2022-06-15 22:44:43
من المؤكد وجود العديد من العوامل الي تأثر على فترة أو مرحلة النضج والوعي إلي انوي اكون بيها انسان أفضل ...
واللحظة إلي انتبه تماماً بيها على تفاصيل بسيطة لكنها مؤثرة هي لحظات التغير الحقيقة
تعرضت اليوم لموقف فعلاً يستحق أن اذكره الكم وحابه اشاركه كذلك ....
من فترة طويلة اعتمدت تمرين يومي كلما أطلع المكان أو يصير عندي عمل أگول
انوي أن يسخر الله لي خيراته على يد عباده لخدمتي
واكون جداً مستقبلة للشعور العالي بنعم الله سبحانه وتعالى إلي ولكيت كمية من الحب واللطف من الآخرين تفوق حتى مخيلتي
وكل يوم اردد بي هالكلمات يزيد حبي للناس واحب اخدمهم لكن يصرون على خدمتي وحسيت بجمال تبادل المنفعة وضروري تكون سلوك حياة
اليوم تعرضت لرفض من شخص كان عصبي وما قبل يقدم خدمة سكتت شوية واستغربت من زمان محد معاملني بهالطريقة .. رديت عليه گتله مشكور واعتذر إذا تعبتك
لكن سالت نفسي شنو الخطأ الي صار بحيث التقيت بي ...
كلت اكيد اكو ترتيب ثاني راح يكون بأذن الرحمن
طلع وراي نفس الشخص گال تعالي خوية شوية تعبان ومالي خلك اعتذر على اسلوبي
بداخلي فعلاً كنت ممتنة لله بشعور ما ينوصف لأن وصلني لمرحلة من اللطف مع الناس فهمت بيها كلما اقدم إنسانية أكثر ولاي شخص كان راح أحصل على خير مضاعف
شكد متكدرون طوروا نفسكم وقدموا إنسانية أكثر راح تعيشون وتنشئون بيئة صالحة للنمو الانساني لاكثر من جيل ... وبداية الخير أصدقاء صح وعلاقات صح
#زهراء_حمزة
#وعي
#دمتم_بحب
22 viewsedited 19:44