مساء الخير .. اكو مسلسلة هل أيام دا تنعرض تخص مظاهرات تشرين, | فَكِّرْ

مساء الخير ..

اكو مسلسلة هل أيام دا تنعرض تخص مظاهرات تشرين, هلمسلسلة لا شفتها ولا ادري شنو اسمها اصلًا، كُلّ الأدري ان اشهر المُمثلين العراقيّين مشاركين بيها وعليها ترويج عالي جدًا ببرامج التواصل الإجتماعي ،،
الاسئلة كالآتي, ليش بهذا الوقت بالتحديد انعرضت ؟ منو صاحب القناة العرضتها ؟ شنو الغاية من المشاهد المؤثرة جدًا التخص ثوار تشرين التجسّدت بالمسلسلة ؟

بعد البحث إكتشفت أنّ فكرة هاي المسلسلة هيّ غاية سياسية بحتَة للترويج على مرشحين محدودين من الانتخابات القادمة.

عزيزي القارئ، صاحب القناة هو سرمد الخنجر، نجل خميس الخنجر، وفي حال متعرف خميس الخنجر فأحسن الك هوايَ لان راح تكرهه اكثر مما تكره الولائيين
خميسنا عده تحالف جديد اسمه تحالف "عزم" الداخل بي بشراسة ضد حلبوسنه "محمد" حتى ياخذ منه لقب منقذ الغربية وحامي عرض الدليمية!

فكرتهم بعرض هيج مسلسلة مو تعاطفًا ولا حُبًا بشهداءنا وبفكرتنا وبشبه الثورة الصارت.انما فقط تغطية اعلامية لكسب الشباب.

اتمنى من شبابنا ما ينجرفون وراء هذهِ الطبخة الفاسدة اليحاولون يأثرون عليكم بيها بحجة انتو ولدنه واحنا متعاطفين وياكم.

وكلكم عيوني.