قصص💜✨

2021-07-23 15:26:11 كتله بندم : كون انخرست و لا حجيت هذا الكلام ..
كالت بخوف : اسم الله عليك لا تحجي هيج..
ابتسمت : شنو تخافين عليه زينب ..
بادلتني الابتسامة و كالت : طبعا اخاف عليك غير انت أبن عمي و هم زوجي ...
صفنت على عيونه و شكله هيا حلوه و ما ناقصه اي شي ليش حبيت غيره هيج اني اعمى و ما اشوف هذا الجمال كله كدامي و كاعد اجرح بيه شكد تندمت على تصرفاتي وياها ..
اقتربت من يمه اكثر و هيا توترت من شافتني هيج
لزمت وجهه بأثنين اديه و اني اباوع على عيونه
ماحسيت غير بسته من راسه ابتعدت شوب عنه
و كتله بهمس : أسف جوري على كلشي سويته ..
ابتعدت عنه و هيا مصدومه من تصرفي حقه اذا اني مصدوم من نفسي بس جان لازم من الأول هيج اسوي و اعتذر منه ..
كتله :انتي دره مال الله طيبه و اخلاق صعبه نلكه بهذا الزمن هيج وحده مثلج ...
سكتت هيا ماحجت شي رجعت كتله : شرايج نسوي اتفااق ..
باوعت : اتفااق !؟
ابتسمت : ييي ننسى كل الي صااار ويانه و نذبه وره ظهورنه و نبدي من جديد لا تعرفيني و لا اعرفج نكون اصدقاااء و لا تستحين مني و لا استحي منج احجي ويااي و اضحكي اي شي يضوجج تعاي احجيلي و اني هم هيج اسوي..
ابتسمت هيا: اصير صديقتك !؟
: ييي صديقتي عمي شفايتلي هذا الجمال كله يصير صديقي ..
ديت ايدي و كتله : شرايج اصدقاااء ..
باوعت هيا متردده بس بعدين مدت ايدها و صافحتني
و كالت بأبتسامة :ماشي موافقة اصدقااء ..
كتله بفرح : مااشي كومي بدلي و جهزي نفسج خل نطلع نتعشى بره نحتفل بصداقتنه ..
ضحكت مصدومه : صدك تحجي ليث !؟
: يي شبيج شو كومي يلا ترى اغير رايي ..
هزت راسه : لا لا شنو تغير رايك هسه راح ابدل و نطلع..
كامت بسرعه اخذت ملابسه و دخلت للحمام ابتسمت برضى من شفت الفرحه بعيونه لان زينب ما تستاهل الي يصير بيه بسببي ..
كمت اني هم طلعت ملابسي و بدلت قبل لا تجي هياا
طلعت من الحمام لابسه تنوره سوده وقميص ماروني
راحت لفت الحجاب و خلت مكياج بس خفيف ولبست العباية و طلعنه..
اهلي من شافوني اني وياها طالعين فرحانين حسبالهم
عود علاقتنه تووب و حالنه حال اي متزوجين ما حسبالهم اليوم يلا اتفقنه و هم اصدقاااء لا اكثر ..
طلعنه منهم و صعدت بلسيارة و هيا صعدت يمي كدام
شغلت اغنية و و فتحت الشبااك الي عليه هيا جرت نفس و اشوف الابتسامة بوجهه فرحت اني من داخلي
توقفنه بلسيطرة ..
من توقفت السيارة اجاني فضول اشوفه ركزت ملامحي عليه حلووه كلش و الاحلى طيبة كلبه و روحه المرحه ليش لعد اني ماحبيته و لا انتبهت عليه يجوز السبب بأهلي وجدي من فرضوه عليه و اني اكره احد يفرضني على شي ..
سئلت نفسي و كلت هم يجي يوم و احب زينب لأن مابيه شي ينعااب بس المشكلة بكلبي يحب نرجس
هيا انتبهت عليه اني درت وجهي بسرعه ..
رحنه تعشينه بلمطعم و ظلينه نسولف و نضحك ما نكر تونست وياها و هم غيرت اني جو ارتاحيت شوي من الهم الي جان على صدي ..
حجيت شنو الي احبه و اكره و هيا هم حجتلي
و ظلينه نسولف عن ايااامنه قبل لو طفولتنه ...
خلصنه و رحنه للمول خليته تشتري على راحته
اول شي استحت تاخذ شي خاف ادفع اني بس عصبت عليه و هيا كامت تشتري و كمت اشوف وين اطيح عينه على شي اشتريه اله ...
اجينه للبيت تقريبا ب١١ بليل مهدود حيلنه
بحيث من دخلنه للغرفة ذبينه نفسنه على الجرباية بتعب كتله : ولج اني اخر مره اخذج تعبت بسببج
اول شي استحيتي مني و بعدين اخذج الواهس ظليتي تشترين كلت هاي راح تكعدني على الحديده ..
صار وجهه احمر خجلت كالت : غير انت كلت ..
ضحكت : ولج اشاقه وياااج لا تخجلين كلشي فدوه الج ...
......
جوري/
يوميه شهااب يراسلني انطيه حضر يجيني رقم جديد
لو من حسااب جديد و يراسل زهكت كلش و تعبت منه
لو من يجي للكلية و يحجي وياي حتى كمت انحرج من الناس يشوفون يكولون شي لان بس حجي همه
اكله الف مره لا توصل و لا تجي و اجرحه بلكلام بس هو لا حياة لمن تنادي ابد اذا الحايط يسمع هو ما يسمع ...
