2021-09-11 20:13:57
كون اسليمان اعله ابساطه..... نلگاه هالايام
وانسافر ويااه ونمشي.... وما نحضر بالشام
ياخذنه الديره ابلا وآدم
وانضل نلطم عالما سالم
ووياي الأيتام ووياي الأيتام
مثل الضوه اطشرنه منو يلمنه
وعلى طول الدرب تارك أثر دمنه
وين الله ويجينه النبي ويضمنه
ياخذنه المكان ولا بشر يمنه
نخلص من الدم والهِزل......ومن هاي العثرات
وانداوي الرجلين التنزف.... من سحگ الجمرات
هيجي وما نمشي وي الظالم
وانضل نلطم عالما سالم
ووياي الأيتام ووياي الأيتام
.
.
.
.
يضم أطفالي كلها من الشمس والحر
وبعد ماكو حراير بالحبل تنجر
ولا غربه علينا بالقصر تحضر
وننسى الهزل إلبلسبي تتعثر
الديره بعيده يودينا..... ما واصلها انسان
منريد ويانه من الغربه.... بس أهل العطشان
والنسوان النصرت هاشم
وانضل نلطم عالما سالم
ووياي الأيتام ووياي الأيتام
.
.
.
.
نروح انزور اخوتنه المگطعيهم
وضرب امتونه التنزف نراويهم
من صَهر الشمس بلكي الله نوقيهم
بس ما عدنه شيء خاطر نغطيهم
ناخذ من ابساط الرحله...... وانغطي الأجساد
وانسوي اقرايه اعله القتلى.... واليقره السجاد
ونقره (اذكريني) اعله القاسم
ونضل نلطم عالما سالم
ووياي الأيتام ووياي الأيتام
.
.
.
حتما لو يجي ينحسب من عدنه
ويدير الوجه لَمَن علي يصعدنه
ومريم تجي وياه خاطر تضمدنه
عكس السبي يمشي بدربه ميردنه
كل ميت باقي بلا راسه .... يرد لنحره الراس
واشما ندفن واحد نرجع..... نلطم عالعباش
ونكمل من غيرة هاشم
ونضل نلطم عالما سالم
ووياي الأيتام ووياي الأيتام
.
.
.
.
بلمحة بصر يطوي الأرض وِيّردها
ويجيب ام البنين بهم يصعدها
وياهه العليله موش وحدها
وساعتها اللطم يوصل الوالدها
وارقيه اتموت أمنِ الحرگة.... مو عالرأس اتموت
مو بقماش انشيعها احنه..... نشيعها يتابوت
ويدفنها السجاد الهايم
ونضل نلطم عالما سالم
ووياي الأيتام ووياي الأيتام
.
.
.
.
الشاعر عبدالله الشويلي
137 viewsعبدالله الشويلي, edited 17:13