الشاعر عبدالله الشويلي

2021-07-10 19:44:43 #محرم للمهدي
رسمتك  نهر يا اول عَذِب
لگيتك  نبض ثاني بالگلب

يا مهدي    يا مهدي


يالمرَتَب لونك ' يا دخيل عيونك  ' والله اموتاً دونك'     عايش بنص روحي

الك جرحي معزب'   من يمر المغرب'  يا ابو صالح يندب'
مثل كل اجروحي

گربتلي العَشرَه'  انطيني منك جمره'    بيها افرح الزهره'
مدد منك نوحي

بحميتك  جايني يوم السَلب
لكيتك  نبض ثاني بالگلب

يا مهدي......... يا مهدي
.
.
.
.
وحق شيب الحيتك ' عبدك وحبيتك ' كون اندل بيتك 'الا اموت ابابك

جرحي ابد ما يبرد ' يكبر شما ينشد ' بالوجوه اتفگد '
عسى اقبل اترابك

يالغايابك حافر 'يدوس فوگ الخاطر 'خلصتها امناطر' دنيتي بغيابك

قريتك  انت للحبك محب
لگيتك نبض ثاني بالگلب

يا مهدي...... يا مهدي
.
.
.
.
السأل عن حالي' ارد ما يحلالي ' غير وجه الغالي' وفقط انت الغالي

روحي الك مشتاگه' وشوكت نتلاگه' شيخ كَسره بساگه' هذا دونك حالي

ايه للهم شلتك' بكل فرض رتلتك' باللطم عزبتك ' بيك شاغل بالي


بچيتك   دمعه للحب والذنب
لگيتك نبض ثاني بالگلب

يا مهدي....... يا مهدي
.
.
.
.
استلذ بحروفك' يمتى كلبي يطوفك' وعيني هاي تشوفك' وتبتسم لعيونك

يا ونيس اسنيني' انت تارس عيني' خيرك مغطيني 'وخيري من ماعونك

يالمقَدِر تعبي' ملگه حار بگلبي' الك يا كل حبي'
خادمك ممنونك


اويّصيتك  احساب لا ما ينحسب
لگيتك نبض ثاني بالگلب

يا مهدي......... يا مهدي
.
.
.
.

ما تخيب اظنوني 'يالمغيِّر لوني' تبقى تبجي عيوني' وحسرتي توصَلَك

جمعه جمعه انتطر' بلكت الله و تحضر '  امنيتي ذاك المنظر ' تخطب واسمعلك

لشوكت يالمهدي 'الدمع ياكل خدي 'حيل ما ضل عندي '
اني گاطع وصلك

كتبتك نسمه عالحب تهب
لگيتك نبض ثاني بالگلب

يا مهدي....... يا مهدي
عبدالله الشويلي باز کردن / نظر دهید

2021-07-10 19:43:35 #محرم (رئيسية للعباس ع)

عذراً للماي وتركيبه....... وشما شال احساس
شريان الدنيا ومحورها...... بس جف العباس


كل الابحار المعروفه
گطره تصير بفيض جفوفه


ابو فاضل شريعه مهيله من الله
والشاهد عليه الزلمه عبدالله
صلى الله عليه وكل مَلَك صلى
بشريعة گصته مكتوب اسم الله


ما ادري شيجري بشريانه.... دم احمر لو ماي
رغم الماي اشويه گباله..... والعباس اهواي


لماي وغير الماي ايطوفه
گطره اتصير بفيض جفوفه
.
.
.
.
البدر من يكمل المد والجَزر يكمل
ومن طب عالشريعه الكون كله اختل
كلشي افتر عكس والعسكر اتبهذل
وهذا الهوى اسهام اعله العدو اتبدل

نَشَف ريج الشط بجفه...... من شاله وذباه
والجربه الما تحجي صاحت... يا عباس الله

العسكر من الشط للكوفه
گطره تصير بفيض اجفوفه
.
.
.
.
من طب الشريعه اتخيل المنظر
بمكانه المنغلق ضل يفتر العسكر
انچوه الماي بجبهته وللسمه اتبخر
المكان المر اعليه بي جم نهر خضر


لو جدمه ايدوس اعله الصخره..... منها يندي الماي
وادم فرغت لكن جوده..... متروس السگاي

