قصص💜✨

2021-07-24 20:46:11 ضحكت بأستهزاء: تالي طلع كل البله براسج يااا نرجس ..
دنكت راسه هيا واني من حركت كلبي كمت عليه
رفعت راسه عليه ورفعت ايدي وضربته هيا ماحجت شي بس دموعه تنزل كتله بخنكة : مع الاسف زينب طلعتي هيج وعندج هاي السوالف ماتصورتج هيج ابد ..
صحت بوجهه : ليش ولج ضحكتي عليه من تباوعين بشكلي ماتضوجين لان تضحكين عليه ..
عفته وظليت افتر : ولج راح اتخبل الله اكبر عليج
يعني الابنية الوحيدة الي دخلت كلبي وحبيته طلعت وهمية مو شخص حقيقي ليش هيج كسرتيني زينب ليش من تعرفين اني ماحبج ليش سويتي هيج يعني بشنو استفاديتي هااا ..
كامت تشهك من البجي : اسف والله سويت هيج لان احبك ..
ركضت عليه وخليت ايدي على حلكه بقووة كتله بغضب : اششش لا تكولين احبك انتي ماتحبين غير نفسج الي يحب مايسوي هيج ابد ..
كامت تبجي وتشهك تحجي وتأشر بأيده الي يشوفه ينكسر خاطره عليه بس الي سوته وياي خلاني مابقت اي مشاعري اتجاهه..
كالت بحركة : بس فهمني كتلك عقل ماضل براسي سويت هيج بس ردت احجي وياك ليث ترى اني مو بس احبك لا اعشقك والله من طفولتي ولحد هسه انت كبالي وكلمة اهلي ترن بأذني انت الي وأني الك كبرت على هاي الكلمة ..
: بعني انت ضجت مني من وره هاي الكلمة بس اني حبيتك بسببه ..
ماتحملت كلامه درت وجهي عنه اريد امشي ماحس غير لزمتني من ايدي باوعتله حجت بصوت بيه ندم : ليث فدووة اسمعني والله متندمه على السويته فدوه سامحني ..
نترت ايدها وكتله بهدوء : خربتي كلشي ردت اسويه
يا زينب ..
رحت فتحت الباب وهيا صاحت عليه : ليث بس افهمني ..
ماحبيت اسمع منه اكثر عفته وسديت الباب وراي بقووة نزلت لكيت جوري وغيث واكفين يباوعون عليه بقلق ..
اجت عليه جوري: شبيك ليث ليش هيج عصبي ..
حجه غيث : شكو شنو سالفتك اسمع صياحك لو ركعت باب غرفتك هسه شبيك ليث احجي ..
كتلهم بهدوء : خلصتوو حجي كاافي ..
كالت جوري: شجاك ليث ..
صحت عليهم: مابيه شي خلص عوفوني فدوه ..
رحت من يمهم صعدت بلسيارة وطلعت من البيت ظليت افتر مادري وين اروح تعبان كلش ..
اخر شي ركنت سيارتي يم الشط بقيت كاعد بسيارة
وافكر وتعباااان كلش وكلبي وجعني ماكدر اصدك الي صااار ..
اخذت موبايلي فتحت الحسااب شفت الرسائل اني ونرجس ضحكت راح اتخبل اشوف الغزل شلون اتغزل بيه واني فرحان هاي حبي الاول حبيته وطلع تاليته كله جذب بجذب ..
خليت راسي على الاستيرن واحس عيوني تحركني
تعبت كلش جنت هادئ ومالي دخل بكلشي وكله تسئلني ها ليث ماتزوج نريد نفرح بيك واني جنت ماقبل اتزوج الا بوحده اعرفه واحبه وجنت ماقبل بزينب لان اعتبره اختي ولان خلوها ابالي تاخذه غصب كرهت اتزوجه ..
ويوم من الاياام اوكع بحب وحده ماشايفه ولا اعرف اخلاقه واطباعه بس اسمه ومن وين هيا فقط ذني المعلومات..
حبيته حب وجنت اشتاق اذا ما اراسله جانت اول بنية تدخل بحياتي ولكلبي تالي تطلع السالفة هيج هاي اني لو احجيه لواحد مو صاحي يضحك هم عليه ..
يكلي مرتك وبت عمك تطلع حبيبتك الي على النت
هاي وين صايره وين عايشين بيا زمن ..
رفعت راسي فتحت الجكمجة لكيت باكيت جكاير
اخذته واخذت الجداحة ونزلت من السيارة ..
كعدت على صخرة وظليت اباوع على الشط
واكو شباب بعيدين شوي عليه كاعدين ويشون ونار مشغلين ..
خليت جكارة بحكلي وجبت الجداحة و ورثته
صارلي فترة من كمت ادخن من شلعان كلبي
كل ماانقهر اضوج اخذلي جكارة ادخن بس مو من ذولة المدمنين .
اخذت نفس قووي منه وطلعت الدخان حسيت نفسي ضاك اختنكت جريت حسره قووية ومنه اخذت نفس
: ااخ ..
