''''

يمته اسمع اليــمه بصوت
أبني حسين يــمي يفوت
وأعاين طولك اعله الباب
چا هــذا النضر مبخــوت

عشت باليمته واليمته عمتني
وتصـــاوريك البــيه شـيبـتني
رت ويـــاك اروح ومــاخذتني
وبيا يمــــته يبــني ضيــعتني

نـــسيت النـوم يبني
أنه امـــك عالي وني
عفتني بوحشةّ الدار
يلب گــلبي عفـــتني

فدوه بنيني الرجعتك ...

"""""""""""""""""""""""""""""""""""''''''''''''

گصرتّ نضرتي والشوف
يـــتلهوه شكـــثر ملهوف
أباوع وألــــتفت وأردود
أباوع وألــــتفت بالأوف

ملَلّتّ الـــدرب يـــبني وسـبــيته
الـــيمر بــالــدار اگــله مـــا لگيته
أنه عندي ضعن بي ساده ياناس
يــــاهو الشـــــاف ضعني تيهيته

بــــــي كلـهم نشامه
عمامه بصف عمامه
بي عباس وحسـين
اهل زود وشـــهامه

فدوه بنيني الرجعتك ...

"""""""""""""""""""""""""""""""""""''''''''''''

شدّهَتّ بالي يبني الريح
تدگ الباب گلبي يطــيح
وأگولن هـــلبت الغــياب
وأگومن والسنين اطيح

جزتني الـروح وتـفرفح على الباب
يهلبت صوت حتى الباب هم شاب
يمته النـــوگ ويـنــوخــها عبـــاس
ويدشون اعله بيتي كـــلهم احباب

يدشون اعـــله حالي
غالـي يــگــود غــالي
ويلاگوني على الباب
ويــگلولي تـــعــــالي

فدوه بنيني الرجعتك ...

"""""""""""""""""""""""""""""""""""''''''''''''

ذبلت بيــــه حتى العين
شجالك طولت يحسين
لا انــتــه ولا مكــتــوب
أنشدمن وأروحن ويـن

أعـــالـــج والــــرفيف الرآي بالرآي
أضن عطشان شو ما أشتهي الماي
يگلب أمك طريـحه وضايع أدواي
وبّنيتك عفتـــها تـــلــــوج ويــــاي

نلوج بـــوحـشةّ الليل
ونتـــحـلم تـــمر خيل
ونفز ونصيح يحسين
عفتنه بويل يــــا ويل

فدوه بنيني الرجعتك ...



عبد زينب
محمد الابراهيمي باز کردن / نظر دهید

2022-08-02 03:18:30 تنويه القصيده للشاعر ميثاق المالكي
ارجو الانتباه جزاكم الله خدمة الحسين




هــــــوه لينكسر ظهره
الله ليعلـــــــم إبكسره…يعباااااس
يعيش الغربه وسط اهله
وراك المــــوت ينـــدله …يعباااااس
اصيـــح وما ترد الصوت
يخو زينب فرگتك موت

انته ادّركني هوه حسيـن غير انته
حسين ألي رحــت مـن يمه شيبته
رحت للماي بس ادمـــــوع غرگته
اخوك اجــروح فوگ اجروح چملته

صح نار العطش تلفح
لاچن فــرگتك تذبح .. رحت وين
ارجع رايــــد اتنفس
چبدي لبُعدك اتيبس.. رحت وين
صيح احسين ولو بسكوت
يخــو زينب فرگتك موت
ـــــــــــــــــــــ

أركضلك وگــــولن الله لخيــامي
واجيلك للنهر مشتــــاگ مو ضامي
بس وين اتجه شو تاهت اجــدامي
على يساري يخويه يميني جدامي؟؟

تاهت خطــــوتي بالبر
وعثـــر ونهض واعثــر ..وناديك
أمنيتي صـــارت اوصلك
اندلني خـــويه واندلك.. وناديك
حلم صــارت عليه تفوت
يخــو زينب فرگتك موت
ـــــــــــــــــــــ

أنّدليتك يروحـي وعـــرفت وينك
سمعت اسمي تــوسط لوعة اونينك
حته وانته طايــــح تِهم بحسينك
تأشــــرلي عليك مخلـــي جفينك

جفوفك خويه ذبحتني
بأخـــر شبگه ذكرتني…بالوداع
بستهـــن وتجه صوبك
گــــوم اتلگه محبوبك…بالوداع
دواي انته ودوه المنعــوت
يخــو زينب فرگتك موت
ـــــــــــــــــــــ

احسين وتدري بعـدك غيرو اسمي
الغريب انه الوحيــد وانته مو يمي
وسهام الشمـــاته لماخطت جسمي
يخوي وصـــاحِبي ويا ريّتــي ودمي

يروحي جروحك انظرها
وجـرح الهضــم اكبرها..شفت بيك
بعينك هـــــالسهم گاعد
وعين الاخــــره دم جامد..شفت بيك
اضمد اجــروحك ومبهوت
يخــو زينب فرگتك موت
ـــــــــــــــــــــ

الحيره شلون أوگف گلي من دونك
ونه الطــايح ودور لــزمة متونك
طلعت من الخيم وسمعها وعيونك
ما رادو المـــــاي اطفالي يردونك

وحيرة زينب الحيره
شگلها راح ابو الغيره .. ولا يعــود
وراح اهدم الك خيمه
وگلهم ركضو بالهيمه.. ولا يعــود
وَنه لميلمني اي تـــابوت
يخــو زينب فرگتك موت
ـــــــــــــــــــــ


ميثاق المالكي باز کردن / نظر دهید

2022-08-02 00:30:53 ((أليها ام الوفاء))


فديتي أفحول ياحره والابطال
ودمعچ ماسكت ساعه ولا بطل
عرض هـــالدنيا أفرنها والبطول
ولا ألــگـــه مــره مـثـلـچ وفـيـه

فديتي أبطال ياحره والفحول
وحــالچ صــار متغير ألف حال
تگول المرض يـوليني ألف حل
اطيبن مــــن يــرد حسين أليه


عبد زينب
محمد الابراهيمي باز کردن / نظر دهید