#روايات و#قصص #عراقيه #واقعيه

2022-09-11 10:16:04 اختارو قصتكم باز کردن / نظر دهید

2022-09-11 10:14:33 باز کردن / نظر دهید

2022-09-09 20:45:08 أكتملت الروايه ،إن شا الله تنال إعجابكم ، شكراً لوجودكم في القناة فدوة اشتركوا بالارشيف @bn_kck #غير_مبري_الذمة_الي_ينشر_بدون_علم_الادارة باز کردن / نظر دهید

2022-09-09 20:42:39 ام حسين:بعد كضي رويحتج لا تغركين الرجال بالجهال والله ان سمعت حبله حويرة بالعوجية

آية:ليش بيبي ليش شتردين منها خل اجيبلها بعد توائم سوداسية الله والشيخ يهاجر بره البلد

علي:هههههه ويظل يلبس جينز وقمصان تخيلو الشيخ هشام هيج

آية:هههههه لا مترهم هشام بالجينز ويصير كيكي

حوراء:اشو جاي تحجون على رجلي ترا

الشيخ حسين:اطيح حظه اليحجي على شيخ بنيتي..وابتسم بوجهها..وهي خجلت منه....

شوي وخابرلها هشام..وحجو وياه الجهال..وعزام يكله بابا تعال..اريد كرات تعال..وانقهر هشام عليه يكله تعال..كله بابا يومين واجي اخذك...

وبالليل اجت امها يمهم تنام وكلما بجو جهالها هي تكعدلهم..وتشوف حوراء تتكلب الليل كله..كلتلها شبيج حوراء..ماجاوبتها راحتلها شافتها شاعلة نار....7

وبهل الليل ودوها المستشفى جسمها كله يرجف..الجهال بقو يم آية..كلهم الدكتور مابيها شي صخونة فلاونزة وياها....

ويوم ثاني صارت زينة هاي كله من فراك هشام كلما تفاركه هيج تتمرض..وحتى الأكل ماتشتهي...6

مرت هل الأيام عليها بضوجة وغربة كوة متحملة بلياه..وباليوم تحاجي 7 مرات...

واجو من الزيارة يوم الرابع..وحوراء مو مصدكه رجعو..وفرحت وحضرت كلشي ملابس جهالها واغراضهم..وتنتظر يجيها هشام...

ابوها كلها هسة تعبان مابي يجي عليج وهو خذاها وداها...واستقبلته بدموع عبالك سنين مفاركها..وهو مشتاقلهم هي والجهال هواي....

وحتى عزام ركض لكرار ركض وهو يضحك وفتح ايديه اله وشبعه بوس ويكله عزام كرات ماتلوح بعد..وحتى البنات رزان وليان ركضوله....
31
(اريد اكضي تالي العمر كله وياك )


هاي بالبستان

وهسة راح اودعكم وفترة وارجع ببارت رومنسي باز کردن / نظر دهید

2022-09-09 20:42:39 آية:والله جذابة راح تراسلين حبيب الروح هشام

حوراء:اصلاً مايراسلني ويمه احد ولا يلزم تلفونه ويمه زلم..وهسة نايم وراه طلعة من الفجر

آية:اي عيب يراسل حبيبته يم احد..وانه قارية حجيكم هههههه بويه هذا شيخج شلون جلمات عليه يهزن هز لو يتعلم منه الدهر مالتي هههههههه هنه مو غزل قيس وليلى كلماته بس والله حجي مالته كله حلو مال شيوخ معدلة6

حوراء:اوووف وتلوميني شكد احبه..صايرلي اب وام واخ وكلشي هشام..ماتصور حياتي بدونه غربة والله1

آية:الله يحفظه..يالله نامي..وطلعت آية ورجعت تفكر بهشام..وغفت وهي تفكر بي وماتفكر بجهالها هسة امها ولا تعوفهم تكعدلهم كعدة وحدة...من جانت باقية يمها من ولدت كله هي ومرات تجيها كله عدها...

اجتها رسالة من هشام عبالها نساها ونام والتهه عنها..كاتبلها..بويه حوريتي ديري بالج على نفسج والجهال..وقبل لا نطلع اخابرج...

بس هي نايمة وحتى حلمت..تركوها بالبيت ابحدها وبالحلم ظلمة وغربة البيت وفارغ..وكلها راحت للزيارة وحتى ام علا وياهم راحت...1

وتشوفها كاعدة يم هشام وتسولف وتضحك وهو همين..وفزت من حلمها صاير فجر..وكالت هاي شبيه..ام علا مو وياهم راحت رجعت وسافرت بيتها....

شافت بتها ليان نايمة يم آية وغافية وبيدها التلفون شكلها جانت تحاجي خطيبها..كامت تشوف جهالها..راحت لغرفة امها ودخلت وطلع ابوها يمها بس شابك عزام ورزان ونايمين...

وامها منومه يمها التؤم الثنائي طلعت بسرعة وتكول عززا دخلت كبل ماعرف ابوي يم امي..وكالت شكلهم جهال مخبليهم...

باوعت للساعة بال3 الفجر..راحت لجهازها..وشافت رسالته..قرتها وظلت تنتظر اتصاله مانامت وما ارتاحت لمن خابرها...

وصاها على نفسها وكلها خلي امج تاخذج لدكتور مو عاجبتني انتي بيج شي..وكعدت تبجي من سداه منها وراحو....