ماحسيت غير حرورة بخدي عرفته هاي دمعة نزلت من عيني مابجيت لا على حبي الي راح و لا على زينب
بس بجيت لان حسيت نفسي صرت اضحوكه كدامه
كل مااتذكر كلامي وياها واني حسبالي هيا نرجس
ومن هيا تحجي وياي وتنصح بيه وامشي بنصيحته
شييي احسه يوج بكلبي مثل النار ..
ترى اصعب شي على الانسان انو يستغفله ويضحك عليه صعبه كلش وعلى اساس بديت ابدي وياها صفحة جديدة بس مع الاسف طلعت ما تستاهل ..
بقيت كاعد بمكاني والجو برد كلش بس بقيت كاعد
ماريد اروح واشوفه هياا هناك ابقه هنا احسلي
صارت الساعه ب١٢ بليل و اني بعدني هنا شوي و كمت
لان بردت كلش ..
صعدت بلسيارة وظليت افتر شفته كله عزلت وراحت لبيوته تريد ترتاح لعد اني وين اروح وين امشي ارتاح
اذا هو بيتنه سبب تعبي والي بيه همه متعبيني ..
اخر شي كلت خل امشي للبيت وصلت و نزلت من السيارة دخلت للبيت لكيته ظلمة ردت اصعد فوك سمعت صوت غيث وراي ..
باوعت كتله : شكوو شعندك لحد هسه مصاعد لغرفتك ..
اجه عليه و كال : شلون اكدر انام و انت ماجاي وهم طلعت ضايج و معصب ..
ابتسمت بهدوء : ماعرفتك غيث صاير حنين .. باز کردن / نظر دهید

2021-07-24 20:46:09 البارت30


~~~~~~~~~~~~~~~~~~~~~~~~~
ليث/
لايگ الأسود عليك
ولايگ الكلشي عليك
وشارع شگده وشكبره
ما تدوّس إلا آعله گلبي
شلون بيك ؟
مرت علينه ايااام اني وزينب والحمدلله
وضعنه هادئ كلش وصرنه اصدقاء ومتفاهمين
حتى احس دخلت لكلبي حسيته صديقه فعلا ..
كمت ارتاح بس وياها حسيت نفسي جنت ظالمه كلش
حتى حسيت اكو مشاعر اتجاه زينب ماجنت اتصور
هيج نصير بس تبقى نرجس مستحله تفكيري ..
كاعد امشي ودزيت مقطع صوتي لنرجس
كتله بأبتسامة: وينج ولج شو اليوم ماكو ترى مشتاقلج ..
دخلت للبيت وصعدت كبل فوك فتحت باب الغرفة
وسديته وراي باوعت مالكيت زينب ..
رفعت حاجبي و كلت : هاي وين راحت شو ماكو لا جوه ولا هنا ..
انتبهت باب الحمام شوي مفتوح اتقدمت بأتجاه الحمام
وصلت يمه ردت افتح الباب بس صدمني الي سمعته ..
تسجيل صووت هذا صوتي وهاي هسه دزيته لنرجس
شوصله لزينب ..
ثواني واجتني رساله من موبايلي همزين مخلي موبايلي اهتزاز ..
فتحت وجان كاتبه نرجس : اني اكثر مشتاقه ..
اقتربت اكثر على الباب وشفت زينب واكفة يم المغسلة ولازمه موبايله وتراسل ..
هنا الشك دخل بكلبي وتمنيت الي افكر بيه خطأ
ردت اقطع الشك دزيته لنرجس رسالة كتبت هيج مو من كلبي بس حتى اتأكد : شسوي اذا هاي الي متزوجة مجلبة بيه اربع وعشرين ساعة مليت منه ..
باوعت على ردة فعل زينب شفته لزمت موبايله قرت الرسالة وحسيته ضاجت كالت : اووف يا ليث..
ابتعدت خطوات بسيطة من هول الصدمة
مستحيل الي اشوفه يعني نرجس هيا زينب ماكدر استوعب الي يصير ..
هاي الفترة كله الي اراسله واضحك وياها واحجيله كلشي طلعت زينب..
اجيت عليه ركعت الباب بقووة من صوت الركعة
هيا فزت وصاحت باوعت عليه بصدمة موبايله وكع من اديه ..
اديه ترجف من العصبية اباوع عليه شلون خايفة
كالت بخوف : ليث ش شتسوي هنا ..
اقتربت من يمه لزمت اديه وطلعته من الحمام
شمرته بلكاع يم الجرباية يمكن انضربت لان صاحت بألم ..
باوعت كالت بألم : شبيك ليث ..
رحت كعدت يمه لزمت من شعره بقوة وماحس على نفسي رفعت موبايلي بوجهة كتله بفحيح : هذااا شنو كوليلي ولج طلعتي انتي نرجس ..
صرخت بوجهه : احجي ولج ..
هيا بجت و كالت : ييي اني هيا ..
وخرت ايدي من شعره كمت واني مصدوم كتله بصدمة : ليش ولج هيج سويتي ليش استغفلتيني ..
كامت من مكانه تبجي : لان أحبك هيج سويت ..
باوعتله بصدمة : تحبيني ..
هزت راسه : يي احبك و لا تكلي ماتعرف العالم كله عرفت الا انت ماحسيت بيه دومك تعاملني بفضاضة
وبرود وي غيري بلعكس تبتسم الهن وتفرح وتضحك وياهن ..
