بيضحك روح:ااووه شرقيتي شو هالكلمات يلي بتجنن بيسهرو كلهن سوا منتهى وريان وروح وريحان..بس مابتعرف السبب بجية أمها لسا ليفوتو لغرفتا..بس كان مجهزا ب أثاث جديد ليناسبن تنيناتن ريحان:لك كيف كنت متأكد أني رح أرجع؟ روح:لأن بعرف أنك بتعشقيني بابنت ريحان:يخليلي ياك يارجالي..يلي فيك بشوف حالي روح:ياعيوني انتي..والغرفة هديك..جهزتا لتعيش فيها مرت عمي ريحان:أمي كانت كتير خجلانة..حتى أنا،روح عنجد هيك كتير مابعرف شو قلك روح:أنا في شي لازم أحكيلك ياه ريحان:شو هو؟ روح:عمري..تتذكري لما خالك طلب يحاكيني؟ ريحان:أي روح:هو وصاني عليكي..وبيوما خبرني شي تاني..أمك مريضة شوي وكان لازم عملية،ولازم تنعمل برا البلد ريحان برعشة:مريضة؟شبها شو عندها؟ روح:أهدي وبأذن الله رح تشفى ريحان:بترجاك ريحان:بترجاك قلي شبها؟ روح:سرطان...بس بأذن الله رح تشفى تمام خلي أملك بالله كبير حالتها مو خطرة بترتجف ريحان من حزنها وبينزلو دمعاتا ريحان:لازم شوفها روح:لأ...أهدي أكيد نامت لاتخوفيها لازم تشجعيها وأنتي بهيك حالة رح تخوفيا..أهدي ياعيوني كلو خير من ربنا صح؟ بتضمو وبتبكي بحضنو..وبتغفى بالنهاية بين أيديه وبعد وقت بتقوم ريحان ع صلاة الفجر بتتوضى وبتصحي روح ليصلو سوا.. بيوقف أمامها وهي خلفو بتوب صلاتها.. روح بصوتو الرجولي:الله وأكبر وبتتبع حركاتو ريحان مقتدية فيه.. بعد مايخلصو بترفع أيديها لربها وبتدعي..الله يشفي أمها بعد فترة قصيرة...بتتحدد العملية منتهى:قبل مافوت عالعملية...بدي منكن تسامحوني..بعرف يلي عملتو مو قليل..بس كل انسان بيغلط..بتمنى منكن تسامحوني ريان:مرت أخي..غلاتك من غلاوة المرحوم،وبأذن الله مافي شي بيناتنا لنتسامح والله يقومك بالسلامة بتفوت عالعمليات وطول الوقت ريحان بحضن روح وعم تدعيلا وشوي تقرألا قرآن... هيك لبعد ماتنتهى العملية ويخبروهن أنها شفيت والحمدلله بتفرح وبتحس كأنو هالأزمة نضفت قلوبهن من كلشي..الكل بيمر الوقت والشهور وريحان بتقرر تعمل عرس قبل ماتسافر أمها.. روح:بس حابب أعمل شي تاني ريحان:شو هو؟ روح:بدي نروح عالبحر..ونصور أشياء تبقى ذكرى لولادنا..شو رأيك؟ ريحان:أنا معك بكلشي.. روح:ورح نصور شي من كتب كتابنا ريحان بصدمة:رح نرجع نكتب كتابنا؟ روح:هههه لا بس كأني عم نكتب من جديد..بدي ورجيهن لولادي عشقي الكبير والمميز عن الكل بتضحك ريحان وبتغمرو:أنا موافقة بيتجهزو وبيطلب المصورة يلي رح تصورهن وبيروحو عالبحر.. وأثناء التصوير بيفاجأها بالخاتم..يلي لهلأ ماقدر يشتريلا ياه بسبب كلشي مرو فيه بينزل ع ركبتو :بتقبلي تتزوجيني؟ بتنصدم ريحان وويلها تبكي وويلها تفرح،بتنزل لعندو لترفعو وبتضمو بقوة ريحان بفرحة كبيرة:أكيد أكيد بيحملا بين أيديه وبيغمرا وبعدا بيركدو بجنب البحر وعم تصورهن المصورة (لفو الصورة) وهلأ..وبعد كم يوم بيقررو العرس.. بتلبس الفستان الأبيض وبتحط الحجاب يلي ع ستايل الفستان..وبتطلع ملكة الريحان روح:ملكتي..ريحانتي..شرقيتي بيقرب وبيطبع قبلة عجبهتا ريحان:ماأنحرم من حنيتك...ربي بعتلي حنية الكون كلها فيك أنت بتنزل راسها لتطبع قبلة عأيدو..بيبتسم وبيحاول ينسحب بس بترفض..بتقبلها وبتحطا ع جبهتا ريحان:أنت الروح يلي جواتي..وأبي وسندي وكل عيلتي بيقرب ليهمسلا:وأبو ولادك..مبارح خبرني الدكتور أنو وضعي صار تمام..ورح نصير عيلة بأذن الله بتنتهي التجهيزات وبيتوجهو ع قاعة الاحتفال بينتظرها روح قبل اللمسات الأخيرة لتجي ويرافقها لعند المعازيم..وأول مايلمحا مابيعرف شو هالشعور الغريب يلي فات لقلبو..بس ماقدر يمسك نفسو ونزلو دموعو.. ريحان لما بتشوفو هيك..بيدمعو عيونها كمان وبتشكر ربها بسرها.. (اللهم لك الحمد..على نعمك التي لا تعد ولا تحصى..اللهم لك الحمد دائماً وأبداً) كان روح بالنسبة ألها أكبر نعمة.. بيمسكو أيدين بعض وبينزلو لتحت..ليستقبلوهن الكل بفرحة.. المفاجأة الأكبر بهاليوم أنو أم ريحان قررت تتحجب من يومها ودائماً بتقرب أمها ودموعها مغرقة عيونها منتهى:غلطت كتير بحياتي..بس بفتخر فيكي يابنتي رفعتي راسي.. ريحان:هاد قدر ونصيب ياأمي..لو ماكل يلي مرينا فيه..ماكنا تعلمنا هيك ربنا كاتبلنا بتقبل أيد أمها وبيحضنو بعض بدموع حنونة (لفو الصورة) وبس ينتهي العرس..وهنن بالسيارة روح:بتعرفي ريحان..نحن رح نسافر كمان.. ريحان:لوين؟ روح:كلنا رح نروح نعمل عمرة..بمكة بيرتعش فؤادها من أول كلمة..وكأن كل الصور ل مكة والكعبة ظهرو بخيالها.. بتمسكو بقوة روح:ههه شبك..أهدي.. ريحان:روح..أنا مو عارفة احكي شي..ضاع الحكي روح:يضيع..المهم انتي ابقي معي..وهاد كان آخر حلم كتبتيه ع دفترك بتبكي وبتضمو بقوة وبعد كم يوم بيجهزو نفسن كلن ليروحو أمها وأبوه وهي وياه.. ماعم تقدر تحدد مشاعرها حتى وصلت..وصلت؟معقول هي بحلم ولا حقيقة؟ماعم تصدق..الرهبة بهالمكان..الطهارة والأمان..والسلام..كلن بشعور واحد بيخطف القلب 1.3K views°• ᒪᗩᗰOOᔕᕼ °• , 19:36