بالخوف العسكر مجتوفه
گطره تصير بفيض اجفوفه
.
.
.
.
شريان الحياة بنظرة عيونه
انطفه لون الطبيعه من برز لونه
اليلمحه يذبله روحه ومن يلمحونه
موت احمر بضهر احمر يشوفونه

كفلوا قادتهم ونسحلوا..... بنص ذاك الميدان
عكس العباس وترتيبه...... كافل للنسوان

الطف والوادم  وظروفه
گطره تصير بفيض جفوفه
.
.
.
.
حَجيَّه امبلل العطشان خل يسمع
عگال الساده ابو فاضل الما يوگع
گبل النار ماي اعله حرگ يفزع
طالع عالابو من الجذر يقلع


لو نجمع حيدر والكافل.... الناتج معروف
يطلع واحد زائد واحد.... والقوسين اجفوف

وذو الفقار بجفه نشوفه
گطره تصير بفيض جفوفه


عبدالله الشويلي باز کردن / نظر دهید

2021-07-10 19:43:35 لسان حال النصراني الذي خرج بأمر عمر بن سعد لذبح الإمام الحسين ع



اجيته وسيفي بيدي والگلب قاسي
واول ما نظرته دنگت راسي

دخيل الله شحلاته
ابد ما كو بصفاته



گالو لو ذبحته تصير  جنه الدنيا بِخلافه
لكن من رحت يمه حيّر عقلي بوصافه
اول مرة اشوف انسان الغيم ايغازل اشفافه
كلت اشبيها هالوادم حتى الاعمه هم شافه

حجيت وياه وگتله اليانسب ترجع
گال اني ابوي الفارس الانزع

حجه وذَل الشماته
ابد ما كو بصفاته

________________
رِخِص بحساس هاي الناس الغالي ما يثمنونه
ما غصوا بشوفه شلون الغصت كربله بلونه
حتى بذبحه حيرهم وماگدروا يحيرونه
ما شفته بشر مكسور عيسى الشفته بعيونه

نطقت اني الشهادة من عرفت اسمه
وشفت عيسى ابن مريم يمسح ابدمه

ويعدلها عباته
ابد ماكو بصفاته

____________
دخيل الله شحلات حسين ينزف ضوه من جروحه
بشر متروس حنيه حتى احروفه مملوحه
عيون العدو كلها اعليه وعينه الاهله مشبوحه
من گد ما يحب الله عزب للعشگ روحه

رغم اسهامهم رغم الحجر والدم
عين اعله السمه وعين اعله المخيم

نذَر شوفه لخواته
ابد ما كو بصفاته

_________________

الفاتتني مو عطشان وما مس الضمه جبدي
اشلون أبرز اواني بخير وذرة عطش ماعندي
چي رَوتني منها هواي عرفت المشرعه ضدي
وعوض عن العطش والصار لازم ينسحگ خدي

لازم دم رِكبْتي ايغير الواني
مسلم انذبح والهوى نصراني

خذِت عطفه ورضاته
ابد ما كو بصفاته



_________________
من شفت العقيله بضيج فز بروحي الف عابس
ومن ضِلها الترسني ادموع خَذت للمعركه واهس
وكلت الروحي يلا انموت لازم عالدم انافس
نموت ولا شمر نلگاه على صدر العرش جالس


فز گلبي يروحي وهيّج احساسي
يريد اليوم اعزل جسمي عن رأسي

الگلب جان بسباته
ابد ما كو بصفاته

_______________________
طبع بالحَب ابو السجاد ابد للدنيا ما يهتم
واني بهل الحرب خليت كلبي قبلي يتقدم
خذت سيفي ورحت عالگوم وبعروگي يفور الدم
عالمثلو دور ابليس امثل عيسى بن مريم

شياطين وعليهم أشن حملاتي
امثل عيسى وارجمهم بصولاتي

الحرس يترك فراته
ابد ما كو بصفاته



الشاعر عبدالله الشويلي باز کردن / نظر دهید

2021-07-10 19:43:35 الحسين يخاطب عبدالله الرضيع ع

يبويه شلون بيه..... رد عليه..... يبني بيك اتحيرت
حرت ادفنك........ لو اردك للخيم
شرد اسوي..... ونابت ابنحرك سهم


السهم خرب ضحكتك ليش بعدهي رگبتك خضره
شاغت روحي من لاحك لحد ما شاغت الزهره
سحبت أنفاس من نحرك  وصارت كربله حمره
ومو ريچي بلعته عليك بلعت الطف بالف حسره