حجت بحركة : تعرف أنت جنت يوميه انام ودمعتي على خدي جنت اتمنى منك تحبني وتصير الي ..
كتله بخنكة : حتى لو هيج سويت وياج بس مو هيج تصرفين وتضحكين عليه ..
كال ودمعة نزلت من عينه : اعرف غلطت وتندمت اصلا
اول شي اني مافكرت بس غير ادزلك متابعة من غير حساب لان كلت تعرف هذاك حسابي وفرحت من قبلت وضليت أعلق على صورك و الي تنشره مجان ابالي اي شي..
اخر شي فكرت وتندمت على السويته وعفتك يومين ورجعت انت راسلتني من شفتك مراسلني فرحت ونسيت منو اني نرجس لو زينب بس اهم شي تحجي وياي ..
من اعترفت بحبك فرحت جنك تكول احبج زينب
كلت مايهم اذا تحب نرجس لو زينب هنا كلهن واحد ..
استمع اله واني ميت قهر كملت كلامه:
بس بعدين من تجي وتسولف على بت عمك زينب وانت تضوج منه وانفرضت عليك هنا بوقته عرفت ليث مايحب زينب بت عمه لا يحب نرجس الوهمية الي عايشة بلبصرة مو اني ..
كتله بقهر : زين من كتلج راح اتزوج وعفتيني وحضرتيني ليش رجعتي راسلتي بيوم الزواج وشلون تراسليني واني يمج موجود ..
كالت بحركة : عفتك بس شنو جنت اموت اذا ماشوف مراسلاتك او اسمع صوتك من ادزلي بصمة اخر شي بدون وعي مني بيوم الزواج دزيتلك رسالة وغلقت موبايلي ثاني يوم يلا جاوبتك حتى لا تشك ..
: بعدين كمت اراسلك من انت مويمي بلغرفة ومرات اتأخر لثاني يوم يلا ..
سكتت هيا اني ماستحملت كعدت على الجرباية دنكت وخليت ايدي على راسي وكاعد اتذكر مراسلاته وياي وشلون تنصحني لو نبقه لصبح نتراسل ..
كتله واني مارافع راسي عليه : هه والله وحسيت نفسي هسه اني شخص غبي وضحوكه صرت بسببج ..
كالت بشهكة : لا تحجي هيج ليث ..
ابتسمت وعيوني مغوركة : هذا كلامي وحبي طلع كله جذب جنت اكلج تعبان وماريد اتزوجه وانتي تنصحيني
واخر شي تكليلي روح اتزوجه واني مراح اكون بطريقك صدك حسيت نفسي واحد غبي هسه وحمار ..
باوعتله وطابك حواجبي : عود انتي من سويتي هيج حتى احبج موو ماخليتي لنفسج اي كرامة ولج كلت على اساس ابدي حياتي وياج من جديد لان خطية انتي مالج اي ذنب بلي يصير وكلبج طيب مستحيل هيج اتعامل وياج .. باز کردن / نظر دهید

2021-07-23 23:34:43 × مستودع صور @EAONNN × ستوريات للبنات @iyttttt × اختبارات تركية @iturky_ar × ســؤال وجــواب @sssaaa112 ×طبخات30 ثانية @ip2_2ip × حـول الــــعالـــم @NationallGo × رسائل انتحـار @QEEEEV × موطن الاكتـئاب @L_OS_1 × افلام ومسلسلات @Movies_w… باز کردن / نظر دهید

2021-07-23 22:59:09 × مستودع صور @EAONNN
× ستوريات للبنات @iyttttt
× اختبارات تركية @iturky_ar
× ســؤال وجــواب @sssaaa112
×طبخات30 ثانية @ip2_2ip
× حـول الــــعالـــم @NationallGo
× رسائل انتحـار @QEEEEV
× موطن الاكتـئاب @L_OS_1
× افلام ومسلسلات @Movies_w
× عشاق الأسود @Bag_hdad
× حـالات 30 ثانـيـة @IIVII4
× أقتباسات كتب @MAKTABA7
× كـبـريــاء أنــثــئ @GSvsvw
× للمرتبطين فقط @kayanah2
× ذكريات الطفولة @ZH3oO
× عـــالم الاإنــمـي @SS9FF
× نصوص مستفزه @ZHMah
× قصص للكـــــبار @omar1994Born
× شـــعر فـصــيح @FCCCZ
× تعليم فنون الرد @CYC_M
× لكل بنت قوية @MIo3o
× عهد الاصدقاء @MlllMlllM3
× للصور الكلاسيكية @DDDD_OO
× كاتـــبة جريــــئة @Eo6iE
× رسـائلي غرامـية @ZLIIRA
× عنـــاية بالبشرة @Rze_20
× حسنها كارثـــة @HEVENiQ
× حـــب وموسيقى @BTTIl7
× نصوص عميقة @IUOEIL
× نصوص للعشاق @evvvvaaaaaa
× صــــور وخلفيات @mokhtalifah
× مـــحــــادثــات @TABO_o03
× حب وحرب @aa02t
× نصــوص أيجابية @LOiiP
× رسائلي الى الله @SANIORA1
× قــصف جبهات @FOFEY99
× اقتباسات مترجمة @UIUIUIUE
×عبارات هــادئة @SenoHome
× قــــناة الضـحك @wtewmg
× تحشيش عراقي @pppppppp_i
× لـوز وســگڪر @B_FRIENDS1
× الصــــور تقــــول @iiiii9 باز کردن / نظر دهید

2021-07-23 15:28:27 شوي واتصلت وفتحت هيا الخط حجيت بحده : هسه جوري اريدج تجين للبستان اريد افهم منج شغلة وحده بس ..

