الشاعرة ام زينب كربلاء

2022-08-26 01:04:51 اصدار محرم الجديد ٢٠٢٣
الماسي الفاطمية ج ٢٧
الشاعرة ام زينب كربلاء
خاص بالنبي (ص) والائمة المعصومين عليهم السلام
متوفر في مكتبة الغدير بغداد
لدينا توصيل لكافة المحافظات
للحجز واتساب فقط ٠٧٧١١٣٩٥٥٨٠
https://t.me/eheh10 باز کردن / نظر دهید

2022-08-25 14:17:32 قصيده للعباس ع بطور جسام ياضنوتي
..................

عباس وين الوعد خويه 
 خويه الوعد  وينه
اختك  بكت بالهضم   ترضاها يابو الشيم
خويه    خويه    الوعد  وينه
.............................

ياخويه وين الوعد يا كافلي
وانته الجبت يابو الفضل محملي
وتكفلتني يا بطل   من  هلي
شلون  ترضى يا كفيلي انولي

حرمه وتضل  بالغرب  وانته  عالمشرعه رهينه
زينب  تهل  الدمع        جاوين  اخوها السبع
خويه    خويه          الوعد     وينه
.....................

عباس  زينب ضلت  محيره
جا وين اخوها الحير المشرعه
من فزعت عليها الزلم ما دره
ياهو  اليطفي  نارها  المسعره

تحشم يراعي العلم       نايم نايم وغمضت عيونه
اسوه الدهر ياهلي      احضر  يضنوة  علي

خويه     خويه         الوعد    وينه
....................

احضر  وانضر زينب  بيا  وضع
طرت  الحومه  والكلب  منفجع
تصيح عباس   وتهل  الدمع
كون  السهم  يابوالفضل  ينشلع

لمن  تشوف  الحرم     ما ضن  ماضن تخلينه
موقف  الشافت صعب   تحشم  يذخر الكلب

خويه    خويه         الوعد وينه
....................

ياذخر زينب كافي  نوم الترب
شوف العده الصوب المخيم  كرب
ابهاي  الخلك  ما  بكت  شيمت  عرب
ابسوطه  العدو  عالمتن  كام  وضرب

ماتقبل  بهالوضع     ياهو ياهو اليشكينه
ياخويه  كلبي انجوه    اكعد وشيل  اللوه

خويه     خويه            الوعد  وينه
....................
اكعد  وشيله  هاللوه  بيمنتك
جا  وين  صارت يا بطل  هدتك
عيني  تناطر يا سبع  فزعتك
يابو الفضل جنها انكضت خوتك

فلت  الخوه وكضت   طاحت عل العلكمي ايمينه
عباس وفه العهد     بالسهم شوفه  انمرد

خويه    خويه       الوعد   وينه
.........................

. ام زينب كربلاء غير مبري الذمه من ياخذ الكلام وينسبه له او يحذف الاسم   من جزء الثامن المآسي العلويه
https://telegram.me/um_zainab_kar باز کردن / نظر دهید

2022-08-24 23:48:28 ‏صورة من ياحسين باز کردن / نظر دهید

2022-08-24 23:44:00 باز کردن / نظر دهید

2022-08-24 23:42:07 فزاعيه  للاربعين

اجت عمت ولدكم  ها يخياله
هذا النوم موش الكم  يعياله
...........
اجت عمت ولدكم حيل مابيها
تعبها  الدرب  والضيم كاضيها
اندهو  خال ابنها خل يلاكيها
ثكلان الحمل وايريد  شياله 
...........
يشيال الحمل يالبيك هيبتها
شوف   الغاليه ردت  بونتها
مهظومة كلب وتسيل دمعتها
متعنيه الحنين وجايبه عياله
..........
هاي عيالكم كعدو  تلوكوها
عليها هموم يالخوان شكوها
بجو عينها وعالمتن  طكوها
تدورعالحنين التزمط بجاله
........
كطعتها الدروب واجت عنايه
محمله عتابها وللحيد شكايه
تمنت خال ابنها وشايل الرايه
تعتب والعتب  عباس يحلاله
..........
كعدو العمت ابنكم   لاتخلوها
عن ضيم السبي يسباع نشدوها
اختكم يانشامه  وين  ودوها
تمشي ويالضعن والراس يبراله

...............

أم زينب كربلاء غير مبري الذمه من ياخذ الكلام وينسبه له او يحذف الاسم  

https://telegram.me/um_zainab_kar telgram باز کردن / نظر دهید

2022-08-24 23:39:55 متوفر حاليا في جميع المكاتب الما سي الفاطميه السابع والعشرون يختص من النبي ص والحسن والسجاد والرضا وبقية الائمه إلى الحسن العسكري عليهم السلام

والاسبوع القادم ينزل الجزء الثامن والعشرون يختص برقيه وبنات الحسين ع والفواطم والاربعين والرجوع إلى الديار ومن الله التوفيق باز کردن / نظر دهید