كاعدين نتعشى شفنه رسيل كامت ما كلت شي
هاي البنت مو على بعضه صارله شكد ما تاكل اذا تعب نفسه وجبه وحده بليوم و تاكل لكمه وحده لو نثين و تكوم ..
كامت حتى ما تنزل يمنه كله فوك كاعده و عيونه ذبلانه و ما تحجي شي باقيه بس تصفن ..
حتى شاهر متغير مو مثل قبل بيهم شي اكو سر بيناتهم .. حتى ملاحظة نظرات شاهر لرسيل و ين ماتروح هو عيونه عليه يظل بس يباوعله
و اذا تكوم من السفرة ما تاكل يظل بس يجر حسرات اول مره اشوف اخوي هيج ...
كامت من الاكل كال ابوي اله : بوية تعاي اكلي ..
: لا عمي ماريد ..
حجه غيث : شبيج رسيل ليش هيج ما تاكلين
لا يصير بيج شي و توكعين صايره بس دوخين .. باز کردن / نظر دهید

2021-07-23 15:26:11 وكفت كباله كالت بدون ما تباوعلي : شعندك جاي هنا
عود غيرت مكاني بسببك الكاك لاحكني شكوو !؟ ..
كتله بهدوء : شبيج جوري شصاير وياج ليش هيج كاعده ..
مارفعت راسه و ظلت ساكته ماحجت اي شي
اني رحت بلجهة الثانية وكعدت انتجيت على النخلة
صار الفاصل الوحيدة الي بيناتنه هيا هاي الشجرة ..
رفعت راسي و ظليت اباوع على السمااا و الطيور
استغربت سكوته ليش ساكته و ما تحجي و الاغرب من هذا ما انطت اي ردة فعل بكعدتي قريب عليه ..
ظلينه ثنينه ساكتين بس صوت انفاسنه المسموعه
اتمنيت هاي اللحظة ابد ما تخلص اني قريب يمه
و هيا ساكته اتمنيت هيج نبقه ..
اجاني صوته الهادئ كالت : ليش رجعت شهاب !؟
كتله بنفس نبرة صوته : عليج ..
: ماكدر اصدكك ليش بعد هاي السنين ترجعلي هسه يلا فكرت بيه ..
كتله : انتي دومج ابالي و ما نسيتج و لا لحظة بس الظروف جبرتني ابقه بعيد عنج و هم جنت متردد اروح بس بعدين مليت من الغربة و شوكي و لهفتي عليج
ما تحملت و رجعت ..
رجعت سئلتني : ليش شهااب ماحجيت على مرضك
تدري اني كرهتك اكثر و اكثر من عرفت بمرضك لو بقيت هنااا و تموت من المرض و اشوفك ميت و تعالي
و لا سويت هذا الشي ..
كملت كلامه : لو كايل أنت مريض جان بقيت يمك و اراعاك اتألم اذا أتألمت اذا تتعذب اني اتعذب وياك ..
جريت حسرة : اني من هاي ما ردت ابقه و اشوفج هيج يصير بيج ..
بعدنه ثنينه منطين ظهورنه لشجرة
حجت بأستهزاء : و شنو الفرق يعني شو رحت
و عذبتني اكثر و اكثر ترى ماكو اي مبرر على السويته ..
: ادري بس اريد السماح منج جوري ..
حسيت بيها من كامت كمت اني وراها شفته تمشي
ظليت امشي وراها واصيح عليه : جوري اوكفي افهميني ..
صحت عليه : جوووري ...
رحت ركضت عليه لزمته من ايديه طاحت العبايه على كتفه و شاله خالته على راسه هيج طاحن خصل من شعره على وجهه ..
شفت دموعه تجري كالت بصياااح : وخر ايدك شهااب ...
ظليت اباوع على عيونه اريد اشوف النظرات الي مشتاقهلن بس ماكوو غير عتب و كره ..
كتله بهدوء : جوري ..
صاحت بخنكة : شتريد مني شهااب ما كافي الي سويته بعدك تريد تجرحني كلي شرايد ..
همست :اريدج تسامحيني ..
بقت تباوعلي نترت ايدها مني و كالت بقهر : شنووو اسامحك !؟ ولك تدري شسويت انت بليلة خطوبتي و المفروض اكون اسعد انسااانه بس شسيوت انت درت ظهرك عليه و ماهتميت بيه... كبالي اهلي و ناسي و الشماته عفتني ورحت ..
كالت بغصه : ولك احس نفسي ميته عايشة بتااابوت
من كثر ما مخنوكة جنت و من ضيمي امشي ولك جسد بلا روووح ...
بسببك عمري ضاااع هيج كضيته بس حسرات و دمووع
كل الي يحبني عفته بقيت بس انت و تالي هيج تسوي و تكلي سامحيني ...
غوركت عيوني : انطيني فرصة جوري ..
كال بصياااح : اي فرصة شهاااب تحجي صدك ولك تجي زهرااااء تضحك بشماته و تشوفني صورتك انت و حاضن ابنك مبتسم و تكلي هذا عافج و راح تزوج الي يحبه عمري مراح انسه نظراته و من تشمت بيه كله بسببك ...