كطعته منه وظليت الوب بمكاني اروح و ارجع خايف لا يكون الي ابالي صح ..

كلت بتعب : جوري كلشي و لا اطلعين أنتي الي حجيتي اتوقعه من الناس كله بس انتي لا ..

شووي واشوفه اجت عليه حجت بحده : خير شهااب شعندك تصيح وتهدد شكووو ..

اقتربت منه بعصبية : سؤال واحد واريدج تجاوبين ..

رفعت حاجبه : شنووو !؟

: أنتي الي حجيتي لهلي على موضوع علي !؟

باوعت متفاجئة : شنو تقصد شهااب شنو اهلك عرفو ..

كتله بصياح : اييي عرفووو ومنين مادري ومحد يعرف بهذا الشي غيرج انتي وغسان ..

: شنو معنى كلامك هذا تشك اني حجيت ..

: مادري جووري راح اتخبل محد يدري بس انتم

: وليش اجيتني روح احجي وي غسان
: غسان لو يريد يحجي جان حجه من زمان مو هسه بس شمعنى من عرفتي انتي كله عرفت!؟

باوعت بغضب : شقصدك اني حجيت ..

كتله بغضب : ماقصدي هيج بس فهموني منو الي حجه تعبت والله ..

حجت بهدوء : شوف شهاب اني وعدتك ماحجي اي شي لان خفت على الطفل لا ينظلم لو يحجون عليه أنت تعرفني اني عند كلمتي ..

لزمت الشجر اسند عليه كعدت بلكاع بتعب احس كل قوااي خارت جبل من الهموم وصار على ظهري
كتله بأنكسااار : تعبت ياجوري والله تعبت شسووي بس كلولي وين اروح ليش هيج يصير وياي ..

ظلت تباوعلي وهيا ساكتة كتله واني مخنوك :
اعرف كسرتج ويمكن الي يصير بيه هاي كله حوبتج بس والله جنت مثل الي مخبل ماجنت بوعيي لان انتي ماشفتي الي شفته ..

دمعة نزلت من عيني : كل يوم اموت الف مره الليل ماانام من الوجع والتفكير لو ابر الكيمياوي الي يموتني بلمكان مدري شلون ارجع اعيش وشعري الي اشوفه يوكع كبالي والالم الي بجسدي لو من اشوف جسمي كله ازرك من المرض ..

لو من اشوف صديقي يموت كدام عيني وهسه ابني الي جنت امأمن عليه محد يدري بسالفته وهسه كله عرفت اني ماخايف على نفسه لا والله بس خايف عليه هو ..

دنكت راسي وحجيت بصوت مهزوز : دخيلك ربي ساعدني ليش هيج صاااار وياي بعد ما اتحمل لأن تعبت كلش والله ..

كملت بخنكة واني ما اباوع بوجهه : سنين واني متعذب و اتحمل هذا العذاب والألم ويمكن ربي عوضني بعلي على الصار بيه وهسه همه يكلولي عوفه اخخ ..

كالت بهدوء : كوم شهااب قوي نفسك علمود ابنك مو لأحد..

باوعت لكيته دايره وجهه وعايفتني ومشت
بقيت وحدي كاعد سندت راسي على الشجرة واباوع لسما ودمعة ثانية طفرت من عيني مخنوك كلش
احس كلشي انسد بوجهي ...

كمت من مكاني واتصلت على غساان كلي اسم الفندق
ورحت هناك وكلي غضب اكو طرف ثالث الي يدري بهاي السالفة وهو الي حاجي .. بس منو ؟
والله لو اعرفه مايسلم من يمي ...

................

ليث /
مرت علينه ايااام اني وزينب والحمدلله
وضعنه هادئ كلش وصرنه اصدقاء ومتفاهمين
حتى احس دخلت لكلبي حسيته صديقه فعلا ..

كاعد امشي ودزيت مقطع صوتي لنرجس
كتله بأبتسامة: وينج ولج شو اليوم ماكو ترى مشتاقلج ..

سديته منه واني ابتسم دخلت للبيت سلمت عليهم
وصعدت فوك للغرفة ..

فتحت الباب بسرعة باوعت مالكيت زينب
رحت شفت باب الحمام مفتوح منه شوي
وصلت يمه ..
من وصلت وكفت واني مصدوووم من الي اشوفه...

يتبع... باز کردن / نظر دهید

2021-07-23 15:28:27 رحت اخذت الكلادة من المكتبه فتحت البردات
وكعدت بلكااع كبال الشباج اباوع على الكمر والنخل
كاعد وبيدي الشال والثاني الكلادة ..

