قصص💜✨

2021-07-22 20:40:43 وجسمي يهتز من البجي مختنكه كلش هاي اليومين
ويمكن من سبب شاهر ..
ماحس غير ايد انمدت على كتفي صوت جوري هذا
كالت : ليش تبجين رسيل ..
ماحجيت ضليت ساكته كعدت يمي و وخرت ايديه من وجهي باوعتله وعيوني تصب دمووع كالت بندم : اسفه يعمري لان صيحت بوجهج بس صدكي جنت منفعله ..
هزيت راسي واني اشهك : مو موعليج اني ...
كالت : لعد ليش تبجين شبيج !؟
شهكت شهكه احسه طلعت من روحي كتله :
اا اريد بابا مشتاقتله ..
اني هيج حجيت وظليت ابجي اجت هيا وحضنتني
تهدي بيه حضنته اني اقووه وابجي واحجي وياها
اكلله ليش عافني وحدي اريده يجي ..
صرت مثل الطفله بحضنه مثل وحده ضاعت لعبته
ومتعلقه كلش بيه وماتنام الا و هيا موجوده صرت اني هيج ابجي و اكلله اريد بابا ..
رفعت راسي و اني بعدني بحضنه و اشوف شاهر واكف بعيد عنه يباوعلي و مكتف ايده ظليت صاافنه عليه
وهو يباوعلي بنظرات غريبة اخر شي دنك راسه وراح عافنه ومشه ..
ابتعدت عنه واني اشهك ودموعي تنزل دنكت راسي
ظلت تمسح بدموعي و عيونه مغوركه كال بأبتسامه
: اشش كافي بجي ولج ماعرفتج اول مره اشوفج هيج
لا تبجين يروحي ابوج راح لرحمة الله ترى مايصير هيج تسوين و تحجين بدال ماتكعدين تقريله قرآن او فاتحه
تسوين هيج لا تعذبينه بهاي دموعج خطية مايصير ..
كتله و اني تعبانه: بس مشتاقتله هوااي ..
: ادري يعمري ومحد يلومج بس بعد هذا يومه وقضاء الله مانكدر نعترض كافي يعمري امسح دموعج ..
مسحت دموعي و سكتت ماحجيت شي بس هيا حجت وكال : ولج صدك عوبة شنو تكولين وحدي و محد يمي لعد احنه شنوو هنا غير كلنه اهلج ونحبج اخواني اخوانج و اني اختج مو بت عمج وانتي بت سلمان فهمتي مثل ماهو ابوي هو هم ابوج لا تظلين تحجين زايد لا وعلي الطشج بلكاااع ..
ضحكت على كلامه هيا من شافتني اضحك حضنتني
و كالت : يعممري دومج ياارب فرحانه وتضحكين
لا تظلين تتكأبين ..
: مااشي ..
بليل وي العشى تعشينه كلنه وخلصنه الولد طلعوو
وفاتن راحت لغرفته و زينب هم وجوري صعدت فوك
بقيت بس اني وحدي ..
كعدت بلمطبخ كاعده وصافنه وماعرف الي دخل او طلع من صفنااتي ..
ماحس غير صوت عالي فززني من صفنتي رفعت راسي
لكيت شاهر واكف ويباوعلي برود ..
تذكرت كلامي ويااه دنكت راسي ماحجيت اي شي
كال بهدوء : شبيج عليش صافنة ..
ماحجيت اي شي بعدني ماخذه موقف منه و من كلامه وهم منحرجة ..
كال بحده : مو احجي ويااج ليش ما تجاوبيني ..
رفعت راسي كتله بهدوء :مابيه شي ..
كمت من مكاني اريد امشي و كال : ليش ماشيه ابقي اني رايح ظلي بمكانج ..
حجيت ويااه بنبرة هادئة : لا اصلاً اني اريد امشي ..
قبل لا يمشي تذكرت و كتله : شاهر ..
رجع وكف دار وجهه عليه كال : ها بوية خير رايده شي ..
دنكت راسي و كتله : أسفة اني..
كال : عليش الاسف ليش تتأسفين ..
رفعت راسي عليه و كتله : على كلام ذاك اليوم اتمنى تنسااه لان حجيت هيج وعلى كولتك طفله اعتبرني وهيج حجيت او كول جنت اشاقه ويااك ..
رفع حاجبه و كال : ليش هيج تحجين ..
أبتسمت بحزن : مو هذا كلامك اني جاهلة و ماعرف اتصرف فا هسه اكلك خاف ازعجتك ذاك اليوم اعتبره شي ماصاير ..
اقترب هو مني و نظراته هدئت و كال بهدوء :
لا تزعلين مني رسيل لان هيج حجيت ..
كتله و عيونه مغوركة : لا لا ماكو شي ازعل ..
اذا اريد ازعل فا ازعل على نفسي لان رخصت من نفسي و اهنت كرامتي من حجيت هيج بس كتلك اعتبره شي ما صاير و بعد ماكو بيناتنه اي شي يعني اذا جنت ازعجك من احجي ويااك ..
:مو هيج رسيل ..
ابتعدت و كتله بأبتسامه : هيج احسن حتى لا تضوج من تصرفاتي اكثر و تكول عليه طفله ماريد تزعل مني لان أنت ..
كملت كلامي بغصه : أنت مثل أخوي ..
باوعلي و كال بهدوء : اخوج !؟ ..
:يلا عن اذنك ..
رحت من يمه و هو ماحجه شي صعدت فوك لغرفتي
سديت الباب و كعدت على الجرباية ظليت صافنة ..
دمعة لا بيها التطيح
ولا بيها التعوف الجفن غافي .
مرت ايااام واني احس نفسي تعباانة كلش ماجنت اتصور حبي لشااهر هيج حب جبير ..
اول مره بحيااتي احب جنت اضحك على الي تكول احبه اموت عليه شلون اعيش من دونه اموت اذا مايحبني اكول والله شنو هو الحب ..
لحد ماطحت و حبيت شااهر ابو القلب البارد حبيت شخص بااادر و قااسي ليش هيج طحتي يارسيل ..
تعبت كلش نفسيتي صاارت صفر الاكل عفته كمت اذا اريد اكل بس وجبة وحده بليووم و من اصعد وحدي بغرفتي اكعد و ابجي مثل الطفلة مختنكه كلش و احس على ساعه و الهوى ينكطع مني مدري شصاار بيه و بحالي .
كله لاحظت تغير بتصرفااتي جنت اشاقه واضحك وياهم هسه ابد كاضيته صنته و حتى ماسولف هواي
وغيث اكثر شخص متفقدني لان اشاقه ويااه... باز کردن / نظر دهید

2021-07-22 20:37:54 البارت 26
.
لا اريد شيئاً سوى إعاده لهفتي
اريد اني افرح من اعماق قلبي اريد اني استشعر بـ نبضات الفرح
اريد ابكي فرحاً
اريد ان احتضن شخصاً متلهفاً عليه
اريد رجوع إحساسي ..
