قصائد حسينية مكتوبه

2023-08-24 21:45:02 نزله للاربعين:


رفعت الرايات شيعة حيدره
وزحفت الالاف لبن الطاهره

زحفت    الالالف     يوم    الاربعين
و گصدت اتواسي العقيله بالحسين
خطوه خطوه ايباري جبريل الامين
و   ساقي  للمشايه   سبع   الگنطره



زينب    اتلاگي   النساء   ابكربله
وتبچي من اتجيب طاري حرمله
تذكر  اشصار  اعلى  اهلها  بالفله
وتنعي وياهن وتهوه اعلى الثره

علي الاكبر حاضر ابشيمة هله
وگفه لاستقبال مر  كل  قافله
ياهله  ايصيح  الاجونه  ياهله
والكرم عند ابوالقاسم مصدره

يفرش ادروب المشي سفره الحسن
و المناسف    بيد    اولاده     حلن
محله  وگفتهم  اسباع  امن  اوگفن
امعزبين   ولاگو   اعلى     المفخره

كل  بني  هاشم  اجلالا ً  للرسول
باَربعين احسين ايقيمون الاصول
ايساندون  اليعتني  حتى  البتول
حيث   يحيون  الشعيره   العابره

احسين  من  الله  سفينه للنجاة
لازم   انقدس   وجوده    للمماة
احسين تربات الزكايه  الماجداة
وهوه   عنوان  الجسور  المعبره

احسين حبه ايجنن اعقول الهوّه
مثل عابس جون واحيود الفدوّه
نعم ذيچ المعرفه  ابیوم  اعرفوّه
ولاگو  اسيوف  العده ونالو ضره


ـــــــــــــــــــــــــــــــــ

هادي الامغيطي(البوغبیش)


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-24 13:19:02 يومك ما نسينه نصيح......امك هم نواسيهه
بابك يالحسن مفتوح......والحاجات تگضيهه
***
شيعه  للحسن  صرنه.......من  الذر گبل  آدم
عرش الله يطوف عليك....يمك يحضر المأتم
حجه أزيارتك مولاي....وچفوفك صفت بلسم
يامنبع  سمار  الضيف........يمك ينگلب  زمزم

چفك للكرم   معروف........راية حك نعليهه
بابك يالحسن مفتوح.....والحاجات تگضيهه
***
بابك فاتح الذرعان.......ما خاب الگصد بيها
يابحر الكرم والجود.......عطاي الوصل  ليها
كلمن سولف الإحسان........من وگفاته يحچيها
الجيرانك  تحط  الزاد..... امراد اولهه تاليها

بسمك والعزاء انقيم.....حتى الدمعه نهديهه
***
مايبرد  گلبنه  اعليك........حتى الدمعه لهابه
وادموع البشر مولاي.......صارت كلها سچابه
عشرتنه المجالس هاي....تلگه العاشك اجوابه
كلها اتوحدت وتگول......آه يحسين ومصابه

كل ونه على المظلوم.........بالدمعه نرويهه
***
يالهزك جنح جبريل....صفنت والسمه اتشوفك
حاتم لو يشوف الضيف......گام يقبل اچفوفك
من گد ما كريم بهاي........عزب حتى بطفوفك
حبك بالعذب  ينقاس.....والعاشك يجي يطوفك

جودك يالحسن معروف.....انهار العدن بيهه
بابك يالحسن مفتوح......والحاجات تگضيهه
***
ندري الحاقد  وطبعه ...... عايش عمره بالذله
ما صحح مسيره بيوم..........يمك خايين المله
نعرف سيرتك لضيف.........حلوه بكعدت الدله
بس انت التحب الجار....حتى احسانه يوصله

عجبت الكرم واحتار........حتى الخبزه ينطيهه
***
لازم نحذف التاريخ.........ظالم شخصك اهوايه
هذا العزب الجبريل.........خطاره وحچه ابهايه
باچر كربلاء  احسين ........هم  تتعنه  مشايه
وفاد الحسن جيناك............يمك تحلى القرايه

باچر  صحنك انعليه....... اعماله احنه نبنيهه
***
تمت بعون الله تعالى الشاعر_يوسف_الفتلاوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-23 22:27:09 ع طور والحن. (((سمعي يمه فاطمه))




