الشاعرة ام زينب كربلاء

2022-07-26 20:37:59 لطميه للانصار بطور هله هله حسين وينه

يحسين هايه شيمنه وحك زينب مايهمنه

هالقسم نقسم سويه مانعوف حسين ظنه
يحسين هايه شيمنه وراس زينب مايهمنه

نموت بارض الغاضريه وانرفع باسمك علمنه
يحسين هايه شيمنه وراس زينب مايهمنه

وياك حدنه للمنيه هاي غايتنه وطلبنه
يحسين هايه شيمنه وراس زينب مايهمنه
.

الموت لوكرب علينه وسام نتباها بذبحنه
يحسين هايه شيمنه وراس زينب مايهمنه

انسالمه ونشبك بدينه وياك يتحقق هدفنه
يحسين هايه شيمنه وراس زينب مايهمنه

بثورة اسلامك حيينه والدهر سجل باسمنه
يحسين هايه شيمنه وراس زينب مايهمنه

صرخت الانصارضلت اكتب اكتب يادهرنه
يحسين هايه شيمنه وراس زينب مايهمنه

ضاكت الدنيه الوسيعه بيوم زينب حشمتنه
يحسين هايه شيمنه وراس زينب مايهمنه

مانهم وراس زينب لوالف موتات متنه
يحسين هاي شيمنه وراس زينب مايهمنه

لاتهم يبن الصميده فدو الك يحسين دمنه
يحسين هايه شيمنه وراس زينب مايهمنه

يانصاري المامثلكم موعدي وياكم الجنه
يحسين هايه شيمنه ورأس زينب مايهمنه

يوم صاحو بالمعاره لحسين نرخص عمرنه
يحسين هايه شيمنه وراس زينب مايهمنه

تضل صرخات النشامه موت عزه وياك متنه
يحسين هايه شيمنه وراس زينب مايهمنه

أم زينب كربلاء غير مبري الذمه من ياخذ الكلام وينسبه له مطبوعه الجزء السادس الماسي الفاطميه

https://telegram.me/um_zainab_kar telgram باز کردن / نظر دهید

2022-07-26 18:50:12 فزاعيه لرجوع زينب الى كربلاء غير مبريه الذمه النسبت القصيده الها والحساب يم الزهراء القصيده مكتوبه قبل خمس سنين

اكعد ياسبع عالت العياله
وحمل ختك وكع ويريد شياله
........
اكعد خن اسولفلك عله طكني
وراويك السياط اسوت بمتني
وانته عالنهر ما ناشدت عني
جيت اليوم والدمعات هماله
........
يالعباس اجيت اليوم شكايه
اكعد شيل سيفك وارفع الرايه
وزيح هموم زينب جتك عنايه
والهم العليه الكون ماشاله
..........
شحجيلك شكلك بالسده عليه
هظموني بنشدهم يابني اميه
خوانج وين صكارت الحربيه
وسبع الكنطره ومرهب الخياله
........
يم كبرك اريد احمولي اذبنها
وهداتك الترهب ارد اشوفنها
بعدهي خوتك لوبطلت منها
ابوفاضل اخوي وماكو امثاله
.........
اكعد يبو فاضل كول حياها
وشوف الشمر زينب وين وداها
تحشم بيك يوم السوط طكاها
واختك جايه تشكيلك الحاله


أم زينب كربلاء غير مبري الذمه من ياخذ الكلام وينسبه له مطبوعه

https://telegram.me/um_zainab_kar telgram باز کردن / نظر دهید

2022-07-26 14:57:19 فزاعيه بدايتها نعي لخروج زينب ع

من رادت اتحمل بالاضعون
تجر بذيالها ودم تجري العيون
صعدت عالنياك بكلب محزون
الناكه اتنحبت وتكول بيج شلون
اذا راحو هلج وعله الثره ينامون

(نزلت الفزاعيه )

عليج النوك ماهادت بواجيها
هلت عينها يوم الركبتيها
..........
بجت وعيونهاهلت يمحزونه
محزم راعي الخوه وعالمتونه
يزينب محملج همه اليبارونه
يزينب راية الكافل يرف بيها

........
جيتي معززه ويحرسج الهيبه
يفيلج اخوج وخوته اتجيبه
المحامل من يردها يم المصيبه
بيج شلون باجر من ترديها
........
باجر من تطيح اصحاب المروه
عمت عيني يزينب بلوتج بلوه
لاتبكه حميه ولاتضل نخوه
والكافل الخوه وياج يكضيها
ًًًًًًًًًًً
........