~~~~~~~~~~~~~~
رسيل /
مر اسبووع كامل من اعترفت لشاهر بحبي واتندمت
كلش على تصرفي هنت كرامتي بهذا الشي وهو اخذ
هذا الشي بأستهزاء وعباله جاهله و مراهقة و ماافكر
بأي شي ..
تحسرت كلش ليش يربي مامكتوبلي اي شي
ليش كل شخص احبه يبادلني العكس امي تكرهني و ماتحبني و شاهر احبه و مايبادلني هذا الشعور
من اتذكر كلامه احقد عليه مرات بس اكول هو ماله دخل لان ما كالي احبج و لا انطاني وعد ..
اني من نفسي ورحت اعترفتله حتى هو انصدم من يمي ..
يعني هاهيه راح يزوج بنت خالته هاي الي اسمه رواء
لعد شبيه اني و مايريدني ..
تعامله بهذا الاسبوع تغير وياااي كلش اذا جان يسولف وياي فا هسه ابد ماكو من يشوفني كبل يدير وجهه ويمشي ..
واذا اباوعله يخزرني و متأسف شكد كرهت نفسي وكرهته هم ضجت كلش من نظراته ..
كاعدين اني وجوري و كتله بتساؤل :
اكلج صدك شاهر شعجب لحد هسه ما متزوج ..
: شعرفني امي ملت منه تريده يزوج وهو رافض كلش
: ليش مايريد !؟ مو على اساس خاطب بت خالتج انتي كلتي ..
باوعتلي ابتسمت و كالت بهدوء : هو اصلاً مراده بس امي كالت اريده الك و هو رفض كال اني اعتبره اختي و مامفكر بيه واذا اريد افكر بلزواج اني الي اختار و احسه مناسبه الي و رواء ما احسه تناسبني بس بقت امي تريده اله ..
ماعرف شي بداخلي فرح كلبي احسه يركص من الفرح
من عرفت انو مايريد بت خالته بس شووي وخاب ظني كله و بده الحزن ينسرم على وجهي من تذكرت كلامه
كاافي رسيل انسيه هذا مايريدج يعتبرج اخته ...
باوعتلي جوري و كالت : شبيج رسيل !؟
هزيت راسي بنفي : مابيه شي بس حسيت راسي يوجعني ...
باوعتلي بشك : متأكده!؟
: ييي لا يظل بالج ..
غيرت الموضوع و كتله : وانتي شراح يصير وياج شنو تاليته ؟؟
باوعتلي و كالت : شقصدج على شنو ..
: قصدي انتي و شهااب شراح تسوون ..
ابتسمت و كالت : نسووي !؟ حسستيني بيناتنه حب و اهلنه مقابلين بحبنه ههه ...
: جوري لا تنسين شهااب بعده يحبج و هو جان اله سبب بغيابه ..
باوعتلي بغضب : شنوو السبب هاا كولي !؟ جان مريض موو بس هذاا مو سبب يخلي يروح ويعوفني انتي ماشفتي الي شفته و لا جنتي موجوده فا حقج هيج تحجين ...
اتغاضيت عن كلامه : اعرف بس هو متندم كلش ويريد تسامحيه ماكو شخص مايغلط واحنه مو انبياء و رسل
حتى مانغلط كلنه بشر ..
دنكت راسي بحزن : نسووي اشيااء بدون تفكير و نغلط ونتندم عليه هو هذا البشر كله اغلاط ..
: حتى لو هو ماعنده اي مبرر ومن كالي هو مريض حسباله راح اتعاطف ويااه مافكر اني كرهته اكثر شقصده جنت مو كفوو وحده توكف ويااه بمحنته ويروح ويمشي خااب ظني بيه هوااي و كسرني مال انطيه فرصه من ساابع المستحيلات ...
:مادري يا جوري بس لو تفكرين شووي ..
عاطت بوجهي انصدمت من ردة فعله : رسيييل كاافي لا تحجين هيج وياي فدوووه اريد انسى اني و انتي تذكريني شنوو افكر على شنوو اصلاً ما يستاهل افكر بيه ...
كمت و كتله بهدوء : براحتج لا تفكرين بس ترى مايحتاجله هاي العصبية كله عن اذنج ..
لبست شالي و طلعت من غرفته عيوني مغوركه اني منا تعبانه وافكر بكلام شاهر و احتاج بس احد يطخني وابجي وهاي صاحت عليه ..
طلعت و الدمعه بعيني شفت شاهر طلع من غرفته لبست شالي و دنكت راسي بس هو انتبه عليه
وكف كبالي و كال : شبيج رسيل !؟
بقيت مدنكه كتله : مابيه شي ..
عفته و نزلت جوه طلعت للحديقة كعدت على الثيل
صفنت وماحس غير بحرارة دموعي نزلت على خدي
احس نفسي بغربه هنااا صح احبهم و يحبوني بس ماعرف هسه حسيت بلغربة اشتاقيت لخوالي هنااك ..
شكد محتاااجه ابووي اريده بهذاا الوقت يحضني
ويمسح على رااسي و يكلي اني ويااج بابا لا تزعلين
يحميني من كلشي ...
اتذكرت ابووي وحنيته ويااي صح جنت صغيره من راح بس ماانسه شكله وعندي مواقف هواي ويااه واتذكرهن
الحمدلله انو مناسيته ..
من اتلكااه من الباب وهو يجي يحضني ويشيلني على كتفه ويظل يبووس بيه ويطلعني بره نكعد ..
بابا اريدك يمي محتاجتك هواي ليش رحت و مااخذتني مو اني بنتك حبيبتك هيج تنساااني حسبالك من رحت امنت انو ابقه بخير يم امي تعال وشوف
امي تزوجت وعافتني وماهتمت بيه ..
اني يتيمة لا أب عندي و لا أم بس بالاسم بس كلشي ماشفت منه ماعندي احد ينصحني و يكلي هذا خطأ وهذا صح ..
صح امي بسمة ربتني وتعبت عليه بس مو مثل الام الي جابتك ..
شهكت بصووت وغطيت وجهي بأثنين ايديه باز کردن / نظر دهید

2021-07-22 20:37:23 شنو منين جبته اكلك احبك و من اول يوم شفتك بيه شاهر صدك تريد تزوج ...
كال بحده : رسيل سدي السالفه ماريد بعد اسمعه اعتبر نفسي ماسمعت شي روحي صعدي لغرفتج يلااا ..
كتله بقهر : مراح اسده واني اريدك تسمع ماريدك تنسى اني احبك بس انت ليش ما تحبني كلي شنو احسن مني وتريده هيا ..
كال بغضب : مراح اخذ كلامج على محمل الجد بعدج جاهله وسوالف مراهقين بعده بيج ..
كتله بصيااح : مو جاهله اني لان كتلك احبك هيج تحجي ..
حجه بعصبيه : بس اني ماحبج و لا افكر بيج انتي بنظري وحده بعده جاهله وصغيره على هيج شي تفكر بس بكلبه واني ماريد هيج شي على اقل شي تبجين انتي عمرج ماتفهميني و لا دخلين كلبي
رسيل انتي مثل اختي كااافي ..

: روحي صعدي نااامي و انسي هاي السالفه لا تخليني اخذ نظره عنج ..



