محمد ماهر - للصف الثالث الثانوي

2022-06-06 15:52:07 أستاذ عمرو عيد بيقول :

من أكتر الحاجات اللي هتساعدك في Careerــك و البيزنس الخاص بيك و دراستك.. المحافظة قدر الإمكان علي الصفاء الذهني و الهدوء النفسي، اللي هم مش معناهم البرود، لكن القدرة علي التركيز في المهم، و تخليص المخ من الضغوط اللي مبهدلة أكلك و نومك و ذاكرتك و مزاجك.


ماتدخلش نقاشات و جدالات في أمور انت عارف إن رأيك فيها مش هيفرق. ماتدخلش معارك مش بتاعتك، ماتنحازش لأحد أطراف مشكلة انت مش عارف تفاصيلها.. ماتقارنش نفسك بـ Lifestyle حد معين و حياته و رزقه و صحته.. لكن ممكن تقارن نفسك بشطارته في مجال معين و قدرته علي الكسب.. قارن نفسك بيه هنا و خليه قدوتك و مسطرتك.

لو بتشتغل.. ذاكر و طور نفسك مع الشغل. ولو لسة بتدرس.. اشتغل ولو Part-time مع مذاكرتك. ماتسيبش فراغ للأمراض النفسية تدخل منه.
اقطع علاقتك بالأشخاص اللي كلامهم بيشفط منك طاقتك الذهنية -- إلا لو كانوا والديك. لو كانوا والدين لازم تبرهم بس تحمي نفسك من أذاهم اللي ممكن يضيع دينك و دنياك.

ماتفتحش فيديو عنوانه فيه مأساة أو تفاصيل جريمة أو حادث مروع مهما كان عنوانه شيق، كل ده بيسحب من طاقتك و بيزيد من هشاشتك النفسية و بيمهد لاكتئابات و اضطرابات بتتسرب ليك تدريجياً و انت مش حاسس و مش هتعرف غير لحظة الانفجار - لا قدر الله.

اتعامل مع مخك كإنك راكب مرسيدس مايباخ لازم تحافظ علي صيانتها و ماتسمحش لحد يدخل جواها برجليه المطينة. ولو المرسيدس - اللي هي مخك - حسيت إنها مش طبيعية أو فيها مشكلة.. ماتتكسفش تروح لمركز الصيانة و تفتح الكبوت و تقوله شوفلي المشكلة فين يا باشمهندس.. اللي هي عيادة الطبيب النفسي. باز کردن / نظر دهید

2022-06-04 04:21:25 باز کردن / نظر دهید

2022-06-04 03:49:35 باز کردن / نظر دهید

2022-06-04 03:47:26 كل ما الذنب يزيد كل ما انت هتزود الحرب ع الشيطان وشهواتك وهتقرب اكتر من ربك ... كده الموضوع هيقلب بالعكس وهتكون بتقرب اكتر ما بتبعد لحد ما يختفي خالص الذنب ... خطوة مهمة جدا مينفعش متعملهاش ..


4- لازم تغير روتين حياتك ... يعني لو فيه روتين معين انت متعود عليه في يومك لازم تغيره ... غير مكتبك وشكله .. غير ترتيب يومك .. غير في صحابك الوحشين وصاحب غيرهم وابعد عن الوحشين .. غير في البرامج اللي بتتابعها .. صفحات الفيس وغيره اللي بتشوفها .. لازم تغيرها وتشوف انت بتتابع ايه اصلا .. مش اي حاجة .. حتى لما تيجي تتسلى .. تشوف حاجة جديدة وتغير من نظام حياتك ... ديه خطوة مهمة جدا عشان تغير من طريقة تعاملك مع نفسك في اليوم وطريقة وعيك وتفكيرك تتغير عشان انت بتغير نظام حياتك كله .. ومعاه هيتغير الوعي ..اقعد مع نفسك شوف انت بتتابع مين وبتتفرج على مين وبتضيع ال24 ساعة فيه ايه ...

5- لازم تتعلم دينك .. وده مهم جدا .. لازم تعرف اكتر عن عقيدتك ووعيك وتعرف اكتر عن سيدنا محمد والصحابة .. تتعرف اكتر ع القرآن وتقرأ التفسير وتتعلم ... هتقول يا محمد دلوقتي مفيش دروس في المسجد عشان كورونا وكده ... عادي جدا عندك النت وعندك اكاديميات كتير جدا ع النت ومجانية وعندك علماء كتير جدا تتابعهم .. وعندك السيرة والتفسير وكله ع النت عادي جدا ... وانا الايام ديه هنزلكم كل شوية روابط ناس مفيدة جدا تتابعهم هينفعوك جدا ... لازم تتعلم دينك عشان التعليم بيغير الوعي والنفس ... كل ما هتتعرف على ربك أكتر كل ما ذنوبك هتقل ..


