روح:له له..شفتي كيف تخلت عنك..وبقيتي وحدك،يلا تفضلي معي ريحان:روح..أنت شو بدك هلأ؟ روح:يوم واحد بس ريحان:يوم شو؟ روح:يوم وبعدا عملي يلي بدك ياه ريحان:روح شو رأيك ننفصل روح:بفكر بالموضوع بس مو اليوم لأنو اليوم مشغول صراحة ريحان:أنت صاحي؟ روح:أنتي بتحبيني؟ ريحان:لأ..وكلو كان لعب بلعب..شو بدك هلأ؟ روح:هههه تمام..بدي هاد اليوم من حقي ك زوج بتطلع فيه والغضب بعيونها روح:لك أهدي أهدي وين راح مخك..يوم منقضيه سوا لخليكي تحبيني..وبعد يابتحبيني يالأ ريحان:الله يجيبك ياطولة البال روح:صح بدي خبرك شي..إذا خلص اليوم وحبيتيني،مابعرف وقتا إذا بقبل نكون سوا أو لا..يمكن ماعود طيقك لوقتا ريحان:روح...بدي كرهك حياتك لسا روح:كرهيني بس مو اليوم..يلا تفضلي بيروح وبيفتحلا باب السيارة ريحان:ياربي مابتبعتلي إلا مجانين بتطلع جنبو بيقرب منها ليحطلا الحزام ريحان:مو ضروري بيكون صار مقابلا تماماً بيبرم وجهو عليها ليتقابلو وعلحظة حست انفاسهن عم تنسرق من بعض روح:أنا رجل ملتزم بالقوانين..جداً قربو منها لهلدرجة بيسيطر عليها بشكل كبير..بيبعد عنها وبترجع لوعيها ريحان:وهلأ؟ روح:لاتنقي كتير ها...سكتي وبس بيبعد كتير وماكانو يوصلو وفجأة بيوقف ريحان:وين نحن؟ بيطالع شالها يلي معو من طرف الكرسي وبيقرب لعندا ريحان:روح الدنيا صار ليل..ماعاد في ضو ولسا بدك تغمضلي عيوني روح:سمعي الكلام يابنت بيربطلا عيونها وبيكمل مشي بالسيارة شوي وبيوقف..بينزل من السيارة روح:أوعك ترفعيها عن عيونك ها بتاخد نفس عميق،بيجي لعندا وبيربطلا شي عأنفها ريحان:لك شو هاد؟ روح:كمامة.. ريحان:طيب ليش؟ روح:لما تشمي ماكانت شايفة شي..فجأة بتحس بلمساتو وهو عم يشلحا الشوذ ريحان:روح بلشت خاف ها بيحملا بين أيديه وبيقرب ليهمسلا:معي أوعك ترجعي تقولي كلمة خايفة...لأنها بتدايقني كتير..تمام بتهدا بحضنو وبتمسك فيه منيح...بيمشي خطوات كتيرة وماكان يوصل..بالنهاية بيهمسلا روح:وصلنا بينزلا لتلامس رجليها الأرض..وكأنو عشب ريحان:روح؟ روح:سمعي بتعدي للعشرين وبتفتحي عن عيونك ريحان:لأ لأ ماتتركني.. روح:يلا عدي بيتركها وبيمشي بتعد للعشرين وهي عم ترتجف من الخوف..بتشيل الشال عن عيونها ومابتلاقي شي..غير العتم والظلام بترفع راسا لتلاقي السما والنجوم..بتنزل الكمامة عن أنفها ريحان بنبرة بكا:روح..لك روح كرمال الله لاتعمل فيني هيك بترجاك فجأة بتحس في ريحة غريبة وبتبكي بيشعل ضو من جنبها بتلتفت لتلاقي على مد نظرها زرع ريحان..بعد ثواني بيشتغل ضو باتجاه تاني بتبرم بخوف بتلاقي كمان ريحان..وهيك لتشتغل الإضاءة حولها والريحان بكل مكان بتشهق وبتحط أيدها عتمها بتأعد بأرضها بدون ولا كلمة فجأة بتشتعل لافتة كبيرة أمامها..ومكتوب عليها (إن الروحَ لروحكِ عطشى..ألن ترويها من ريحان عطرك؟) ريحان:يالله ..روووح بترجاك طلاع فجأة بتحس بشخص خلفها تسللت أيديه عخصرها ليضما بقوة ويرفعا عن الأرض ويبرم فيها فجأة بتحس بشخص خلفها تسللت أيديه عخصرها ليضما بقوة ويرفعا عن الأرض ويبرم فيها روح:ريحانتيييي..ريحانتي وينك بتضحك ريحان شوي شوي وبتعلى ضحكاتا وبيصير الصدا بهالمكان روح:كل هالريحان مانو حقيقي..أنا وبس ريحانتي حقيقية...ريحانتي ريحتا أطيب منكن كلكن ريحان:بيكفي نزلني...ههههه بينزلها عالأرض وهلأ بتستمتع بلحظة لما يلمسو رجليها العشب ريحان:بتعرف..بعشق هالشعور..أمشي حافية عالعشب روح:بعرف... ريحان:هههه أي انت عايش بأفكاري ومالي خبر..لك شو يلي عملتو..والله خوفتني كانت لسا بأحضانو..بيسحب الشال عن راسها ريحان:لا روح..مايكون في ناس.. روح:المكان كلو تحت أمرك وحدك..انتي ملكة المكان...مافي حدا غيرنا بيرمي شالها عطرف وبيسحب الشكلة عن شعراتها لينفردو متل الحرير عكتافها..وبيوقف ليتأملها روح:سبحان من خلق فأبدع بتخجل وبتنزل راسها للأسفل بيرجع بيرفعو:كرمال الله اليوم بدي تموتيه للخجل..أو أجليه لبكرا بتبتسملو بتقرب منو وبتضمو بقوة بعدا بياخد من عطرف الأرض تاج ريحان.. روح:عملتو بأيدي..كرمالك أنتي وبس مع أنو ريحة شعرك أطيب من كل هالريحان..بس هيك بتفتنيني أكتر بيحطلا ياه عشعرا ليغرق بجمالها أندمج لون شعرها الأسود باللون الأخضر.. سحر مابينوصف روح:يلا؟ بتبتسملو وبتهز براسا:يلا بيمشي وأيديهن ببعض ومستمتعة كيف عم تلامس رجليها العشب..وكيف ريحة الريحان بكل مكان...هيك ليوصلو لغرفة صغيرة بيفوتو لجوا لتلاقي فيها طاولة صغيرة لشخصين..ومزينة بالورد والشموع..والطرف التاني مخفي ورا هالستارة بيقربها عالكرسي ليأعدو ياكلو بيطعميها بأيديه وهو عم يتأملها..ويتأمل شفافها..عم يقاوم نفسو بصعوبة بالغة.. بتلاقيه متوتر..وماعاد يتحمل ريحان:لك شبك.. روح:ماشبعتي؟ ريحان:مبلا بس ليش؟ بيسحبا عن الكرسي..وبيكشف الستارة لتلاقي سرير مفروش بالورد..كان كلشي بيجنن وبيخطف الأنفاس 591 views°• ᒪᗩᗰOOᔕᕼ °• , 19:36