عافني و مشه وخلاني وحدي مجروحه من كلامه
جاهله !؟
صعدت فووك واني ابجي واتندمت جرحتي نفسي وهنت كرامتي ..
نامت رسيل مجروحة كلب وبقية ابطالنه نامو الليلة




نصهم مجروحين من اشخاص الهم مكانه بلكلب ونصهم نااام يفكر بلصاار و منتظر رحمة الله وبيه يفكر بحيااته شراح تصير وتمشي على خير كل ابطالنه ناامو بتعب بعد احدااث اليوم ..
يتبع .. باز کردن / نظر دهید

2021-07-22 20:37:09 اصحى منه مامصدكه الي سوته جوري ابد
وشهااب طلع مريض وجدي يعرف ومايحجي هاي شصاااير حتى الفلم مو هيج دخيلك ربي...
كاعده على الكرسي كبال ميز المرايه وامشط شعري
واحجي بيني و بين نفسي شوي ودخل ليث وجهه مايكصه الطبر فاات و اني اباوعله من المرايه ..
كمت من مكاني و كتله : شنوو الي صاااير اليوم ..
: حالي من حالج تعبت من التفكير...
راح اخذ موبايله اشوفه يكتب طبك حواجبه
كال بهمس : ليش مايرد ..
شمر موبايله على الجرباية بعصبية فتح دكم قميصه
وشمر القميص بلكاااع ..
استحيت اول شي بعدين كتله : شبيك ليث ..
اجه عليه وبخزره : مابيه شي بس لو تبتعدين عني اصير بخير لأن كل الي يصير بيه هسه اني هو بسببج وبسبب جدج ..
رفعت حاجبي اله و كتله : اني شكووو وهيج تحجي ..
حجه بعصبيه :ولج حركااان كلبي كله من وراكم جبرني عليج مدري شاف بيج لعبت نفسي ماطيق اكعد بمكاني اني وياااج سووه من اشوفج اتذكر جدي وكلامه
كتلهم ماريدج بس لا اله تاخذ بت عمك ...
دموعي تنزل وهوو يحجي بعصبيه فااقد بس يغلط
ويسب اخر شي كال : شووو انتي لا جمال لا اخلا
خليت ايدي على شفايفه بسرعه واني ابجي وهو مثل الي انصدم كتله : اشش اسكت فدووه كافي لا تكمل كلشي و لا تحجي عن اخلاقي ما اسامحلك اهلي ربوني خوش تربية مو انت الي تحجي ...
وخرت ايدي من وجهه وهو مصدوم كال :زينب اني ..
: لا تكمل ليث كااافي سمعت بماا فيه الكفاية وتعبت اني هم و كل شخص و اله طاقة تحمل واني خلصت طاقتي مصارلنه فترة وهيج حياتنه كل ماتصير عصبي تذب حركتك بيه اني شنو ذنبي ترى حالي من حالك
لا تحجي هيج و تكسرني ..
كتله بقهر : ترى لصبر حدود و اني اتحمل اي شي
اتحمل انو تغدرني و اقوى على هيج شي و اتحمل هجرك بس تجرحني و تحجي بيه بلطالعه والنازله وكل ساع تذكرني انت مجبور عليه هذا الي ما تحمله تعبت والله ...
عفته ومشيت واني ابجي محروك كلبي تمددت على جرباية وغطيت وجهي و اني ابجي بحركة كلب من ورااه..
طب للحمام ماخذ ملابسه شووي وطلع طفه الاضوية وتمدد على الجهة الثانية ..
هدووء عكس كلوبنه الي عباااره عن عاصفة صايره
ومحتركه بناااار ...
كال ليث : ادري بيج ما نايمه اعتذر منج زينب ..
سكتت ماحجيت شي مليت كل ما يجرحني يكلي اعتذر منج بعديش يا ليث بعد ما تجرحني و تموتني بهذا كلامك ...
.......
رسيل /
طلعت بره بلحديقه وتعبااانه كلش من اليوم كلنه ضايجين من الي صااار و مصدومين هم ماجنت اعرف ولا احد يعرف جوري هيج راح تسووي ..
كعدت على الحشيش بلكااع ثنيت رجلي وخليت ايدي على ركبي وصافنه ..
اتذكرت من شفت رواء بت خالت شاهر شلون مرة عمي فرحانه بيه و تكعده يمه و تكله : يمته يجي هذا اليوم وتصيرين ابيتي ..
من سئلت جوري صدمتني و كالت هاي امي خاطبته لشاهر اخوووي تريده اله ..
مصدومه ليش اني مادري وليش ماحجه يعني شاهر طلعت امه حاجزه بت اخته وتريده اله ..
لعد واني !؟ شبيج رسيل انتي شبيج هو ما واعدج بشي ولا كال احبج واريدج الي ..
كاعده بره و ابجي على حضي المصخم وحبي الي ماكتمل ..
طلع شااهر يريد يخطب بت خالته واني مادري
شو محد كالي اثاري امه حاجزته اله ومن شافته
بلعرس ضلت بس كاعده يمه ..
سمعت صوته : شبيج رسيل ليش تبجين !؟
كمت من مكاني اباوعله هو كالي شبيج واني ابجي
رفع حاجبه و كال :كولي بويه شجاااج تبجين ..
كتله بشهكه : انت صدك خاطب !؟ ..
ساكت هو مايحجي باوعلي بأستغراب : يعني شنو هذا سؤالج وانتي تبجين علمود هيج شي..
دنكت راسي و ماحجيت شي رجع هو كاال رافع حاجبه ويحجي بتساؤل :
ليش تبجين واذا خطبت شنو يهمج ..
كتله بتوتر : لأن اني
يباوع بهدوء :انتي شنو ..
رفعت راسي و دموعي تلالي : اني أحبك...
ابتعد من يمي مصدوم من كلامي كال : شتحجين انتي بويه !؟
ابجي و اكله : شبيك شاهر اكلك اني احبك ..
طبك حواجبه كال : دخيلك ياخو زينب منين جبتي هذا الحجي اليوم ولج ..
: باز کردن / نظر دهید

2021-07-22 20:37:07 هو اقترب من يمي واني ابتعدت عنه ابجي بدون صوت مسحت دموعي كتله : لا تقترب مني شهااب ..
وكف يمكانه وباوعلي بنظرات ندم يريدني اسامحه...
كتله بقهر و ابجي دموعي ماتوقفت ابد : يعني شحسبالك من تحجي هيج وتحجي موقفك حسبالك راح اساامحك خاف ماتدري خليتني اكرهك اكثر واكثر ..
بعتب وقلة حيله : خليتني اموت ولا اشوفك ليش هيج سويت ليش ماكلت انت مريض حسستني اني عديمة مسؤولية واعوفك ماعندك جان ثقه بيه شنوو ماتعرفني بعدك !؟
بجيت : لو ميت و لا سوويت هيج ياا شهاااب لو مريض واشوفك متعذب بمرضك وتموت كبالي و لا هاي سوايتك عاااد ابجي عليك من حزني واشتياقي واكول جان وفي وياااي مو ابجي من وراك واكول خاني وعاافني بكسرتي مافكر بيه..
