هزت راسها ودخلو عالمخفر كان صفا قلبا عم يرجف من جوا ورح تموت م | Stories 📖
هزت راسها ودخلو عالمخفر كان صفا قلبا عم يرجف من جوا ورح تموت من الخوف اول مرة بتتصرف هيك تصرف مجنون بحياتها بس لما شافت حياة اختها بخطر كان لازم تتصرف وتعمل كل الي بتقدر عليه لتنقذ اختها ما حدا كان بيعرف انو السكينة الي بجيبتها هي سكينة تقشير فواكه مو اكتر كانت تاخدها معها عالمدرسة لتقشر فيها برتقال طلبو من العسكري الي واقف عالباب يشوفو الضابط بسرعة لأنو عندهون شي بدن يعترفو فيه ضلو يستنو عند الباب لحد ما أجا الضابط كان صدى خطواتو عم يقرع بالمكان ويخلق صدى مع كل خطوة بيخطيها تطلعت فيه صفا بذهول وحطت أيدها عتمها كان الضابط هو عماد أخو لوسامeomoo_prhom جزء ٤٠
العسكري. اتفضلو هاد هو الضابط
عملت حالها صفا ما بتعرفو لحد ما تتأكد انو اسراء رح توفي بوعدها وتعترف اما رح تكون كذابة
صفا. مرحبا سيادة الضابط طلبنا نشوفك لانو في شي بدنا نعترف فيه
أسراء. سيدي كل القصة انو هي البنت عم تهددني بسكين وبتعرف انو هالشي يعني شروع بالقتل وانا بدي اشتكي عليها وادا مانك مصدق تعى وفتشها
قرب عماد بخطواتو الثقيلة شوي شوي لعند صفا كانت بهاللحظة صفا متجمدة عن الحركة صار قلبها يرجف بسرعة لما حط عماد ايدو بجيبة جاكيتا وطلع منها مفتاح كانت ريحة عطرو عم تخترقها وتخليها تنسحر بوقفتو
اسراء. سيدي هي وحدة كذابة صدقني انا متأكدة انها رمت السكين بالطريق لحتى تخلص حالها الله يوفقك صدقني
طلعت صفا من سكوتها وتطلعت بعيون عماد صفا. انا بدي قدم شكوى ضد هي البنت سيدي طلعت موبايلها وفتحت عالصور صفا. سيدي هي البنت عم تبيع دوا للبنات بالجامعة على انو دوا وجع راس ومانو موجودة غير عندا لانو من برا البلد بس طبعاً سيدي الدوا في نوع من المخدر قوي وهو غير نوع العلبة ويؤدي للأدمان طبعاً هون بيتدخلو جماعتها وبيصيرو يزيدو الجرعة ويبيعو بضاعتهون بكل أريحية بين الطلاب وطبعاً سيدي انا عندي الأدلة الي بتثبت حكيي في مقطع فيديو وهي عم تسلم الدوا لأختي وفي كمان تقرير طبي بيثبت صحة كلامي عن الدوا اتفضل سيدي شوف الصور والفيديوهات
اخد عماد الهاتف من أيدها وصار يتمقل بالصور والفيديوهات بصدمة بوقتها عرف ليش صفا عملت حالها ما بتعرفو عطى الهاتف لصفا ووجه كلامو لأسراء