خليت الشال على صدري من جهة كلبي غمضت عيني
وكلت : احبج مراح ابدلج يا جوري شيلي الحقد من صدرج وسامحيني ..

ماتندمت من حجيت لجوري على علي كلت كلبه طيب
مراح تحجي لأي احد هاي اني اعرفه اكثر من نفسي ..

مشتاق اله كلش كمت يوميه اروح للبستان العصر
اعرفه تجي هيج وقت هناك مرات ما الكاها بس ماايست كلت تجي وعرفته كامت تغير مكانه حتى لا اشوفه بس اني ظليت افتر بلبستان كله كمت احب هذا البستان لأن بسببه اني اشوف جوري..

ثاني يوم طلعت لشغل لان اشتغل بشغل اهلي
رجعت للعصر حتى غده تغديت بره لان مالي واهس اكعد هناك لان اذا اكعد احن واشتاك لجوري ..

رجعت للبيت دخلت وجان اشوف أبوي كاعد
وامبين عليه العصبية ووجهه احمر يهز برجله وامي كاعده يمه وخاله ايده على خده ..

البنات ملتمات جمارة وزهرة وزهراء وحتى غسان موجود والي صدمني جدي هنا ..

كتلهم : سلام عليكم..

ردن البنات وغسان بس أبوي لا باوعت على غسان
اشرتله بمعنه شكوو .. هو راد يجي يحجي وياي
بس صوت أبوي وقفه كال : اووكف غساان ..

باوعت على أبوي : شكو بويه شبيك ..

كام أبوي واجه عليه كال بحده و وجهه محتقن
من العصبية : هذااا الطفل الي جبته وياااك أبن منووو !؟

باوعتله مصددوم وعرفت أهلي عرفوو بس سويت نفسي مامنتبه : شقصدك بوية شنو ابن منوو غير أبني ..

كال بصياااح: شهاااب لا تجذب عليه ترى كلشي عرفت..

غمضت عيوني واني راص ضاغط على أيدي بقووة
: وهسه من عرفتوو شنو الي يفرق ..

كال جدي :ولك شهااب شنو هذا الحجي يعني هذا الجاهل مو أبنك ..

باوعت عليهم بصياااح وعصبية : لااااا علي أبني مو أبن غيري ..

كال أبوي : أبووو منو لهذاا الطفل احجي شهااب ليش ولك تجذب علينه هلكد مالنه احتراام ولك سودت وجهي هذا ابن منو بس لا أبن حرام ..

اتسعت عيوني من كلامه كتله بعصبية واني فقدت : كااافي بوية كلشي و لا اعراااض الناس هذا الطفل اهله اشرف من الشرف هذا ابن صديقي بوية انولد واهله بيومه ماتوو بحادث ..

غوركت عيوني : هذااا ابوه شماا اسوي عمري مراح اوفي جزء من الي سواه الي وهيا وصيته ابنه يبقى يمي..

غمض عينه أبوي : استغفر الله زين اهله وين عمام خوال المن جبته يمك ..

كتله بخنكة : ماله اي احد غيري اني صرت اله ام و اب و اخ وصديق صرت أله عم و خال حتى جبته هنا حتى لا يحس نفسه غريب ماله اهل اريده يحس عده اهل وعزوة من يكبر يسند نفسه بيهم ..

كالت زهراء : بس ذوله مو اهله ..

باوعت عليه بغضب : انجبي انتي فهمتي ذوله اهله وغصبا على الي مايرضى لا تخليني اسوي شي ما يعجبج انلصمي احسن ...

كال أبوي بهدوء: صدك كلامه احنه مو اهله ..

كتله : شقصدك بوية ..

كعد أبوي ودنك راسه : رجعه شهاب من وين ما اجه ..

فتحت عيني بقوة : شنووو شتحجي بوية شنو ارجعه مستحيل هذا ابني ..

كالت أمي : مو أبنك روح وديه لأي مكان هم عوزنه نتحمل ولد الغربة ..

كتله : يمه هذا حفيدج مو على اساس تحبيه..

كالت بحده : من جنت اعرف ابنك هسه لا ..

ابتسمت بأستهزاء : عود كلت أهلي اشد بيهم الظهر اجيب أبني يمهم حتى يشوف اهل ابوه ويتفخر بيهم مع كل الاسف ..

كال أبوي : مو أبنك هذا ابن صديقك ..

باوعت عليه واني كاره روحي بهاي اللحظة كتله بغضب :أبني هذا ..
اذا ربيته من عمره يوم وكبر على هاي ادية و اول كلمة حجاها الي هيا بابا واول مشيه مشاها جنت وياه اني ولازم ايده حتى لا يتعثر اني سهرت وياه من يمرض اظل لصبح كاعد اذا ما يناام ..
كل هذا وتكول مو أبنك لعد أبن منوو ..

شفتهم كلهم ساكتين هزيت راسي باوعت على جمارة كلت بحدة : جمارة..

باوعتلي بخوف: هااا خوية
بدون ما اباوع عليهم كتله بأمر : جيبي علي ..

اجت وانطته الي باوعت عليه : حضري ملابس علي و ملابسي هم شوي واجي حتى اخذ الجنط ..

