الشاعرة ام زينب كربلاء

2023-02-04 15:25:27 نعي  الزينب عليها السلام

كرب  موتها  يحسين اختكم
صبت  عينها  اودت  عتبكم
وتريد  طارش    يوصللكم
............
كون الطروش تروح ليكم
وعتب الغاليه اتذبه عليكم
جاوينها   غيرت   البيكم
............
زينب  تون  يهل  الامروه
موهاي  ساعتها   الاخوه
وتعاتب ابو  خوة   حلوه
...........
تريد  الولي وتريد  يومه
ولشام   يتعنه   ابهومه
يعباس كلبي كثر لومه
............
ياكلبي  شتفيد  الملامه
ما بانت من اهلك علامه
مالحكو  البيهم شهامه
...............
بعيدين  ماسعو    الونه
كلبي خلص وانكطع ضنه
منين  اجيبه البيه محنه
موتي ولحكي اهلج يزينب
...........
كف ياكلب  كافي من العتاب
خلصو  هلك  وعليمن  تعاتب

البيهم   محنه   صارو   ابعاد
شجيبه  الغفه  حدر  الترايب

موتي  يروحي المن  تضلين
مالج   اخو    ومالج كرايب

مكتوب  اموت ابين  الاجناب
لاخوان   يمي   ولا    حبايب 
...........

٠ أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-02-04 12:06:16 فزاعيه ونعي  لسيده زينب ع
نعي

حسافه بالغرب يم كلب محزون
ماهمه اخوتج  ويه  ياليشيعون
كون اليوم    بالبيرغ   يطلعون
يشيلونه اخوتج وعليه يهوسون


نزلة فزاعيه

الج بيرغ   خوال ابنج يشيلونه
بهوسات النعش زينب   يزتونه

الج بيرغ عراضه وبيه يمشون
وابوفاضل يحطج فوك المتون
يذب عماته  وعليج   محزون
وجادر فاتحه اخوانج ينصبونه
...........
تسوين  العزه  وعليج  ونات
يحنان النعش زتوه بهوسات
واكبال النعش هوسو بروايات
بهيبه نعش اختكم من تشيعونه
...........
شيعوها بهيابه  الرافعه الراس
جدام النعش هوس  يعباس
اختك وبخدرها  اتسولف الناس
صبرها والخدر  كامو يوصفونه
........
يتاج الراس يافخر النساوين
يحره بوكفتج يتفاخر حسين
يخت عباس للهوسات تسوين
بتاريخ النسه اسمج يذكرونه
.........
يمهظومه الج  نلطم بالدموع
تلوك عليج  دكتنه  عالضلوع
متي بالغرب  والكلب مفجوع
اخوانج والنعش واجب يحضرونه

. ام زينب كربلاء غير مبري الذمه من ياخذ الكلام وينسبه له او يحذف الاسم  الجزء الثالث  المآسي الفاطميه   
https://telegram.me/um_zainab_kar باز کردن / نظر دهید

2023-02-02 16:57:29 ابوذيه ونعي  لزينب ع

لبن امي رسالة  عتب   ودها
كله اختك فلا ينكطع   ودها
ياهو الأصعب من الموت ودها
اموت  ولا  اخو  جناز بيه
.............
يجناز مربيها عله اخوها
مرهاعله ابنها وابن ابوها
زينب  يهلها   اتلاحكوها
..........
يجناز وديها عله اهلها
تودع الاعزاز اليوم خلها
عدها  عتب  ويه الكفلها
...........
خلها  تمر  وتجر  الاعتاب
يحله المعاتب ويه الاحباب
شلون اندفن مابين الاجناب
...........
خليها  تتعاتب  عله الهون
يسمعون نحبتها  ويكعدون
غياب اخوتي ودفنتي شلون
............
سمعوا عتب زينب يالاحنان
غير   الاخو  بالاخت  دفان
محله النعش لوشالته اخوان
............
اكول منيلج  يازينب  اخوه
والعتب  ويه المات   بلوه
مالج بعد يم عون  تجوه
............
تعتبين   والإخوان   نومه
حنين الاخو وتردين يومه
النايم  بالكبر  مابيه  كومه

أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-01-31 20:48:16 فزاعيه بدايتها نعي الزينب ع

زينب  بالغرب ونت وحدها
ونت  وماكو  اخوان  عدها
وذيج اسباعها ليها شيردها

نزلت الفزاعيه
 
صدك بالشام   ونيتي يعلويه
وعنج وين صكارت  الحربيه
.............
ونت والسباع  ابعاد  مسراها
لويدري الكفيل الشام  هزاها
جاهد والجنازه بزود  شالاها

