2022-07-06 21:21:29
#مراحل التخدير بصورة عامه :-
المرحلة الاولى/ مرحلة الاندكشن "induction stage"
وهي مرحلة حقن المريض بأدوية تخدير وريدية منومة.
وهاية المرحلة قصييييرة جدااااا
اقصى شي تستمر ل ١٥ دقيقة
(يعني من نحقن المريض بدواء تخدير وريدي اقصى شي يستمر مفعوله ل ١٥ دقيقة ووراهة يكعد )
زين اني العملية تستغرق اكثر من ١٥ دقيقة شلون اذا يكعد المريض.. هنا يجي دور المرحله الثانيه
المرحلة الثانية/ مرحلة الحفاظ على التخدير
" maintanence stage"
بهاية المرحلة انطي للمريض مرخيات عضلية تفقد المريض السيطرة ع عضلاته والقدرة على الحركة وغازات استنشاقية تزيد من فعالية الدواء المخدر لحد متنتهي العملية..
هنا ح يبقة المريض فاقد للوعي والاحساس ويستمر عندي مفعول الدواء المخدر اللي انطيته بمرحلة الاندكشن لحد ميخلص الجراح العمليه..
من المريض فاقد للوعي هنا يعني اجهزة جسمه كلهن متوقفة * عدا القلب*
ف اني دوري ك مخدر موصل هواء للمريض واوكسجين
ومطلوب مني اراقب فعالياته الحيوية من ضغط و...الخ
خلص الجراح العمليه صار لازم نصحي المريض يجي دور المرحله الثالثه
المرحله الثالثه /
"recovery stage"
وهي مرحلة الافاقة:-
يعطى المريض انتي دوت (نيوستغمين+ اتروبين) لتكسير المرخيات العضلية وبعدها
ح أبدي اسد الغازات الاستنشاقية شوية شوية ع المريض
وابقي فقط جهاز التنفس الاصطناعي (المنفسة) ventlation مشتغل ع المريض
من نشوف المريض يكدر يعتمد ع جهازه التنفسي بصورة كاملة هنا نكدر نفصل الفنتليشن ويخلص دورنة ك مخدرين وية هذا المريض..
https://t.me/yosfali1999
1.5K viewsيوسف السلطاني, 18:21