وعلى الغده كعدت باوعت للأكل وماشتهت تاكل وتفكر بهشام..كامت وراحت خذت يوسف من امها..وكعدت على صفحة..وابوها يكلها ماتغديتي..وكلهم يصيحون كومي اكلي..كالت ماشتهي...

كاعدين بالصالة كلهم..دخل علي رايح جايب غده لحوراء من المطعم جايبلها كباب ومقبلات وجايبلها علاكة حلويات وكلها هاج اكلي...

حوراء:يااا ليش جايب هاي كله والكعبة ماشتهي

علي:ماعليج أكلي ترا بعد ما احاجيج

حوراء:والله ماشتهي ليش هيج علي خاسر وجايب وانته بمصرفك اكيد جايبهن

علي:حوراء لا تدلعين عليه كافي تراني مو الشيخ هههههه يالله اكلي

حوراء شكد تحب سيرته:وهاي لخاطرك راح آكل شوي

آية:ولج جذاب هل اللوكي ابوي انطاه فلوس وكله جيب هالشغلات لحوراء

ام حسين وهي تسبح:تدلع حويرة علينه عبالها احنه الشويب مالها..وبعد مفاركته محد يبوس بيها تبجي على الشويب8

حوراء:يبووووو بدت بيبي امشو ودوني بيتنه ابقه بحدي ولا حجي بيبي الماصخ4
ام حسين:انجبي واركدي مستعجلة يجيج عيني هنه جم يوم يرجع وتشبعين تجعص وتمعص38

حوراء:عزززا لا والله بيبي راح تخليني اروح صدك لبيتنه

الشيخ حسين ضحك:يمه لا تشردين البنية خليها جاية يمنه

ام حسين: شكلت خوما سبيتها وسبيتك

الشيخ حسين ضحك:ابد يمه ماسبيتي كلش ولا ركعتي ابوي بسبع حيطان8
ام حسين:اسكت لا اتذكرني بأبوك هسة اسبك واسبه2

الشيخ حسين:يمه كافي سب استغفري العكارب الجمعتيهم هواية

آية:عززا بيبي هوينه وراج سمعج جدي تسبينه

ام حسين صدكت ودارت وجهها:ياااا دهر صابه كون شلون اجه3

حوراء:اجه عالبيسكل بيبي شيجيبه وهو مابي يمشي منا للباب هههه

كلهم ضحكو على بيبيتهم....

ام حسين:انتي اسكتي..فتحت عيونها على الآخر..حوراء هاي انتي حامل مرة ثانية

حوراء:يمه اسم الله عليه بيبي وليش تكولين حامل

ام حسين:لا هاي عيني اجت على امج وكرشها عبالي انتي20

زمزم لزمت بطنها ماعدها كرش المرة:عمه هاي عيونج بالعرض ماشوفين عدل13

آية:بيبي مو الجلد المعقج نازل على عيونج تشوفين الناس مكورشه هههههههه8

ام حسين:اكلي تبن بت المسموط..وينه ابن المسموط وياخذها..حسين اشوف عايف بتك ورجلها يطب ويطلع لمن تلكه بطنها بطولها يالله اتزوجها ماعدنه بنات تظل مخطوبة

آية اول مرة تخجل:لا عاد بيبي شسالفة ماعندي شرف مستحيل اسوي هيج1

الشيخ حسين:يمه شهل الحجي بتي متربية ماتسوي هيج..والولد معدل تربية ونعم منها وابوه انه اشهد بأخلاقه وتربيته

ام حسين:كيفك يمه..احنه قبل ماعدنه هيج هي خطوبة وهي عرس وليلة عرس..ايييييي..وتنهدت.. ذكرتني بعرسي..اول ماخذاني ابوك جنه بذاك الزمان المحبة والألفة بين الكل..وجنه نسوان قبل قويات الي تجيب 15 جاهل وعشرة و11 مو هسة جابت واحد وماعت19

حوراء:وانه منهم بيبي جبت بطنين بس كبرت دهرين بهذول الخمسة

ام حسين:تدرين جبت ابوج بالبستان..ولا صحت ولا شي وطاح بالساجية وزين ما اختنك..ورجعت للبيت شايلته وياي وجدج يصيح صلوات صلوات..وكل سنة جاهل لمن صفتهم عشيرة..وجنت اشرد بيت اهلي من جدج حتى ماحبل ويزوج عليه المسموط ابن المسموط33

حوراء:اي بيبي جم مرة سولفتي ههههه انه مو واحد مثلج بيبي 3 وجبتهم عملية باز کردن / نظر دهید

2022-09-09 20:42:39 وكلها رايحة خوات هشام وجهالهم وبنات عمهم ونسوانهم وحتى نسمة هي وكرار وابنهم..بس هي هشام مايقبل تروح يخاف على جهاله وعليها من التعب...

اخذله حمام الشيخ وبدل كال بعد انه دخلت الغرفة جان ناوي يجي بعدين يسبح ويبدل ويرجع يم الزلم..بس بعد هسة اجه...

باسها بين عيونها وهي بكوة لازمة دموعها كدامه لأن كلها كافي بجي تحركين كلبي بدموعج..وباس جبينها تضوج من هيج يسوي كلما يروح مكان بعيد هيج يبوسها بجبينها عبالك يودعها للأبد...

هشام حط اصابعه بخدودها وجرهن من الصفحتين ليفوك وسوالها ابتسامة على وجهها..وكلها ابتسمي ماحب اشوفج حزينة...8

رجع انطاها فلوس كلها خاف يصير مايصير..طلع بعد ماودعها وراح للديوان..وساعة ودزت تلفونه اله واجه ابوها عليها..تقريب بال11 بالليل...وراحت ويه ابوها وهي تبجي...