سمعي نوحي وقصتي. فاطمه ياأم الحسن
يمه مااعرف شكول. . عن مصايب هل زمن


نادت الحره يويلي الحسن مسموم

___
سمعي منـي يمه فاطم سـمعي يامضـــلومه
والفـرح مامرني يـــمه من الــفرح محــرومه
عشت دمعه وعـشـت حسره بالـصـغر مالومه
ليـــش من دون الخــليقه زينــبج ملـجــومه

ليش من دون البشر. بالمـناحه والنـحيب
اكضي اليلي بالدمع واشكي أمري الرقيب

أسهر باليــلي وأعـــداً بيـــها النجوم
نادت الحره يويلي الحســن مسموم
___
شرد أوصف يمه فاطم قصتي ويـه الزمن
دنيا مارحمتي يمه هوايه الوعات ومــحن
لوعه بفراكج ييمه عيـوني يايمه انطفـــن
والعدو وجه ســهامه ونمـرد جبده الحسن


فاطمه وينـــج تــعاي. والحسن جبده نمرد
انه اصرخ ونه اصيح. شـنهو من لوعه بعد

وانه اندب يمه فاطم كلبي ماالوم
نادت الحره يويلي الحسن مسموم
___
ويلي يافاطــم يــيمه حيره والله تحــــيرت
مصاب اخوي إلي دهاني بيـه حــيل تلـوعت
راح اسولفلج ييــمه بيـدي حيل انه الطــمت
والحسن فاطم ييمه جبــدته تصير أبطــشت

جبده بالسم انمرد. ونمـــرد دالاالي
والله صعبه مصيبته هذا اخوي الغالي

والجره ضاهد كياني وحيل مهدوم
نادت الحره يويلي الحسن مسموم
___
هدم الحيل ودهاني سبعه من شـهرك صفر
يــمه يمه والله حيره وزينبج شـبعت قـهر
وارثه منج دمـــعـتج والعـمر يكـضي بسهر
ليل مااعــرف انامه من الصــغر كلبي نفطر

ليلي كاضيته بونين. والدمــع مـثل المطـر
ذبلت جفوني وصيح ويــلي اه مـن القــهـر

والحزن دوم ع وجهي يمه مرسوم
نادت الحره يــيمه الحسـن مسموم

___
جرحج أول علي ثاني والحسن ثالث جـرح
جرح عاشر بعده يمه ويلي من ذاك الصـبح
بيها افكد كل إخوتي ويه العدو مامش صلح
بعيني أشوف انه العشيره نازل عليها الذبح


كل خوتي ع الثره. وانه بــدروب اليسر
مره اعثر مره اطيح. هذا مو حال الخدر


عليه ناعيها المـــصايب دايـم يحوم
نادت الحره ييـمه الحـسن مــسموم
____

كلمات خادمكم

مرتضى مكطوف

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-23 13:45:45 في الأمام الحسن ع




لازم نخلـي بضريحك رآيــــة
وي ابو صـالح نجـي مشــاية
يا مسموم يامسموم
*
يالحسن ما ينتهــي هذا العهد
بالضمــاير حبــكم يظـــل للأبـد
عدنه وي المهدي ابو صالح وعد
شكَد منــاحر ننطي للعتــرة بعد
أخذو حدمـــا تكتفــــون هوايـة
*
سيدي حسبالهم ننســـه الجـرة
وننسه الحسين وخيامة ومنحرة
حيله ذَبَـــه علينه سبـع الكَنطرة
قصـــورهم أله يصـيرن مقبــرة
وأنت تدري بشيـــعتك وفــــاية
*
يالحسن من هدموكم عن قصـد
رادو الشيطـــان يرجــــع ينعبد؟
عالســواتر ماتت ألنه شكَد ولِـد
كربلة يوميــــة يردوهــــا تـــرد 
حتـــى تذبـــح دينــــك الرمــاية
*
يا ســلام الله عليـــكم بالحــسن
أنتــم القـــرآن عدنـه والوطــن
ما نسينـــاكم رغــــم كل الفتن
ألـه نبنــــي بالبقيع أكبر صحن
بمرقد الزهرة نســـوي قــراية 
*
هالحقد مــولاي عدهم مـو جديد
من السقيفة والشمر وابن الوليد
ذوله علمــهم يكرهــــونك؟يــزيد؟
همـــه يردون البشــــر كلها عبيد
يالحسن ما يرضـه شيعي بهاية
*
ما يطـــهرون الضمــــاير مَيتـة
بيـــا ذنب مولاي كَبـــرك هدمتة
ألـــه وي المــهدي نرفـع رايتة
للظــهور تهيـــئو كـــل شيـــعتة
نحـــور أخـذ ياسيــدي مدمـــاية
*
الله يلـــعن كلمــن يأذي الرسول
الله يلعن ظالمـــي الزهرة البتول
تنشـــرة وتنبـــاع لليــوم العقول
آل أميـة تصـــول بالدين وتجـول
وفجـــعو بقرآنــــكم چـــم آيــــة
*
طلـــب يا مولاي عدنــــه مروتك
المـــهدي كَله من يجـــي لزيارتك
تنتــظر لليــــوم زينــب عمــــتك
بالعــراق تشيــــل يمتــه رايتـــك
والبقيـــــع نصيـــــرله حمـــــاية
*
حيدر حسين الكرعاوي

