انت تستطيع _ 𝒚𝒐𝒖 𝒄𝒂𝒏.

2022-01-01 23:16:32 تقدم إلى الأمام دائماً ولاتنظر إلى الخلف ، سر نحو حلمك ولا تتوقف

#thanks_alot

┏━━━ ━━┓
彡 @You_Can21
     ┗━━━ ━━ باز کردن / نظر دهید

2022-01-01 22:59:45 باز کردن / نظر دهید

2021-12-31 19:15:37 في حاجه جت ف بالي قولت أعرفكم بيها'

بالنسبه للحل:

الناس اللى بتحل من أول السنه ف كتاب الامتحان أو مذكره أو غيره... لما تراجع ع باب متحلش الأسئله تاني... شوف أسئله غيرها ونزل كتب أسئله pdf وامتحانات الكتروني وحلها.... الحل مهم وكون انك تحل من كذا مصدر ده بيمكنك أكتر.


المفروض تكون من أول السنه محدد الأسئله اللى غلطت فيها زي م قولت قبل كده...ف دي بس اللى تعيد حلها،لكن اللى حليته صح من أول مره،،،،مهما يتكرر قدامك هتحله صح بردوا،،،، متقلقش


#كلام_مهم
#بالتوفيق

┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-12-31 15:01:49 كذا حد طلب مني أعمل جدول...

= عايزه أقولكم والله أنا م هعرف أعمله زيكم، لأن كل واحد فيكم، عارف ايه اللى بيضيع وقته وعنده دروس امتى ويقدر يذاكر امتى وعليه مواد ايه متراكمه وايه عايز يتراجع. وعنده شغف يذاكر ولا لأ.


هقولكم مثال: انا عملت جداول لناس ع البوت لا تقل عن 30 جدول او بمعنى أصح (تنظيم وقت للإسبوع).. بس تقريباً 5 بس اللى مشيوا ع الجدول...
وكنت بلاقي اللى بيعلق ع الجدول اللى عملته بيقول أفكار وحاجات هيعملها ف يومه أفضل مني بكتير، لأن طبيعي انا هعرف انظم لنفسي، بس مش ضرورى اعرف انظملك وقتك.


متستناش حد ينظملك وقتك، ورتب نفسك بنفسك. والله ده أفضلك.

انا معنديش مشكله اني أعمل جدول لأي حد بس ممكن يكون مش،مناسب لأن ببساطه انا عديت تالته، وف الكليه بنذاكر كميات كبيره وحاجات مفصله جداً وكتب ومراجع وملخصات، ومذاكره الكليه غير الثانويه خالص، ف وارد أعملك جدول يكون صعب اوي لأن لو اتحط قدامي كتاب من كتبكم حاليا ممكن مياخدش معايا اسبوع ويخلص مش لأني جامده وعبقريه وكده لأ خالص لأني اخدته قبل كده واتعودت ع الأصعب...... فهمتوني؟!


#كلام_مهم
#بالتوفيق باز کردن / نظر دهید

2021-12-31 12:12:15 حدّثوا التيلجرام، أصبح بمقدوركم التفاعل مع أي منشور بالضغط عليه. باز کردن / نظر دهید

2021-12-31 08:14:53 سَلِ الله ألا يذهب عُمرك سُدى، وألا تتخبط بين الطُرقاتِ حائرًا لا تدري أين الصواب .. سَلهُ خير القلوب، وأحن الكفوف، وأكثر الأحضان دفئاً.
سَلهُ ألا يجعل لك حاجة عند القاسية قلوبهم، وأن يُسخرك لقضاء حوائج الناس. سَلهُ في كُل وقتٍ وحين ألا يجعلك ندبة في قلب أحد، وأن يجعل لكلماتك وَقع هين على مستمعيها .. سَلهُ الخفة في الرحيل؛ ترحل لا لك ولا عليك، كما ولجت لدُنياك خفيفًا.....

#لقلبك


┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-12-31 08:07:44 we can always start again

#fact
#you_can



┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-12-31 07:57:50 دا "بودكاست" على اليوتيوب اسمه "وعي"
حقيقي مفيد جدًا جدًا ويمكن احسن "بودكاست" شوفته، هما مش علماء ولا شيوخ ولكن شباب عاشوا وبيعانوا نفس اللي بنعانيه،
بيوصفونا بالظبط ف كل حاجة بنحس بيها واحنا مش قادرين نوصفها!
بيتكلموا عن ايه يغضب ربنا وايه يرضيه، ايه الصح وايه الغلط، ايه اللي نعمله عشان نتقرب من ربنا، عشان ربنا يكون راضي عنا ونكون احنا كمان راضيين عن نفسنا!
بيحكوا تجاربهم وتخطوا بإيه وعملوا ايه عشان يبقوا احسن..
بيتكلموا عن فتن الدنيا حاليًا وازاي نتغلب عليها عشان احنا عايزين الآخرة
بييسروا الدين بطريقة جميلة اوي، حقيقي محتاجين نشجعهم ونسمع ونستفيد منهم.