اخخخ زهراء شسويتي انتي بيه اتمنيت هسه يمي ز الزمه و ادفنه هناااا ...
لبست عباايته جوري و دارت وجهه عني ظليت اباوع عليه و اتذكر نظراته كلشي تغير بيج يا جوري حتى نظراتج تغيرت معقولة الزمن سووه بيج هيج و خلاج بهاي القسووة ...
......
ليث /
اياااام تمر و اني مشتعل ناااار بيوم زواجي الكه
نرجس دازتلي رساله شكد فرحت بوقته حان تكبتلي وتعاتب و تكلي اني احبك ماكدر بدونك ..
فرحت واني بقيت اراسله و بقت ايامي كله بس نتراسل بس مو كدام زينب بس احسه مو مثل قبل
تراسلني قليل و بليل اريده تجاوبني تجاوب بس كلمة والباقي لثاني يوم مادري شجاه و شصاير وياها ..
اباوع على زينب احسه ورده و ذبلانة تكعد بلغرفة
بس تصفن و ضايجة انقهرت عليه هيا ماله كل ذنب
ليش اني اصير قاسي عليه بعد هاهيه صارت من نصيبي شتسوي يعني و هم هيا انجبرت يعني ماله ذنب ليش اني هيج وياها ...
عفت الموبايل و رحت كعدت يمه هيا استغربت
تصرفي ابتسمت بوجهه و كتله بهدوء : زينب ادري بيج كلش زين ضايجة مني و من تصرفاتي وحقج بهذا الشي بس صدكي و الله اني ضايج من نفسي اكثر مما تتصورين اني ابد ماجنت هيج بس السبب جدي وابوي كلهم و ضغطهم عليه خلاني هيج اصير ..
باوعتلي و كالت بعتب : بس ليث اني شنو ذنبي وهيج تسوي وياي !؟
انقهرت عليه كتله : مالج كل ذنب نسيت انتي بنية و الابنية عدنه بهذا المجتمع ماله صوت و لا راي اعتذر كلش منج زينب اذيتج هواي بتصرفاتي و كلامي ..
حجيت هيج و هيا طكته بجيه كتله بتفاجئ : شبيج زينب شنو شتحجيت اني و هيج تبجين ..
مسحت دموعه و كالت بعتب : جرحتني هواي ليث خاصه من شكيت بأخلاقي و تربيتي ما توقعته منك و أنت ابن عمي و عايش و رابي وياي.. باز کردن / نظر دهید

2021-07-23 15:26:11 والله تعبت من العشك و الكلب ماظل بيه حيل
زرع بيه العشك خووف يعني ابطل ما أشوف ...
احسه جوري تضيع من بين اديه
هاي اول حب بحياااتي هاي حب طفولتي و مراهقتي
وشبااابي و من اكبر و اعجز هااي حبي لحد ما اموت
تبقه هيا الي بلكلب و مستحيل تجي وحده ثانية تاخذ مكانه من كلبي لو شما يصير ...
باوعت على الجرار و اشووف شاله الاحمر الي وبيه خرز لؤلؤ ابيض هم ...
خليه على وجهي و اني استنشق عطره احسه البارحه مو قبل سنين هذا الشال عندي عرفت نوع العطر
تلي تستخدمه و اشتريت منه و كمت من يروح عطره
ارش منه و اخليه على المخده واشم عطره حتى انام مرتاااح ..
صرت متندم بعطره ما انام اذا هو ماموجود متعلق بيه حيل ماعرف حبي لجوري وصل لحد الجنون صح سويت غلط و يكول شخص اكره و مااحبه بس والله غصب عني هيج سويت اني بهاي الاياام صرت واحد مخبل ما يعرف يتصرف اي شي ...
جريت حسره شكبره و اني اشتم بعطره :اوووف يا جوري ...
اتذكرت هذا اليوم من اخذت شاله جنت طالع بره البيت و من اجيت للبيت ماجنت اعرف هيا هنا و جايه على جمارة ..
طلعت من غرفتي مبدل و ادندن ردت اروح لجمارة
اشوفه لان ما شايفه اليوم كله و هم شوي اتعارك وياها احب اشاقيه ..
دكيت الباب ما سمعت اي صوت رجعت دكيت هم ماكو استغربت كلت خاف ماكو فتحت الباب و جان اشوف
جوري منطيتني ظهره و فاله الشعر و تركص مخليه السماعات ..
فتحت عيني على وسعهن و اني اشوفه كبالي و تركص
ماعرف شصااار بيه اقتربت من يمه و اني رافع حاجبي عليه اريد تنتبه عليه و تبطل ركص لان كلبت احوالي ..
هيا همزين حست اكو احد وراها دارت وجهه وشافتني شهكت خلت ايده على حلكه : ااا شهاااب شتسوي هنا ..
باوعت عليه و اني مبتسم :اني شسوي لو انتي شعندج تركصين و فاله الشعر شني ابوج معرس ..
طبكت حواجبه : لا تحجي على أبوي
: ماحجيت شي عليه بس كلت يريد يزوج ..
: اسم الله ليش تفاول شنو يكدر ياخذ على أمي ..
ابتسمت و ظليت صافن عليه و على شعره هيا حست بنظراتي و شهكت كالت بعصبيه : شووو تباوع دير وجهك ..