الشيخ حسين:شبيها بنيتي ليش البجي يابه عبالك واحد كاتلج وطالعة زعلانة

حوراء:هشام ماقبل اروح وياهم وردت اروح والله اشتهيت اروح وياهم

الشيخ حسين:وانه متحمس حبايب جدهم راح يبقون يمي اربعة ايام غير مشتاقلهم ولحوريتي صار جم يوم ماتجي لأبوها نستني وهي ويه الشيخ هشام وهسة تبجي لأن جاية يمي

حوراء خجلت من ابوها:لا مو هيج...والله بابا مابيه اطلع من هذول..وانته ماراح تروح ويه هشام للزيارة1
الشيخ حسين:لا بويه ماكدر عندي طلابة جبيرة احلها والله الساتر منها وهو يعرف كتله وتعذرت منه

حوراء:الله يحلها بابا دير بالك على نفسك من هل الطلابات
الشيخ حسين:بيبيتج يمنه وسمعت انتي جاية حضرت العوجية تريد تكتلج هههههه تكول ناسيتها ماتسألين عليها2

حوراء:والله مشتاقتلها ماشتهي اروح بيت عمي واشوفها..وشون اسأل عليها لا تلفون اشو حتى صرصور مايكد وياها وتخربه تحطه بجيبها ومن تدخل الحمام يطيح منها...1

ظل يضحك ابوها واخذها وراحو لبيتهم...واول مادخلت حوراء المزعطة الثلاثة سوو هجوم على بيبتهم زمزم تحبهم هي...

بس عزام ضاج صارله هواي مجاي هنا..ظل يبجي يكول اريد بابا وكرات..عود كرار..يسمي كرات مايعرف يلفظ اخر راء يلفظها تاء...35

وكرار يخرب ضحك من يكول اسمه..ويكعد وياه ويشاقي وشكد يلعبون مصارعة وهو يموت على كرار لأن يداحره ويلعب وياه مصارع...4

ومرات عزام من يضوجه كرار من يحجي كرار وياه..يسويله اششش ويصير عصبي عليه عود...ويسكته ويكله انته استت كرات...2
وهسة من زمان مجاي بيت جده ظل يبجي على ابوه وكرار..وسواها من صدك بجي ودموع يكول هسة توديني لبابا وكرات...وتعبو ويحاولون يسكتونه ماكو...

بالكوة مقنعته حوراء وكلتله بابا يجيبلك هسة خرز..عزام يحبهن وجان مايعرفهن..يسميهن طوبا زغيلة..عود طوبة زغيرة...2

الحجية طيحت حظ حوراء بالرزايل حتى فشرت عليها وعلى ابوها وامها وتكله جمبازية..خذيتي الشويب مالج ونسيتينه....وبعدها تحجي عليها....

كلتلها والله ماكدر اطلع بجهالي بيبي والبيبية ترطن عليها ههههههه وحوراء ساكته وضايجة...وراحت خذت جهالها الزغار تنومهم ماقبلو كلولها خليهم يمنه ونامي ارتاحي...

بس ماكدرت تنام وهي تفكر بهشام..ورادت تتصل عليه بس تعرفه مايحجي ويمه زلم بس رادت تسمع صوته بس تحملت كالت هو يتصل اكيد يتصل....

آية دخلت الغرفة شافت حور منايمة:حوراء سويت كابتشينو الي تحبينه مادام منايمة كومي يمنه بره كلهم كاعدين حتى ابوي1

حوراء بهدوء:ماريد ماعدت احبه..احسه بلا طعم بدون شيخي..كلشي بدونه ماله طعم حتى النوم46

آية:اووووه يختي شكد واصلة مرحلة ماتنوصف بالعشك..حور ليش هل الحب كله لهشام

حوراء:ماعرف والله بس كل الأعرفه اعشكنه مثل طفل زغير متعلق بأمه وابوه..مثل طفل متعلق بصدر امه ومايريد ينفطم اتفهميني

آية:اي فاهمتج..انه احب خطيبي بس مو بالطريقة الي انتي تعشكين بيها هشام..اشوفج حتى ماتجينه هل كثر ولو جيتي ماطولين

حوراء:ماعرف شبيه كلش متعلقة بي كلش كلش..حتى مرات اصفن واكول شلون تحملت فراكه سنة ونص بعيد عني

آية:هو انتي شوكت تحملتي كضيتيها بجي مناحة عليه وبجلاليق اسكتج هههههههه بس احب عشككج اله احسه يستحقه بكل ذرة انسان بمعنى الكلمة هشام صح تخله عنج مرة بس يمكن الظغط جبره بس هذا كرار ماطالع عليه ابدا خبيث هههههههه

حوراء:محد مثل شيخي..احبه ايوو اموت بعشكه هسة خنكه بدونه..من مرض عمي ودخل مستشفى ليهسة حزين واحسه مو هشام الأولي..حتى لو يبتسم ويضحك بس هذا خارجي بس احس داخله ملجوم شكثر

آية:الله يرحمه..ان شاء الله يرجع مثل قبل هاي ابوه مو شويه..الله يبرد كلبه ويصبره..يالله كومي حتى توائمج كاعدين وتعاي شوفي يوسف وفاطمة شيسون لأبوي هههههه

حوراء:اذا بيبي كاعدة ماريد اجي هسة تكعد تفشلني كدام ابوي وكدام علي مثل كل مرة ومساع شكد فشرت عزززا تنسه حتى ابوي بس ماتنسه الفشاير ابدا3

آية:ههههههههه اي ولج دهر بيبي..بس هسة شابعة احلام يمكن هي وجدي هسة كاعدين بالبلم ويفترون بالنهر مثل قبل والبيوت الكصب ويغنيلها ياحبيبي ياوردة الكصب خخخخخ6

حوراء ضحكت:عابت روحي خليني بلكي انام باز کردن / نظر دهید

2022-09-09 20:42:14 ونسمة خذت ابنها بسرعة لأن هسة هم يلزمه ويعض بي ويضوجه بالبوس حتى يظل يصرخ...يكلها كرار اي حبيبي نومي السره الج هههههههه....