هو ساكت بس يباوعلي مايحجي شي واني ابجي تعبت من البجي حجيت بضعف : ياااريتك ماجيت ومتت هناك ياا شهااب ياريت و لا اشووفك تجي وجايب ابنك بأيدك ومن حلوك الشماته يكلولي حبيبج اتزوج هناااك
تتمرض وتتشافى وتتزوج وتجيب طفل وتكلي سامحني ليش اسااامحك فهمني ..
كال بهمس :حقج جووري بشنو تحجيه ولا تساامحيني
بس اني وياااج مراح اعوفج بس حتى اتسامحيني
لو انتظر العمر كله علمود هاي الكلمة وتصيرين الي
ونرجع مثل قبل ..
: ماكو شي بيناتنه يا شهااب بعد هاهيه قصتنه صفحه وطويناها اخذت حقي منك وهاهيه شوف حياتك واني اشوف حياتي بعد ..
عفته وعبرت من يمه مشيت وكال بصياااح :
مراااح امل و اني انتظر السماااح منج ..
مشيت والدنيا ليل رحت للبيت بأنكسااار ومصدومه من الي سمعته شهااااب مريض كرهته اكثر و اكثر ..
وصلت للبيت شفتهم كلهم موجودين يباوعولي مخبوصين اجه محمد بعصبيه :وين جنتي تردين تموتينه ولج مو كافي الي سويتيه اليوووم ...
ماحسيت غير انشمرت بحضنه وابجي وهو واكف مثل المصدووم حضني و كال : شبيج بوية ليش تبجين منو وياااج !؟
كتله بشهكه : شهاااب جاان مريض من عافني ..
الكل على وجوه الصدمه ابتعد مني و كال : شنو شتحجين انتي ..
فاتن بشهكه : جوري شنو شهاب مريض شبيه احجي ..
اجانه صوت جدي كال : اييي جان مريض قبل خطوبتهن ..
باوعت بصدمه و كتله : شنوو جدي جنت تعرف ..
كال : ييي جنت اعرف اني وغسااان بس هو طلب منه مانكول لأي شخص ..
ابوي كال بصدمه : بويه شتحجي تعرف وساكت كل هاااي السنين شلووون بويه ..
: كتلك حلفني وماكدر وهو جان مريض بمرض خبيث مثل مرض عمه فاضل الله يرحمه ..
لطمت على صدره فاتن : اخووي شهاب مريض عزا العزاني ...
اقتربت من جدي و كتله : تدري كل هذا الوقت وماحجيت زين ماجان كلبك ينكسر من تشوف حالتي مااجيت وكتلي السبب ليش هيج جدي ليش خليتني محتاره واكول شنو السبب والصوج بيه وعافني
مع الاسف جدي ماتوقعت كلبك هيج قااسي ..
عفته مصدومه وهو يحجي الهم عن شهااب ومافكر بيه
صعدت فووك وقفلت الغرفه عن نفسي كعدت بلكاااع
ابجي ليش ياااربي هيج يصير بيه ..
كمت اسمع اصواتهم تعلى واصيااحهم وابووي
يصيح واخواني ومثل العركه صااارت
سمعت صوت شاااهر يمكن هسه اجه لان جان بغداد طالع ..
واسمع عياطهم وصياااحهم ردت انزل واشوف شكو
خاف احد صار بيه شي بس اخر شي بقيت ..
حسيت الجوو هدئ من الاصوات والصياااح العالي
خليت ايدي على أذني واسمع صوت الباب يندك قوي
سمعت صوت شاهر يصيح عليه
صاااح بصوت عالي : ولج جوري هيج تسووين ليش!؟
كمل كلامه بصيااح : عرفتج والله راح تسوين مصيبه
بس مو هيج مو هااااي ..
بجيت واشهك واني اقترب من الباب كتله بصياااح :
اريد اردله الصاع صاعين مثل ماسوه بيه هيج اسوي بيه..
كملت كلامي بحقد و دموعي تنزل : حلفت بالله الا اخذ حقي منه و ماسويت شي غلط اني ..
ضرب البااب بقووه خلاني افزز : طاح حظج اي والله
شلووون هيج تسووون ولج كمت ماعرف ماصدك انتي جوري اختي وهيج تسووين ..
رحت فتحت الباب و صحت وابجي : بس فهمني شنو اسوووي كلي ترى تعبت والله مالكيت غير هذا الشي حتى اخذ حقي منه ..
رحت لزمت ايده و كتله : شاهر لا تصير انت والزمن عليه انت اخووي حزام ظهري لا تعوفني وحدي فدوه ترى اني ماسويت شي بس اخذت حقي والله ...
باوع عليه و حضني ويكلي : ااخ ياجوري كمنه مانعرف بشنوو تفكرين ...
: هو السبب يا شاهر هو مو اني ..
ابتعد من يمي كال بغصه ومخنوك : صدك الي سمعته ..
دنكت راسي ماحجيت شي كال : جوري احجي صدك
شهااب جان مريض ..
هزيت راسي و كال : ليش ماحجه ليش خلانه هيج نسووي وليش عافج و ماكال ...
عافني ومشه وهو يحجي ويغلط على شهااب
ويكول لو ميت و لا هيج يسوي ...
دخلت لغرفتي واني اندب حظي وابجي تعبت كلش من البجي اليووم اريد دموعي توكف ماكدر ...
.....
زينب /
كاعده بلغرفة و مصدوومه مثل الكابوس وتمنيت باز کردن / نظر دهید

2021-07-22 20:36:50 : ليش ما مرتاحه جووري ليش ...
رفعت راسي لسمه : ربي اخذ رووحي ولا هيج شي تعبت يااارب تعبت ...
وظليت اشهك من البجي كعدت يمه وابجي اني ظليت ابجي و اكول : الله لا يسامحك شهاااب ..
كعدت كباله و كله كامت تجيني الحجي والصياااح
والناس الي لامتني هسه و الشماته من حجو بيه وبعرضي لو فرحتي الي ما كتملت ..
غمضت عيوني واني اسمع صوت خطواته اجت يمي
اجاني صوته الهادئ : ارتاحيتي من سويتي ..
فتحت عيني كمت ودرت وجهي عليه باوعتله بحقد
: لاااا بعدني ما مرتاحه ولا برد كلبي ..
باوعلي بغضب : بس ردتج تسااامحيني ..
ضحكت مثل المخبله : ههههه شنو اسامحك انت صدك تحجي ..
اقتربت من يمه وبدون وعي مني اتخبلت كلش
مثل الفلم وطلع كباالي يوم خطوبتي وعاافني
اقتربت منه وضليت اضرب على كلبه كتله بغضب ومغضمه عيووني :ولك كسرتني انت هديت حيلي
ولك انت طعنتني بكلبي ..
فتحت عيوني وابجي كدامه وهو يباوعلي وعيونه
مغووركه كتله واني راصه على سنوني :
اتمنيت عندي سجينة واغرسه هنااا ..
أضرب على كلبه بقوووه اريد اطلع هذا كلبه وادوس عليه مثل مادااس على كلبي ..