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-23 01:38:29 اليوم بمصاب الحســـــــــــن ونينه
وبالجفوف اعله الصـــــــدر دكينه
***
 
اليوم بمصاب الحسـن نقـــره بأنين
وعدنه كلنـــــه معتـــقد والله ويقين
حاضره الليله عزانـــه ام الحسين
تكول وينه الــــــــــــي يدك اجبينه
***
 
حاضره الزهــــره تنادي للحضر
اتكول عينوني تره ظهري انكسر
اوليدي مظلوم وعليه كَلبي انفطر
وينه اليساعدنـــــــي واتهل عينه
***
 
فاطمه تقـــــــره وترد بالمستهل
اويانه تلطم لاتعـــــب وابلا ملل
حكه ام حسين تبجي اعله الأهل
واجفه انحسهه تحشـــــــــم بينه
***
 
وبالحســـــــــــينه نحس انفاســهه
بالعزه تبجــــــي وتشارك ناســهه
وعالمصاب بحركه تلطم راســهه
اتصيح ابجو اعله الحسن واسنينه
***
 
اتروح يم الناعــــــي واتكله بنحيب
اذكر اوليدي البقه بالطـــف غريب
المات عطشان وعلى الغبره سليب
عاري بالرملــــــــه العده امخلينه
***
 
يالقريت اتكول انعه  الكــــــــربله
وعرج اعله الراحــت اوي العايله
عالهزل مجتوفــــه تمشي امعلعله
وي ضعنهه للســـــبي  اميسرينه
***
الشاعر أبو علي الركابي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-22 21:58:23 السابع من صفر

راس احسين لمن وصلو الشام
التفت وايحاچي ظل براس جسام
گله مثل هذا اليوم
ودعت ابوك المسموم ... يجسام
ــــــــــــــــــــــــــــــــــــــ
الروس ابخرابه اتجمعن
العم وابن اخوه هيبه اووطن
وشسولفو خنسمع

احسين ابهذيچ امصيبته
ايسولف لچن من رگبته
دم السوالف تطلع

يالقاسم ايگله الحسن
ودعته واعيوني انعمن
والچبد منه اتگطع

من ذاكه الطشت هم اُسوه اليه
وهسه بالطشت ماتت رقيه
والشمل ماظل ملموم
ودعت ابوك المسموم..يجسام
ــــــــــــــــــــــــــــــــــــــ
يالقاسم استوك صرت
وباول صباك اتيتمت
الله يعظم اجرك

راح انه اسولف واستمع
يالواجه اخدودك شمع
يالمني باكو عطرك

لاتبچي يكفيك الذبح
خافن تطيح امن الرمح
والدم يلثك شعرك

اذا عالدفنه اگلك ياضوه العين
اخافن تنلچم وتموت مرتين
خل الحچي ايظل مضموم
ودعت ابوك المسموم..يجسام
ــــــــــــــــــــــــــــــــــــــ
يالقاسم ابسابع صفر
ظهري على الغالي انكسر
والخانته ام بيته

اهدومي علي صارن وصل
والكرم ديوانه انقفل
والحفرته وديته

والمايحبون الحسن
بالنبل شگوله الچفن
ومات الهوه حسيته

وابوفاضل غضب والسيف جره
وانه اتلاحگتله وگمت اصبره
وبحيلي ذاكه المهدوم
ودعت ابوك المسموم..يجسام
ــــــــــــــــــــــــــــــــــــــ
لو هسه موجود الحسن
وايشوف أخياته انسبن
بدموعه چا طم روحه

