عشر نصائح وتنبيهات حول تغذية الطفل... مهم فى بداية تقديم الأكل للرضع فى الشهر الرابع, ادخال صنف واحد تدريجيا لمدة أسبوع والمتابعة جيدا لأى مشكله اختناق او حساسيه او اى أعراض جهاز هضمى. لو رفض الطفل اى صنف من الأكل حاولى فى وقت تانى ولو استمر الرفض اجليه مؤقتا. ممنوع اعطاء الطفل السكر والملح والعسل واللبن البقرى والجاموس سواء مخفف او مركز نهائيا قبل عمر سنة, ولو هتقدموله البيض فلازم يكون مطبوخ بشكل جيد. ممنوع تقديم الشاي، القهوة، الشوكولاته للطفل والتي تحتوي على السكريات الزائدة والكافيين. مهم اننا منقدمش للطفل أى توابل قوية أو التوابل الحارة بما فى ذلك الشيبسى واندومى وخلافه. حاولوا متزودوش فى أكل الطفل سواء كان الحليب أو الاكل العادى, معدة الطفل بتكون صغيره فمهم نعرف الكمية المناسبة. نتجنب إعطاء الطفل مشروبات فيها سكر كتير عشان ميتعودش عليها لانها غير صحية أيضا تجنب المشروبات الغازية. عدم اعطاء الطفل الأطعمة ال فيها ملح زيادة وال ممكن تسببله فى مشاكل صحيه بمرور الوقت. تجنب الاطعمه ال ممكن الطفل ميقدرش يبلعها وتسببله اختناق زى المكسرات والفشار والزبيب والاكلات الشبيهه, لازم نطحنها كويس الأول. مينفعش تقدمى لطفلك الوجبات السريعة، لانها تحتوي على نسبة عالية من الدهون إلى جانب أنها لا تحتوي على عناصر غذائية تفيد جسم الطفل. 204 views07:57