ضربته بقوووه على صدره حتى خليته يرجع ليوره ؛ ولك اريد ادوس على كلبك بس كلي ليش لحد هسه ما مرتاحه يمكن حتى لو تموت كبالي هم مراح ارتااح ..
لزم ايدي وباوعلي بندم وعيونه حمر :
ردت السماح منج جوري ..
نفضت ايدي منه و كتله بغضب : انت تحجي صدك !؟
اسامحك على شنوو فهمني ..
ابتعدت عنه رفعت ايدي اله : انت لزمت هاي ايدي وكلت مراح اعوفج بيوم من الايااام وعفتني كلت كلبج ماريد اشوفه مكسوور بس انت كسرتني ظليت تنطي بس وعود وانت خنت هذا كلهن ..
دموعي تنزل واحجي بخنكة : ولك عفت الكل وصرت ويااك امنت بيك وحبيتك من كل كلبي تالي هيج تسوي بس فهمني شلون انطاااك كلبك تسوي الي سويته ..
: اسئلك سؤال من عفتني ما أنبك ضميرك ماكلت الناس راح تحجي عليه !؟
صيحت بووجهه : كلي شسويت الك وهيج سويت ويااي ..
حجيت بضعف وهدوء عكس مسااع : ترى ماسويت شي اني بس حبيتك والله و حبي الك مابيه كل دغش
حبيتك من كل كلبي جنت اخاف عليك تتأذى حتى اكثر من امك وبعدين هيج تعوفني وتجي بأيدك ابنك خااف ربك ..
ابتسمت بأستهزاء : حسبالي رجال وامن حياتي وياك
اخر شي تسافر وتعوف بس رساله الي تريدني اسااامحك ولك لا الله و لا رسوله يقبلون هيج تسوي بيه ..
غمضت عيوني ورجعت باوعتله : ماشفت الي شفته
كل ما امشي بمكان يكولون هاي الي عافه ابن عمه بيوم خطوبته يمكن شاف بيها شي و عافه ..
لو من امووت بمكاني واختنك واخر شي اروح للمستشفى يشوفن حالتي لو من اتخبلت وصارت بيه حاله نفسيه واعتكفت عن الكل لو من اشوف حسرت ابوي واخواني عليه كل هذا وتريدني اسامحك ..
اباوع عليه شعره وملابسه كله ناكعه من المطر بس هو بده يخف المطر ..
كتله : اني مافكرت بشي بس شلون اشوفك واخذ حقي منك حيااتي عفته بس فكري بالانتقام واجتني الفرصه من اجيت وتريدني ارفضه لا والله ..
كال بخنكة : كل الي تحجيه حقج وعاذرج بس انتي
ماتعرفين بشنو مريت ..
عصبت من كلامه وكتله : شنووو الي مرين بيه فهمني احجي وكول ليش هيج سوويت شنوو المبرر لو سببه تافه وماعندك مسؤولية وانهزمت ..
حجه بعصبيه و وجهه احمر يتنفس سريع مامنتظم
:وللج جنت مريض ..
ضليت واكفه بمكاااني من الصدمه اباوع عليه هذا شيحجي مريض يا مرض كتله : شنووو مريض !؟
دمعة نزلت من عينه ومسحه بسرعه كال بخنكة :
اني جنت اتمنى اتزوجج وينكتب اسمج زوجتي بس الله ماقدر لان قبله بأسبوع عرفت نفسي مريض مثل مرض عمي فاضل وسببه ماات رحت لطبيب كال انت تموت ماكو الك اي علاج اني فقدت الامل وبس ابجي لج جوري يوميه اكعد من النوم بس ابجي واختنك ..
: صح غلطت وغلطي جبير بس جنت فاقد ماحس بشي حتى اهلي يوميه بدون سبب اتعارك وياهم ومن عفتج ما فكرت بس كلت ماريده تشوفني واني اتعذب واتألم من الالم ماريده تموت حسره على موتي خل تكرهني و لا تتعب وتشوفني هيج ..
دنك راسه وكال : سافرت لايران وتعالجت هناك واضرب كيمياوي واموت الف موته من وراه انتكست حالتي بسببه و بس انتي جنتي على بالي ماتغيبين من بالي بس كلشي يجيني من غسان يحجي عنج ..
: ولج والله وصلت الموت بس بفضل الله واهل البيت والامام موسى الرضا همه الي شافووني من المرض ..
سكتت ماحجيت شي هو يحجي شنو صاار وياه واني دموعي تنزل مصدومه من كلامه يعني كل هاي الاسنين جان شهاب مريض عافني علمود مرضه مستحيل ماكدر اصدك ..
كتله بخنكة : شنو الي يثبت ..
: كل الاوراق والتحاليل عندي ترى ماعندي شي حتى اجذب الله يشهد على كلامي ..
اقترب مني : غلط اي واعترف بس سامحيني ترى اني هم مريت بأيام بس الله يعلم بيه جانت حوبتج يمكن .. باز کردن / نظر دهید

2021-07-22 20:36:48 صحت بوجوهم : بس كلولي هذا ياشرع ودين يقبل هاي الحاله هو لو بيه خير جان اجه و واجهني مو يكتب بورقه بيوم خطوبتي اعتذر خاف كسرتج ..
زهراء حجت بصوت شبه مسموع بس اني سمعته كالت : ان لم تستح فصنع ماشئت ..
باوعتله بغضب و كتله : انتي دموج تاخذين فضالة غيرج مبروك عليج اخذيه واشبعي منه ..
رفعت حاجبه رادت تحجي بس ام غسان لزمته تريد تسكته ..
باوعت على امي و كتله : يمه كله ضدي صارت ..
اجت يمي وتبجي كالت ؛ يمه ليش هيج سويتي
حقج كله راااح ..
حضنته ابجي : يمه فهميني شسووي والله كلبي انلجم منه وشايل هواااي عليه كلبي مامرتاح الا اخذ حقي منه يمه هذا خلاني احلم هواي وبعدين سواه كابوس
خمس سنين ماعشت براحه و لا فرحت ...
باستني من راسي و هيا تبجي ويااي : اااخ يا يمه مدري شبيج وهيج يصير وياااج ما مكتوبلج الراحه...
جدي كال : هسه شلوون بلا نخلي الناس تحجي علينه شوفي تاخذيه يعني تاخذيه ..
ابوي كال وهو مدنك راسه :اسف بويه بهذا الشي مراح اسمعلك بنتي ماتريده وسوت هيج حتى ترد حقه صح الي سوته غلط بس بعد هاهيه مايفيد شي صح كلبي مكسور من الي سوته بس تبقى بنتي وماريد اذبه بلناار ..
رحت يمه وكعدت على ركبي بلكاع كباله لزمت ايده ثنينهن وظليت ابووس بيهن وابجي : بوويه فدووه خل كل الناس تزعل مني بس انت بويه هذا كسرني وهو هيج سووه بيه هو الي غيرني هيج اني مالي ذنب ..
ماحجه شي ظليت ابجي واتخبلت ظليت اصيح :
هو هذا الي الله كدركم عليه تسكتون خووش لعد اني ما متندمه على السويته وشتسون سوو مالي دخل ..