تون النوك عالحملت بخوتها
تبجي عالمشت وتسيل دمعتها
شلون ام الخدر لوفكدت اخوتها
ترد اميسره والشمر حاديها
ً..........
عليها النوك حنت بت الهيابه
يوم حسين سدر والضعن جابه
من حمل خواته وانغلك بابه
بجت حتى النياك الركبت عليها
،،،،،،،،،،،،،،،،،،،،،،،،،،،،،،،،،،،،،

أم زينب كربلاء غير مبري الذمه من ياخذ الكلام وينسبه له اويحذف الإسم

https://telegram.me/um_zainab_kar telgram باز کردن / نظر دهید

2022-07-25 19:55:34 نعي للعليلة ع

ضعون اهلي مشت عني وعديت
بجيت ورددت لهلي وعديت
وحسبت ايام فراكهم وعديت
صار شهور مانشدو عليه
..........
لبوها العليله عتاب ودت
يبويه بنيه الك بدار ضلت
والشوفت يحسين حنت
..........
طال الغياب ومالفوني
وعله دروبهم شبحت عيوني
عندي عتب لهلي النسوني
..........
عندي عتب وين اليوديه
ويكله العليله اشتاكت عليه
مهظوم كلبي ومانشد بيه
مانشدو عليه احباب كلبي
...........
كلولهم بتكم وتوصي
وجويعده عله درب تبجي
عليله وعله الحيطان اتجي
.........
يهل المحنه شعطلاكم
وماكلتو بالضلت وراكم
جفيتو ياهلي مدري شجاكم
..........
شلون الكلب ينسه الايوده
غالي الابو والروح عنده
جاكون اشوفنه وانشده
..........
اكله
يابويه ماتسمع نحبتي
وعليك مانشفت دمعتي
انه اعاتبك ماكلت بتي
..........
ماحسبت من طال فركاك
حنيتلك وارد اكعد وياك
عليله واحط راسي عله يمناك
..........
احط راسي وسولفلك بالهموم
من حملت يحسين لليوم
لاهاد كلبي ولا شفت نوم
...........
الفارك هله مانام ليله
الشالو احبابه ايبيد حيله
مافاد يادمع اليسيله

ام زينب كربلاء غير مبري الذمه من يأخذ الكلام وينسبه له اويحذف الإسم مطبوع


https://telegram.me/um_zainab_kar telgram باز کردن / نظر دهید

2022-07-25 19:55:28



• حي على الخدامة
‏• haya alaa alkhadamih

• أداء : #الملا_علي_الساعدي
‏• performance : #ali_saadi

• كلمات : الشاعر ميثاق الحمداني
• words : Mithaq Al-Hamdani

• عزاء هيئة قطيع الكفين
#بغداد - مدينة الصدر
‏• eaza' hayyat qatie alkafayn
‏ Baghdad - alsadr city

• مكساج : كرار الموالي
‏• Mix : Karar Al Mowaly

• مونتاج : مصطفى الحميداوي
• Editing : Mustafa Hamidawi باز کردن / نظر دهید

2022-07-25 18:38:54 وصل ديوان طف الحوراء الجزء. ١١. خاص ب الامام الحسين الى مكتبة القلم في ميسان شارع نعمه الريفي. رقم الهاتف. +9647712529427 باز کردن / نظر دهید

2022-07-24 22:15:05 قصيدة لبداية محرم

الك جددنه العزاء ياغريب كربلاء
نصيح باسمك ياحسين نصيح باسمك
...........
ياحسين بكل زمان انته تضل محبوبنه
مشهد الطف وعذابه وصوره الك بعيونه
من يمر ذكرك علينه تسيل دم دموعنه
عايش بروح اليحبك مأتمك بكلوبنه

حسين تسري ويالدماء .. ياغريب كربلاه
نصيح باسمك ياحسين نصيح باسمك
.........
نقسم وداعت محمد تسري وي ادمانه
دوم دوم انردد اسمك يالعشت ويانه
ياحسين الي يحبك ماتفل احزانه
حزن كل صبح ومسيه المنتضر وصانه

حسين يالحبك عطاء ... ياغريب كربلاء
نصيح باسمك ياحسين نصيح باسمك

من يمر عاشور بينه نحس يحسين بألم
نسمع تصيح العقيله ونار تسعر بالخيم
نشوف جفين الكفاله عله النهر ويه العلم
اكبال عين الي يحبك مشهد الطف انرسم

نقسم برب السماء ... ياغريب كربلاء
نصيح باسمك ياحسين نصيح باسمك
..........
هالقسم يبقى أمامي وتبقى دمعه بكل عين
الشعار العدنه ثابت ابد ماننسه الحسين
شما كثر ضلم الاعادي شماتمر بينه الاسنين
نستمع صوتك ينادي ياغريب ابلا معين

نستمع هذا النداء ... ياغريب كربلاء
نصيح باسمك ياحسين نصيح باسمك
...........
سيدي اخر دعائي ودمعتي عالخد تصب
يلي تعلم بالضمير وتعلم أسرار الكلب
نار كل شيعي أمامي بوسط كلبه تلتهب
بمجسلك ندعي الفرجنه الانتضار شكد صعب

دعوه من اهل الولاء .. ياغريب كربلاء
نصيح باسمك ياحسين نصيح باسمك

أم زينب كربلاء غير مبري الذمه من ياخذ الكلام وينسبه له

https://telegram.me/um_zainab_kar telgram باز کردن / نظر دهید