الشاعرة ام زينب كربلاء

2022-08-29 13:22:23 نعي  للحسن ع عن لسان حال زينب ع

يايوم  خال  ابني  عماني
براس الضلع جمره وجواني
البيت  خالي   وهدماني
..........
وحشه يخال ابني ثنيته
مريت  اشوفه ومالكيته
غايب اخوي اوحش بيته
...........
اجيت  للبيت   وانشدته
جريت بجدامي وكصدته
خال  الولد ماكام  لخته
...........
اجينه وكعدنه عالترايب
يابيت جاوين  الحبايب
انشده  ويكلي اخوج غايب

............
صديت لن وحشه المحاري
وسعرت براس الكلب ناري
غياب اهلها الدار  ثاري
..........

يالجايه  عليهم   تنشدين
غياب  اخوتج  لاتمرين
ضلت خاليه وتبجي الدواوين
...............
اباب   ديوانك  واحاجيه
مسدود بابه اوين راعيه
حسك يخال الولد مابيه
.............

يانارهم  جوت  دليلي
وباد  عالخوان  حيلي
ياعين عالعافوج سيلي
............
وني  وذكريهم  يروحي
الجانو دوه وبلسم جروحي
شالو  وخلوني  ابنوحي

.............
من شال حاديهم  وغرب
واوداعهم عالاخت يصعب
الكلب من فركاك  شيب       ياابن امي
.............

صبح اليوم الكلب خلصان
كثران  همه وافاكد  خوان
جاوين ابو محمد  يديران
.............
وين  الاودنه   او ودني
خال الولد مانشد  عني
بعد مافاد يالخوان وني

............


ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2022-08-29 13:04:58 لطميه  لدخول زينب ع  الى الشام

طبت الشام  عمتني  طبت الشام
ضيم الايام  كضاني  ضيم الايام

المن اشكيها المصايب
والحنين عله الترايب
طبت الشام  عمتني  طبت الشام
............
حيره حيرني الوكت واهلي نسوني
وين رحتي  ابياكتر ما   ناشدوني
ريت  ميته  والا  الجاتلك خذوني
خويه  للمجلس يسيره اوطببوني


مجتفه واحبال  بيدي
وانه اكل لروح  هيدي

طبت الشام  عمتي    طبت  الشام
...........
خويه اشيكيلك هظم يوم الخذونه
اباب ساعات  الحزن  من  وكفونه
وحده اتصد عله وحده وين اخونه
كون اهلنه بهل مصيبه ايشاهدونه

احنه  وي راسك وكفنه
والشمس حركت وجهنه

طبت  الشام  عمتني  طبت الشام
..............
من الدرب  يحسين تعبانه بناتك
لوتجي وتشوفها  حالت  خواتك
والشمس حركت اوجوه امدلاتك
الحك  اختك  كوم يالحلو صفاتك

خلي ابوالغيره  يجينه
ايشوفنه شلون انولينه

طبت   الشام  عمتني  طبت الشام
.............
وين  اخوي  وكافلي  واعتابي وياه
خل يجيني بساع مشتاكه التهاياه
ريت  ينضر  بالعقيله  اسوت اعداه
كبل  عيني  والنذل  يضرب ثناياه

شفته  بعيوني ضربهن
وسكنه  وارقيه شعبهن

طبت  الشام  عمتني  طبت الشام
..........

بعد ششكيلك  هظم كلبي وعذابه
اه  يكلبي  واه  ياهمه    وامصابه
اسعرت بدلال   يا  نار     الخرابه
اصار  كلي  يوم   نمنه   عالترابه

يخوتي باليلة  رقيه
انه ماضل حيل بيه

طبت  الشام  عمتني  طبت الشام


ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2022-08-29 00:25:31 نعي  لدخلول  زينب ع إلى الشام عندما وقف زينب ع باب الساعات

بالشمس والحر  وكفونه
تمنيت ذاك الحيد اخونه
واكله عكب عينك  ولونه
........
كونك تجي وتعاين الحال
تشوف حالي وحال الاعيال
فوك الشمس اذتنه  الاحبال
.........
ريتك عدل  واتصد اليه
وتعاين  سكينه  ورقيه 
بعيونهن  دارن    عليه
..........
دارن علي والعين تدمع
والشمس فوك الروس تصدع
وين  الحنين اليوم  يفزع
........
شاب الكلب من كثر همه
وشبيدي عليجن  يعمه
عساها  يعمه العين تعمه
...........
صاحت ومنها الحيل خلصان
وراجن  بعد  طبت  الديوان
نطر الزلم  وي رؤس الاخوان
.............
ياريت ميته والاطب  ليه
وراس حسين جدامي يخليه
عفيه عله كلبي وحيل ضل بيه
.............

...............

أم زينب كربلاء غير مبري الذمه من ياخذ الكلام وينسبه له او يحذف الاسم  

https://telegram.me/um_zainab_kar telgram باز کردن / نظر دهید

2022-08-28 01:44:13 فزاعيه  لختاتمة المجالس زينب ع

وين سويتي العزه
يالراكبه عله الناكه
...........
جاوين نحتي عالخوتج
وانتي يسيره  بغربتج
ضلت بكلبج   جمرتج
ونار  الاخو   حراكه
..............
فوك النياك  والاطمه
جاوين ننصب ماتمه
ياريت  حضرت فاطمه
وبالطم صار املاكه
.............
ياضيم كلبج  ماسده
عفتي الاجساد امدد
رحتي سبيه ويالعده
والظعن شمر  الساكه
............

شلون دكيتي الصدر
ومجتفه بحبل الشمر
واسوه وياج  الدهر
وعله اخوتج مشتاكه
............
مشتاك كلبج عالولي
صحتي الحكو ياهلي
حسين نايم  بالخلي
وياج  ماكو  ارفاكه
...........

