فَكِّرْ

2022-08-08 21:45:47 (الهي ماذا وجَدَ من فقدَك، وما الذي فقدَ من وجدَك).

هذا السطر فيهِ من البلاغة ما يكفي لكي يُعادل كتُبُ دينية كاملة، سطر ذو معنى عميق جدًا وقالهُ شخص عظيم جدًا، شخص لَنُ يُكررهُ التأريخ مُطلقًا
فكيف يُمكن تكرارهُ وهو أبا عبدالله الحسين بن علي (عليهِ السلام)

الهي ماذا وجدَ من فقدَك ؟ ومعناه أن فقدان العبد لخالقهِ (الله) لن يسد محلهُ أي مكتسب قد يكتسبه هذا العبد، وسيبقى ما وجدهُ من الدنيا هو الفراغ لأنهُ فقدَ علاقتَهُ مع ربهِ.

وما الذي فقدَ من وجدَك؟ ومعناه أن الذي يبني علاقة قوية مع ربهِ ويجد الله في قلبهِ وفي أعمالهِ وفي إيمانهِ ويتضرع لعبادتهِ فأنهُ لن يفقد أي شيء مهما كان.

هذهِ البلاغة وهذا الإيمان لا يصدر من شخص إعتيادي، ولا يُمكن أن يصدر من غير الإمام الحسين.
يُعلمنا هذا الشهيد الشُجاع درسًا آخر من دروس الحياة، فلم يكتفي بالثورة ضد الظلم ولم يكتفي بأن يغرس في عقولنا ومبادئنا أن لا نصمت على الحاكم الظالم ولم يكتفي بأن يُقتل في سبيل إستقامة الدين، بل علمنا أن العلاقة مع الله هي أساس الدنيا والآخرة، وأن لولا علاقتهِ العظيمة مع ربهِ، لما إنتصر هذا الإنتصار العظيم الذي إستغرق ساعات قليلة، ساعات نستذكرها كلَّ عامٍ وعلى مدار ألف واربعمائة سنة.

هنيئًا لكَ الجنة، وهنيئًا لنا المضي في ثورَتِكَ (منهجًا وفكرةً) وهذا والله ماكُنتُ تطمحُ بهِ في دين جدِكَ رسول الله.
فأشهدُ أنَّكَ ولدتَ حرًا ومُتَ حرًا يا أبا عبدلله، وأن لا يوم كيومك يا أبن فاطمة، وأشهدُ أنَّكَ قاتلتَ من أجلنا، فأشهد لنا عند ربِكَ، إننا ماضون على دربِك.

أحمَد قاسم. باز کردن / نظر دهید

2022-08-01 17:35:10 من بين كل هاي الأحداث
اكثر فئة كاسرين خاطري بالعراق همه الملحدين
لا همه مرتاحين بهل بلد
ولا همه راح يرتاحون بالآخرة
تحس وجودهم اغنية حزينة باز کردن / نظر دهید

2022-08-01 00:17:43 اللهم احفظ العراق وشعبَهُ باز کردن / نظر دهید

2022-07-31 18:02:14 بأرضية عقائدية هشّة يتمتع بيها العراق، اذا تريد تكسب اكثر قدر ممكن من الناس البسيطة والفقيرة والماعدها خلگ تفكّر وحايرة بقوت يومها، فإدخللها من الجانب الديني وكوم عيّط العقيدة والعقيدة، والمؤامرة والمؤامرة ، والأعداء والأعداء
خوفوهم بأمور وهمية همه صنعوها من وحي الخيال
خدمةً لمصالحهم السياسية وحتى يثبتون رجلهم بكل جانب من جوانب الحياة، وما اكتفوا بهذا الشي، اجوهم من الجانب العاطفي، بإعتبارنه احنه شعب يتأثر بساع سوده عليه، وترسوهم ترس حسينيات ولطميات حماسية وحزينة ومن ذني الأمور، حتى يكسبون الجانب العاطفي فقط وما يكتفون بالجانب الفكري

لذلك يسألوني بعض الاصدقاء،
شنو اكثر مشروع مُربح ويمشي بالعراق بالسنين الأخيرة
اگله العمامة، الشيعية او السنية!
واذا صرت رادود او خطيب منبر اويلي، الله فتحهه بوجهك.

