2023-03-21 23:51:18
لطميه لوحشة الاموات بداية رمضان
هل رمضان وتذكرنه الاحباب
نون وعيونه شبحت عله الباب
تذكرنه اليالي / وايام الغوالي
نون وعيونه شبحت عالباب
.............
ذكرنه ايامنه وكعدات اهلنه
من نلتم سوه وذيج المحنه
صوت اخوانه والوالده امنه
من نلتم سويه / وكعدات الهنيه
ويه امنه وابونه وعطر الاطياب
............
هل رمضان حنينه عليهم
ذكرنه احبابنه ولذت حجيهم
جانو من يجون ومن نجيهم
بجيتنه يفرحون/ وعلينه ينشدون
عليهم رد سلامي ياهوه الهاب
.........
وصلي سلامي وخبر الحال
الشوفتهم احن والدمع همال
كلهم خل يجون فراكهم طال
خليهم يمرون / اويانه يكعدون
اشوف اوجوهم وايطيب الاصواب
.........
اه ياصوابهم جابيش اداويه
وكلبي من فكدهم جم جرح بيه
بعد راح النحبه وما نلاكيه
مانلكه النحبهم / ولاودو وصلهم
شلون انودي وصله الحدر التراب
..........
بعد هيهات يحبابي يمرون
اهلنه لو نسيناهم يعتبون
ثواب وفاتحه منه يريدون
ونه ودمعت العين/ ومجلس بسم الحسين
اعزاز ويشفعلهم داحي الباب
ام زينب كربلاء غير مبري الذمه من يأخذ الكلام وينسبه كلام او يحذف الاسم
https://telegram.me/um_zainab_kar telgram
756 viewsedited 20:51