6- لازم ترفه عن نفسك دائمًا وأبدًا بالحلال .. الحياة مش كلها جد .. لازم طبعا ترفه عن نفسك بالحلال ... مينفعش تشيل الحرام اللي كنت بتعمله وتسيب مكانه فاضي ... يعني مينفعش تبطل سجاير وتفضل قاعد كده .. لازم تشوف حاجة مسلية ليك وحاجة بتفرحك بالحلال ... وكل واحد أدرى بنفسه ... اعمل حاجة بتحبها ... لما تبعد عن ذنبك كافئ نفسك دايما .. شوف حاجة بتحبها .. انزل اتمشى مع حد بتحبه .. روح مكان حلو ... أي حاجة .. أهم شيء لازم ترفه عن نفسك كل ما تبعد عن الذنب ... لازم المكافأة

7- لازم تكون صبووووووووور ... ديه والله العظيم أهم نقطة ... بالله عليكي لازم تصبر ... يبني الموضوع مش هيروح في يوم وليلة ... لو طولت عادي أهم حاجة تكون ع الطريق الصح ... لو بعدت عن ذنبك يومين تلاتة ورجعت تاني ... هل ديه نهاية العالم ؟ لا خالص ... انت مش هترجع للصفر تاني خلاص + انت اتغيرت بالفعل + انت ماشي ع الطريق الصح + انت بتجاهد نفسك ... ده كله عظمة أصلا وحاجة روعة بجد ... لازم تبقى شخص عنيد .. لو وقعت مرة تقوم ألف مرة .. لو اتغلبت في معركة تقوم وتعمل 10 حروب .. بالله عليك كفاية جلذ للذات .. لو وقعت خليها لحظة ريمونتادا ولحظة رجوع أقوى وأقوى ..


8- لازم كمان تعمل بيئة إيمانية لنفسك ... لازم تبدأ تغير من حياتك واللي حواليك ... اتعرف على ناس كويسة واتعلم منهم ... ابدأ اتعلم دينك واعرف عن عقيدتك وربك ورسولك ... اقرأ سيرة الرسول واتعلم العلم الشرعي ... مش بقول إنك تكون شيخ .. لكن لازم تعرف دينك وتعرف رسولك وتتعلم بجد ... كل ما يزيد علمك كل ما هتزيد خشيتك لربك وكل ما هتبطل الذنب اكتر ... شجع صحابك ع الخير واعمل صحبة صالحة ... لو مفيش بيئة صالحة اعملها انت وابدأ انت ... فكر صحابك بالصيام والصلاة وشجعوا بعض .. جمعوا من بعض وتصدقوا ... لازم تكون شعلة في الخير واعمل بيئة إيمانية بجد

ده رابط تطبيق واعي .. مهم جدا لمعالجة الإدمان ده ... لازم تحمله
https://play.google.com/store/apps/de...

وده رابط قناة اليوتيوب
https://www.youtube.com/channel/UCubg...

محاضرة بتوب وبرجع للشيخ محمد الغليظ ... مهمة جدا






فيديو مهم لخطوات التعافي ..






وبإذن الله أنا مع أي شخص بيحاول يتعافي خالص من الموضوع ده يا شباب .. الموضوع والله بسيط أهم حاجة بس أكون صادق مع نفسي وأطبق كل خطوة وأحمل التطبيق وأتابع فيديوهات التعافي .. وبإذن الله هتدعيلي .. زي ما الفاجر مش بيتكسف وهو بينشر القذارة ... اوعى تتكسف في يوم وانت ماشي في الطريق الصح او بتتكلم في الصح ... طول ما انت ماشي صح اوعى تتكسف ... عشان الفاجر بيكون بجح في القذارة بتاعته .. خليك انت كمان بجح لكن في النضافة والصواب .. ده اللي اتعلمته من سيدنا عمر رضي الله عنه .. اللهم إنا نسألك قوة في إيمان وإيمانًا في حسن خلق ونجاحًا يتبعه فَلَاح ورحمة منك وعافية ومغفرة منك ورضوان .. باز کردن / نظر دهید