اجه غيث كومني من مكاني حضني ويهدي بيه بس هو يهدي بيه الا البقيه واكفين يباوعولي ابجي بس مااهتز بيهم شعره معقوله ذوله اهلي الي جانو يكولون احنه وياج طلعو هسه همهم الناس و بس ..
حضنته وابجي هو دمعت عينه على حالتي كتله : غيث ليش هيج سوو ترى ماسويت غلط اخذت بس حقي منه والله ليش هيج تسون وياي ..
هو حضني و كال : معليج بيهم اني ويااج والي سويته صح رجعتي كرامتج ..
حجه محمد : غيث ليش هيج تحجي وياها ..
باوعلهم بغضب : شتريدني يعني اضربه حتى ترتاح محمد نسيت شنو سواه شهاب بيه ولك خلاها تدخل بحاله نفسية تذكر من جانت اطيح وتروح للمستشفى بسببه لو من نشوفه تكعد وحده تبجي نسيت كل هذا ..
سكت هو محمد ماحجه شي اجه عليه ليث همين
كعد بصفي حضني ويهدي بيه و كال : كلنه وياج جوري لا تبجين خويه مسحي دموعج ..
مسحت دموعي كاافي ابين ضعف كدامهم وخاصه كدام الشماته ام غسان وزهراء يباوعلي ويضحكن ..
كمت من مكاني ابتسمت يكول وحده مخبله ساعه ابجي ساعه اضحك ماعرف شكاعد يصير بيه ..
كتلهم واني رافعه راسي ماريد ابين ضعفي وانكساري
: كلبي هسه ارتاح من اخذت حقي منه رديت الصاع صاعين اله واني مالي نيه اتأسف لان ماسويت شي غلط بس عمي انت بمقام ابوي اعتذر لو جرحتك بس اني ماسويت شي غير اخذت حقي ..
عمي دنك راسه و كال : يلا خل نمشي ..
كله كامت تمشي بقوو بس اهلي محد يمنه
درت وجهي عنهم ومشيت بهيبه ماريد ابين اي شي الهن ومبتسمه وسط دموعي ماريدهن ينزلن ..
صعدت فووك واني اجر بذياال الخيبه صعدت فوك
قفلت باب غرفتي ظليت اباوع عليه صاافنه شسوويت اني واهلي ونظراتهم الي وصووت حجيهم يرن بأذاني ..
رحت على ميز المرايه باوعت على شيشة العطر الي رشيت منه مسااع دفعت بقووة وطيحته بلكاااع
المكياااج بعده موجود طشرت كله بلكاااع وابجي
واصيح : الله يأخذك شهاااب الله ينتقم منكم كلكم ..
باوعت على روحي بلمرايه واصرخ واحجي لنفسي :
ولج مو هذا الي ردتي تسووويه ليش مافرحاانه لعد ليش كلبج بعده مكسوور مو اخذت حقي ليش لعد ما مرتاحه !؟
كعدت بلكاااع ابجي : ليش ياااربي ليش ما مرتاحه !؟
اختنكت كلش وكلبي يدك بسرعه ابااااوع عليه صار العصر وراح تغرب الدنيا اخذت عباااتي ولبسته فوك فستاني ..
طلعت بره شفت بس امي كاعده وشاده راسه
كالت : وين ولج تردين ترحين لا يجون اخوانج ويشوفوج ..
: رايحه للنجف يمه عوفوني وحدي ترى اختنكت كلش ..
طلعت بره وشفت الجوو مغيم الغيوم سووده
والهوى العالي و قطرات قليله من الماء ينزل من السماء معلن بهطول الأمطار الغزيرة..
طلعت واني ابجي واشهك كمت كلشي مااشوف
دمووعي تنزل مثل الشلال والمطر كام ينزل بقووة
ماندليت دربي عثرت وردت اوكع بس استندت على الشجرة ..
رحت وصلت للبستان يم شجرة التكي كعدة يمه
وابجي واشهك والمطر بلل وجهي انعادت الذكرى
من كعدت بليل وحدي والدنيا تمطر هسه هم هيج صااار ويااي ..
كعدت ابجي واشهك دموعي اختلطت وي قطرات المطر ابالي كل الي صااار قبل خمس سنين حب شهاب و خوفه وحرصه عليه واخر شي خيانته وكسره الي
وهسه من اخذت حقي .. باز کردن / نظر دهید

2021-07-22 20:36:17 البارت25


مو هسه حتحس بنقص
باجر يُفر بيك الزمن
واخذ الثار براحتي
يل علمتني على السهر
باجر ترد متعوب الي
چي ما تلگه مثل ولايتي ..
جوري /
كتله بخنكة : لا ما موافقة ..
هدووء عم عند الكل رفعت راسي الهن و اشوفهن
يباوعلي بصدمة و استغرااب ..
كالت رسيل بتوتر : شتكولين جوري ..
سمعت صوت السيد كال :شنوو ما موافقة بويه شنو مجبورة انتي احجي !؟
كتله بغصه : لا سيدنه مامغصوبه على شي ..
رجع كال :متأكده بويه !؟
: ييي متأكده ..
سكت ماسمعت صوت باوعت على امي تبجي كالت : ليش هيج سويتي يمه ..
كالت امه بصيااح : صدك أنتي وحده ماتستحين شلون ترفضين ابني و كدام الناس مافكرتي بسمعتنه من هيج سويتي ..
كمت بغضب و كتله بصياااح حتى الزلم يمكن سمعتني: ابنج الي مايستحي من عاف بنت عمه وعرضه بهيج يوم كدام الناس ومافكر بسمعتنه و لا فكر بسمعتي
اني ردت اخذ حقي و اخذته منه و هاهيه مالكم مره يمنه ...
كالت بغضب : كتله عوفه ما تستاهلك بس مايسمع مني وهاي النتيجة ..
باوعت على الزهراء الي امبين الفرحه بعيونه
ابتسمت بأستهزاء :اخذيله بنت خالته ترهم ويااه ..
حجت امه : تاج راسج زهراء ..
صاحت أمي بأنغعال :احترمي نفسج ام غسان ترى ساكته لان عيب ابيتي واحجي شي يزعلج ماكو احد تاج على راس الثاني .
ضلت صيااح بيناتهن واني واكفه بفستاني بلنص
افكر بلي سوويته و دموعي تنزل اول مره اخليهن يشوفني واني ابجي ..
سمعت صوت صياااح بره صوت ليث :
يالله راح ندخل ..
لبسن عبيهن واني هم لبسني عباية دخلو كلهم
ابوي و اخواني كلهم ماعدا شاهر الي جان ما موجود ومايعرف شي وعمامي بس و اولادهم يباوعولي متفاجئين من الي سويته ونظراتهم ما قابله على السويته ..
اجه اتقدم بأتجاهي أبوي ورفع ايده وضربني راشدي
قوي كله شهكت ابووي الي مدللني و مايقبل احد يزعلني او يضربني هسه هو مد ايده عليه ...
باوعتله و عيونه كله حسره : مع الاسف ماعرفت اربيج
شسويتي ولج ليش وافقتي بيه و هسه ترفضينه
فهميني ليش هيج تسووين مامصدك انتي بنتي جوري ..