كتله برود : والله كبالي هيج كيكه ليش ادير وجهي
واحرم عيوني من شوفتج انتي صيري عاقلة و لبسي حجابج ..
هيا باوعت وراي و كالت : شالي وراك ..
درت وجهي و شفت شاله الاحمر رحت اقتربت من الشال اخذته و هيا حسباله انطيه اله ..
كتله بأبتسامه : هذا الشال بعد راح مراح تشوفيه
الي صااار و بعد طالع اني و كملي عود ركصج ..
هيا صاحت: شهااب رجع شالي فدووه ..
ماسمعت كلامه اني طلعت وسديت الباب و قبل لا اطلع كتله : قفلي الغرفة عليج لا يشوفج احد ولج اموتج ....
طلعت و اني مبتسم على صياحه تريد الشال تحلم بعد تشوفه ..
اخذته و دخلت لغرفتي خليته على وجهي و اشم العطر
غمضت عيني و هيا شكله ابالي شلون تركص بكول عود ريان ..
عرفت نوع العطر لان عند جمارة شامه قبل
رحت فتحت الكنتور جان عندي صندوق حجمه وسط
خليته بيه و شمرت الصندوك فوك الكنتور لان اعرفه
ترجع عليه و تريد تاخذه ..
رجعت للواقع و اني ابتسم بألم و اتذكر حبه و ابتسامته الي و خوفه عليه و اهتمامه بيه كل هذا اني فاقده
اريد جوري ترجع مثل قبل اريد جوريتي القديمة ..
بس أني السبب اني الي سويته هيج و صعب ترجع
مثل قبل لان جوري وحده قوية و الي يكسره صعب
تسامحه على الي كسره و اني صعب تسامحني ..
خليت راسي على المكتب و مغمض عيني ماحسيت على نفسي و اني غااافي كعدت ثاني يوم ماكدر ارفع ركبتي متألم كلش منه ..
كوه رفعته رحت تمددت على الجرباية و اني كلش تعبان وظهري انكسم نصين من وره النومه ..
غمضت عيني و اجه طيف جوري بمخيلتي ابتسمت
واني اشوفه كبالي تبتسم الي..
فتحت عيني و رحت على رقمه و دزيتله رساله من رقم جديد لان حظرتني من ذاك الرقم ..
شكتب وأترس المكتوب وتردلي بمكاتيبك ؟
شوديلك بچف الريل ويجيبك ؟
أكتبيلي عن أخبارچ و أحوالچ !
أكتبيلي غَزاني الشوگ
يـَهلبت آنه و أشواگي ياخذنه الهوىٰ لـ دارچ .
سامحيني جوري ..
سديته منه و تمر الاياام واني اشوفه من بعيد لبعيد بدون ماتحس اروي عيوني بشوفته جنت عطشان على نظرات عيونه و على ابتسامته و اروح مثل الجاهل
اتختل و اشوفه ..
كمت اني الي اوصل جمارة و اروح من وكت و اطلع من وكت بس حتى المح حتى لو طيفه بس هيا تصدني و ما تناظرني و اذا تريد تباوع تباوعلي بحقد و كره ...
اجه يووم شفته بيه طالعه للبستان ماعرف شعده
بس هل مره مراحت للمكان الي احنه نلتقي بيه
لا راحت بغير اتجااه استغربت وين تروح لحكته بدون ماتحس ..
مشت و جان اشوفه واكفه يم نخلة كعدت يمه
و ظلت صافنه استغربت حالته شكو شبيه
رجلي اخذتني اله بدون ماحس على نفسي .. باز کردن / نظر دهید

2021-07-23 15:26:11 البارت27


ماذا لو عاد معتذراً ؟
- لدفنت رأسي بأضلعه،
لأخبرته عن كل ما فاته بينما لم يكن موجودًا،
لأخبرته بكل لحظة مرت و لم يكن بها،
لأغسل قلبه بدموعي،
لأجعله يدرك خطأ ما فعله بي،
ثم ألملم شتاتي من بين ذراعيه و أرحل بعيداً عنه.
من قال أنني قبلت اعتذاره؟!
كيف لي أن أغفر لمن جعلني أشعر
من فرط أذيته لي أن الله لا يحبني، ..
~~~~~~~~~~~~~~~~~~~~~
اعتذر جدا على الأخطاء الاملائية كتبته بسرعه بدون مااراجعه
.~~~~~~~~~~~~
شهاب /
مصدووم من فعلت جوري ماجنت واحد بلمية تسوي هيج حسبالي تقبل على الزواج وبعدين تنتقم لان اعرفه ماتضيعه بسهوله بس مو هيج ..
بيومه جنت فرحان كلش طاير من الفرحة مامتوقع
هيج بسهوله حبيبتي جوري تكون الي ومن نصيبي
حضرت نفسي ورحت واني متلهف على شوفته ..
رحت وكعدت شفت الوجوه كله ضايجة ابوه و اخوانه
ما موافقين على هذا الزواج بس اني ماهتميت كلت
بعدين يتقبلون الموضوع بس اهم شي عندي جوري
تكون موافقة ..
طلب السيد موافقته هيا ماجوابته و ماانطته الموافقة
هنا توترت كل ساعه السيد يطلب منه الجواب بس هيا ما تجاوب ..
باوعت على ابوها و اخوانها كل واحد يباوع على الثاني
متوترين ليش ماترد ..