هذا المحنته ابگد علي
هذا اغله كل ناسي وهلي
واجروحي هنه اجروحه

واتوقع ابنص الگبر
يسمعنه ابو ادلال السمر
ويدري الرگب مذبوحه

من گاع البقيع الهالخرابه
يشاركنه ابدمع عينه ومصابه
وابنحري آنه الملچوم
ودعت ابوك المسموم..يجسام
ــــــــــــــــــــــــــــــــــــــ
جاسم سمع هذا الخبر
وظل يجري دمعه امن النحر
واعيونه صارت حمره

جامد عله ارموشه الدمه
چن ورده كاتلهه الضمه
وي عمه يجري العبره

النسوان من سمعن اجن
واقرايه سون عالحسن
ذاكه الامهدم گبره

وابنص العزاء اتقدم احسين
وماع الرمح يمكن من الاونين
واينادي آه يالمظلوم..
ودعت ابوك المسموم..يجسام

محمد الجماسي

#اللهم_عجل_لوليك_الفرج

https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-21 22:58:23 نزله. رقيه ع


عمه كومي من الطشت
.حـــيره بيــج اتحـيرت
__
زينب تنادي ل رقيه عمه كومي من الطشت
مثلج انه بالـــطفولة بكــسر ضـــلع اتـلوعت
مثل ماشفتي المصايب بالصغر انه شفت
عمه فدوه كومي كومي والله حيـره تحيرت

كومي يل جنتي بدالال
ونــــــج يـهـــدم الجبال


الونج يذوب الصخر. والله دالالي نفــــــطر

ماتــحاجيني شكلت
حيــره بيج اتحـيرت
___
نادت الـسجاد زينـب عمـه شــنهو إلي جره
طفله احاجيها بدمــعـتي ماتـحاجيني تــره
بعد مااحــمل مصـايب والله حـيل امــرمره
والهدم حيلي ودهاني عـفته أخوي ع الثره


عمــة كــلها وخــل تكوم
ع الطشت مو هذا نــوم

وخل تجـي لدالاالي. وهايه بنــت الغالي

ويلي ياعـمه أشفت
حيــره بيج اتحـيرت
___
ناده يازيــــنب يعـمه الطفله ميته ولا نـــفس
صبت الدمعه ع أخته حـظنه من دمعه نترس
يبجي وبحصرت داليلة والهــوى بيـه نحــبس
هوايه لوعات الشـــفتهن اه مــن ذاك الرجـس

الورده ميته ولا حجت
تبجي زيـنب والطــمت


رمله تنحب والربـاب وسكنه تلطم بالتراب

يالعلــيل انته اشكلت
حيــره بيـج اتحـيرت
___
لـمغــــــتسل جابـــو رقيــــه ورادو يغـــسلـوها
وشـــافو آثار بــــمتنه بكـــل رعــب عــافـــوها
وضــلـت تنــادي العقــــيلة بالســــبي طكـــوها
مــــو مـــريضه ولاعـــــلية.مـــن السياط اذوها

والله من سوط النذل
والله من ذاك الحــبـل

مومريضه بهل درب. هـــايه آثار الظـــــرب


وأنه عـبـاس أندبت
حيــره بيج اتحـيرت

___
خويه الحـــك انتـــه.وينــك أنه بديار الـغـرب
أمــشي من ديره الديــره خـويه ماعـرف درب
والضهدني والهظمني خويه والكـــلش صـعب
من اطـب ديوان اميه بيا وكت زينــــب تطب


طولي ماشافه الخيال
ويــنك انتـه بس تعال


هســـه بديار العـــدو. ويــنك انـــته ياالــــخو

والله حـــيل تمــرمرت
حيــره بــيج اتحـيرت
___
الخادم أهل البيت. ( ع)

وخادم رقيه بنت الامام الحسين

(( مرتضى مكطوف))


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-21 19:35:28 رقيه  ع                

هاي شلون موته وبيها هنيالي
ياهو المات مثلي وشابگ الغالي
راسه بطشت شفته
شهگه ولنّي ميته
هاي شلون موته
............................
لكربله لمن اجينه وسولفينه وگمت اسأله
بويه هم تتركني وحدي وانت عندي العمر كله
گال يبنيتي الحبيبه هالمصيبه ماهي سهله

نبرة كلامه جنت احس بيهه
والسفره هيجي يصير تاليهه
عمْتي غريبه بلايه واليهه
وشمْر ابن جوشن وسفه يسبيها

بعيونه قريته الراح يجراله
وشگد صعبه من نمشي اويه چتاله
ويسامحني ردته
شهگه ولنّي ميته
………………………….
كلشي ما اتمنه هسه غير لمسه لراسي بيده
ماكو ايده ماكو صدره وهذا نحره بلا وريده
ذاك صدره الجنت ادفه بحضنه واغفه هسه اريده

