الشاعرة ام زينب كربلاء

2023-04-04 05:16:19 فزاعيه  للامام علي  ع  عن لسان حال زينب ع

اخذها وياك     بتك لاتخليها
خاف اتنام  وتعيل الزلم بيها
..........
يبويه  تصيح  بالهم لاتخليني
الدنيه من بعد عيناك  توليني
اضلن بالهظم والضيم يكظيني
وعيوني الدهر عكبك يبجيها

..............
يتحزم زماني وتوجر ايامه
وطكات الدهر ياحيد عالهامه
يشبع ضيم كلبي وتكثر الامه
والمفكود ابوها  الدهر  يوليها
.............
باصرني  يبويه ورجع اجوابي
وشلون الصبر  لوراحت احبابي
ينامون اخوتي وماينفع اعتابي
صدك تشبع هضيمه الراح واليها
.............
عيني الفزعتك يابوي مشبوحه
حسين  وركبته عالكاع مذبوحه
وجفوف  الكفل عالنهر مطروحه
اتيهن والضعون الشمر  يحديها
...........
خذها وياك  يالناوي عله الشيله 
ماتحمل  هظايم  روحها نحيله
أندهك ياعلي  لومرت   العيله
ترد فزع الزلم  لوهدو  عليها

أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب الجزء الحادي والعشرين من المآسي الفاطميه

https://telegram.me/um_zainab_kar telgram باز کردن / نظر دهید

2023-04-01 20:38:57 نعي عن لسان حال زينب ع تنعى ابيها أمير المؤمنين عليه السلام


شلون الموادع  ويه ابونه
وشلون  العزيز   ايفاركونه
وعله   افراكهم   ماعلمونه
  ..................
يعور الكلب ياطاري الفراك
وفراك  الابو  ياناس حراك
يشيلون  عليهم حيل نشتاك
..................
بعيد   البله عنكم  يهلنه
من شوفكم  لا  ماشبعنه
بعدنه  بعازتكم   بعدنه
...............
اسم الله عله طاريكم يالاحنان
ثجيل افراكم وعليه  ماهان
ترحون  ويضل بالكلب نيشان
............
جون  راس كلبي ذني الايام
جرحن كلب زينب  والايتام
والدهر   طكاني عله الهام
............
عسا  يومكم  لأمر   عليه
ولاشوف  بعيوني  الرزيه
يخيمة العله راسي وتجيه
............
يغالي عله بتك يومك بعيد
يعز  العليه   وفرحت العيد
يحيدر شيهوده الكلب  ويهيد
............
شبيهن عيوني ماخذن نوم
احس المنيه عليكم تحوم
بعده يبويه الكلب ملجوم
..............
بعده الكلب مابطل ونه
وايام فكدك جملنه
بويه عليك شيصبر كلبنه


أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-03-31 15:06:52 فزاعيه  لسيده خديجه ع عن لسان حال الزهراء ع

يالماشين       بامي وين تردون  
هاي امي الحنينه وماي العيون

ريضو  لاتشيلون   الحنينه
بعدنه ماشبعنه من حجينه
شالت من وكت واكطعت بينه
بهيده تريضي يمي وعله الهون
................
شويه تريضو  ماحمل جفاها
تراهي الروح ماترهم  بلاها
حلوه الوالده ومحله رباها
اه يمي الحنينه فراكهه شلون
..............
عليها جرت الزهره  الف اه
ضعنج من رحل مارحت وياه
حنانج  يالحنينه  وين  نلكاه
الزهره مكدره والحيل مرهون
..........
رهن حيلي مجانج ماتردين
يمه  ياخديجه شيلتج  وين
عفتيني يتيمه  واهمل العين
اكبال العين  وبظعنج  يحملون
.........
والله يالحبايب يومهن يوم
عدهن نشتكي لوجتنه الهموم
رحتي يالحنينه وروحتج دوم
الف  ياحيف  بترابج   ايهيلون
.

