صوت الجامعة

2022-09-25 02:50:28 باز کردن / نظر دهید

2022-09-25 02:49:08 الإمتحان الما قارئ ليه أقشر ليه
حتى لو ما قريت Seriously I am great
رفعت المعنويات واجب والكذبة البيضاء ما فوقها حاجه

و كل الحب للخريجين ديل UMST نار و شرار


صوت الجامعة صوت كل طالب

تابعنا على التلجرام
قناة صوت الجامعة
https://t.me/unisvoice باز کردن / نظر دهید

2022-09-25 02:48:55 باز کردن / نظر دهید

2022-09-25 02:47:53 بالجلابية و التوب طلاب كلية العلوم "بجامعة الخرطوم" يتخرجون ؛ و تميز اليوم بأسلوب إبداعي الذي عكس الهوية الوطنية

تصوير المبدع : مصعب بشير

صوت الجامعة صوت كل طالب

تابعنا على التلجرام
قناة صوت الجامعة
https://t.me/unisvoice باز کردن / نظر دهید

2022-09-25 02:47:45 باز کردن / نظر دهید

2022-09-25 02:47:27 #ما_فينا_زولاً_ني "قسوة الطريق و لذة الوصول"

قالو زمان و العهدة على الراوي جماعة من اهلنا ديل .. سافرو السعودية زمن الاغتراب باااايخ داك و الكفيل بيعاملم بي سخف

و مسافرين هدفم واحد بس يشترو بوكس ٨٦ افتكر كان اسمه اب زيق ..! لأنه فيه زيق بالأحمر كدة

( زيق يعني خط لغير الناطقين بها )
و هم اولاد عم .. كل ما واحد فيهم يزهج .. و حماسه يقل و يدور يخلي الشغل ود عمه يصرخ ليه من بعيد

هوووي يا فلان .. أطرا اب زيق .. ( يعني اتذكر البوكسي الجايين عشان نشتري)

لما كنا في الجامعة في السنة الأخيرة ممتحنين جراحة .. بنمتحن كورس ورا كورس

السمستر داك كان جراحة ..

مستشفى و ضغط نفسي و جراحين النوع البيمسح بيك العنابر داك .. لكن ربونا ..!

جزاهم الله عننا كل خير يا رب ..

المهم .. الكهربا بتقطع الصباح بتجي تسعة بالليل لو جات ..

انا بقرا في الداخلية لأنه ما حر ممكن تلبس فيه اي شي غير هزاز

و بفتح كل الشبابيك تجيب ليك سموم النوع البعمل ليك شووووو في وشك داك

و لما اتأزم في القراية ما بقدر اقرا طربيزة

بقرا في الواطة بجدع مساند و بفرش الورق كله و بثبت الورق بي حاجات عشان ما يطير

بكون بقرا و غرقانة في العرق و الجلابية لو شفتها بتقول اتكشحت فيني موية .. ما بتقول دة زول سايح في روحه ..

عندنا برميل موية بتعبيه نجاة الله يذكرها بالخير .. تساهر معاها للصباح

اها نخش نكشح جردل نغير الجلابية نرجع لي نفس الواطة و الورق و الشيتات و السجم ..

الحركة دي زي تلاتة اربعة مرات كدة .. لما تغيب .. نقوم بي اي عولاق نمرق نمشي الجامعة نقرا في اي قاعة فيها كهربا ..

و هكذا دواليك ..!

دحين يا جماعة نحمد الله .. انا في #دبي و سارة في #الدوحة و لينا في #لندن .. و همام في #امريكا زينة الاخصائيين .. و مازن في #نيويورك و اييييييييك ..

ما فينا زولا ني !!

رسالتي دي لي كل من هو طالب جامعي و بيقرا في الظروف القاسية دي

اليدو في المويه ما زي اليدو في النار ولكن نحن يدنا كانت في النار قبل اليوم ..

صحيح الظروف أسوأ و الحالة أصعب .. لكن كلي ثقة .. بتعدي ..

كل ما تزهجو .. اتذكرو الحكايات دي ..و اطرو اب زيق ..!



محبتي التي تعلمون ..
سلمى المصباح

صوت الجامعة صوت كل طالب

تابعنا على التلجرام
قناة صوت الجامعة
https://t.me/unisvoice باز کردن / نظر دهید

2022-09-25 02:46:38 جو رفاهيات ونحن شغالين إمتحانات
جو طلعات ونحن مع الشيتات
جو طقة ونحن في عز الزنقة
جو ونسة ونحن في هم الدراسة

#ربنا_يعوضنا باز کردن / نظر دهید

2022-09-25 02:46:15 باز کردن / نظر دهید

2022-09-25 02:44:45 جامعة الوطنية تقرير عن اليوم العلاجي بالعيلفون :
إيمانا منا بالدور الكبير الذي تقوم به كلية التمريض والقبالة في الخدمة المجتمعية قامت كلية التمريض والقبالة بالمشاركة في اليوم العلاجي مع كلية الطب في العيادات الخارجية قسم الباطنية. د. دعاء الهادي
وعيادة غيار الجروح د. ثريا عثمان. ومجموعة من طالبات ثالث تمريض وهم.
1.مشكاة الضوء
2.ريان محمود
3.ايات محمد سعيد
4.اميرة أحمد
5.مزن نصر الدين
ونحن في كلية التمريض والقبالة على أتم الاستعداد في اي مشاركة. باز کردن / نظر دهید

2022-09-25 02:44:15 باز کردن / نظر دهید