هاي شنو هاي

وكلكم عيوني. باز کردن / نظر دهید

2022-07-30 23:06:06 وزارة التربية وزارة سخيفة جدًا ودائمًا تثبت عكس شعاراتها، لا محترمين الطلاب ولا ابد
هيه عطلة رسمية من مجلس الوزراء وانتو كاتبين اذا صادفت عطلة رسمية تتأجل الإمتحانات لليوم البعدها
وهسه ومع انها عطلة رسمية بس كالوا تستمر الإمتحانات باجر
هذا القرار ينزل الظهر يا وزارة التربية، ينزل العصر
ماينزل ب11 بالليل

الله يساعد طلاب السادس بهل الحرب النفسية باز کردن / نظر دهید

2022-07-30 00:27:02 نجي نجاوب على السؤال الكَوني
هل أكو صداقة بين الولد والبنية؟

حتى تجاوب على السؤال لازم تعرف شنو معنى الصداقة،
اول نقطة:- الصداقة هيّ علاقة مابيها أي حدود بينك وبين صديقك، بحيث تكدر تحجيله أي شي، حتى الشغلات العيب، تكون بينكم حرية مطلقة، تتبادلون الأسرار وكل شي
وهذا الموضوع غير مُمكن معَ البنت بتاتًا!

ثاني نقطة:- الصداقة علاقة مفتوحة وليسَت مُقيَّدة، الصداقة مابيها غيره، مابيها إهتمام يومي وبشكل متكرر، مابيها وين جنت، مابيها منو هاي الوياك، مابيها منو هذا الوياج،
مابيها مكالمة بالساعات، الصداقة مابيها عِتاب وتحقيق، أي فعل من ذني الأفعال هيّ تقيّيد والتقيّيد ماله أي علاقة بالصداقة، أي شعور بي عاطفة قريبة للحُب فهو عبر مرحلة الصداقة.

ثالث نقطة والأهم:- الإنسان كائن بايولوجي الله خلقه وخله بي مشاعر غريزية تجاه الجنس الآخر، هاي المشاعر هيّ فطرة طبيعية
وميّز الإنسان عن الحيوان أن الإنسان يكدر يتحكم بهاي المشاعر الغريزية الجنسية وما يظهرها بشكل مباشر وعلني، أما الحيوان فما عنده عقل حتى يتحكم بمشاعره لذلك نشوفه يظهر غريزته بكل مكان.
إذن الإنسان يكدر يتحكم بغريزته الجنسية، (بس هذا مايعني انهُ يكدر يلغيها).
مادام عنده غريزة جنسية فراح تدفعه الغريزه دائمًا اتجاه الجنس الآخر .. من بنيه لولد او ولد لبنيه.
وغالبًا ما يكون الإندفاع من الولد بإتجاه البنيه

والصداقة ماهيّ إلا باب يُمكن من خلاله عبور المشاعر الغريزية الجنسية الى الطرف الآخر.
لأن اليدوّر صداقة من البنية فهذا يدور حُب، واليدور حُب يعني يدور علاقة عاطفية، والعلاقة العاطفية أساسها هو الجنس.
فالصداقة وذن المسميات هيّ وسائل غريزية فقط حتى يوصلون لنقطة وحدة وهيّ الجنس.
وهذا الشي هو فطرتنا ومو عيب ولا حرام الدا احجيه، بالعكس لازم تعرف الحقيقة حتى تكدر تتحكم بيها وما تخليها تنگلب ضدك بيوم من الأيام،
المختصر يا احبائي، ماكو شي اسمه صداقة بين الولد والبنية، ماكو شي اسمه بيست فريند ولد او بيست فريند بنية، واذا لساعك مُصر على الموضوع فأنتَ دا تغشم نفسك،
اكو زميلة عمل نعم، اكو زميلة دراسة، اكو زميلة بالمواقع ترد على ستورياتك وترد عليها ، تدزلك اغنية تدزلها اغنية وذني الامور، اي مُمكن
لكن صداقة (ناهي)

وكلكم عيوني. باز کردن / نظر دهید

2022-06-25 01:44:33 الشخص المُتاح مُثير

للإشمئزاز. باز کردن / نظر دهید

2022-06-17 23:30:37 لا أحبُ بهذهِ الطريقة العصرية التي تحبونَ بِها، لا يناسبني الكلام المُبتذَل، ولا الغزل الروتيني،
أنا رَجلٌ من الطراز القديم
عِندما يقول أحبكِ، سيموت لأجلِّ ذلك.

_أحمَد قاسِم. باز کردن / نظر دهید

2022-06-17 17:25:31 وكلكم عيوني.

أحمد قاسم. باز کردن / نظر دهید

2022-06-17 16:18:52 صارت جاهزة بالأنستكرام

من هنا https://www.instagram.com/p/Ce6GEwhqoRn/?igshid=YmMyMTA2M2Y= باز کردن / نظر دهید