باوع السيد و كال : ليش ما تجاوب شنو مغصوبة على الزواج ..
أبوها وجهه كام ينطي الوان كال : لا شنو مغصوبة بس تعرف خجل بنات ..
سكت و ماحجه شي اني قلقت رجع طلب منه الجواب
هنا صدمتني و صدمة الكل برده ..
كالت لا ما موافقة فتحت عيني على وسعه هسه يلا عرفت ليش وافقت بسهوله تريد ترجعه الي مثل ما عفته بيوم الخطوبه هيا هم هيج سوت ..
سمعت صياحه و هيا تحجي عليه دنكت راسي واني اكل بروحي اكل من الندم ..
ما شلت بكلبي و لا سويت شي لان كلت هذا حقه
خل شتسوي تسوي اهم شي يبرد كلبه و اني وياها واخليه تسامحني ..
بدون صوت كمت من مكاني و كله كامت تباوع عليه
كال غسان بهدوء : اكعد شهاب وين رايح ..
كتلهن بهدوء و اني اباوع عليهم كلهم : شكله ماكو نصيب بيني و بين بنتكم يلا اني استأذن ..
كال أبوي : اكعد شهاب خل نفتهم السالفة شكو ..
كام السيد طلع اترخص عنده عقد قرآن ثاني وصله غيث لسيارة وناس طلعت بقو بس اهلنه ..
كتله :بويه ماكو شي ينفهم الابنية ما موافقة على هذا الزواج و سوت هيج بس حتى ترد اعتباره و كرامته
و اني ماعندي شي خليه شتسوي تسوي اهم شي كلبه يرتاح ..
درت وجهي و مشيت من يمهم و اني كلبي يسعر نار
بس اكول خليه اني وراها وراها مراح اعوفه جوري
الي ماريده تروح لغيري ..
ضليت النهار كله افتر شفته غيمت رحت للبستان
شفته هناااك كلبي انعصر و اني اشوفه تبجي و تشهك
ظليت اسب بروحي مية مرة لو الله اخذ روحي و لا اشوفه هيج بهاي الحالة كله من وراي اني الي سويت هيج بيه ...
ظلت تحجي حالته قبل خمس سنوات هيا تحجي و كلبي ينمرد و اتخيل شكله قبل و الي عاشته بسببي
دمعت عيني ردت احضنه و اكله اسف و الله اسف بس سامحيني و اعوضج عن كلشي سويته الج ..
تسئل بيه تريد تعرف ليش سافرت وعفته ومشيت
ما ردت احجي بس من كالت شغله تافهه ماحس غير و كتله اني مريض هيا انصدمت من كلامي ..
كمت احجيله وهيا مصدومه وتبجي كلت بلكت تسامحني من تعرف بس صدمتني برده و بكرهه الي
اشوف نظراته بس كره و حقد اتمنيت اصير اعمه
و لا اشوف نظراته هااي ..
بس ما يأست و كلت اخليه تسامحني دزيت وردة و روقه اطلب السماح منه بس عرفته من نظراته معصبه من حركتي ..
ظليت وراها وراها لحد ما تقبل و تسامحني ..
بليل الساعه ب١٢:٢٢
كاعد على الجرباية و حاضن ابني و صاافن
مخنوك كلشي من الي يصير لو ميت و لا اشوف هيج
لو بقيت هناك و لا اشوف حالت جوري ..
بست علي من راسه الوحيد الي كاسر ظهري بهاي السالفة كله علي ماريد اي بشر يعرف هذا مو ابني
حتى جوري متردد احجيله اخاف عليه لا يروح من يمي ...
عفته ورحت للغرفه الثانية
كعدت بلمكتب جريت الكرسي
وكعدت صار كباالي الشباك اباوع على الشجر و الكمر
كبالي صاير ..
صفنت عليه و دمعه نزلت من عيني و اني اتخيل
كبالي جوري احسه صارت امل بعيد شوي شوي اشوف هذا الامل يتلاشى من بين ايديه ...
فتحت الجرار شفت الكلادة الي هديته اياها و رجعته الي رفعته و صارت كبالي غمضت عيني و دموعي تنزل
ما ابجي بس على هاي الدنيا الي كل ساعه و احسه تصفعني راشدي كل راشدي اقوه من الثااني ..
والله تعبت طلع مرض العشك اقوى من مرض الخبيث بألف مره ...
فتحت موبايلي و شغلت اغنية ياس خضر (هم رجع كلبي يحن )
مرت هااي الكلمااات برااسي و دمعة نزلت من عيوني
و اني اجر حسرااات..
ضاك المر من حبه الفات ريت الله يهديه
هم راح ارجع اشكي و ابجي و يذبلني سهر الليل باز کردن / نظر دهید

2021-07-23 01:54:20 قناة تنشر جميع انواع القصص
فصليه
قصص شيوخ
قصص عشق وحب

هاي رابطها
https://t.me/joinchat/SVy9dPCzmmF3wpNT باز کردن / نظر دهید

2021-07-22 20:41:16 وهم ماكدرت احضر عرس غساان عفته و ماحضرته..
اجاني شاهر وصعدت بلسيارة هذا الثاني هم مدري شبيه احسه مو على بعضه هاي الاياام وضايج
كال بهدوء : باجر ان شاء الله انزل اروح لبغداد ..
