الشاعرة ام زينب كربلاء

2022-09-04 14:32:08 فزاعيه   للحسن  ع

خله الديوان    من راعي العزوبيه
اوجوه  اهل الكرم     بالدار ماهيه

(عليه  يتنحب  خطاره)
.........
ياراعي الكرم  كصدوه خطاره
خليانه  الثنيه اوموحشه ادياره
واليوم ابومحمد غايبه  انواره

(اضلم  ومكدر   ديوانه)
.........
ديوانه حزن  مفكود  راعيه
يمعزب  الضيف  بغير منيه
يبو روح الكريمه راشده النيه

(الجود  اوياكم   ودعناه)
...........

ودعنه الكريم ونامت عيونه
بحر الجود ابومحمد يسمونه
والخطار  لومرو   يفكدونه

(الجف  اليكرم  جاوينه)
............
انشد عالكرم ماهو بدواوينه
يكولون ابومحمد غمضت عينه
ايسي من اخوج ولاتندهينه

(مايكعد  يالنامت  عينه)
..........
يزلام  المشت جاوين نلكاها
عنه حملت والدار  تنعاها
والديوان  ماينطب  بلياها

(تنوح  الدار   وحزانانه)

. ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء السادس عشر
https://telegram.me/um_zainab_kar باز کردن / نظر دهید

2022-09-04 14:25:32 لطميه شور للحسن ع

هاليوم    هاليوم 
هاليوم  مسموم  الحسن
وحسين     وحسين
وحسين    دمعاته جرن
............
اليوم  ابوالسجاد  يصفك بايده
ياهضمته    وياوداع    عضيده
ذاخره  العوز  الوكت    ايريده

ويصيح     ويصيح
ويصيح  دلالي  انطعن
..........
يامصاب  الحسن  زاد   احزانه
اوداع  ابومحمد    الهد  اركانه
يصيح يم عون الحسن   خلانه

مريود       مريود
مريود    لأيام   المحن
............
اصار  بالمظلوم  يوم   الشاله  
يسمع  الصرخه وبواجي عياله
اسهام   نعشه   صوبن   دلاله
بالعين      بالعين 
بالعين     يسهام  الرمن
...........
وبعد  ياشيعه  نعازي ام الخدر
اليوم   للمسموم  تلطم عالصدر
صايحه  شيريد من عندي الدهر

صرخات    صرخات

صرخاتها    اليوم  اعتلن
............
اه  يمصابي  اوداع  واخواني
شلون  ياشيعه   تفل   احزاني
شال  اخوي وبالحزن    خلاني

والدار        والدار 
والدار    حزنانه   وتون

. ام زينب كربلاء غير مبري الذمه من ياخذ الكلام وينسبه له او يحذف الاسم  
https://telegram.me/um_zainab_kar باز کردن / نظر دهید

2022-09-03 11:40:21 فزاعيه اومربوعه زينب ع تنعى الحسن ع والحسين ع

الخوه  ليش ويزينب  كظيتوها
نمتو  العين  عنها    وتيهيتوها
...........
تعاتب والعتب  لاماتسمعونه
خويه  والحمل عدمن تخلونه
وعني حبل المواصل تكطعونه
تعاتب عمت ابنكم يالنسيتوها
..........
خايب يادهر  خليتني بريبه
ماخليتلي الضيم الوكت هيبه
كون بسوم  خال الولد وانجيبه
ياعشره الكضت والخويه شالوها
..............
عزاز ويومكم  مابيه  احملنه
شلتوها  المحنه وضلت الونه
ربينه اسنين وياكم ولا  جنه
اختكم  للهظايم ليش عفتوها
...........
عفتوها حزينه وتجذب العبره
ماجنها كضت وياكم  العشره
وماجنه  رضعنه من فرد دره
نمتي وعالهظايم  مانشدتوها
............
يانار  الخوان الجوت دلالي
يوميه بمصيبه وفاكده الوالي
يغدرني الزمان ويشل بحوالي
حكها  اتعاتب  الوليان  خلوها
..........
اليوم انشال مني جبير خواني
فاركت الحنين  ودوت نيراني
يبومحمد عزيز  وزود احزاني
عزاز  وجلمة  الخويه كطعتوها

. ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء السادس عشر
https://telegram.me/um_zainab_kar باز کردن / نظر دهید

2022-09-03 01:39:54 لطميه  للحسن ع  عن لسان حال زينب ع

اريد اتعاتب ويالبين واريد اهمل دمع عيني
هنا  الماخذ  الاخوان  جاانه المن  امخليني

عمر  ماريده ابلياه
وفلت عشرتي وياه

اريد اتعاتب ويالبين
................
اخت الفاكده الاخوان تبين من تجر ونها
كسرها مبين ومعروف هموم الكلب يكظنها
تضل معاشره  الونات  لوراح  الاخو منها
كلمن ضيعت وليان   ليالي السود يولنها

وعليها من يمر ذكراه
وفلت  عشرتي وياه
اريد اتعاتب  ويالبين
...............
الحنين وبيه محنه وطيب موتي يالتضيعينه
اخيج  لوخذاه البين  ونام  وغمضت عينه
اذا مال الزمان  اوياج  وخال ابنج  تريدينه
عنج من يبعده الموت  كولي  وين  تلكينه

راح وضيعت ملكاه
وفلت  عشرتي  وياه

اريد اتعاتب ويالبين
.............
اعاتب  والعتب وياك يدهري الكاطعت بيه
خذيت الجان الي خميه واخوي الكاعده بفيه
بعد شلي بشوف العين عساها العين  مطفيه
عسه  لامر  علي يومه كضاني وروح مابيه

وابومحمد سبل يمناه
فلت  عشرتي  وياه

اريد اتعاتب ويالبين
.............
شذكر من حنان البيه  واذكر  لذت ايامه
اخوي واغلى من الروح وعليه اليل  مانامه 
حنين ومن اشوفنه   انسى الحزن والامه
ردته ويالضعن وياي يشد الخوتي احزامه

بحر  الجود ودعناه
وفلت عشرتي  وياه
اريد اتعاتب  ويالبين
...........
يوم الودعاني وشال  خلف   بالكلب جمره
يبومحمد عليك اليوم صدري اختنك بالعبره
اريد الحك بخال ابني  بس الجدم  ماجره
من شفت النعش صابوه صحت بصوت يزهره

تعاي وياي  خن ننعاه
فلت  عشرتي وياه 
اريد  اتعاتب ويالبين

ام زينب كربلاء

. ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء السادس عشر
https://telegram.me/um_zainab_kar باز کردن / نظر دهید

2022-09-02 23:57:51



• يابويه تمنيت
‏• ya buayih tamanayt

• أداء : #الملا_علي_الساعدي
‏• performance : #ali_saadi

• كلمات  : الشاعر تحسين الخفاجي
‏• words : tahsin alkhafaji

• عزاء حسينية أم الحسن (ع)
#البصرة - الفاو

‏• eaza' husayniat 'aum alhasan
Basra - FAO

• مكساج : حسن يونس
‏• Mix : Hassan Younes

• مونتاج : مصطفى العتابي
‏• Editing : Mustafa al-Atabi

• تصميم الغلاف : ذو الفقار العبودي
cover design : Zulfikar Al-Aboudi •

• ادارة الحقوق الرقمية : باسم محمد
‏• Digital Rights : Basim Mohamed

• النشر الشبكي : قاسم امير
network publishing : qasim amir • باز کردن / نظر دهید

2022-09-01 15:49:23 هوسات  لرقيه  ع ليلة  الوفاة

اليلة  ام  الخدر  كل حيل  مابيها
من  صدت  رقيه  وراس واليها
تون  عالراس  لوتبجي  البواجيها

(احتارت زينب / ياهو  التبجيله)

..........
من  شافت رقيه  صاحت عالراس
شالتها  ولكتها    كاطعه   الانفاس
لطمت  راسها  وتصيح   ياعباس

(لشام  اكصد  /  هاي اليلة)
.........
عليك بداعت  الخوه  يبوالغيره
اكصد  للخرابه  وشوفني بحيره
تعال  البت اخوك  وراسها اديره