(كرار حجي مالته كله عييييييب)18

جم يوم وصارت اربعينية ابو هشام الله يرحمه..سو طبخ وثواب اله..وراح يمشون الفجر للزيارة بأربعينيته..واجرو سيارتين كبار للعائلة كلها...2

(اكو يسمونها باص..احنه نسميها منشأة)24

راح يبقون اربعة ايام او خمسة بالزيارة لأن مو بس يزورون النجف كربلاء همين...وكلهم مجمعين بيت هشام...

وحور جاي اجهز لهشام ملابسه كاويه دشاديشه..وجاي تحطهن اله بجنطة صغيرة...وحدة من خواته كلتلها انه اخذهن وياي...وهمين جاي تجهز ملابس جهالها والها راح تروح بيت ابوها...

لأن ماقبل هشام تروح وياهم للزيارة وكاعدة تبجي..وهسة جاي تحظر الملابس ودموعها اربعة اربعة..تشتهي تروح من زمان مازايره..مرة هشام خذاها قبل لا تصير حامل بالتؤم الثنين وره مارجعها لذمته...وبعد ماراحت...

وهسة ماقبل تروح بسبب الجهال..وهي ماتريد تفاركه همين صايرة متعلقة بي بشكل مو طبيعي عبالك مراهقة توها تعشك...1

وصايرة تعشكه لدرجة من ينام قبلها وماتسولف وياه لو ميحظنها تكعد تبجي مثل الطفلة الضيعت ابوها وتحس بالغربة...

الديوان هوسة ولد عم هشام وعمامه وكل اهاليهم مجمعين بالديوان لأن الفجر بعد الأذان يصلون ويطلعون...

الجهال يم البنات وهوسة ونسوانهم وبناتهم...وحتى التؤم الثنين عد البنات حوراء من مساع ماتدري بيهم ميخلونها البنات تشيلهم يكلولها ارتاحي منهم..وهنه البنات يسون مميات ويغسلن ويبدلن وهي تجي تشوفهم وتروح وتساعد البنات...

هشام كل لكرار صيحلي وحدة من عماتك رايدها بشغلة..وراح دخل يم النسوان كرار وصاح لعمته الجبيرة..حجه وياها هشام وصاها على شغلة مهمة...وهمين كلها خل حوراء ادزلي كذا مبلغ...وانطاها تلفونه مابي شحن كلش مقفول...

بت اخت هشام الجبيرة اسمها هدى عمرها 15 سنة تكل لحوراء عمة لأن مرة خالها وتحترمها..كلتلها امها روحي لعمتج حوراء انه ارد اساعد بيبيتج...راحت دكت الباب ودخلت...

حوراء مسحت دموعها:تفضل

هدى دخلت:عمة خالو هشام يريد فلوس من الخزنة وهاي تلفونه شحني مابي شحن

حوراء:ماشي بس شكد المبلغ..ليش ما اجه هو..وخذت النقال حطته عالشحن..

هدى:ماعرف ميكدر يجي البنات ونسوان ميدخل هنا

حوراء:دكي على كرار..اريد احاجي خالج.. عندج رقم كرار

هدى:اي عمه..وطلعت اسم كرار وخابرتله ونطت التلفون لحوراء...كرار مارد ودكت مرة ثانية يالله رد...

كرار:شتردين ولج عوادين خيزران3

حوراء:هاي انه كرار اريد احاجي ابوك يمك

كرار:لا مو يمي راح لمرته الثانية ههههه..اكيد يمي وين يروح.. لحظة بس اتعده كلانديزر هذا..يحجي عن ابن واحد من ولد عمهم سمين كلش ههههههه...ويكله دبابة شعندك كاعد هنا ساد الهوى عن الجماعة...20

ويكله الولد ولك طنطل اكل تبن لا اكوم ادوسك خخخخخ....3

كرار راح لأبوه ونطاه النقال:الداخلية يابه13
هشام اخذه:هاا بويه

حوراء:شيخي شكد تريد فلوس

هشام:اكو بس هل المبلغ حاطه يم ورقة صك البيت هسة يجيج كرار ياخذهن وتلفوني دزي بعدين بيد واحد من ولد عزام

حوراء:ماشي..وسدته..وراحت اطلع المفتاح مال خزنة مالكته..وظلت ادور..دكت على كرار وسألت هشام كلها مكانه ماشلته...

وبعدين اجه بنفسه سوتله طريق حوراء وكلت للبنات راح يجي هشام هنا غطن شعرجن..راح للغرفة لكه المفتاح نفس مكانه بس حوراء مشايفته...