كتله : بالسلامه ان شاءالله..
: الله يسلمج ..
كتله : شبيك شاهر شو احسك مو على بعضك !؟
ماباوعلي بس كال :كلشي مابيه تتوهمين ..
سكتت ماحجيت شي وصلنه للبيت ورحت اني بدلت ونزلت يمهن اساعدهن بتحضير الاكل من خلصنه صعدت فوك اريد انام شوي تعباانه ..
رن موبايلي رحت اخذته لكيته مسج من شهاب
عود مسحت رقمه بس اعرفه جان كاتب بيه
* اعرف بيج ما مسامحتني و معصبه من تصرفي اليوم بس ميخالف وراج اني لحد ماموت اهم شي تسامحيني من كل كلبج *
اتنرفزت منه و من بروده اخذت رقمه انطيته حضر ومسحت الرقم و الرساله و اني معصبه منه
كلت : ماتموت واخلض منك ..
..... .
ميامين /
واكفه واني مصدوومه هذا فاارس شيسووي هنا
وشجاابه عزااا ..
اجه عليه مبتسم و اني هم شاكه الحلك من الابتسامه
ياا شكو شو هذاا يقترب عليه ..
اجه لزم ايدي و اني مصدومه هذا الشبيه الولد اتخبل
كال بأبتسامه: ميامين حبيبتي انتي ..
فتحت عيني بوسعهن من الصدمه كتله بتوتر : شنو شكلت أنت ...
ابتسم و كال بهدوء : ايي شبيج انتي حبيبتي و عمري و حياااتي ..
ضحكت من كل كلبي بعدين سكتت خجلاني
شوو هذا ذب الكلمه رأسن : ميامين تقبلين تزوجيني ..
كتله واني فرحانه و مستحية عود كتله و اني اهز راسي : ييي موافقة والله ..
اقترب من يمي و باسني من خدي و اني كلبي يدك بسرعة ..
ماحس غير صوت طخه قووية صحت : اااااخ يمه
ظهري انكسم وصار نصين باوعت مخروعه
لكيت روحي طايحة لكااع وكفشتي نازله على وجهي والغطا ملفلف على جسمي كله يكول لهانه ..
باوعت مثوله و عيوني كوه فاتحتهن كلت : فارس حبيبي وينك ..
ظليت كاعده بمكاني شووي وصافنه افكر بلي صاار
بعدين حسيت على روحي جنت احلم ماحس غير طكيته ضحكه شكبره على خبالي وين وصلتي ولج ميامين كمتي تحلمين بيه دهر دهرج ..



يتبع ... باز کردن / نظر دهید

2021-07-22 20:41:04 ضميته بنص الصندووق الي عندي خاله بيه اشيااء من الماضي هم اغراض منه و هذا النصدوق صغير وبيه قفل قفلته و عفت المفتاح يمي و الملابس
وخليتهن بلجنطة و اخذنهن ورتبنهن ..
بقيت طول اليوم بس ابجي ماريد افارك اهلي وهم صورة خالد و اسراء ماتروح من بالي احس نفسه كاعد اخونهم خنت خالد من اخذت غيره و خنت اسراء من اخذت زوجه ..
صارت هيا حنه و هياا زفة كله اجت من اهله ناس كومه اجووي واني بالي ابد مو وياهم خايفة و متوترة ..
سون حنة ولبست بدلة لونه زيتوني حلوو عليه لايك وي لون بشرتي و سون حنه وركص وهلاهل ..
صار العصر كومني وبدلت بدلة بيضه و اجت الزفة
واخذوني و اني دموعي تنزل و اسلم على امي ام اسراء هاي امي الي ربتني و تعبت عليه مراح اجازيه ابد شما اسووي هيا حضنتني و بجت ..
اخر شي ام غسان كالت كافي حبيبتي مكياجج لا يخرب و ترى مو بعاد عنج كل ما تشتاقيلهم تجين يمهم ..
سكتت وسمحن دموعي و عدلن شكلي شووي واسمع الهلاهل ازدادت وكالو اجه العريس اني جنت ماعرف شسوي و ماتذكرت يمته اجه و اخذني ولبسني البرنص فوك راااسي ..
لكيت نفسي بلسياارة و صوت الهورنات و الهوسات مال الزلم شوي و هو صعد و اخوو شهاب هو الي يسووق ..
وصلنه للفندق اجن ونزلني صعدني فوك لشقة
وذبن البرنص من راسي ويحجن وياي بس اني ابد مو وياهن وخايفة متوترة ..
شووي وسمعن صوت الزلم اقترب هنا عافني ومشن
دمعت عيني احتاجيت امي يمي ..
شوي وانفتح الباب دنكت راسي سمعت صوت قفل الباب حسيت بخطواته بأتجااهي شوي وايديه رفعت راسي باوعلي ابتسم بهدوء كال : مبروك ..
كتله بتوتر و خجل : الله يبارك بيك ..
كال : اهدئي بويه لا تخافين روحي غيري ملابسج وتوضي حتى نصلي ..
هزيت راسي و رحت بسرعه طفرت ذبيت البدله ولبست ملابس نوم لونهن ابيض و دخل فليت التسريحه همزين ما رفعته الي فا بسهوله وخرته وغسلت وجهي من المكيااج وتوضيت ..