باوعت لغسان الي حاير: حضر جوازاتنه والمستمسكات اريدهن .

حجه أبوي: وين تريد تروح ولك ..

درت وجهي واخذت علي كتله : البيت الي مايستقبل ابني ماقبل اتواجد بيه وراح ارجع من وين ما اجيت ..

طلعت بره واني بداخلي بركاان اجه عليه غسان يركض
كال : ولك وين تروح اهدئ خل نفتهم ..

باوعتله بغضب : ليش هيج غسااان عود امنت عندك ليش تحجيلهم ..

كاال بسرعة : وحق هو الله لا حجيت ولا انطيت بسرك
اصلا اني انصدمت اكثر منك من ابوي حجه وياي ..

كتله بعصبية : لعد منو الي حجه هو بس انت كتلك ..

كبل اجت ابالي جوري معقولة هيااا لا ماصدك
ليش لا خاف هيا حجت حتى تريد تنتقم مني ماصدك يربي ...

كتله واني اتنفس بسرعة من الغضب : اخذ علي و وديه على اي فندق بس لا يدخل هنا واني ارجع عليك شوي بعد ..

مشيت وهو يحجي وياي بس ابد مو وياه اني اريد افتهم السالفة ...

ركضت للبستان متوجه يم شجرة التكي اتصلت عليه كل ساعه ماتجاااوب زهكت دزيت رساله اله :جوري جاوبي لا قسم بالله اجيج للبيت .. باز کردن / نظر دهید

2021-07-23 15:28:27 اختفت ابتسامة أبوي وهدوء كله تباوعلي بسكته وهم مصدومين ..

كال أبوي : ليش بوية اكدر اعرف !؟

:بابا احس نفسي ما مستعده هسه لزواج ومسؤولية
اريد اخلص دراستي وهم افرغله فا رد الجواب اني ما قابله ..

كام أبوي و كال : بكيفج بويه وارد الخبر اله ..

كام و أمي حجت بفرحة : عفية بنيتي الي سمعت كلامي لعد مثل اخيتج الجبيرة من كتله ارفضي بعدين وافقت تاليه شسووه بيه والله لو ما اخاف أبوج يسمعني جان هلهلت ..

هز أيده شهاب بأستهزاء : استغفر الله لو اعرف وين تردين توصلين يمه جان صرنه بخير ..

باوعت اله و كالت : والله لو تسوي الي ابالي جان تفرحني و ارضى عليك اكثر ..

باوعت لزهراء وهاي ابتسمت ودنكت راسه ماعجبه الكلام شهاب عافه ومشه ..

بقت زهراء وزهرة وغسان وامي واني
كالت امي : عفية أبنيتي السباعية اريدج هيج ..

كتله بهدوء واني كلبي محروك: يمه ترى لا تفكرين
اني رفضت علمودج انتي لان حجيتي وياي لا اني رفضت لأن صدك علمود دراستي ماريد اتعطل ..

كمت ورحت صعدت فوك لغرفتي سديت الباب
كعدت وبجيت شكد اتمنيت يجي هذا اليوم
ومن اجه رفضت بدون جبر رفضت اني بأرادتي
علمود اكسر غرور غيث وعناده واكله مو كلشي الي تريده يصير ..

بقيت بمكاني ساعة اتندم على الي سويته واكول
جمارة مو هذا حلمج ليش هيج سويتي وضيعتي هذا الحلم من أيدج ..

وساعة اكول لا احسن شي سويته من رفضت غيث
لان اني وياه ما متناسبين صح اني حبه بس هو لا مايحب ..

بس كلبي يكلي غيث يحبج لان الي يسوي هيج
بس يحب يعني يريد يورط روحه بزواج من شخص
مايريده والله عود بس هيج الي اريده اسويه ..

بنص الأفكار ورن موبايلي باوعت لكيت غيث يتصل
اني من حبي اله حتى رقمه مسجلته مرات اشوف
صورته على الواتسااب ..

غمضت عيني وجريت نفس ظل هو يرن بس اني ماجاوبت انكطع الخط شوي ورجع اتصل مره ثانية ..

اخذته وأيدي ترجف فتحت خط وخليت الموبايل على أذني ماحجيت شي بقيت سااكتة و هو كذلك ماحجه شي بقه ساكت ..

شلون يعني نبقه هيج مانحجي اي شي كلت خل ابادر اني و اجاوب ..

حجيت بهدوء : الووو ..

سمعته جر حسرة احس روحي راحت وياها
لو اعرف ليش هيج يسوي..

كال هو : ليش رفضتي جمارة !؟
كتله بخنكة : غيث أنت ليش خطبتني ..

: تكولين ليش ؟ الله عليج من سويت هيج شنو اجه ابالج اول شي ..

سكتت شنو اكله اجه ابالي أنت تحبني وبعدين يجرحني ماريد هيج ..

كاال بتعب : احجي جمارة ليش ساكتة ..

كتله بهدوء : اجه على بالي أنت تحبني و لا تحجي شي وتجرح بيه غيث بس تررى اي وحده تسوي وياها هيج تكول يحبني ..

كال ؛ وهو هيج ..