هشام باوع لوجهها:من البجي مشايفة المفتاح بوية ليش البجي

حوراء:شيخي فدوة خلي اروح وياكم للزيارة

هشام:بويه كتلج وعد بس خلي جهالج يشدون حيلهم اخذج ونروح سوى..اذا رحتي وجهالج زغار والثلاثة وكحين يتعبونج وهنوب واحد منهم يصيرله شي

حوراء دمعت:البنات موجودات يساعدوني اريد اروح وياك فدوة شيخي

هشام تنهد:يعز عليه تبجين على الروحة ويانه بس اعرف ماتكدرين تسيطرين وجهالج خمسة مو واحد بويه

حوراء ببجي:اريد اروح وياك مو مشكلة اكدر اسيطر انه امهم

هشام اخذها لحضنه وهي وطولها يمه تضيع:بوية هذا حجي بس توصلين تشوفين معانات ويه طفلين زغار وتلاثة وكحين مايكعدون راح تهلكين
حوراء ظلت تبجي اكثر:ماريد تغيب عني يوم واحد انوب راح تبقون ايام...

وظل يحاجيها هشام واقتنعت بالكوة وهسة شوي ابوها جاي ياخذهم هي وجهالها لأن بعدين يرحون الفجر ويقفلون البيت...

والفلوس البي حاطهن بالبنك حتى مايدخل حرامي للبيت بس يخلي مبالغ بسيطة دوم..وهاي تكلفة الزيارة قسم عليه وقسم على عمه ابو حازم...لأن على حسابهم ماخذيهن السيارات...مو كلمن يدفع كروته لا..كلمن يجي ويصعد...

(حلو خوش نسابه منو يريد يناسب الشيخ اني اتوسطله خخخخ والي تريد تخطب الشيخ نفسه هم اني اتوسطلها )158

اي وحتى صفية راح تروح وياهم هي وامها ام هشام كلتلها تعاي خيتي ويانه..وهي تشكرتها وراح يرحون وياهم وحور ميته قهر اكثر صفية راح تروح وكلها حتى ايمان وهي لاء...12 باز کردن / نظر دهید

2022-09-09 20:42:13   تصفح

جرب البريميوم


هدية الشيخ هشام
من قبل altmeme313


تكملة البارت
86.1K 4.3K 1.3K

بواسطة altmeme313
مرحبااا هم مشتاقيلي مثل ما مشتاقتلكم 7

اسفة بنات حسبالي ناشرة البارت كامل امس يالله شفته ناقص وممسوحة التكملة ماعرف شلون ..وكتبته من جديد جنت كاتبة بارت طويل

وهاي التكملة...

هشام التفت على نسمة:نسمة شبيها حوراء5

نسمة:مادري انه بيها البنية ماكالت حامل كرار يتكمز بكيفه..هي مريضة صار جم يوم بس تكول تعبانة من السهر هي من ولدت ليهسة ماتنام عدل حتى بالنهار

كرار:ماعليك يابه هاي راح يجوك اربعة هل مرة هاي اذا ماطلعو خمسة شيخ الله العالم..يابه ادري بيك انته عاقل ليش هيج خمسة عدها كافي25

نسمة من بين اسنانها بهمس:كرار كافي مصاخة اسكت

كرار ضحك:وانه طالع عليك يابه عاقل كلش والله...

هشام كام عافهم وماحجه ولا كلمة وهو يعرف همه مايلتقون بسبب الجهال...عاف التؤم الثلاثي يلعبون يم كرار وضرغام متونس عليهم ويوكح وياهم...

راح هشام للغرفة يشوفها شبيها هو سأل نسمة لأن صار ايام مايدري بيها ملتهي من مرض ابوه وهنوب بالعزاء وصارلها جم يوم ماتنام يمه حتى تخلي يرتاح...1

وهي ماتدري من غيرها يحس متشتت بس التهه بوفاة ابوه لذلك هملها هل ايام كلش ومايدري عنها شيصير وياها وهي تعرف بحزنه...

دخل الغرفة ظلمة كلش..راح شعل تيب لمبة وشافها نايمة جفي على بطنها وبيدها ممة واحد من الجهال والجهال واحد يمها والثاني بسريره...

ابتسم على نومتها والممة البيدها..وراح يمها اخذها من ايدها وحطاها على الميز وشال الطفلة اليمها وحطاها بفراشها...9

انسدح يمها وسحبها لحضنه..صارله ايام ما اخذها لحضنه..وهي من حست بي ودفو حضنه تمسكت بي قوي ودفنت وجهها بصدره...

حوراء وهي مغمضة وحضنته قوي:شيخي

هشام:عيونه..ماقصد اكعدج يابه بس مشتاق اشم عطرج4

حور وخرت وجهها:لا فدوة الك شيخي وانه هم مشتاقه اشم عطرك..وين الوكحين شنو نامو..والتفتت حواليها..وينهم

هشام:يم اخوهم بالصالة..حوراء انتي شبيج بوية مريضة بيج شي تحتاجين دكتور

حوراء:شبيه شيخي مابيه شي والله بس تعبانة من الجهال والسهر والله لا احتاج دكتور ولا شي

هشام:لاتكونين حامل وهل مرة على كولة كرار اربعة14
حوراء:ههههه هاي توقعات كرار كالعادة..لا شيخي مو حامل

هشام:متأكدة تعرفين شيخ مصيبة مايلحك ينوي يجي يمج الا طلعتي حامل ومو واحد كله جمع ههههه2

تستمر القصة أدناه

حوراء:هههههه ضحكتني شيخي..لا والله مو حامل..واصلاً كله مني التوائم يعني انه ساس البله مو انته هههههه