طلعت واني مستحيه شافني هو ابتسم وراح هو هم دخل وطلع لكيته لابس تراك لونه رصاصي ..
وكف و اني وراه وكمنه نصلي خلصنه دار وجهه عليه وخله ايده على راسي اني غمضت عيوني وهو يقره اياات ارتاحيت شوي ..
كام هو واني كمت وياااه باوعلي واقترب من يمي
باسني من راسي .......
..........
جوري /
مرت الايااام واحسهن ثكال عليه تعبت كلش
التفكير نخر راسي نخر متت من التفكير شلون يا شهاب
مريض تطلع وماتحجي تعوفني وتمشي علمود جنت مريض مكاعد اصدك لعد وين جاان حبك ووعدك الي..
من تكلي شيصير وياااي انتي اول شخص احجيله
اذا اتعب اريدج يمي و اذا اريدج احجي لاحد مراح الكه نفسي الا واني يمج ..
هذا كلامك طلع كله جذب بجذب مكاعد اصدك
ليش هيج سووويت بيه اني الي حبيتك تالي هيج اتجازه مع الاسف والله ...
اجه ابالي طيف زياااد من عرف بيه قبلت بشهااب
وبعدين من سويت هيج بشهااب
اجاني و وجهه احمر من العصبية كال :
ليش هيج سويتي جوري ..
: ليش شسويت اني ماسويت شي..
زياد بأنفعال: هذا تصرف ترفضين كدام الناس ..
اتفاجئت كتله :حتى انت يا زياد ضدي ..
: ولج مو ضدج اني وياااج اني ليش عصبي لان بهذا تصرفج بعد مالج اي حق تحجين ..
ابتسمت بأستهزاء : ياحق الي تحجي عنه شو ضاع حقي ومحد اخذه منه كلت اتعب جدامي و لا اتعب لساني اخذ حقي منه بأيدي ..
والله ماعرف بشنو تفكرين ..
ابتسمت : لا تخااف هاهيه بعد اخذت حقي و خلص اهم شي لا تزعل انت ماكدر على زعلك لان اعتبرك مثل شاهر اخوي ..
حجيت هيج حتى لا يتعلق اكثر ماريده يبني احلام من جديد ..
جر حسره شكبره و كال : ييي مثل اخوج ظلي هيج احجي يا جوري وكسري بيه اكثر و اكثر ..
صحيت من تفكيري و اني ادخل للقسم وصلت للستيج الي كاعده بيه اني اخذت كتبي ..
و جان اشوف بنص الكتاب ورده فتحت الكتاب لكيت ورده حمره وبصفه ورقة صغيرة استغربت منو مخليه بنص كتابي ..
اخذت الورقة و فتحته انصدمت من الي مخليه
هذاا شهااب كاتب بيه * جوري اسف على كلشي سويته الج اتمنى السماااح منج و لا تنسين انتي ابالي و بكلبي احبج *
عصبت و اتنرفزت كلش هذا شنو فلمه مو كتله هاهيه
كلشي انتهى بيناتنه اخذه الواهس حسباله اسامحه
يحلم خليه هيج يسوي و اني اقهره اكثر و اكثر ..
اخذت كتبي و اخذت الورقه و الورده طلعت بره
وصلت يم سطل الزباله (تكرمون)
اخذت الورقه عصرته بأيدي وذبيته بلزبالة وجبت الورده عصرته بأيدي محروك كلبي منه ظليت امرد بلورده واوراقه كامت تتساقط ذبيتهن ومشيت ..
طلعت بره منتظره احد من اخواني شفت شهاب واكف يم السيارة يباوعلي و مبتسم وصعد سيارته و اجت جمارة باوعتلي من بعيد و دنكت راسه و مشت صعدت بلسيارة ..
من الي صاار و جمارة ماتحجي وياي بس مو حقه هيا ماتعرف اخوه شسوه بيه لازم تصير وياي بس يبقى اخوه حتى فاتن جانت ماتحجي وياه بس هم شالت بخاطره بعدين عادي نست بس راحت راضت اخوها ورجعت وياه مثل قبل من عرفت بيه مريض باز کردن / نظر دهید

2021-07-22 20:40:47 اباوع على شاهر اشوفه يباوعلي بنظرات عدم رضا
عن حالتي بس اني مامهتمه اشوفه هواي يباوعلي
واحس بيه كل ما امر من يمه احس عيونه تلاحكني وين ماروح و اني اتوتر اكثر من نظراته ..
مرات حتى يصفن كدام اهله و يباوعلي و مامهتم
لو يجي يريد يحجي وياي بس اني اتهرب و امشي ..
مره كاعده بالصاله وحدي و اجه هو يصيح على جوري من شاافني كال :اا رسيل وين جوري ..
كمت من مكاني اتهرب و ما اباوع بعيونه :مادري هسه اصيحه الك ..
مريت من يمه بس هو سد الطريق كالي : ليش هيج رسيل شبيج ..
: مابيه شي بس ابتعد خل اصيحه الك ..
هو ابتعد سوالي مجال عبرت من يمه و سمعته جر حسره ماعرف شبيه و شنو تصرفاااته هاي ..
كمت اسمع لشيرين اغنية (على بالي )
اكعد وحدي فوك بلغرفة و اسمعه و اظل بس ساكته واصفن وماحس غير دموعي ينزلن وحدهن
خاصه من تجي تكول ..