الشاعرة ام زينب كربلاء:
ام زينب كربلاء غير مبري الذمه من يأخذ الكلام وينسبه كلام او يحذف الاسم

https://telegram.me/um_zainab_kar telgram باز کردن / نظر دهید

2023-03-31 15:05:53 لطميه اوفزاعيه لخديجه سلام الله عليها
موساة لزهراء ع


شالت خديجه وفاطمه انعازيها
ودعتها وحيل ماضل بيها
.............
اتصيح يمه والدمع بعيونها
يامعزيه الفاكده امها شلونها
ام المحنه ورايحه ايدفنونها
عيونها عله الحملت تجريها
..........
ودعتها ونار حدر ضلوعها
خلاف امها من يهود روعها
تصيح يمه وسايلات ادموعها
يمه البنيه وياج فدو خذيها
...........
شلي بدنياي عكب ارسومها
باد حيلي للحنينه او يومها
الفاكده امها اتنوح ياهو ايلومها
يشيل حيلج لورحل حاديها
..........
اليوم خل ننصب عزه وياها
بديار اجويعده واتنعاها
الموته ويالوالده اشمحلاها
بعدج الزهره الدهر ياذيها
............
والدهر عكبج يغير حالي
اليتم بعدج مرد ابدلالي
واليتم باجر تضوكه اطفالي
وتضل زينب والدهر يوليها


أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-03-30 05:54:19 فزاعيه لشجاعة الإمام علي ع

شنهي الموت حس اهلج يخوفونه
علي لوله  المكدر   مايكربونه
............
هز الكون صيت اهلج يعلويه
كل واحد يشيل الراس طاريه
وعودج بالخلك مشهود ماضيه

(ايام  العودج  مشهوده)
.........

يسوون العزه  ولراس شياله
ابوج الحيد ومرجف الخياله
يابت السبع   واهلج  العياله

(الموت ملاكه ايلاكونه)
.........
يهاب الموت منهم مايهابونه
ابوج اليشهد الميدان بفنونه
ذو الفقار  سيفه ومايكدرونه

(اركاب الشمخت لاواها)
........
احجي بزود عن البيه الكفايه
يكنوز العلم  ومفسر    الايه
علي وعليه مانامت  النعايه

(المثله شلون تعوضينه)
............
لاكن هذا المكدر يمهظومه
بالمحراب حيدر سالت دمومه
غالي يالابو وماينحمل يومه

( الشايل منج وني عليه )

أم زينب كربلاء غير مبري الذمه من ياخذ الكلام وينسبه له اويحذف الإسم  من كتاب المآسي الفاطميه الجزء واحد وعشرين

https://telegram.me/um_zainab_kar telgram باز کردن / نظر دهید

2023-03-30 05:44:29 لطميه  للاحباب  ليلة  الجمعه

شكثر مشتاك كلبي الملكه الاحباب
كل جمعه التمرني  عيوني عالباب

احاجيهم  واكلهم
مرد كلبي بعدهم
شكثر  مشتاك  كلبي الملكه الاحباب

............
احن كل يوم ودموعي سجيبه
واحس بدنيتي   جني   غريبه
يدهري  الراح مني منين اجيبه
حكه  الكلب   من يكثر  نحيبه

مشتاك  السمرهم
مرد  كلبي بعدهم

شكثرمشتاك كلبي الملكه الاحباب
.............
سمرهم راح والكعدات  راحت
كل ليلة  الجمعه الروح صاحت
ياايام  الجزت  ماترد    فاتت
ماتو  والمحنه  صدك  ماتت

دفنها الي  دفنهم
مرد  كلبي بعدهم

شكثر مشتاك  كلبي الملكه الاحباب
.............
اندفنت بالنجف  ذيج  المحنه
شالت  وابعدت  بضعون اهلنه
شيردهم  بعد   وايرد   سمرنه
جانت  دارنه  من نطب  جنه

اليحبونه وانحبهم
مرد  كلبي  بعدهم

شكثر  مشتاك كلبي الملكه الاحباب
..............
اكله  ياكلب   اكطع   ضنونك
تناطرهم  يجون اومايجونك
يسمعون  العتب وايناشدونك
المن  شابحه  وتنظر  عيونك


ماينفع  عتبهم
مرد كلبي بعدهم

شكثر مشتاك  كلبي الملكه الاحباب


..............
كل ليلة الجمعه  اتهل الادموع
ونار اتشب يهلنه حدر الاضلوع
تمنيت العتب والصوت مسموع
واكلهم مانسيت بكلبي  مطبوع