هشام:والله بالنسبة الي احترك كلبي على خمسة وثنين ماشفتهم كلت ماريد احزن بس هم احزن عليهم..ولو تجيبين عشرة مايهمني بس انتي تعبانة ماريدج تتكسرين اكثر عندج خمسة زغار وبعدج بداية عمرج كله تعب

حوراء:افديك بعمري شيخي انته وجهالك

هشام:يطول بعمرج هو انتي عمري الباقي كله
حوراء:والله شوفة وجههك تهون كل تعب بيه..ماتعرف شيصر بكلبي من اسمع صوتك بس ومن اشوف طولك يرجف رجف كلبي ويدك حيل والله وحق هذول الخمسة كلما اشوفك عبالك اول مرة اعشكك12
هشام بأبتسامة:شوي شوي على كلبي من هالحجي تراني شايب وحتى كلبي شيب من عشكج يابت الشيخ8

حوراء شدت بحضنه وظلت تشم بصدره:لا تكول هيج شيخي انته مو شايب بعيني احلى شباب

هشام:بس هاي حقيقة بويه شيبت وكبرت وصرت جد..وبعد سنة سنتين يمكن تلكيني افقد بصري يمكن واصير عالة عليج وتجيبيني منا وتوديني منا6

حوراء ضاجت وخرت عنه:لتكول هيج شيخي اسم الله عليك ترا والله ازعل عليك شنو تعمه وشنو تصير علة عليه..تعرف شكثر احبك واغار عليك من كلشي حتى من ام علا والمرة مزوجة وعدها ولد وبتها بعمري بس فكرة انو هي جانت محجوزة الك مانساها

هشام ضحك: عاد من ام علا يابه مثل اختي..وهذا الحجز جان من جنت عمري 12 سنة اتذكر ابوي الله يرحمه كال زينب لهشام..خطبها ابوي من صرت 19 سنة وكالت هشام مثل اخوي..وابوي شايفني اكبر من عمري جان مصر يزوجني

حوراء ضاجت كال اسمها:يعني قبل من حجزوها الك ماحسيت بمشاعر تجاهها ولا حتى شوي

هشام:لا يابه ولا حب اجذب ابداً وكلبي حتى لأم كرار مانبض بكد مانبضلج انتي..جنتي بنظري طفلة وحسبتج بنيتي

حوراء:هنيالي بكلب الشيخ..فدوة ونذر الك
هشام:احلى هدية اجتني من ربي انتي وجهالي..ماجنت متوقع ولا متخيل ارجع اتزوج ويصير عندي جهال وهاي انه وياج وسويناهم خمسة

حوراء:شيخي وانته احلى شي صارلي بحياتي المظلمة انته النور الي نورها..انته العشك والحب كله..انته اول روح جميلة دخلت لأعماق كلبي وغيرتني وغيرت حياتي.....
حضنها قوي..وباس جبيها..ودخلو الثلاثي الوكح وهجمو على امهم وابوهم ويصيحون حيل..وحوراء تكلهم اشش لا تكعدون اخوانكم......

هشام يضحك عليهم وعلى وكاحتهم ورزان وليان يدفعون امهم عن ابوهم حتى هنه ينامن بحضنه...وكرار بالصالة يصيح تعالو يمي ماشبعت عض...ثاري مشبعهم عض وبوس وعايفينه وشاردين هههههه....10 باز کردن / نظر دهید

2022-09-09 20:39:41 حوراء فتحت عيونها عالنص وتريد تكوم:مابيه شي انه دخت بس

اجت نسمة وشافتها..وبنفس الوقت اجه هشام وشافهم مجمعين على حوراء وبته الزغيرة تبجي بهستريا وبصوت عالي...

هشام راحلها:شنو شبيها حوراء..البنية ليش تبجي هيج

نسمة:مابيهم شي حوراء طاحت وبيدها فاطمة

هشام:ليش طاحت..والتفت عليها..شبيج بويه اخذج للطبيب

حوراء:والله مابيه شي والله وكامت على حيلها وداخت مرة ثانية وظلت تفتر الدنيا بيها..شوفو مابيه شي..ومدت ايدها تاخذ بتها وشهكت من شافت عينها مورمة..يمه عينها تعورت1

كرار:يابه اخذها للمستشفى بيها شي خالتي..نسمة جيبي ثلج

حوراء:والله مابيه شي والله بس تعب السهر والجهال..وخذت بتها تسكتها..وتباوع لعينها زوركت ورمت الا شوي تبجي عليها..وتبوسها وتكلها اسفة بناتي طيحتج...

هشام:اشوفها..كرار البنية عينها ماعليها شي

كرار شافها:لا ماعليها شي لان ماتتحمل تأذت هيج..ههههه زوجها ضاربها اليوم احرك عشيرته فدوة للبنات شلون يضرب بت الشيخ هشام..واخذها من حوراء..اويلي خرب الجمال الملائكي5

ايمان:ههههه ولك البنية عينها مزوركة ويحشش كرير عابت

كرار يبوس بفاطمة:ههههههه اي شبيكم احسبو زوجها ضاربها3

هشام:خوفتوني والله...وراح للغرفة...

طلعت ام هشام تجر بروحها جر مخترعة من صيحة ايمان..كلولها ماكو شي...

شوي واندك الجرس كرار كام يفتح الباب وهشام هم طلع وراه يريد يروح للديوان...

فتح الباب كرار شاف الحجية بيبية حوراء وزمزم امها ونسوان ابوها وياهم الشيخ حسين..كرار سلم عليهم وعلى عمه ابو حسين...هو يومية يم هشام...