2022-06-04 03:46:37 في أوقات كتير بنكون فاتحين النت عادي وندوس على رابط ونلاقي الرابط ده للأسف أخدك لموقع من الموقع اللي بتعرض أفلام وصور محرمة كلها مشاهد حرام × حرام ... بيحصل كتير جدا .. المشكلة إن فيه ناس بتتعود بقا على الصور والأفلام ديه وبيرضوا شهواتهم بيها .. أنا انهاردة - محمد ماهر - هكلمكم لو عندكم صحاب وقعوا في الذنوب ديه أو حد منكم مش عارف يقلع عن الذنب ده ازاي يخلص منه خالص بإذن الله

طيب هي ليه خطيرة يا محمد ؟ خطيرة عشان محدش بيشوفك غير ربنا ومع ذلك بتتجرأ وتعملها ... خطيرة عشان الرسول اتكلم عن ناس يوم القيامة هييجوا بحسنات قد الجبال لكن ربنا هيمحيها خالص ولا كأنها جت أصلا! الصحابة سألوا والرسول جاوب وقال : قوم كانوا إذا خلوا بمحارم الله انتهكوها ! ... كلمة قاسية أوي .. ناس لما تقعد مع نفسها بتنتهك حرمات الله ... بتعمل حاجة حرام .. عشان كده الذنوب ديه خطيرة جدا ومخيفة فعلا

المواقع اللي بتعرض الكلام ده هدفها في الأول والأخر حاجة واحدة بس هي إنها تقتل عندك "احترام الذات" ... احترام الذات بيموت عندك بعد ما تشوف اي لقطة من اللقطات القذرة ديه عشان انت عارف انها قذرة وده كله من الكبائر وحتى لو انت مش مؤمن ... هتحس برده بتأنيب الضمير وكره الذات وساعتها هتكره نفسك ... هو ده الهدف ... هدفهم انك تموت خالص من جواك متفكرش غير زي الحيوانات في شهواتك وبس ... مفيش دين ولا وعي ولا تقدم ولا نجاح ولا حاجة ... هو ده الهدف الأساسي ... انك تكره نفسك وتكره اليوم اللي اتولدت فيه كل ما تخش على حاجة من الحاجات ديه .. ده يا جماعة أقسم بالله المغزى والهدف الأول

الهدف التاني هو الفلوس الضخمة اللي بيعملوها من ضحكهم ع الشباب ... الواحد من دول يقضي الليل يتفرج ع مشاهد قذرة والموقع عمال يعرض اعلانات ويكسب مليارات مش ملايين كمان ... وانت للأسف اللي بتدعمهم ... هو ده الهدف ... يقتلوك من جواك ويقتلوا جواك اي احترام لنفسك ... تكون عبارة عن حيوان عمال يدور في القاذورات عشان يرضي نفسه وبالحرام كمان !! ... الإنسان ساعتها بيوصل لمرحلة وحشة لكره الذات وجلد الذات ... وده لوحده بيؤدي لمصايب تاني كتير ... ومخك مع الوقت مش بيكتفي بلقطة ولا اتنين مخك بيكون زي الحيوان ساعتها لازم ياخد أكبر جرعة ممكن عشان الجرعة القديمة مش بتأثر .. والموضوع يزيد مع الوقت

ثم إن كل اللي بتعرضه المواقع ديه عبارة عن كبيرة من الكبائر ألا وهي الزنا ... + كله تمثيل في تمثيل + انت بتدعمهم عشان يكملوا ... ومش كده وبس .. انت بتخون الأمانة أصلا وبتخلي ربنا أهون الناظرين إليك ... يعني محدش يعرف غير ربنا وربنا شايفك وبرده مصمم ع الذنب .. لازم الواحد يفوق قبل ما يفوت القطر ... وعلميًا كمية الدوبامين اللي مخك بيفرزها ساعتها ليه أضرار ضخمة عشان زي ما قلتلك مخك مش هيكتفي بلقطة ولا اتنين .. مخك هيبدأ يغير معتقده ويبدأ يشوف إن ده عادي ويبدأ يتعود على كميات ضخمة .. الغيرة في قلبك هتموت وأي حاجة سليمة هتحس إنها بتتغير مع الوقت وكل حاجة شاذة غريبة هتشوفها عادي ..