يحبابي  ذكركم
مرد  كلبي بعدكم

شكثر  مشتاك كلبي  الملكه الاحباب



ام زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-03-29 23:26:06 السلام عليكم هذه الاقط خذت منها وجربتها كلش حلو صوتها ومريحه بدون واير باز کردن / نظر دهید

2023-03-29 23:25:19 لاقط طوگ SHURE(شور)

لاسلكي بدون واير

نوعية اصلي

قطعة تشكل بجهاز

قطعه تلبس براس

القطعتين شحن

يرهم على كافة الاجهزة

متوفر في مكتبة الغدير بغداد لدينا توصيل لكافة المحافظات للحجز والاستفسار وتساب فقط ٠٧٧١١٣٩٥٥٨٠
https://t.me/eheh10 باز کردن / نظر دهید

2023-03-29 03:30:15 لوفاة  خديجه ع   موساة لرسول الله صل الله عليه واله

الله وياج  صاح  النبي  الله وياج
ارد انعاج  بدمع الحزن ارد انعاج

الاسلام ينعه مصيبتج
وشلون  انسه   وكفتج
صاح   الله  وياج
.............
موقف شرف لمن يمر  ذكراها
نذكر  خديجه وبالحزن ننعاها
عليها انكسر كلب الزجيه وطه
هلت دمعته  وبالكبر   خلاها

وبكلبي تسعر جمرتج
وشلون  انسه  وكفتج

مانساج   يم الوفه   ماانساج
صاح النبي الله وياج
.............
ماانسه ايام   العسر   مرتني
بيها خديجه بكل فخر سندتني
بايامي الصعبه شكثر  عانتني
يوم ارحلت  ام  البتول  اذتني

وهلت عيوني الفركتج
وشلون  انسه  وكفتج

يافركاج  صاب الكلب يافركاج
صاح النبي الله وياج
...........
بفركاها صابتني وجذبت العبره
من شفت دمعات اليتم بالزهره
صدت ولن جثمان امها  اتنضره
وانكسر كلبي وماجبر  ياكسره

تبجي الزجيه ورادتج
وشلون  انسه   وكفتج

هلت اثراج  بدمعي تره  هلت اثراج
صاح النبي  الله  وياج
............
واجب نعزي المصطفى بمصابه
وناره  الخديجه  بالكلب لهابه
دمعات عينه عالمشت سجابه
نضراته للزهره  تهيج اصوبه

جابيش اسدن خلتج
وشلون انسه   وكفتج

ماخلاج   يكلها الدهر  ماخلاج
صاح النبي الله وياج

أم زينب كربلاء غير مبري الذمه من ياخذ الكلام وينسبه له او يحذف الاسم

https://telegram.me/um_zainab_kar telgram باز کردن / نظر دهید

2023-03-24 19:16:26 نعي للامام علي ع

شهر رمضان فركنه ويه ابونه
واخذ منه الاحنان  الدللونه
ابوي بهالشهر  غمض عيونه
............ ..
حرمني الدهر من كعدتي وياه
وعمري بعد مايسوه  بلياه
عزيز وعماني يوم فركاه
.............

.
انه اوياك بويه  اتفاركينه
وفكدتك يبو روح الحنينه
وانكطع وصلك ماتجينه
...............
حبل الوصل جنك كطعته
رحت وكلب وزينب شلعته
اشلون الحنين ايعوف بته
.............
ماهو علي والعيد اجاني
يوم العيد اجه وزود احزاني
صحت وين ابوي العايداني
...............
زينب لبوها ودت  اعتاب
وكتبت عتبها بدمع سجاب
واهل العيد مامرو عالباب
................
والك ياعيد لاتجبل عليه
وانه فاكده حامي الحميه
ياهو اليعايدني ويمر بيه
................ 
العيد بويه من  لفاني
بكعدت احبابي ذكراني
وصواب حيدر نحلاني


أم زينب كربلاء غير مبري الذمه من ياخذ الكلام وينسبه له اويحذف الإسم 

https://telegram.me/um_zainab_kar telgram باز کردن / نظر دهید