رفعت حاجبي : شنو هيج !؟

: قصدي هو هيج اني احبج جمارة و لا تسألين يمته لأن اني ماعرف يمته حبيتج بس كل الي اعرفه صاير من اشوفج كلبي تتخربط دكاته ومن اريد انام واحط راسي على المخدة تجين انتي كبل على بالي و احلم مرات بيج جسمي كله يرجف بس من ينذكر اسمج كبالي حتى مرات ابتسم من اسمع احد يسولف بيج يكول واحد مخبل ..

صافنة على كلامه ومصدومه دموعي ماحس بيهن ينزلن مثل الشلال ماصدك غيث البارد الي كلبه مثل الصخر هيج يحجي وياي كلبي يدك بسرعه والموبايل يرجف بسبب رجفة أيدي مثل صاعقة كهربائية و سرت بكل انحاء جسمي ...

كال : احجي جمارة ليش ساكتة ..

كتله بهدووء ممزوج على خجل : شتريدني احجي
غيث ..

: كولي ليش رفضتي اريد ارتااح ..

كتله : تذكر كلامك شحجيت كلت مو حب بيج
اريدج عناد لأن الي اريد اسويه واني رفضت من هذا الشي ..

حجه بغضب : الله ياخذني من حجيت هيج حجي ماعرف وين جان عقلي و هم اتنرفزت من سمعت تردين تنخطبين اصلاً اني بوقته ردت احجي وياج ..

كتله بهدوء : بعد مايفيد الحجي غيث هاهيه اني رفضت..

: ارجع اخطبج جمارة ..

: لا تخطبني و لا شي ترى مانسيت اي شي من كلامك ..

كاال بنبرة بيه حدة : مو على كيفج اني احبج وانتي هم تحبيني لا تكابرين ترى اعرف شنو مشاعرج اتجاهي والحب الاول عمره ينسي افهمي شي جمارة وخليه ابالج انتي لغيري ماتصيرين ...

حجه هيج ونهه الاتصال سداه بوجهي بقيت بمكاني ولازمه الموبايل مصدومه من كلامه معقولة هذا غيث لو مبديله !؟

اضحك وابجي كمت مثل الخبلة ياربي شكاعد يصير
مدري احلم لو حقيقة الي كاعد يصير ترى والله هواي عليه اليوم و ما اتحمل...

...............

شهاااب/

يآ حَنين شصآر ؟
چآ موش آحنه مِنك وآنتَ منه ؟
يآ حنين إتلآحك اليخفك بصدري
الليله توجعني المَحَنه ..

الساعة ب٢:٣٢ بليل ..
باوعت علي نايم غطيته زين لا ياخذ برد الجو كلش بارد ..

تمددت بصفه خليت ايدي جوه راسي والايد الثانية
لازم بيه شال جوري ومخليه على خشمي اشم عطره
مغمض عيني حسيت العطر رايح ..

كمت من مكاني اخذت الشال فتحت الكنتور
لكيت العطر كبالي ابتسمت رشيت الشال من العطر
ورجعته بلكنتور ..

اخذت الشال واستنشقت من عطره غمضت عيني
واجر نفس بقووة صحت : اوووف لو تسامحيني ياجوري غلطي صعب ينغفر اله بس كلنه نخطأ واني اخذت الدرس .. باز کردن / نظر دهید

2021-07-23 15:28:27 البارت 29




~~~~~~~~~~~~~~~~~~~~~~

هم تدرون ؟
تدرون الحزن يمته ؟
من ناسك يسالونك على الـ ردته
من عمداً يحاچونك بسالفته
الفشلة تفيض
چي مامش جواب خلاف
فضت عافني وعفته ..

~~~~~~~~~~~~~~~~~~~~~

جمارة /

: عمي بنتكم جماارة ماتروح لغريب اني ابنه عمه اوله بيه و انهي عليه ...

فتحت عيني بقوووه كله ظلت بتاووعلي
امي : دهررر شيريد هذاااا شنو ينهي ...

اني واكفة مصدوومه هذا شيحجي دخيلك ربي
اني بحلم لو بعلم شصااير ..

غساان بحده : شنو هذا الأسلوب غيث عيب احنه
وين كاعدين ..

: ماكو شي اسمه عيب واني ماسويت غلط بنت عمي
واريده الي اني اوله من الغريب لو تردون تردوني
وتفضلون الغريب عليه ..

كال أبوي :طبعا ما نفضل الغريب عليك وانت اولى
بس مو هيج تجي ترى عدنه بيت تجي وتحجي ويانه
ولا هيج تريد تشهرنه انت ..

: آسف عمي بس من سمعت هذا اجه وخطب جمارة
اني ماظل عقل براسي حتى اهلي مايدرون هيج سويت ..

: شووف اني راح انطي القرار لبنتي ماكدر اجبره على شي ماتريده حتى لو ابن عمه انت بس يبقى
القرار الاول و الأخير الها لأن هذا زواج مو لعبة ..

سكت غيث شوية رجع كال : ميخالف مثل ماتكول عمي وهذا راسك احبه واعتذر على السويته ..