رائع جداً، جزاهم الله عنا خيراً
(الحلقه بتكون طويله شويه ممكن تقسمها ع مرتين أو تلاته).

#وعي باز کردن / نظر دهید

2021-12-31 07:54:36 "وَمَن يَتَّقِ الله يَجْعَل لَّهُ مَخْرَجاً*وَيَرْزُقْهُ مِنْ حَيْثُ لَا يَحْتَسِبُ ۚ وَمَن يَتَوَكَّلْ عَلَى اللَّهِ فَهُوَ حَسْبُهُ ۚ إِنَّ اللَّهَ بَالِغُ أَمْرِهِ ۚ قَدْ جَعَلَ اللَّهُ لِكُلِّ شَيْءٍ قَدْرًا"

ـــــــــــــــــــــــــــــــــــــــــــــــ

الآيه دي دايماً بفتكرها ف كل وقت وبالأخص ف الامتحانات.... شوف ربنا بيقولك ايه! لما تتقيه، هيجعل ليك مخرج ويرزقك... ليه الغش؟؟؟

د. حازم شومان كان بيقول في أحد محاضراته ( كده كده مجموعك وتقديرك مكتوب عند ربنا تجيبه بالحلال ولا تغش وتجيبه بالحرام وتاخد ذنب؟؟؟؟)

راجع نفسك قبل م تاخد خطوه ف أي حاجه وحط دايماً ربنا في مقدمه كل شئ،

#لقلبك
┏━━━ ━━┓
彡 @You_Can21
     ┗━━━ ━━ باز کردن / نظر دهید

2021-12-31 01:02:07 تالته ثانوي بجد من أجمل السنين اللى عدت عليا، واللى هتعدي عليكم ( وهتعرفوا بده بعدين) .... سواء وصلت لحلمك أو لأ هتكون فخور بنفسك إنك قدرت تكملها للآخر، ومستسلمتش.

بالنسبالي أي حد ف تالته بطل بجد ، لأنه بيواجهه كميه تعب نفسي غير عادي، بيبقى عنده خوف رهيب من حاجات كتير..خوف من انه يكون مقصر، أو مهمل، أو مبيحلش كتير زي باقي صحابه، خوف من انه بعد تعبه ميوصلش للى عايزه، ويخذل أهله واللى وثقوا فيه، خوف من حاجااااات كتير.

بتعدي عليه أيام مينمش ويبقى بينعس ع الكتاب حرفياً، أو من كتر التعب الجسدى والتراكم النفسي يعيط.... لأ بجد كميه مواقف وأحاسيس ومشاكل جامده

بس رغم كده بيواجهه ودايماً بيحاول ويعافر ويسيب حاجات بيحبها علشان يخلص المذاكره، وبيكون عنده قوه من جواه ربنا بيمن عليه بيها علشان يقدر يكمل، وبيبقي جواه روح التحدي وحاسس إنه إنسان مسؤول بجد.... وهو فعلاً كده

فـ انا جايه أوجهلك رساله... متقلقش ورب الكون لن يضيعك ما دُمت تسعى

عارف إذا وصلت لحلمك وده كان اختيار وقدر ربنا ليك، هتفرح جدا وكل أهلك هيفرحوا ويفتخروا بيك ( اعمل لليوم ده)

وإذا_ لا قدر الله_ موصلتش للى عايزه...ربنا هينزل عليك سكينه وطمأنينه من عنده وهيصبر أهلك ويخليهم مقدرين لمجهودك ( لا يكلف الله نفساً إلا وسعها) وهيفتحلك بدل الباب اللى اتقفل أبواب ممكن توصلك لنفس الحلم أو لإختيار ربنا اللى كتبه ليك واللى هو هتدرك بعدين ان والله انه الأفضل و الخير ليك



فمتخافش،،، ف كلا الحالتين طالما سعيت ربنا مش هيضيع تعبك ....


#تالته_ثانوي
#بالتوفيق

┏━━━ ━━┓
彡 @You_Can21
     ┗━━━ ━━ باز کردن / نظر دهید