2023-01-05 09:46:17
كل شريجه تنحاز كالو لبنها
وهاي موش ام عباس يالتحجي عنها
الكل يعرفوني حره تدروني
******
صح انه شريجه والعمر فتره
بس خدامه جنت الضنوت الزهره
البنيني ما ملت اقسم ولا مره
لجل حسين منهم كلهم اتبره
ودعتهم والروح راحت وراهم
بله يمته يردون وشتم هواهم
وحدي خلوني حره تدروني
****انه ام البنين الفاركت ولدي
وعكب الاربعه ضليت اون وحدي
بهاي الدنيه غير حسين ما عندي
راح الحادي عني ودمعتي بخدي
ما غفت طول الليل عيني الحزينه
ناشدتني اعله حسين وتكلي وينه
راحت عيوني حره تدروني
********
جنت عباس اسولفله اعله المروه
وكله حسين اخوك وانته ابو الخوه
اريدك حار كتله وللاخو تجوه
وتشيل حسين بين عيونك الحلوه
وانه اعرفه الوفاي ينضح وفه وزود
بكربله لجل حسين ينطيها الزنود
ايكحل عيوني حره تدروني
******
بختهم دوم ولدي جنت اوصيهم
ويم زينب حرس كل يوم اخليهم
انه ولدي نشامه وفتخر بيهم
وراح الاربعه لحسين اضحيهم
الحلوه بيهم يا ناس ولدي شفتهم
من تصيح ايركضون كلهم لختهم
بهاي وافوني حره تدروني
******
اضحيهم بنيني وبالولد ماهم
بس حسين اريدنه يرد سالم
من يوم الجفاني وجفني ما نايم
واعله حسين كل ساع انشد الوادم
امساهره طول الليل وعيوني عالباب
هلبت الله يرجعون ناديت الاحباب
خابت ضنوني حره تدروني
********
جنه بخير واحد يفكد الثاني
جفوني وطولو بالفركه ولياني
حادي النوك ليش الوحدي خلاني
راح الكربله وبالدار عافاني
ردت اروحن وياه للغاضريه
بلكت اتيسر غاد ومشي سبيه
بغربه خلوني حره تدروني
*****تمت
تحسين الخفاجي
889 views06:46
ا