عمي حجه ابو فاارس :ليش بويه هيج سويتي تنزلين روسنه مافكرتي بينه مو هذا الي رديته هسه غيرتي رايج ليش !؟ ..
حجت ام شهااب : والله بنات ماتستحي اني ابني ترفضه ليش بنات اخر زمن دخيلك ربي لا تصير القيامه من سوالفهن ..
عاط بيه عمي ابو شهااب كال : اسكتي انتي ماريد اسمع صوتج ..
اجه عليه و كال : بويه اعرف كلبج محروك بس جان ماتسوين هيج اتزوجي منه وبعدين سوي الي يعجبج بس مو هيج كدام العالم ..
رفعت راسي الهم و دموعي تنزل كتلهم بعبره مخنوكة
و مقهوره : كلولي شسوووي شلون ارد كرامتي الي انداست شلون اسد حلوووك النااس الي حجووو بيه
اني شنو ذنبي يكسرني بهيج ليلة المفروض تكون اسعد يوم بحياتي بس صار العكس ..
كال محمد بغضب : بس موو هيج ياجوري هسه صار كل الحق عنده ..
كتله بقهر : واني حقي وين شو من سوه بيه هيج كلكم كلتو ناخذ حقج منه و نسوي هيج و هيج وانت عمي ..
باوعت على عمي ابو شهااب : انت كلت مااخليه يدخل بيتنه وماحجي ويااه علمودج اموته وماريده يزعلج
اشوو اجه ونسيت شنو الي سوه بيه كلكم نسيتوو ..
ضليت اشهك و احجي :تكلولي عيب من الي سويته وتنزلين روسنه هذا كله الي همكم لعد ماحجيتو اله
ما كلتو ولك ليش نزلت روسنه ليش كسرت بخت بت عمك و هضمته خله كلبي ملجوم من يمه ..
محد حجه شي اباوع على البنات يبجن على حالتي
اخواني و الولد يباوعون وساكتين وابوي وجهه مايتفسر من العصبية ..
كال جدي : بس مو هيج تسووين شو جويريه لسانج طولان ماعرفتج هيج تسوين حجيتي عليه النااس ...
صحت بوجوهم : الناس و الناس هذا كله همكم مافكرتو بيه وانت اول شخص الي رحبت بيه ماكلت مثل ماهو حفيدي هاي هم حفيدتي كسر كلبه وعافه
بس ابد مايهمكم هذا شي ..
حجه بأمر جدي : مالي دخل بهذا الحجي كله شوفي ولج ابن عمج الج وتعقدين عليه اليوم ..
ضحكت ورجعت باوعتله و كلت بقهر و صياااح :
والله لو ينكتب اسمي وي اسمه اموت نفسي اموت ولا اصير اله ترى حتى لو جدي انت بس ماتكدر تجبرني على اي شي لا تنسى يا جدي اني الشيخة جوري بنت الشيخ سلمان محد يكدر يغصبني ..
ابوي كال :الظاهر ماعرفت اربيج ..
:لا بويه عرفت تربي كلش زين اني ماسويت غلط اتندمت من وافقت وهسه رفضت ليش اتزوج شخص ماريده ترى هذا زواج مو لعب ...
عمي كال : مع الاسف والله ماصدك انتي جوري ..
لطمت على وجهي وحتى العباية وكعت ولد عمي دنكو روسهم : فهموني شسوووي تردوني اقبل وانجب حلفت بالله اخذ حقي منه وهذا هو حققت وعدي ..
انتوو مع الاسف عليكم وكفتو ضدي وصرتو وياه
الله اخذ حقي منه وعمري مراح اسامح على السواه ابنك شمرني جنت فرحانه اصير اله وماستحي منكم جنت احبه واموت عليه وعدني بلزواج تاليته هيج يسوي بيه .. باز کردن / نظر دهید

2021-07-22 20:36:15 وصدك بيومه بليل اتصلو وكالو الخميس محد حجه
ولا كالو ليش هذا الاستعجال ..
طلبت من اهلي محد يجي بلعرس يجون بس عمامي وهاهيه ماقبلت امي بس اني اعترضت وضليت اصيح كتلهم ماريد اي احد يعرف خلوه سكته ...
مرت الايام وماكو بيناتنه اي مراسلات و مانتشاوف
اجه يوم الاربعااء وطلعنه اني وفاتن ورسيل وزينب
اشترينه فساتين وقبله اجرنه كووشه لهذا اليوم ..
اشتريت فستان طويل شفته لونه ماروني وتذكرت فستاني بذيج الخطوبه السابقه ...
صار ثاني يوم واجه هذا اليوم الي راح يحدد مصيرنه
ثنينه كلبي يدك بسرعه تذكرت قبل من جنت اتحضر واني متحمسه وحيل فرحانه ..
بس هسه العكس كلبي مجروح وملجوم من يمه
وين جنت قبل كلها فرحانه واصوات الهلاهل والاغاني
وهسه سكته ...
نزلت من الدرج واشوف اهله كبالي امه الي ماعاجبه
الوضع وبت خالته زهراء عيونه حمر من البجي ..
خوالي الي جايين وشكم وحده..
اباوع على امي ما قابله على السويته هلهلت مرة عمي ام فارس من شافتهن هيج سكته ...
كعدت بمكاني واباوعلهن دموعي ماريده تنزل كدامهن
الذكرياات كله مرت بنفس الوقت يكول اليوم صار هيج وياي وعافني ...
وصوت الشماته والنسوان والحجي بعرضي وبشرفي
دموعي الي نزلت بسببه وبليوم الف مره اموت
لو دموع ابووي الي شفتهن واخواني وانكسارهم بيه ..
ضغطت بأيدي على طرف الفستان ونزلت راسي
لفت السنه ورجعتني لخمس اسنين جنهن هسه صارن
انحرمت من كلشي بسببه والخوف الي صار وياي
هو الي قواني وخلاني هنااا اكون مره ثانية ..
صاحت امي وكالت : يلا راح راح يعقدون ..
كومني من مكاني واحس رحت للمشنقة بأيدي
قويت نفسي وامشي بس خطواتي ثقيله اصوات تجيني وتكلي عفيه عليج على الي راح تسويه
وصوت يكلي لا تسوين اي شي ...
كعدوني على الكرسي يم الباب وخلو شي على راسي
حسيته ثكل عليه وعلى انفاااسي ..
سمعت صوت السيد يردد اياات من القرآنية وظل يحجي بعدين كال احجي كولي نعم انت وكيلي ..
كال السيد : بنتي جوري تقبلين الزواج من شهااب ال ..
غمضت عيوني وساااكته ماحجيت شي احس ثكل لساني ماكدر انطق اي شي ..
امي خلت ايده على كتفي و كالت بهمس :
ماما السيد يحجي وياااج ..
طلبو منه يعيد السؤال وهم سئلني واني ماجاوبت
بس دموعي تنزل وايدي ترجف امه تباوعلي ومعاجبه..
البنات يباوعن بخوف ويكللي ولج احجي وافقي
وامي تكلي كليله موافقه مو هذا الي ردتيه...