(المهيوبه /  بزود ايشيل)
............
راعي الزود خليهم  يخبرونه
يجي ويشيل تابوتج عالمتونه
اخوج الحيد والوادم يعرفونه

(معروفه / الغيره البيهم)
...........
ياغيره البخوج الناس تدريها
ياخوه ويشيل الراس طاريها
اتعطل والجنازه مالحك بيها

(الفزعاته / أدير   العين )
.............
الفزعات الحنين عيونها اربيه
هسه ابيرغه الكافل يطب ليه
بيده يشيلني المتروس حنيه

(غاليته / بهيبه ايشيع)
..........
ونت والكلب ماسمعو ونينه
يزينب طورهم جاوين تلكينه
موتي ويوم اخوتج لااتانينه

(ماتلكينه /  ياطور  اهلج )

أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-01-31 19:28:10 لطميه الزينب سلام الله عليها

عمري مو بالشام خلص  خلص عمري بكربله
بذبحت حسين وكفيلي وسبي ذيج  والعايله
خلص عمري بكربله
.............
انه  ودعت العمر   من    ودعتهم
من رحت للحومه واخواني شفتهم
هناك  مو  مره  متت  موتات  يمهم 
يم اخوتي الروح ضلت من  عفتهم

روحي تحومي عليهم . ضلت بذاك  الفله
خلص عمري بكربله
...............
الناس تحسبني مشيت وروح  بيه
ماهي روحي وروح ابوسكينه سويه
نزف كلبي  دموم  وي  نحر  الشفيه
احس كل حافر  مهر  يسحك   عليه

وانشلع  كلبي يشيعه .  ومات ويه الدلله
خلص  عمري  بكربله
  ..............
زينب انه بس جسد بالشام مدفون
حيلي عفته  بكربله بصف  اليونون
من خذوني  والحبل شدوه بالمتون  
انه يم المشرعه ضل شوف العيون

وانكطع سباح كلبي . بيوم ودع  كافله
خلص عمري بكربله
............
اه ياسباح كلبي الكطعته النايبات
ودعتهم   واحس  ودعت الحياة
من شفتهم شفت بعيوني الممات
ضاع عمري وضيعت حلو الصفات

والمثل كلبج يزينب   . بعد بدنيه شله
خلص عمري بكربله
...........
من يمراسم عليه تنترس عيني دمع
اه ياجمرة مصابج نار  تسعر بضلع
بموتج يم المصايب احس كلبي ينشلع
اتمنه يم كبرج يزينب اعلك ابابج شمع

حيل اصيحن يالغريبه . وعيني لجلج هامله
خلص عمري بكربله

. ام زينب كربلاء غير مبري الذمه من ياخذ الكلام وينسبه له او يحذف الاسم    
https://telegram.me/um_zainab_kar باز کردن / نظر دهید

2023-01-30 08:23:34 فزاعيه الزينب ع

يزينب بس الج    لاكت الونات
شفتي من  الزمان هواي هظمات
...........
الزينب  الايكه  الطمه  والونين
ماشفتي فرح والعمر    تبجين
مهظومه وعلى ابن امج تنوحين
حزينه  وكتلتج  رفكت  الشمات
.........
الله ايعين كلبج يم الاحزان
خلاج  الدهر من غير خوان
وعاتبتي الزمان عتاب عجزان
من كثر المصايب والصوابات
.........
صواب البيج ماواحد يحمله
يالكلبج حزين  وفاكد اهله
يم عون الدهر نيشان خله
مكسوره والج بالكلب حسرات
.........
حسراتج تربن تحت الضلوع
الج دمعه يزينب غير الدموع
انريد انون عليج بكلب مفجوع
تسوه النوح يافخر النجيبات
.......
وني وياي والميدان وسعيه
نوبات الطم والنوح سويه
يوم ام الخدر بحزان  اذكريه
بت الزاجيه وراعي الكلافات

أم زينب كربلاء غير مبري الذمه من ياخذ الكلام وينسبه له او يحذف الاسم الجزء الثاني المآسي الفاطميه

