2022-09-25 21:49:35
عمو ساجر جان كلش يحبها الهند حتى جانت تجي هنا بيبي وجدو وكلهم يعرفوها واهلها هم يعرفون
بس فجأه عمو گللهم ماريدها ومحد عرف شنو السبب
سكون- ايي وبعدين تزوج كوه لان ابو ضغط عليه اعرف بهاي السالفه ورا سنه ونص انفصلو
عدلت كعدتها وحجت بصوت خافت
زهور- لج ايي ماما تكول جان كله ينام بالاستقبال ميقبل يروح يم مرته6
سوت حركه بحلگها بمعنى ماعرف وكملت
زهور- ماعرف ليش
سكتت افكر شلون اخلي عمو يرجع مثل قبل حباب ماريده يضوج رجعت للبيت اول مدخلت تلگتني منال تحجي
منال- ايي انتي ابقي سايبه ياطالعه ياطابه
سكون- جنت بيت عمتي
منال- وعمه العماج انتي مالاگيتلج واحد يردج كعدي ونجبي بعد لا طلعين
عفتها ودخلت للغرفه واسمعها تحجي ويا منسا
منال- من يجون اخوانج گليلهم سكون ماتگعد بالبيت اذا اني حجيت محد يصدگني
تجاهلتها وكملت مراجعه وحدي جهزت ملابسي مشطت ونمت كعدت الصبح صليت وراجعت وبدلت على راحتي لان اعرف بعمو اليوم ميجي طلعت من البيت شفته واكف ابتسمت بفرح
سكون- صباح الخير
ساجر- صباح النور تأخرتي جنت منتظرج
مشينا حجيت
سكون- عبالي متجي عمو
باوعلي وكمل طريقه يمشي
ساجر- ليش يايوم اني مااجيت
سكون- مو البارحه ملگيتك لهذا كلت متجي
ساجر- جنت مشغول
اباوعله يحجي طبيعي يعني مابين ضايج وصلني للمركز الامتحاني ووصاني كالعاده ان ماستعجل بالاجابه وراح وهيج مرت الايام وخلصت الامتحانات من بعدها صرت ماشوف عمو هواي بحكم ان هو مشغول واني بعد خلصت امتحانات بس يسأل عليه يوميا يجي شويه ويروح
𔘓𔘓𔘓𔘓
مياسين-
جنت گاعده بملل صار شكد مطالعه من البيت ولا شايفه ناس حدي الحديقه وهاي هي ريحان متلفي وهلال يسطرني بسوالف فلانه وعلانه مدري منين يعرفهن انتبهت عليه يحجي
هلال- ملل مو
تنهدت وحجيت
مياسين- كلش ملل
هلال- شنو رأيج ناخذلنا هزه
حجاها ويرگص بحواجبه ابتسمت
مياسين- يلا شوفنا ابداعك
ضحك بصوت عالي وحجه
هلال- هسه تشوفين ولا الراقصه نورا تلحگني
كام خله سيدي (CD) وطلع اغنيه ردح شد الحجاب على خصره وكام يرگص اباوعله رگص احلى من البنيه الي بالتلفزيون
انفتح الباب ودخلت ريحان باوعت النا وحجت
ريحان- هاا اليوم باديه الحفله من وكت
هلال- ميسه ضايجه كلت انغير جو شويه
باوعتلي وحجت
ريحان- شبيج ضايجه
مياسين- من الخير
عفتهم وكمت صعدت فوك للغرفه تذكرت اخر مره من تعاركت ويا ريحان
ورا الصار وياي بكم يوم ماكدرت اسكت ورحت سألت ريحان نزلت وشفتها جانت گاعده بالاستقبال تباوع تلفزيون وتشرب چاي وكفت بنهايه الدرج بلا متاوع عليه حجت
ريحان- هاا جنج عندج حجي گولي
اتقربت منها وحجيت بلا مقدمات
مياسين- انتي شنو شغلج
عگدت حاجبها مستغربه
ريحان- ليش تسألين
مياسين- من حقي اعرف انتي شنو شغلج وشنو علاقتج بالخيلع وعصابته
فتحت عيونه بصدمه وكامت وكفت
ريحان-شلون وانتي منين تعرفين الخيلع وبعدين شنو عصابته
حجت بستهزاء
مياسين- يعني معقوله گاعده هنا وتشتغلين يمهم شغلج الي ماعرفه شنو ومتعرفين هم عصابه اسلحه وغسيل أموال ويمكن تسليب هم
جرتني من ايدي وحجت بحده
ريحان- شلون ولججج انتي شعرفج بكل هذا اصلا
مياسين- واضحه ترا موعلم الذره هو
صاحت بعصبيه
ريحان- منننيينن تعرفيينن الخيلع گلت احججييي
نزل هلال على صوتها العالي باوعلنا وحجه
هلال- خير خير ياجماعه شكو
كعدت على القنفه ولزمت راسها
ريحان- منين يجي الخير اسأل الخاتون منين تعرف الخيلع
كعد يمها يفرك بأديها
هلال- اعصابج لا ترحين تنجلطين يمعوده
باوعلي بعتب ورجع كمل كلامه
هلال- يعني منين تعرفه اكثر من مره اجه هنا اكيد سمعت بي ، مو ميسه
جنت واكفه متخصره منتظرتها تحجي
مياسين- مو مهم منين عرفته المهم اعرف هي شنو علاقتها بيهم
كامت وحجت
ريحان- اسمعي ماعرف لا بيهم ولا بشغلهم مجرد ناس موفريلي الحمايه وهاي هي طبيعه شغلهم شنو ماعرفه
مياسين- متأكده
باوعت الهلال هو حجه بمكانها
هلال- يعني ليش تجذب عليج ياعيني
تنهدت بضيق
مياسين- شنوو شغلجج ممكن اعرف
ريحان- موكته بعدين تعرفين
مياسين- لا هسه اريد اعرف تفاصيل شغلج شنو
كامت وحجت بنتر
ريحان- كوافيره شغلي هسه ارتاحيتي
حجيت بعدم تصديق
مياسين- وين صالونج لعد بأي مكان معقوله هنا اشو المنطقه ريفيه وشبه مهجوره
ريحان- ماعندي مكان محدد اطلع للبيوت حسب الطلب
مياسين- اتمنى اصدگج ومايطلع الي بالي صحيح لان ساعتها ماعرف شنو اسوي
بسرعه باوعت الهلال وحجت بتردد
ريحان- اا .. هو صدكي مثل مگتلج
عفتهم ورحت للغرفه اعرف ومتاكده هي شنو شغلها بس عندي امل ولو واحد بالميه تخيب توقعاتي ويطلع كلامها صح من بعدها حاولت ابوگ لسان هلال بس هو ابد مينغلب شنو اسأله يجاوب وكأنه محضر الاجابه للسؤال
مرت الايام ومن يومها بعد هذا الاسمه الخيلع ماشفته بس هو صارت سولته ببيتنا يوميا يجي واني بسرعه اصعد للغرفه ومرات اذا نجتمع بمكان يأشرلي على عيونه يعني مراقبج انتبهي
وهم متبت من الملل اصعد فوك السطح اراقب السيارات شي داخله شي طالعه بس مو يوميه
77 views𝑆𝐻𝐴𝐻𝐴𝐷 𝐴𝐿 𝐹𝐴𝑇𝐿𝐴𝑊; , 18:49