2022-08-24 04:35:28 فزاعيه لسجاد ع

عله السجاد  عازو الفاطميات
اليوم  الفكد ابوالباقر حزينات
...........
خنعازي العقيله بهذه المصاب
عالمات ودمع بالعين سجاب
نكلها اليوم حمل تالي الاحباب
شاف من الزمان هواي لوعات
............
شبع لوعات  وهموم واذيه
جر  حسرات من جته المنيه
دار  العين  صوب  الغاظريه
تذكر  يوم  عوده   والسبيات
............
سالت دمعته   وايجر بالونين
صاح حسين بويه وهلت العين
ردتكم   بآخر   الونه  يطيبين  
تلتم كل هله  من عادت المات
..............
تلتم  كل هله وعليه يديرون
واخوته وياه للمغسل يروحون
يشيلون النعش وعليه يونون
تشيل اجنازته وتهمل الدمعات
.............
اليلة  تلوج  والسم  مرد احشاك
تمنيت  الحياده  حاضره  وياك
ياسم   العده   وياضيم    بلواك  
يالعابد   الك   بالكلب   حسرات


أم زينب كربلاء غير مبري الذمه من ياخذ الكلام وينسبه له او يحذف الاسم  

https://telegram.me/um_zainab_kar telgram باز کردن / نظر دهید

2022-08-02 00:47:18 فزاعيه للعليلة ع

الروح حنت ياهلي
واشتاكت الملكاكم

..............
شالت بعيد ضعونكم
واشتاك كلبي الشوفكم
ضاعت عليه ارسومكم
غياب وين الكاكم
...........
اليوم روحي تكدرت
بطوار عالشالو نعت
عيني يبواليمه بجت
وكت الغروب انعاكم
..........
شالو بليل وحملو
وعن البنيه ماحجو
جاليش خلوني وجفو
وطول علي فركاكم
..........
بدار شنهي ضلتي
حنيت لملاكه أخوتي
جريت وني وحسرتي
وحنيت لملاكاكم
...........
شالو احبابي الكربله
وانه عليله وناحله
وبدار ابوي معلعله
ضنه العتب ماجاكم

. ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الثاني عشر المآسي الفاطميه
https://telegram.me/um_zainab_kar باز کردن / نظر دهید

2022-08-02 00:46:03 نعي للعليلة ع

المسافر شهر وايعود لدار
وانه احباب الكلب طول سفرهم
عديت الليالي وصارن اشهور
وما ملت يعيني مناطرتهم
اذا صار الصبح تنظر عله الباب
و وكت الليل مايكطع دمعهم
اشكثر مشتاكه عيني الملكه الاحباب
ونذرت انذور لو عود ظعنهم
رمش عيونها تفرشه عله الدروب
اذا صار الملاكه اويه التحبهم

نعي

بويه الردتك منذوره العيون
يطشن دمع يوم اليبشرون
المبشر يكلي هاي الاضعون
..................
حس المبشر لوسمعته
كلبي كبل جدمي نكلته
شحلات الابو وتتلكاه بته
.................
محله الملاكه بعد الغياب
تفيض المحنه بملكه الاحباب
وتعود وكفتهم عله الباب
............
ليمت تجي وكلبي ايتلكاك
اكلك هله واتسامر وياك
واتصيحلي وافرش مصلاك
..................
تصيح بويه واتسمعني
واكلك يبعد اليوجعني
بشوفك يروح المرض مني

..............
جن اشوفهم عالباب وكفو
عليه وعلى الديران نشدو
ون الكلب وايكول بعدو

..........
كطعي الرجه وبالج تنشدين
عله شالو يروحي لاتعتبين
جا ما عاتبيتي لون تدرين
............

لون تدرين بمصاب الدهاهم
ضلو عالثره وتجري دماهم
هلج عله الكاع محد غسلاهم

. ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الثاني عشر المآسي الفاطميه
https://telegram.me/um_zainab_kar باز کردن / نظر دهید

2022-08-02 00:43:52 لطميه للعليلة ع

شيرد ذيج اليالي وذيج الايام
مرتني وجزتني مثل الاحلام

بعد ماضن تردلي
واحضه بشوفت اهلي

شيرد ذيج اليالي وذيج الايام
..............
مشت ذيج اليالي وماضن اتعود
لزمت الباب وادموعي عله الخدود
اصيح بصوت يهلي ردو اردود
اهود بالكلب مايقبل ايهود

شلونج من يكلي
واحضه بشوفة اهلي

شيرد ذيج اليالي وذيج الايام
................

يحن وكتي بعد واتعود اليه
ترد تزهي بهلي داري الخليه
افز بليل بس اصفك بديه
ليش اطروش مانشدت عليه

شنهي الي اسوي
واحضه بشوفت اهلي

شيرد ذيج اليالي وذيج الايام
................
جاشنهي الاسوي والكلب ذاب
حسبالي الدموع اترد الاحباب
طال اغيابهم وعيوني عالباب
واصيحن ياهلي طولتو الاغياب

ولج ياعين هلي
واحضى بشوفت اهلي

شيرد ذيج اليالي وذيج الايام
.............
ماتكطع دمع واتهل العيون
تحاجيني وتكلي اكطع شلون
الماعدهم اهل بالدار يعمون
تعمه من البجه لمن يعودون

الوكت ليمت يردلي
واحظه بشوفت اهلي

شيرد ذيج اليالي وذيج الايام
..............
الوكت لوراح مايرجع علينه
وشتفيد الدموع شما بجينه
بطلي من العتب اه يالحزينه
حسين عالثره او مادافنينه

ولج ياروح سلي
واحضه بشوفت اهلي

شيرد ذيج اليالي وذيج الايام

. ام زينب كربلاء غير مبري الذمه من ياخذ الكلام وينسبه له او يحذف الاسم القصيده من الجزء الثاني عشر المآسي الفاطميه
https://telegram.me/um_zainab_kar باز کردن / نظر دهید