. ام زينب كربلاء غير مبري الذمه من ياخذ الكلام وينسبه له او يحذف الاسم   القصيده من  الجزء الرابع عشر  المآسي الفاطميه
https://telegram.me/um_zainab_kar باز کردن / نظر دهید

2022-08-28 01:37:47 باز کردن / نظر دهید

2022-08-27 19:53:42 لطميه للعباس ع تنقره مربوعه وفزاعيه

يعباس الوعد      مطلوب راعيه
نمت عالمشرعه وياهو اليرد بيه

يعباس  الدهر مارحم بحوالي
خلاني غريبه  وفاكده الوالي
وياك العتب عباس  يحلالي
وديت العتب  والعين مجريه
...........
دكيت الصدر والوعد جاوينه
ماترضه الشمر عكبك يبارينه
وحكك يبوافاضل حيل مابينه
الدنيا عكب عينك جارت عليه
..........
جارت يبوفاضل حيل  دنيانه
يعباس الشمر عالنوك مشانه
اخونه الواعدانه شلون ينسانه
حشمته بحليبه ومافزع ليه
..........
حشمته وكلتله وين خوتنه
ياشيلة البراسي وبيك هيبتنه
اذكرك يالكلت زينب بركبتنه
بعدك عالعهد وهاي  تاليه
..........

خويه شلون ارد وانته عالثراها
واجب يالجبتها اتروح وياها
ماترضه الامروه الشمر مشاها
جاوين الوعد  يابو  الشماخيه

. ام زينب كربلاء غير مبري الذمه من ياخذ الكلام وينسبه له او يحذف الاسم  الجزء السابع
الماسي الفاطميه
https://telegram.me/um_zainab_kar باز کردن / نظر دهید

2022-08-27 18:46:21



• ثلث حاجات
‏• thuluth hajat

• أداء : #الملا_علي_الساعدي
‏• performance : #ali_saadi

• كلمات  : الشاعر ميثاق الحمداني
‏• words : Mithaq Al-Hamdani

• عزاء حسينية الحاج عبد الزهره الفرطوسي
ميسان  - حي القاهرة الثانية

‏•eaza' husayniat alhaji eabd alzahrah alfartusi
maysan - haya alqahirh althaanih

• مكساج : حسن يونس
‏• Mix : Hassan Younes

• مونتاج : سجاد سلام
‏• Editing : sajaad salam

• تصميم الغلاف : جهاد فيصل
cover design : Jihad Faisal •

• ادارة الحقوق الرقمية : باسم محمد
‏• Digital Rights : Basim Mohamed

• النشر الشبكي : قاسم امير
network publishing : qasim amir • باز کردن / نظر دهید

2022-08-26 17:27:48 نعي لدخول زينب ع إلى الشام

الشام  كلي شلون اطب ليه
عيني تشوف جتالك ولاكيه
واكعد  بديوانه    واحاجيه 
............
اودي  العتب  للبيه   حميه  
اختك طبت الجلسه وسبيه
وزاد  الهم  يبو فاضل عليه
............
صاحت   بعبرتها    ينيام
ياغدر الدهر  ياجور الايام 
اختكم سبيه وطبت الشام
............
طبت  ودمعته  عله   الخد
يكون  الوكت عباس  ينرد
يرد  طورنه   والمات  يكعد
...........
كون  من  أدير  العين اشوفه
واكف  بطوله  ويرد    شوفه
من بعيد   توميلي   اجفوفه
............
يكلي اسمعت ونج  واجيتج
عتابج    وصلني   واعتنيتج
عرضت  كبل  عيني  خويتج
..........
عرضت عيونج كبل عيني
سمعتج يزينب تحاجيني
عليك بداعت الخوه تجيني
............
تكله
عرضت عيونه  بيوم  طبيت
دم   مودمع   عباس    هليت 
يردك  عليه   الموت    ياريت
.............
طبيت  والديوان    مصفوف
وجفي  يخويه بحبل مجتوف 
وبناتك خذاها  الرعب والخوف
...........
كعدو    يهلنه  وبسكم   النوم
كضتنه  الشماته  وثكل الهموم
والي   الحرم  مايكدر  ايكوم
...........
رمحه   الدهر  بحشاي  شجه
كل ساع دمع  العين  اسجه
من اشوف الولي عليه  يتوجه

. ام زينب كربلاء غير مبري الذمه من ياخذ الكلام وينسبه له او يحذف الاسم  
https://telegram.me/um_zainab_kar باز کردن / نظر دهید

2022-08-26 11:45:03 لطميه  لدخول زينب ع لشام


صواب الشام  صاباني عله الراس
لجم جرح الحسين وجرح عباس
...........
صاباني عالراسي بيوم  طبيت
لجم جرح الدليل وحيل ونيت
دم يحسين  من  العين هليت
يانار الشماته وهظم الارجاس

............
لجمت بالجرح ياطبت الشام
سمعت اصواتها ودكت الدمام
هاي  الخارجيه وشالو اعلام
وتتفرج علينه عيونها الناس
...........
غدت تنزف دمه عباس الجروح
واختك ياشهم  مافادها  النوح
الديوان النذل زينبكم   اتروح
هظيمه وهدت  اركاني  يفراس
............

طبيت اليزيد وبيدي  الاحبال
وصار الهم عليه بثكل الاجبال
تمنيتك عدل  واتشاهد  الحال
انذال اتولو  اختك يبو النوماس
..........
نشدني  والنشد جتال يخوان
اخوانج وين  وتكعدين ديوان
زماني لويعود   ويرجع الجان
من هبتت يمينه ايخمد الانفاس

ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید