2023-02-06 18:47:50
هوسات لسيده زينب ع عله شكل مربوعه
اليله حسين حزنان ويجر ونه
نعشج يالعقيله اشلون احضرنه
الصوب المكبره وبجفوفي ازتنه
( تكدر خال ابنها من سمع بيها)
( مندوم الجنازه ما وصل ليها)
هوسه
( اتعذر منها انعذر / جي مازتاها)
.........
ايسي من اخوج ولاتتانينه
مسدود الكبر يالاخت تدرينه
وابوفاضل يزينب ماهي ايمينه
( بيمن يعتنيج الطاحت ايمينه)
( ابد مايعتذر عباس تدرينه)
هوسه
( الكافل مايتعذر / زين تعرفينه)
..........
جواب زينب ع
شياله واهله يرادله التابوت
واعرفنه ابوفاضل مايعطله الموت
خالي نعش اختكم يالنشامه ايفوت
( وحش هذا النعش جاوين اهاليه )
( وين أخوانها الكلبو الحربيه )
هوسه
( اسباع الجانت ترهب/ شنهي الكظاها )
..........
وين اخوانها والزامطت بيهم
مايدرون اختهم تعتب عليهم
وين الاربعه وحسين واليهم
( غفو بالنوم مافزعو العياله )
( ماكالو نعشها ياهو الشاله )
( الشامت ينشد / وين العياله )
..........
درب الشام عنج مايعطلني
مامقبول زينب كل عذر مني
الماتت ياخلك بالشام عمت ابني
(وبس الموت عطل راعي الغيره )
( اعاين لجفوف وضال بحير)
( اتمنه جفوفي ايردن / والشام اطويها)
...........
أطوي الشام بجفوفي وحك عيناج
وانشدج يالعقيله ياهو الطكاج
جم نيشان يختي ضلت ا بيماج
( تطيب اجروح متنج من تشوفني)
( تهيد الاالام حزنج من تشميني )
( جروح الشام بكلبج / بس عباس ايداويها)
٠ أم زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي العلويه الجز الثالث
https://telegram.me/um_zainab_kar telgram
1.6K views15:47