اجه بااس راسه ومشه حسيت الجو هدئ
سمعنه صوت خطواتهم اجوو دخلو للبيت وغسان معصب من الي سواه غيث بس شهااب هادئ و لا كأنو صاير شي ..

امي اقترب من أبوي وكالت : هذاا شيريد وشعنده ..

كعد علر القنفة أبوي و كال :مثل ماسمعتي الولد خطب جمارة مني و ماقبل تروح للغريبة ..

كالت أمي بأستنكار : يااا وهذا اكو واحد عاقل يخطب هيج بس والله هم بيت سلمان كلهم مسودنين
انت نسيت سوايت جويريه ..

باوعنه على شهااب سكت ماحجه شي خزره أبوي
وكال : مالنه دخل بهاي السالفة هسه احنه نحجي بسالفة جمارة و غيث ..

امي حجت : وشنو بس لا تريده توافق عليه ..

: يي وليش لا أبن عمه اولى بيه عاد نعرفه ونعرف اطباعه بس كلت القرار الاول لجمارة اني مااغصبه على اي شي و هيا تدري كلش زين ..

رفعت حاجبه امي : يعني عادي عندك اذا توافق ..

: والله افرح اذا توافق عليه ..

عصبت امي : شنووو واني مااقبل انطيه لغيث
نسيت شسوت اخته وشلون فشلتنه و جابت الحجي النه و كسرت بكلب أبني هسه تريدني على الجاهز اقبل و اكللهم هاكم اخذوو بنتي لا والله احرك كلبه مثل ماحركوو كلب أبني صح جنت ما قابله على الزواج بس هو اختاره ..

كام شهاب بعصبية : يمه شدخل هاي بهااي ..انتي نسيتي شنوو لو تردين اذكرج ترى لا تنسين اني عفته بيوم الخطوبة و اني كسرت كلبه وخليت الناس تحجي عليه و على اهله و هيا ماسوت شي غير حقه و اني وراه لحد ما تقبل تسامحني و تكلي مسامحتك بهاي الساعه ارتااااح و افرح ..

زهراء حجت بقهر : وكرامتك شهااب ترى هيج كاعد تنزل بكرامتك و ياريت هيا تستاهل ..

باوعله و خزره اني من يمي خفت كال بعصيية :
انعل أبوو الكرامة اذا هيج .. ترى اني ماسويت شي ينزل من كرامتي بلعكس بهيج شي اريد ارجعه
لان كرامتي من كرامة جوري و مارتاح الا من تسامحني ..

رجع كال وهو يباوعله : واذا جوري ماتستاهل انزل نفسي علموده لعد منو الي يستااهل !؟
اخذ ابنه وصعد فووك وعافنه صاار الجوو متوتر
ومشحووون ..

كالت امي :اني هذا الي عليه كتلكم غيث ما ياخذ جمارة ..

ابوي كال : مو بكيفج فهمتي ..

باوعلي و كال بحنية :بويه القرار الج و انتي بكيفج توافقين لو لا صح ابن اخوي وصعب اكله لا بس يبقى زواج وحياة طول العمر انتو الي راح تعيشونه بحلوه ومره و ماريد اجبرج وبعدين اتحاسب اذا صارت مشكله انتي وياه ..

هم و أنزاح على كلبي من سمعت كلام أبوي هيج
كتله :ماعرف بابا ..

كال : فكري وباجر رجعيلي الخبر ..

كام وراح لغرفته باوعتلي امي وخرزتني :وعلي يا جمارة اذا توافقين تنزلين بكرامتنه كلنه ..

صاح غسان بعصبية : يمه شكال أبوي هسه محد اله دخل غيره هيااا شو امشي جمارة معليج بيهم ..

كام هو هم كامت وراه زهره واخذت سما وصعدو فوك
بقت زهراء و امي الي بس تخزر بيه خفت اني
وكمت بسرعه وصعدت هم فوك لغرفتي ..

دخلت للغرفة وسديت الباب وراي كعدت على الجرباية
مامصدكه الي اسمعه غيث اجه و طلب ايدي زين
ليش شنو يحبني محد يسوي هيج غير الي يحب ..

ابتسمت واني اخلي ايدي على كلبي يدك بسرعه
حقه مامصدك اذا اني لحد هسه ما مستوعبه الي يصير
حلمي وحبي راح يتحقق ...

فجاءة وبدون سابق إنذار اجه ابالي كلامه (تكدرين تكولين تحدي )
اختفت ابتسامتي واني اتذكر الي صاار كله
غيث علمود يسوي الي يريده طلب ايدي مو حبن بيه
غمضت عيني و اني اريد اهدي بنفسي اووف
فتحت عيني و اني اخذت القرار الي لازم اسووي .

ثاني يوم كلنه كاعدين وابوي يشرب جاي واني كاعده متوتره المفروض هسه اكللهم بلقرار الاخير ..

باوعلي أبوي خله الاسكتان على الميز و كال بهدوء : هااي بوية فكرتي ..

هزيت راسي : يي بابا فكرت ..

ابتسم : وشنو قرارج ان شاءالله خير..

اخذت نفس و كلت بهدوء : بابا اني ماموافقة على هذا الزواج .. باز کردن / نظر دهید