2021-07-25 14:26:54
خله شاهر ايده على كتفي و كال بأبتسامة:
روح جيبة و تعال يلاا ..
هزيت راسي و رحت اريد اصعد السيارة و جان أشوف
جوري واكفة يم الباب و مادة راسه من شافتني أبتسمت برضى و هزت راسه بادلته الابتسامة و صعدت لسيارة ..
رحت حتى أجيبه و أجي و اني فرحان وصلت للفندق رحت لشقة فتحت الباب لكيته نايم رحت كعدته بهدوء
كتله : يلا بابا كوم بدل حتى نروح ..
حجه بنعاس : وين بابا نروح ..
ابتسمت اله : يلا بابا نروح لبيتنه جدو يريدك و مشتاقلك ..
فرح كال : صدك بابا ؟
هزيت راسي : يلااا كومي غسل وجهك ..
طفر من الجرباية فرحان و اني فرحت على فرحتة
راح غسل وجهه وطلعت ملابس اله بدلت اله و مشطت شعره و خليتله عطر ..
رحت بدلت اني هم وكفت على المراية تكون طويلة
اجه هو واكف يمي كال بأبتسامة :اني حلوو مو مثلك ؟
دنكت لمستواه بسته من خدة : ارووح فدوة تخبل
بوية اكو احلى منك حتى صاير احلى من يمي كمت اغاار ..
باوع عليه : صدك حلووو اني ..
هزيت راسي و حضنته : كمر جنك بوية ماكو بجمالك تخبل ...
لزمت ايده و اخذت جنطة الملابس طلعنه و رحت صعدت بلسيارة صعدته كدام يمي و رحت اني صعدت و حركت ..
بلطريق باوعلي و كال : بابا اريد حلويات ..
: تامر بوية ..
رحت وكفت يم محل كتلة : ابقى هنا بابا ..
: لا اريد انزل وياك ..
: يلا ..
رحت فتحت السيارة و نزلته دخلت هو محل صغير على الشارع ظليت ملتهي اخذ اله حلويات و هم لسما بت غسان لا يتعاركون ..
وصلت يم ابو المحل دفعت الحساب حجيت و اني امشي: ييي بابا علاوي تريد بعد شي ..
ماكو صوت باوعت علي مو يمي ظليت افتر ماكوو
طلعت بره اريد اشووف و جان اشوفه يمشي بأتجاه طريق السيارات يباوع لمحل مال العاب ..
فتحت عيني بأتساع رحت ركضت عليه اريد الحك بيه لا يوصل بس وكفني و اني اشوف سيارة مسرعة جاية بأتجاهه تضرب هورن بس ماكو فايدة ..
حسيت روحي انشليت اريد اوصله ماكوو
ماحسيت غير صحت بصووت عالي : علليييي تعاااال ..
هو دار وجهه عليه ابتسم و راد يجي : بابا ..
ماشوف غير انشمر بأتجاه الثاني والسيارة مشت ماوكفت عليه ..
طاحن العلاليك من أيدي واني باقي بمكاني ما متحرك
مصدوم من الي شفته كاعد اعيد الحدث براسي ..
ناس نزلت من السيااارت و ابو المحل طلع من محله يركض يشوفه واني بعدني هناا مامصدك الي أشوفه..
حسيت الهوى انكطع من يمي دمعة نزلت من عيني كلت بهمس : بوية علي ..
حسيت على نفسي حركت رجلي و مشيت اله بس شنو احس الخطوة بألف ياعلي يلا اوصل ..
وصلت يمه ماشوف شي منه لأن الناس التمت عليه
صحت بخنكة : وخروو خل اشوفة اني أبوه ..
ابتعدوو من يمي و يباوعولي بتأسف و شفقة
شفته الدم مغطي راسه رحت كعدت بصفة ايدي ترجف رفعت راسه وخليته بحضني كمت امسح الدم من وجهه
كلت : علاوي حبيبي كووم يلا خل نمشي لبيت جدو منتظريك هناك يلا كوم ...
بس ماكو اي رد حضنته اكثر وبسته من راسه :كوم حبيبي شووف بابا شجابلك من حلويات كوم شوفهن لحد ياخذهن منك..
اخذته بين أحضاني وظليت ابجي حست نفسي اختنكت حسرة بداخلي اريد اطلعه اخر شي دفنت راسي بصدرة و جسمي يهتز : علي كوووم فدوة لا تعوفني أنت هم ..
اجه واحد وخرني من يمه شافه و كال بصوت عالي : الولد عده نفس بس ضعيف بسرعة اخذوو خل نتلاحك عليه..
كام اخذه مني و شاله واني بمكاني ماتحركت اجو ثنين سندوني و كوموني من مكاني و اني مثل الالة اروح وياهم ..
وصلنة للمستشفى بسرعة دخلوو للعماليات و اني بره كاعدة يم الباب و منتظر الفرج ....
.....................................
شاهر /
كاعدين بلصالة و مانسمع غير صوت صياااح قوي من بيت عمي ابو غسان كلنه طفرنه كال أبوي : يا ستاار شكوو شصاير ..
محمد ؛ بوية الصوت من بيت عمي ابو غسان ..
حجه هيج و أبوي كعد على القنفة كال : روحو ولكم لا عمك بيه شي راح حيلي امشوو بسرعة ..
طفرنه كلنه حتى البنات من الخوف طلعن ورانه بدون عبايات ..
دخلنه جووه للبيت شفت أمه كاعده تبجي و تعيط
وجمارة وزهراء وافكات يبجن ..
اجت فاتن عليهن تصرخ بخووف و تبجي :شكووو احجم شصاير ابوي اخواني بيهم شي ..
حجت جمارة بخنكة و دموعه تجري : علي سوه حادث هسه خابر غسان و كال حالتة حرجة كلش و امل كلش قليل يعيش ..
شهكن البنات بفزع كال جوري بهمس :شهاب ..
اني يمه و اسمعه بس غيري لا اباوع عليهن ظلن يبجن كسر خاطري الولد و شهاااب شكد تحمل و شاف من عذاب ...
كلت : وهسه وحده شهاب ..
حجت زهراء : لا عمي راح و غسان ..
هزيت راسي و طلعت و طلعو وراي غيث و ليث و محمد يرحون وياي و شفنه فارس و أبوه هم طلعووو
نسينه أبوي كلت ليث: ليث روح لابوي لا يصير بيه شي ..
سقت السيارة و بصفي محمد و وره كاعد غيث
1.7K views11:26
ق