يگولون صدره الجنت ابوسنه
عالغبره  دامي و خيل داسنه
مجروح كله منين اجيسنه
يسمع كلامي حسين احسّنه

لو يسمحلي وكتي هواي حاجيته
بس مشتاگه اله وموتي تمنيته
گتله الغالي انت
شهگه ولنّي ميته
هاي شلون موته
…………………………
گلبي حس من البدايه هالنهايه تصير بيه
ياعمر من دونه اخلصه وهاي فرصه واجت ليه
بطيف اجاني وچن يگلي اوياي ظلي يارقيه

محظوظه و اتحققت احلامي
لشوفة الغالي ترخص ايامي
موتي احسن ولا شمر گدامي
من ضرب سوطه امكسره اعظامي

راسي بحضن ابوي سنين خليته
ويّاه انه ديني اليوم وافيته
راسه بحضني شلته
شهكه ولنّي  ميته
…………………………
ادري ما يتركني طبعه ودوم اسمعه يصيح بسمي
غاليه اهواي انه عنده اشكثر بعده اختلف رسمي
خايفه إمن اوگف گباله بهيج حاله يشوف جسمي

وحسين ابويه هواي دلّلني
وما يرضه لو واحد  يزعلني
عن التراجي خوفي يسألني
والچم اجروحه من يگابلني

ما عايز اجروح هواي طعناته
وناتي قليله گبال وناته
صارت ونتي سكته
شهگه ولنّي ميته
……………………………
الجانت مدللـه بگربه بحاله صعبه شلون يدري
شرد اجاوب لو سألني وشاهد اذني دمها يجري
شلون اگله بالخرابه نمت بابا وضاگ صدري

متوسده فوگ احجار خلوني
و بالسوگ هم بحجار ضربوني
خوف و رعب ما شايفه عيوني
يجرحني كلمن يسأل شلوني

لا حيل انه ظل عندي ولا قوّه
و عمري بلا ابوي الغالي ما يسوه
بعده بضيم عشته
شهگه ولنّي ميته
هاي شلون موته

الشاعر  احمد العگيلي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-21 12:08:55 بالطشت شفت المصيبه
شيبتك  بالدم  خضيبه

ترجعلي انتظرك يبويه بغيبتك
 ليش  ناسيني  رقيه بخدمتك
***
بويه  تدري الليل يذبح.....وانه بعيوني اننتظر
أذكرك من ودعتني.......وانه نمت  اعله الصدر
بابا أذكر من شبگتك......يذبح بروحي الهجر
ردا أحضنك بويه غالي......خدي بعدك ينصطر

نامت  بعيني السوالف
ميته من كثر المواقف

بويه تدريني  العزيزه ابعازتك
***
بويه نمت عله ترابه.....واحلمت بيك أرجعت
تفاجئت شو ما عرفتك.....هوايه عني اتغيرت
والدي معقوله اجاني......بسرعه هيچ وشيبت
امفطره اشفافك يبويه.....حين خلوك بطشت

كلبي ما ينطيني  اعوفك
انه  مشتاگه اردا اشوفك

انطعن  كلبي يبويه  بشوفتك
***
وينه صدرك اردا  اشمه.....خاف احضنه
وينلچم*
ما أميز  وينه  طولك.......وينه كل ذاك الجسم*
الحافر اشسوه  بجمالك.... .من أرسمك
ينثلم*
حتى بأحلامي عرفته........ ينذبح بيه الحلم*

ابيا حلم  ترجع  اليه
شوف مهضومه رقيه

سكنه يابويه  تريدك   نادتك
***
محبسك يابويه أعرفه......ليش گطعو خنصرك*
الشمر  لمن اجاني ......... شفته گاطع منحرك*
گتله صعبه شلون اعوفه.....اهواي غير  منظرك*
من  الگفه  مذبوح شفتك......والدي  من وذرك*

غابت  ارسومك عليه
گربت  اكبالي  المنيه

حضرت يابويه تدري سبحتك
***
بالدرب  أسمع سوالف........شيبت بويه الجفن*
شگد يضحكون الشماته... من يسمعوني
أون*
أعثر وأني زغيره ......سوط چن يچوي المتن*
خذني يابويه بحنانك.....تدري بيه اشگد أحن*