طيب العلاج ايه ؟؟؟؟ 1- لازم تقتنع تماما زي ما قلتلك بكل اللي قولتهولك وتعرف من جواك ومن كل قلبك ان كل ده غلط جامد وبتشوف كبيرة من الكبائر .. وتفهم احترامك لذاتك وكل ده .. بعدها تخش حملة تنضيف لحياتك ... يعني تقوم وتحذف اي صاحب كان بيشجعك ع كده .. تحذف اي تطبيق وتحجب اي موقع وتخرج من اي جروب وتخلع من اي حاجة ليها علاقة بالذنب ده خالص ... لازم تقوم وتعمل حاجة مينفعش تفضل قاعد في النفس البيئة وتستنى تتغير ... مستحيل ده يحصل مستحيييييييييل ... قوم دلوقتي يلا وغير كل حاجة بتوصلك ولو للحظة للذنب ده .. قرر تتوب دلوقتي حالا .. دلوقتي .. اصدق الله يصدقك ..

2- تاني حاجة لازم يكون فيه هدف في حياتك كبير ومغزى عايش عشانه ... (مش شرط يكون هدف واحد ولا حاجة .. بس قصدي يعني يكون فيه عموما اهداف بتجري وراها وتطوير لنفسك وحاجة بتعملها بترفع احترامك لنفسك وبتعلي قيمة نفسك قدام نفسك .. ) معظم الذنوب ديه بتكون عشان الانسان فاضي من جواه وفاضي في وقته ع طول وقاعد مش بيفكر في حاجة ... لازم يكون ليك هدف واضح ومحدد بزمن وبتشتغل عليه كل يوم ولو حاجة صغيرة ... لازم كمان تكون مشغول ... مينفعش تفضل قاعد طول اليوم لا شغل ولا مشغلة وفي الاخر مستني العلاج يجيلك لحد عندك .. مستحيل .. نفسك إن لم تشغلها بالحق شغلتك بالباطل ... لازم تعمل حاجة ويكون ليك هدف محدد بزمن ...

3- طيب يا محمد دلوقتي انا طبقت كل ده بس جيت بعد يومين كده ووقعت تاني ... ايه الحل .. الحل انك تقوم وتفتح الجبهات ع الشيطان ... يعني لو الشيطان غلبك زي ما قلنا في معركة واحدة ... انت لسه مخسرتش الحرب ممكن تقوم وتصلي وتستغفر وتدعي ربنا وتتصدق وتساعد حد وتعمل صلة رحم وتعمل وتعمل وتعمل ... لو غلبك في مرة ... قوم ع طول وزود رتم العبادة عندك والايمان وقوم ارفع معنوياتك وقرب من ربك اكتر ... باز کردن / نظر دهید

2022-06-02 19:41:47 انهاردة هعمل بث مباشر (لايف) على القناة على يوتيوب يا شباب هستقبل أسئلتكم بخصوص الفترة ديه .. الساعة ٩ إلا ربع بالضبط.. باز کردن / نظر دهید

2022-06-01 04:27:58 أحسن جِميل ممكن تقدمه لأي شخص وبالذات في الأوقات دي هو إنك تزرع جواه الأمل والتفاؤل

خلّيك دايماً من الناس اللي على لسانها علطول كلمات زي "أبشر" "أكيد خير" "ربك كريم" "ما ضاقت إلا ما فُرجت" "تفائلوا بالخير تجدوه" "اللي فيها ربنا مبتغرقش"

زرع التفاؤل والأمل والثقة بالله منهج نبوي
ومهما كان الوضع سئ والدنيا ضلمة لازم نفكر بعض بيه كلنا

علشان مفيش أمة بتنهض ولا حد بيشتغل ويتحرك بجدية ويفكر في حلول وهو مش شايف أمل في بكره

وزي ما قولناها قبل كده
إذا أردت النجاح فالتفاؤل شرط وليس رفاهية

فتفائل مهما كان العُسر لإن ربنا طمّنا بإن مع العُسر يسرا باز کردن / نظر دهید

2022-05-31 22:48:50



التقبل هو آخر مرحلة في الحزن وحلك في تخطي اي مشكلة بتواجهها عشان تعرف تتعامل معاها باز کردن / نظر دهید

2022-05-31 21:30:08 حل امتحان اللغة العربية ثانوية عامة أدبي 2021



باز کردن / نظر دهید

2022-05-31 15:41:45 تمت المشاركة من vFlat باز کردن / نظر دهید