زمزم تريد تاخذ عمتها ادخلها:يالله عمة سمي بسم الله..ولازمتها حتى لا اطيح بكوة تمشي الحجية...ودخلن داخل نسوان الشيخ...وهشام استقبل شيخ حسين...

هشام سلم على الحجية وعلى ام حوراء...

كرار يحب الحجية:هلا حجية شلونج نورتينه من زمان ماجيتي

ام حسين باوعت بوجه كرار:عزززاا بعينج حويره تكول رجلي شويب شوفي شحلاته الوليد يخبل..اشوفك يمه..وفتحت عيونها عدل..اي يمه يخبل الولد18

زمزم:فضحتينه عمه شوكت حوراء كالت عنه شايب3

هشام ضحك بخفية واخذ شيخ حسين وراحو للديوان ويكله ترا امي ماتعرف شتكول هاي دوم هيج تحجي من الكبر البيها..وهشام كله شسالفة امي هي...

كرار:ههههه اي والله حجية شفتي شلون تكول عني شايب مخربة سمعتي11

ام حسين:طايحة حظ يمه ماتستحي..تعال احبنك بمجانها...(ابوسك بمكانها)وبوست كرار شبعته بوس حتى وجهه انترس تفال وعبالها هو زوج حوراء...13

كرار يمسح بوجهه:اشكرج حجية..وباس راسها وهمس لروحه..حتى مرتي مابايستني هيج ههههه22

زمزم:عمه ترا هذا ابن الشيخ هشام مو هو

ام حسين تنسه هي تعرف كرار وتعرف هشام شايفتهم بس كلما تغيب فترة وتروح الهم تنسه وعبالها كرار زوج حوراء وتصير سينما من الضحك...وكل مرة ايو وياهم وهي وكرار تصير مطنزة وضحك...اليوم ماجاية...1

فد يحب يغثها كرار خبيث يكلها الا اخرب خطيبج عليج بعد صاحبي وحسبي حساب...

ام حسين:منو الشيخ هشام

كرار: افى حجية نسيتي الشيخ هشام هذا الحجي الي يبيع مخضر يمكم15
زمزم:ههههه ولك ماتوب انته من طنازتك..هسة تضربك بالعوجية دير بالك..هسة عمه ندخل لو نبقه واكفين نباوع لجمال كرار ههههه

ام حسين:لا وين جيبي حصيرة اكعد هنا بالحديقة ماريد داخل اختنك..وهذا الوليد الحلو خلي يجي يكعد يمي2

كرار:افى عليج تدللين حجية اكعد يمج ونجيب حب وفستق وكستاء ولو سنانج ماتساعدج بس خل اسوي عيادة تعاي اصلحهن الج وتقويم على حسابي1

ام حسين:اي يمه صدقه لعمرك وليدي اكول انته ابن منو ماعرفتك يمه جني شايفتك بمجين(بمكان)اوكف خل اذكر..اي اذكرت انته ابن...أ ...أبن..وتفكر..انسه يمه المهم الأخلاق..وعافته ظلت تمشي على عوجيتها...21

ودخلت داخل..ولزمت حوراء اكس مربع ماتستحين طايحة الحظ صارلج 3 اشهر ماشفناج من جبتي ليهسة ماكو....

كلتلها ماكدر اطلع بذولي بسرعة يمرضون حتى التؤم الثلاثي..ومتقيدة بيهم..وتكول من اطلع بس لتكول مسافرة كومة شغلات لازم اخذلهم...2

همه امها ونسوان ابوها جايبين الحجية لأن ماحظرت الفاتحة الحجية...وبعد ما عزتهم الحجية ام حسين راحو...وقبل لا يرحون رزان وليان بجو على جدهم ابو حمزة شكثر يردن يرحن وياه...

بالليل حوراء ماتعشت وعافت جهالها يم كرار ونسمة وابوهم هم كاعد بالصالة بس التؤم يمها بالغرفة نايمين وهي من غير شي بس تحط راسها تنام من التعب...

كرار:اكلكم ليش ما اكلت خالتي وينها ماكعدت يمنه

نسمة:حوراء مريضة صارلها جم يوم هيج4

كرار باوع لأبوه:هلوو يابه هل مرة اربعة اعتقد ههههه باز کردن / نظر دهید

2022-09-09 20:39:41 كرار اخذ مخدته وشمر الثانية على وجهها:اروح انام يم بيبي احسن الي على الأقل بصدرها حنية وتشبكني احسن منج..تفووو على الخلفج...ويريد يطلع...21

نسمة:فد نوبه اخذ ملابسك وروح يم دكتورة انسجام عيني واحد منسجم ويه الثاني1

كرار هسة فهمها ليش مصرة على الدوام تغار بالرغم هي وياه تعينهم كلمن مكان بس هي شكلها تريد تثبت نفسها كدامه...ورجع دار وجهه عليها ولزم ابتسامته..ويريد يقهرها يعرف هي غيرانة من دكتورة انسجام...

كرار يريد يموتها غيره:اهااااا كلتي دكتورة انسجام الحلوة اخخخ بويه احتركت عشيرتها على هالجمال شذكرج بيها حبيبي

نسمة الا شوي تبجي:روحلها منو لازمك عمري..ومو عيب عليك ابن شيخ وتغازل بنات العالم

كرار يريد يموتها غيره:اي رايح الها..سلام حبيبي..وطلع..ونسمة ظلت تسحن بروحها وميته قهر من دكتورة انسجام الي ويه كرار مرة راحت هناك بالمستشفى الي تعين بيها وشافتها...5

يوم ثاني..حوراء كاعدة من ال2 الفجر وللصبح مانامت خذت تؤمها وراحت بغرفة رقية القديمة هي رقية اخذها زوجها امس بالليل...