حجيت بنفسي لا يمه مو هذا الي ردته اني و لاردت اوصل لهيج مكان بس هو السبب وخلاني هيج اسووي ..
كال السيد : شكووو ليش ماتحجي..
سكتت وهدئت نفسي طلبو منه اخر مره يحجي وكله متوتره وامي تقره ايااات ..
كال يا بنتي هل انتي موافقه على الزواج من شهاب ال.. ..
كتله بخنكة وانكسار : لا ما موافقة ...
يتبع.. باز کردن / نظر دهید

2021-07-22 20:35:56 باوع عليه : ها شكو ..
: كوم البس هذا القميص قميصك مبلل ..
ماحجه شي كام وكوه ذب القميص ولبس هذاا
عدلت نومته وغطيته ظليت كاعده يمه اشوف خاف يتمرض ..
ظليت صافنه على ملامحه ردت ابجي ليش هيج
حظي ليش ماحبيتني يا ليث ..
اقتريت من يمه وبسته من راسه بهدووء ولزمت ايده
اتمنيت هاي الايد ماتفلت ايدي بس مو كلشي نحلم بيه يتحقق ...
ثااني يوم كعدت باوعت لكيت نفسي نايمه بصفه
ماد ايده وراسي فوك ايده نايمه وهو لازمني من أكتافي ماردت اكوم بس كلت لا يكعد ويشوفنه هيج
كمت بهدوء من يمه وطبيت اسبح ...
.......
جوري/
خلص زواج ليث على خير الحمدلله وصارلهم اسبوع
بكربلاا واليوم اجو واهلي سوو عزيمة وعزموو
اهلنه كلهم وخوالي هم ..
ضلينه نشتغل ونسولف وي زينب احسه مو على بعضه او تتصنع انو هياا فرحانه ماحبيت احرجه و اسئله
هذا الشي بيناتهم همه واحنه نعرف سبب زواجهم
وهمه مجبورين ..
خلصت العزيمة و مرت الايااام و الاسبوع ونفس
الروتين ماكو شي وحتى شاهر بعده كلهم حاجوني
بس شاهر بعده معند ومايحجي وياااي ..
استغربت شهااب ماكو وماله حس شكوو شعنده
والله وبيومه دز رساله و كال بيها ؛اهلي باجر يجون يخطبووج من اهلج..
ماحجيت ويااه و لا جاوبت ظليت افكر باجر من يجون شيصير ..
وفعلا ثاني يوم صادف يوم الجمعة اجت امه واخته جمارة النه ..
وكال ام غسان :صح الي صااار قبل بس ننسى واحنه اهل اليوم و نرجع اليوم ونخطب بتكم جوري لابنه ..
امي باوعت وهزت راسه ماقابله بس سكتت وكالت الحجي لابوها و اخوانه ..
ماحجت شي امه بقوو شي و بعدين طلعو
امي باوعتلي و كالت : ولج انتي تخبليني فهميني ليش توافقين عليه واكو احسن منه خطبوج ..
كمت من مكاني: يمه كافي سدي هاي السالفه ما مليتو مو كتلكم موافقه عليه لا تجبروني على شي ماريده فدوه ..
كعدت امي وحجت بقهر : اااخ منج راح تموتيني ..
سكتت اني ماحجيت شي لليل يلا اجو اهلي
ابوي و اخواني كلهم امي حجت وياهم وهمه ساكتين
باوعولي ..
كال ابوي : انت متأكده من كلامج ترى احنه كلنه ما موافقين عليه بس مانريد نكطع بقسمتج ..
حجه محمد بعصبية : بوية صدك تحجي هيا يا قسمة الي تكول عليه ترى اذا هيا غبيه و ماتفتهم احنه نفهمه مو نشمره بسرعه لواحد عافه ..
كال ابوي : كاافي اختكم كبرت و القرار اله مالنه دخل وهيا تتحمل نتيجة افعاله و اخوي اجه عليه اليوم وطلبه مني ..
كال محمد لشاهر :ماتحجي انت قنعه بلكت تقنع منك ..
باوعت لشاهر اتمنيت يحجي ويااي حتى لو يضربني اهم شي يحجي يسوي شي مو هيج باقي بس صار العكس ...
عدل كعده باوع عليه ورجع باوعلهم كال برود :
مالي دخل بيه اني شلت ايدي من كلشي شتسوي خل تسوي مو تكول هيا رايدته واحنه نجبره خليه ناره تاكل حطبه شيصير بيها خل يصير واحنه نبري نفسنه اذا يصير شي و مالنه اي دخل ...
استهضمت كلش من كال هيج ..
حجه غيث :يعني شنو نسكت ومانسوي شي ..
ابتسم شاهر برود : يعني شتسوي اكعد واحضر عقد اختك من شخص عافه بهيج يووم وحط ايدك على كلبك لا يعوفه مره ثانية ..
ليث : انت شاهر شبيك هيج تحجي ..
كال بحده : شتريدني اسووي اضربه لو احبسه بغرفه واكطع عنه كلشي حتى ماتوافق ترى عده لسان ومحد جابره و كلنه واكفين وياها ليش توافق عليه !؟...
كمل كلامه و كال :اني بلنسبه الي اختي الي تطعني وتكسر كلمتي ماعتبره اختي ومعليه بيه وكفت وياها وصرت ضدهم كلهم علموده تالي هيج تسووي مالي بعد سلطه عليه ..
حجه هيج وصعد فوك لغرفته كلهم سكتو
حجه ابوي : شاهر كلامه كله صح بعد بيدها القرار ..
باوعلي : بعدج مصره على رايج ..
سكتت ماحجيت شي كام ابوي وكله كامت وياه
كال :هاهيه راح اخابر عليهم وانطيهم الموافقه ..
محد حجه شي كله راحت لغرفه وضايجين
صعدت فوك اني لغرفتي سديت الباب كعدت على الجرباية ابجي من كلام شاهر كلشي و لا هو يزعل عليه ااخ كله من وره شهاااب كمت اكرهه اكثر و اكثر ..
مسحت دموعي اخذت موبايلي ورحت على رقمه
كتبت واني حاقده عليه :اهلي وافقو واني وافقت
الخميس الجاااي تكللهم خطوبتنه وماريد اي بشر يحضر و لا احد غريب بس بيناتنه عمامي ...
شافه بس مارد عليه ثاني يوم بلكلية انتهت محاضرة وهسه استراحه عدنه كعدت بلحديقة اقره شفته اجه عليه سلم و كعد ..
كال :ليش هيج مستعجله وتردين الخطوبة الخميس هذا الي يجي ..
باوعتله و كتله برود : احسن نسرع بلخطوبه حتى لا تسوي شي وتغدر بيه مره ثانية ومدري وين تروح ..
باوعلي وسكت رجع كال : وشعرفج يمكن مراح اسويه مره ثانية واعوفج بهذا اليوم ..
كمت واني كتله : شتسوي سووي بس صدكني هاي المره محد يكدر يخلصك مني اذا تسويه ...
عفته ومشيت خلص الدوام ورجعت للبيت باز کردن / نظر دهید