بويه  مخنوگه بعذابك
موتي ما خلص غيابك

دهري   عذبني  وريدن  جيتك
***
موعدي صاير خرابه.......من مشيت عله الذبح *
خطوتي اتگصر حياتي...ويكبر  ابروحي الجرح*
بويه صعبه انه اشبگك.....وانته راسك عالرمح*
صعبه  علويه وسبوني.....وانه اون ليل وصبح*

لهفتي  صارت  سكوتي
اعله راسك  هذا اموتي

الجرح عاشرني بويه  ابونتك
***
خادمكم  المقصر
يوسف الفتلاوي


https://telegram.me/aabas78
قصائد لكل ايام محرم اشترك بالقناة باز کردن / نظر دهید

2023-08-20 20:17:51 يارقيه


عـمـه زيـنـب حـاچي شـيـخ الـطـايـفـه
الــشــام ظـلـمـه وانـي كـلـش خـايـفـه

حـيـلـي وشّــل وأنـسـبـت عــافـيـتــي
عـــمــه سـلـبـوا راحـتـي وتــرچـيـتـي

                                        *---------------*---------------*

عـمـه اذانـي الـغـرب مــاخـلـه حـيـل
ذكـريات اتـمـر عـلـيـه وكـلـهـه خـيـل
الـنـهـار اظـلـم أحــسّــه وچـنــه لـيـل
الـشـام شيّبني وجرحني ويـلـي ويـل

اسـمـه يـرعـب گـلـبـي زيّـد خـوفـه
نـاسـه غـربـه أشْـوَه نـاس الـكـوفـه

الـــريـــاح الـبـيـْـه تــجــرح ريــتــي

                                        *---------------*---------------*

حـيـل يـكـفـي الـصـار بـيـه بالطفوف
اركـض ابّـيـن الـحـوافـر كـلـي خـوف
مـدري ويـن اركـض يـعـمـه ما اشوف
وحـدي خـلانـي زمـانـي ابـنـص ألوف

لـيـش احـسـهـه صـعـبـه هاي الليلـه
فـجـئـه جفني گـام دمـعـه ايـسيـلـه 

فـــــدوه گـلــيـلـي خــبــر وديــتــي

                                        *---------------*---------------*

آنـه طـفـلـه وشـيـبـت گـبـل المـشيـب
بـعـده جرح اسياطهم يـرفـض يطيب
هـمـه ذولـه الـخـلوا ابـروحـي النحيب
رسـمـوا ابـلـون الـدمـه منـظـر عجيب

صعبه أنـامـن خـلـي اضـلـن گاعــده
راحـه مـاكـو نـومـي مـا بـي فـايـده

صــارت الـلـيـلـه الـمـنـيـه امـنـيـتـي

                                        *---------------*---------------*

والـلـه حـتـه اعيونـي مـا تـقـبـل تـنـام
نـظــرة اهـل الـشــام تـشـبـه لـلـسـهـام
كـل وجـه مـنـهـم يـذكـرنـي الــخــيـام
مـــدري لـيـش اوجوهُّم بـيـهـه الظـلام

مـن شـفـتـهـم دمـعـي وحـده اتـلاله
رحـمـه مـاكـو كـلـهـه نـفس الـحـالـه

أذّكــرت لــمــن ألـــــــي ركـضـيــتـي

                                        *---------------*---------------*

مـاتـت احـلامـي وبـعد عـمـري اشيفيد
ورجـعـت اجـروح السبي تـنـزف جديد
كـلـهـه فـرحـانـه الخلگ ومسويه عـيـد
وتـنـظـر اعليـه ابـحـقـد مـنـي اشتريـد

هـذا حـالـي المثلي شـلـه ابـروحـه
الـمـن ابـقـه مـن اضـل مـجـروحـه

آنـــه ادري لــحـالـتــي اتــأذيــتــي

                                        *---------------*---------------*

الچفن حضري المماتي وحضري ماي
اشـعـر الـمـوت اقـتـرب وايـامي هاي
عــمــه اريـدن والِـدي يـنـظــر گـفـاي
حـته اسـولـفـلـه أشكثـر ركضوا وراي

حلمي يحضر وانـظـر اعـلـه اعيونه
الـفـرگـه تـكتـل هـذا حـالـي ابـدونه

چـنـت اسـولـف لـلـزغـار ابـصـيـتـي

                                        *---------------*---------------*

خـادم رقـيـه ع
الشاعر رعد الجريخي


https://telegram.me/aabas78
قصائد لكل ايام محرم اشترك بالقناة باز کردن / نظر دهید