الكلام لو كان يعبر على الحنان
كنت قلت اني بحبك من زمان
كل يوم الشوق يكبر عليه بااان ..
ايام ونفس وضعي
كاعده افتر فووك بلصاله مثل الخبله اروح و ارجع
مدري شجااني ماحس غير ايدي انلزمت من معصمه
باوعت لكيت زينب كالت : شكوو شجاج ما دختي ترحين و ترجعين شبيج ..
هزيت راسي بنفي : مابيه شي ..
: احجي ولج انتي ما شايفه وضعج ابد مايعجب حتى ضعفتي كلش ما تاكلين و عيونج طابات يكول بنكره حتى ابتسامتج راحت يكول ميتلج واحد من اهلج ..
ابتسمت و كلت بكلبي كلبي الي ماات اول حب الي بحيااتي و رفضني سكتت ماحجيت شي مالي خلك احجي لان اذا حجيت احس نفسي اتعب و اعصب ..
عفته ومشيت وهيا تصيح وراي هاي كلهم هيج يحجون وياي و اني اعوفهم معليه بيهم ...
..........
زهرة /
مرت الايااام و عقدت وصارت خطوبتي من غساان
ماشفته بس بوقت الخطووبة و حجه وياااي ..
كال : انتي تعرفين على شنو صار زواجنه كله
علموود سمااا لان مراح الكه وحده احن منج عليه ..
هزيت راسي كتله : سما هاي بنتي وغالية عندي كلش ..
ابتسم و كال :ماعندي شك بهذا الشي فالذلك اختاريتج الج انتي ..
رجع كال : شووفي لا تظنين من هيج حجيت وياج معناته تزوجت بس علمود بسما صح هيا السبب الأكبر
بس هم اني احتاج زوجه الي تسندني و تهتم بيه بلبسي باكلي اريد وحده تكون شريكة بحيااتي لان تعبت واني وحدي و اربي بسما و مالحك ..
توترت من كال هيج : شووفي صح صعبه بلنسبة الج انو تاخذين شخص جان متزوج بنت عمج بس هاي الحيااة مراح توكف و الحي ابقى من الميت بس كليلي انتي اكوو احد جان بحيااتج ..
ردت اكله بس اتذكرت كلام امي ام اسراء
كالت لا تحجيله اي شي و تصير سوالف بعدين خلينه هيج و اني هم ماردت احجي و اتذكر ..
كتله بهدوء : لا ماعندي احد و لا حبيت ..
حجيت هيج و احس غصه بلعومي شلون نسيت خالد
وهيج حجيت وياااه ..
ابتسم هو و كال : ان شاءالله مراح اقصر وياج بأي شي
و انتي بعدج ما مامتعودة عليه و لا اني متعود فا خلينه اول بدايه نتواصل و نتعرف اكثر و نعرف شنو الي نحبه و نكرهه ..
هزيت راسي ماحجيت شي كام هو استأذن يريد يطلع كمت اني ويااه ماحس غير اقترب من يمي و باسني من راسي باوعتله ابتسم هو و مشه ظليت مصدومه من الي سووااه وخرت كلشي من بالي و طلعت وراه سلمت عليه و مشه و اني هم صعدت فوك لغرفتي ..
كمت اراسله علمود سماا اطلب منه يجيبه يمي و اريد اشوفه و هو مايعترض اذا عنده شغل يجيبه يمي
و مرات يخليه تكضي اليوم كله هنا و بليل يجي ياخذه ..
يتصل بيه على كد السؤال و شلونج اخبارج ويشوفني
اذا محتاجه شي و مرات من يجيب سما ينطيني فلوس و اني ارفض بحجة اني بعدني يم اهلي بس هو مايقبل يكلي بعد انتي صرتي زوجتي و على ذمتي فا مصرفج بعد عليه مو من ثااني ..
غساان شخص طيب و رجال صدك واحد ينشد بيه الظهر و اكدر اسند نفسي بيه و احتمي بيه ..
بس ما يستاهل ياخذ وحده مثلي هو يريد يبدي صفحه جديده و اني كلبي وي شخص ثااني ..
طرت هاي الافكااار من بالي و اكول حرام افكر بشخص
ثاني بغير زوجي و خل ابدي وياااه صفحه ثانية
اني وياااه ..
كمت اتصل عليه و اسئله عن احواله لو نظل بليل نسولف يسولف عن حياته و عن شغله واني هم اسولف عن حيااتي احس اكو اشياء اني وياه نتشابه بيه
فكرت بيه مثل الصديق مو زوجي ويتصل عليه
ارتااحيت احجي ويااه واتعودت عليه يكول شخص اعرفه من زمااان ..
اتذكر اسراء الله يرحمه من جانت تجي وتسولف عليه
بكل حب وعيونه ينطقن بلحب و الحنيه اله تكول والنعم منه خوش رجال كريم وطيب كلب ويخاف عليه من كلشي ..
حقه تحبه اني مصارلي فترة و اتعودت على وجوده
كصديق الي ..
مرت الايااام وصار يوم الزواج و اني خايفة و متوتره كلش قبله بأيام حضرت ملابسي و الغرااض ومن ضمنهن صورة خالد ماهونت ابقيه هنااا ردت احتفظ بيها و اخذه ويااي .. باز کردن / نظر دهید