هشام كعد وراسه صداع..وحتى صلاة الفجر فايتته هاي اول مرة يصير بي هيج..باوع حوراء ماكو..كام صل صلاته قضاء..وعاف الوكحين نايمين...

بدل وطلع وماشاف حوراء جوى يمهم..وسأل نسمة كلتله تروح بغرفة رقية..وراحلها..وشافها غافية وعلى ايدها فاطمة ويوسف بصفها وغافين...

عافهم وطلع بهدوء..وراح لديوانه..والضحى اجت بت عمه الي تكرهها حوراء...وياها نسوان عمامه جم وحدة جايات يم الحجية ام هشام...1

هي ام علا جاية من زمان وصارلها فترة جتي للعراق وناوية تظل..هي متزوجة وعدها 4 ولد وبنية...بتها شابة واكبر اخوانها واصغر من كرار بتها...

حوراء شايله ابنها يوسف وبتها بحضن عمتها وبالرغم تعبانة ومرة جبيرة بس تحب احفادها كلهم...

جاي تلاعبها علا..راحت حوراء  جابت دولكة ماي وكلاص بعد ماسلمت عليهم وهي بيدها ابنها..كامت علا خذت المي منها...

علا حطت الماي يمهم..هي علا نص حجيها انكلش متعودة هيج بعد عايشة بالخارج...

علا:حبي حور اكدر اشيل هالكيوت العنون

حوراء:اي اكيد حبيبتي..وانطتها يوسف...

ام علا:اكول ام عزام انتي شكد عمرج شكلج صغيرونة...

حوراء تضوج منها كلش.. والمرة كلش محترمة بس تغار منها على هشام..من تشوف هشام ولا كأنه احد كاعد..وابو كرار ما ابو كرار...هاي طبيعتها كل ولد عمها تعزهم مو بس هشام....3

يعني بأختصار ملكاها حلو...ولهسبب حوراء تغار منها وهم جانت ام علا محجوزة لهشام بمرحلة المراهقة...تفوور منها حوراء...

حوراء احتارت شتجاوب ماتحب يسألون عن عمرها كل اهل هشام يسألونها شكد عمرج..وهي تضيع الموضوع وماتكلهم عمرها...

ام هشام صوتها مبحوح:حوراء بعدها زغيرة 20 سنة لو 22 يمكن

علا:My God.. you are very young(يالهي انتي صغيرة جداً)8

حوراء ابتسمت بجذب وبينها وبين نفسها:شهل الأحراج عمة الا اجاوبين..

ام علا:ماشاء الله جهالج كله توائم هاي مثل مرت اخوي مرتضى..كون آية تجيبلهم هم توائم

ام هشام: اي ماشاء الله وربي عوض هشام عن جهاله

علا:The woman is responsible for having twins.. not the man(المرأة مسؤلة عن انجاب التؤم وليس الرجل)15

حوراء فهمتها:اي وهمين وراثة انه ام امي تجيب كله توائم بس امي ماجابت تؤم اصلاً امي عدها بس انه واختي اية وبعد ولد واحد

ام هشام ضربت علا بخفيف على ظهرها:انتي شترطنين ولج كله تحجين انكليزي وشعرفنه شتكولين لايكون تسبينه ولج10

علا ضحكت:لا بيبي حشاكم شلون اسبكم بس هاي متعودة اغلب كلامي انكلش بحكم بيئتي ودراستي1

حوراء:عن اذنكم اساعد البنات..علا انطيني يوسف عنج هسة يشلع كلبج

علا:لا والله احب البيبيات عشقي خلي يمي واذا بجه انطي لماما

حوراء:ماشي حبيبتي..وراحت ساعدتهم..وبعدها مشو النسوان ماقبلو يبقون عالغده كالت ام علا اخوي حازم عازمني...هي تصير اخت حازم...7

حوراء كالت احسن روحي لا يشوفج شيخي..وسمعت هشام عازمه حازم تخبلت... وكالت ماخلصانه من شريجتي حازم هنوب اخته اجتي...14

ايمان وحوراء بالصالة حوراء ترضع بتها حليبها بالممة ويوسف عد ايمان...بالكوة متحملة شايلته ايمان تخاف منها...

وجاي تحاجيها ايمان تكلها حوراء انتي مهملة لنفسج ليش هيج حتى لو لابسة اسود وحزنانة شنو وجهج شاحب عبالك مابيج دم...خوما اعلمج مو جاهلة انتي...

وحتى لو يحبج هشام مايصير هيج تهملين نفسج..وحوراء صافنة بوجه ايمان وتخاف منها تلزمها قشعرية من تحجي وياها بهالشكل وتحس بيها شي ايمان مو ذيج الخبيثة...وتخاااف منها...

حوراء بالكوة فاتحة عيونها كامت وشايله بتها نايمة وابنها بحضن ايمان...ايمان كلتلها روحي واجيب ابنج....بعدها ماكملت ايمان حجيها حوراء طاحت عالأرض وبيدها بتها فاطمة...2

ايمان اخترعت وعافت يوسف وشالت فاطمة من الارض تعورت وظلت تبجي حيل..وتهز بحوراء صاحت على نسمه...3

بدخلة كرار للبيت واخترع من صياح ايمان:خير شصاير شبيها خالتي

ايمان:شعرفني كامت وتكودت وبيدها البنية باز کردن / نظر دهید