https://telegram.me/um_zainab_kar telgram باز کردن / نظر دهید

2023-01-30 07:31:44



• باب السيد
‏• mr door

• أداء : #الملا_علي_الساعدي
‏• performance : #ali_saadi

• كلمات  : الشاعر فيصل المياحي
‏• words : Faisal Al-Mayahi

• ليالي أستشهاد مولاتي فاطمة الزهراء (عليها السلام) 1444 هـ

• عزاء شباب الماجدية الحسيني
   ميسان - الماجدية

‏• eaza' shabab almajidiat alhusaynii
maysan - almajidia

• مكساج : كرار الموالي
‏• Mix : Karar Al Mowaly

• مونتاج : مصطفى الحميداوي
‏• Editing : Mustafa Al Hamidawi

• ادارة الحقوق الرقمية : باسم محمد
‏• Digital Rights : Basim Mohamed

• النشر الشبكي : قاسم امير
network publishing : qasim amir • باز کردن / نظر دهید

2023-01-28 20:04:22 فزاعيه  لسيده زينب ع

هظيمه تموت زينب محد وياها
مايمها   حنين   ويمد   يمناها  
........
ونت  بالغرب  جاوين   اهاليها
ودو طروش  تتعنه عله واليها
كون  برايته   الكافل  يغطيها
مهظومه تموت شلون يرضاها
.........
مايرضه تموت بغرب عمت ابنه
ومحد من أهلها حاضر  الونه
هذا  يومكم   يحنان   اريدنه
يعباس  الاخوه  اليوم  ردناها
.........
تريد اخوانها يحضرون موتتها
وعباس السبع  يحضر  ابونتها
نحيله وعله راضه يدير ركبتها
والمتروس غيره  يكعد احذاها
..........
يمد ايمينها   ويحشم  اخوانه
يحسين العزيزه  بعوز   دفانه
انته تلف جفنها والرفيج  انه
عله متوني الجنازه تروح محلاها
........
ياوسفه العزيزه  تموت مهظومه
حتى بموتها   بالكلب   ملجومه
ماتت بين غربه  والاهل  نومه
تسيل من الهظيمه دموع عيناها

أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-01-28 15:38:40



• سلام الله على الهادي

• أداء : #الملا_علي_الساعدي
‏• performance : #ali_saadi

• كلمات : الشاعر تحسين الخفاجي
words : tahsin alkhafajii •

• ليالي استشهاد مولاي الامام الهادي (عليه السلام) 1443 هـ

• عزاء هيئة الشاب الحيدري
#الكوت - حسينية الشيخ احمد الوائلي

‏•eaza' hayyat alshaabi alhaydari
alkut - husayniat alshaykh ahmad alwayli

• مكساج : كرار الموالي
‏• Mix : karar almuali

• مونتاج : كاظم الموسوي
Editing : Kazem Al-Musawi •

• تصميم الغلاف : جهاد الفيصل
cover design : Jihad Al-Faisib •

• ادارة الحقوق الرقمية : باسم محمد
‏• Digital Rights : Basim Mohamed

• النشر الشبكي : قاسم امير
network publishing : qasim amir • باز کردن / نظر دهید

2023-01-25 11:07:21 لطميه للامام الهادي ع مواساة لزهراء ع

اليوم  الزجيه  اتنادي
مسموم جبد   الهادي

وينه اليواسي الزهره
يبجي   ويهل  العبره
مسموم جبد الهادي
..............
الشيعه خل تنصب عزه  وتبجيله
وتواسي اهل البيت الرساله اليلة
وي فاطمه  دمع  المصاب  تسيله
وللهادي   باعلام  الحزن  تمشيله 

وتكصد لعد سامره
تبجي وتهل العبره
مسموم  جبد  الهادي
.............
وينه  اليحبها عله الجره  ايواسيها
مصاب الدهر  جم جرح خلف بيها
وبكل  مصيبة    ابمأتمك    تلكيها 
ملجومه  وصواب  الضلع  ياذيها

اه يالزمان   وغدره 
تبجي  وتهل العبره
مسموم  جبد  الهادي
..............
وينه اليون  لمصيبتي  بهذا اليوم
بدمعة حزن ويصيح اه يالمسموم
نار   الزجيه  الوجرت  من هالكوم
يسيل الدمع عالهادي لو عالمضلوم

تذكر السحكو صدره
تبجي وتهل  العبره
مسموم  جبد  الهادي
.............
نار الحزن حركت دليل  ام حسين
يولادي  الكم  مانشف دمع العين
حزن  العطاشه والكضو مسمومين 
لاجرح  موجر  بالكلب  لا  جرحين

جرح الكلب مايبره
تبجي وتهل العبره
مسموم  جبد الهادي
............
جرح  الدهر صوب دليلي صوابات
جم  غالي  المات   ويجر  بالونات
ياشيعه موكلبي كضنه  الحسرات
عالهادي  جاوينه  اليهل  الدمعات

ينصب عزاه بحسره
تبجي وتهل  العبره
مسموم جبد  الهادي

. ام زينب كربلاء غير مبري الذمه من ياخذ الكلام وينسبه له او يحذف الاسم    
https://telegram.me/um_zainab_kar باز کردن / نظر دهید