روح:لا تسألي..قومي خلينا نفطر ونجهز وضعنا ونمشي مابقا وقت
ريحان:وقت لشو؟
روح:قلتلك يوم واحد..وللمسا بيخلص الوقت بتضحك وبتضربو بمزح عكتافو
ريحان:مفكر بعد الليلة يلي مضت..رح اسمحلك تبعد عني؟
روح:اوووه...من هلأ عترفتي
ريحان:إذا لسا في شغلات حلوة..لا بعترف بعدين
بيضحك عليها وبيقومو ليخلصو يلي عليهن بيفطرو
بيطالعا لبرا لتلاقي مرجوحة بين العشب..والورد
روح:شو رأيك؟
ريحان:ههههه بتجنن
روح:قرأت برواية أنو هالمرجوحة بتخلي المعشوقة تطير من الفرحة كل مارتفعت فيها..كان أسم الرواية #حب_من_رماد_الانتقام
ريحان:صح..بعرفها
بيسحبا ليمرجحا..وضحكاتا بتعلى بالمكان..
وبس تنزل بيقلا لتحط حجابا
ريحان:ليش مارح نطلع بسيارتك؟لمين هي السيارة الكبيرة؟
روح:بعدين بتعرفي..حطي حجابك..في ناس بهالجهة
ريحان :تمام
بيمشو وبيتشكر الشخصين الموجودين و بتطلع بالسيارة وبتلتفت للخلف
ريحان بصدمة:لمين كل هالريحان؟
روح:....
ريحان:طيب شوفي بهالكراتين؟جاوب يااه..
مابيرد عليها وبيتوجه لمنطقة فيها الإسلام متجمعين وحتى المنطقة الوحيدة يلي فيها جامع
ريحان:مااحلاها..أول مرة بتجيبني لهون
روح:لسا في كتير مناطق ماأخدتك عليها...المهم
ريحان:المهم؟
روح:يلا ساعديني
بيفتح السيارة من الخلف...وبيفتح الكرتون لتلاقي مصاحف
بتاخد واحد وبتطلع فيه ودموعها بينزلو بدون ماتنتبه وبتقبل المصحف
روح ببسمتو الجذابة:ليش الدموع؟
ريحان:روح؟أنت كيف عرفت أني...
روح:أنو من أحلامك..توزعي مصاحف عالناس..وزريعة ريحان كمان
بتقرب وبتضمو بقوة
ريحان:ماانحرم منك...
بيبلشو يتساعدو وبيوزعو كلشي جابو من مصاحب وزريعة ريحان
وبس يخلصو بيطلعو بالسيارة..كانت فرحتا واضحة بوجها..وكان طول الوقت يسرق نظرات عليها ليستمتع وهو عم يشوفها هيك فجأة بتقرب منو بعفوية وبتطبع بوسة عخدو..بيضحك روح برجولية
ريحان:كيف عرفت؟يلا اعترف
روح:دفترك..
بيطالعلا ياه من درج السيارة
ريحان:يااا لك نسيتو بغرفتي..وبعدين مين سمحلك؟بلكي فيو أسراري
روح:لك اااخ..شو نكديه..خلينا نكمل
ريحان:لسا في مفاجآت تانية؟
بيتذكر الجملة المكتوبة بالدفتر
(رح انتظرك بابا..لتجي وتاخدني ع الملاهي..وتطعميني غزلة وذرة..وتلعبني بالألعاب..وأفرح كل اليوم معك...بس ايمتى ياترى؟)
بينزلو من السيارة وهي عم تتأمل الملاهي...
ريحان بغصة:كان ياخدني عليها بعض الأحيان خالو يونس
بيحط أيدو عكتافها..
روح:يلا نبلش؟
بتضحك وبيمسكو أيدين بعض..ومابيترك لعبة إلا بخليها تجربها..وبيشتريلا من كل أكلات الأطفال ... فعلياً بليلة مبارح حسسها أنها أسعد إمرأة فالدنيا..وهالليلة حسسها أنها أسعد طفلة فالدنيا
بيخلصو وبيرجعو عالسيارة
روح:وهلأ؟شو قرارك؟
ريحان:وهاد سؤال؟بيكفيني غباء..بيكفيني تناقض..وبيكفيني عناد..أنا فعلياً ماعاد أقدر عيش بدونك ولا لحظة روح..أنت روح روحي يلي جواتي
روح:أممم..بس اتفقنا ليلة ومنخلص منك؟
بتضربو بمزح عكتفو:لك مااغلظك
روح:ولوو أهلا وسهلا...ههههه
بياخدها عبيتهن...كانت عم تضحك وهي بحضنو وفايتين عالبيت...وأول مابتفوت عالصالون بتنصدم لما بتشوف أمها