(اختك ماتكدر / بالهم غركانه)
..........
من  صاح العليل  عالنحر ماتت
اجدامي يارقيه بعد   ما  كامت
اشوف ركبتج  يم النحر  مالت

(ضليت الطم  / فوك  الهامه )
..........
وين  تروح  اختكم بكت  دوهانه
دنيه   اليل   واحتارت  الحزنانه
الرقيه   منين   اجيب اليوم دفانه

(واليلة  اصرخ  /  وين  اخواني)

. ام زينب كربلاء غير مبري الذمه من ياخذ الكلام وينسبه له او يحذف الاسم من كتاب المآسي الفاطميه الجزء السادس عشر 
https://telegram.me/um_zainab_kar باز کردن / نظر دهید

2022-08-31 22:57:40 فزاعيه  الرقيه ع

حضري الشام يم حسين
زينب  زاد  بلواها

اليوم تحيرت بالشام
ونت والطم   عالهام
ويه ام عون ماكو ازلام
ومحد سمع  شكواها
..........
ماتت بت اخوها اليوم
ونو لم كلب مهظوم
شافت منحر  المظلوم
وبته الماتت  احضاها
..........
حضري يم حسن ليها
وعله الونات   عينيها
رقيه  وياج  شيليها
ولطمي اليوم وياها
.........
تصيح بصوت يالوليان
كلبي من الهظم  تعبان
هاي  عزيزت  العطشان
وانه   وياج   ننعاها
........
لحكي يم حسن بيه
اكبالي  ونت  ارقيه
شبحت عينها  عليه
يوم الراس  فجعاها
.........
تعاي  الزينب اليلة
نعش الغاليه انشيله
وانه  وياج   نبجيله
روحي الهظم هداها

. ام زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء السادس عشر
https://telegram.me/um_zainab_kar باز کردن / نظر دهید

2022-08-30 21:52:18 نعي  الزينب  ع

كلبي  ماكطع   نوحه  ولا هاد
لا  والي  الفزع   ليه   ولاهاد 
صحت هد الحبل مني ولاهاد
حتى الطم وادك  بثنين اديه



ماعدنه  اهل والضيم كثران
ضيم العلينه ايريد   وليان
يريد هده  وفزعت  اخوان
............
ياهو  النسولفله   بهظمنه
ويسمع  بواجينه  وعتبنه
علينه ضيم مايدرون اهلنه
..........
خايب يكلبي   العتب خليه
ماتو   هلك    والمن  توديه
شبع ضيم كلبي مادرو بيه
...........
البيهم  محنه  كون يدرون
يسمعون صايحنه ويفزعون
اختنه بالخرابه كاعده شلون
............
كون  الخبر   يوصل  وليها
ويحجوله   بضيم   العليها
خرابه اكعدت لاسكف بيها
..........
خرابه لاسكف بيها ولا فياي
كعدنه   ونجر النفس بهداي
و من التعب نامت  يتاماي
..........
نامن   وفزن  تالي   اليل
اونن  ونين  اليهدم الحيل 
وين  اهلي  وسراجت الخيل
..........

. ام زينب كربلاء غير مبري الذمه من ياخذ الكلام وينسبه له او يحذف الاسم  
https://telegram.me/um_zainab_kar باز کردن / نظر دهید

2022-08-30 21:52:09



• صارت غريبة
‏• sarat ghariba

• أداء : #الملا_علي_الساعدي
‏• performance : #ali_saadi

• كلمات : الشاعر محمود الموسوي
words : Mahmoud Moussawi •

• ليالي شهر محرم الحرام 1444 هـ
Muharram nights 1444 •

• عزاء هيئة الامام الصادق (ع)
   ميسان - ناحية السلام

‏• eaza' husay eaza' hayyat alamam alsaadiq
Maysan -  nahiat alsalam

• مكساج : حسن يونس
‏• Mix : Hassan Younes

• مونتاج : سجاد سلام
Editing : sajaad salam •

• تصميم الغلاف : ذو الفقار العبودي
cover design : Zulfikar Al-Aboudi •

• ادارة الحقوق الرقمية : باسم محمد
‏• Digital Rights : Basim Mohamed

• النشر الشبكي : قاسم امير
network publishing : qasim amir • باز کردن / نظر دهید