دمك غير لون لحيتي
سهمك ذابح كل عافيتي
اگماطك محلول من الضربه
من دونك ما ارد البيتي

شِسوي الطاح بيته........ اولحيِّته...... انصبغت بدم النحر
گوه واگف........ حيلي يوليدي انهدم
شرد اسوي........ ونابت ابنحرك سهم



___________________
السهم من الگفه طالع طلع روحي من جاسك
اذا عفته بوسط نحرك يبني يعذب بناسك
واذا جر السهم بيدي خافن ينگطع راسك
والعباس احتاريت من انگطعت انفاسك

دمعة عينك هدلت متني
ضحكت شماتك ذبحتني
والدنيا ما ادري شبيها
بالهيمه اتلفت خلتني

أكابر عالولوني...... وحوطوني......... من الجهاتِ الاربعه
واليباوع........ ايشوف بعيوني الألم
شرد اسوي........ ونابت ابنحرك سهم

_____________________
شحلاتك چنت بالكاروك اناغيك وتناغيني
حلوه بحضني من اتنام بس هالنومة تاذيني
لزمت بيسرتي ضلوعي من رفرفت بيميني
وعلي اتمنيته سهم اجفاك يبني طايح ابعيني

أتمنى مو انت التنزف
ومثل الطير بحضني اترفرف
خليني الگه الحل يوليدي
أمروتك بطل لا ترجف

شهيقك صار عالي..... ويبني بالي...... مشتت بكثر الالم
خاف اموتن........ وتبقى وحدها الحرم
شرد اسوي........ ونابت ابنحرك سهم


_____________________
جاوبني يعبدالله  يبني اتموت السكته
اروحًا بيك گلي الوين حتى الدرب ضيعته
ضجيج ابگلبي ما يهدأ چن ابنار حاوطته
اليشوف ابنه انذبح بيده خل تنصب فاتحته

طگ كلبي من كثر اللوعه
وايدي بخصارتي مطبوعه
خلص حيلي وخلص عمري
وهذا انه المخلص ادموعه

وربابك لو تشوفك....... ماتعوفك..... تدخل وياك الگبر
لو تشوفك....... تفجع اوياها الحرم
شرد اسوي........ ونابت ابنحرك سهم
_____________________

منتظرك رسول الله  من  تروح  اله گله
بدال الماي ياجدي  فكوا  ريچي  بالنبله
وحُسينك وحده ضل محتار گله تذبحوا اهله
وگله محني عالعباس واني غيرت شكله


وگله اعله الكافل والضربه
إلمن عدها ضيع دربه
وسولفله حتى عله الساني
الصاير حتى اقوى من الخشبه

وتِبلغه عن ضعوني...وعن عيوني.... الغوشت من العطش

وصيح جدي....... ابكربله محد سِلم
شرد اسوي......... ونابت ابنحرك سهم




الشاعر عبدالله الشويلي باز کردن / نظر دهید

2021-07-10 19:43:35 رقيه تخاطب العليله

لو  انه  عليله  جان  ضليت
اهون من سبيهم وحشت البيت

اضل مكسوره خاطر
ولا اشوف المناحر
لو انه عليله....... لو انه عليله




هاي اني رقيه اللي باگ العاشر أحلامي
الاخذوا مني ابو يسوه وسولي العمر دامي 
انه الشافت الأكبر عالشط منذبح ضامي
انه الماتت اعله الراس من جابوه كدامي

انه الي شفت عبدالله منحور
ومتن عماتي من السوط مكسور

عسن تمعه النواظر
ولا اشوف المناحر

لو انه عليله..... لو انه عليله
.
.
.
.
اضل افتر بنص البيت  واگول حسين بي رجعه
اعيشن كسرة العافوه ولا اعيشن كسر ضلعه
اشم اثاره واهدومه الما مسلوبه وابقى انعه
صفعت وجهي بيدي تهون ولا جف ظالم يصفعه

اگابل بابي مو بوابة الشام
عَت المغرب ولا عَت الازلام

وگلبي يكون حاير
ولا اشوف المناحر

لو انه...... لو انه عليله
.
.
.
.
البيت اوحشته وضيمه خطوت هزله ميعادل
سهم البعد والآهات ولا طولي بسبي هادل
ضيم المغرب ولا اشوف رمح وبراس ابو فاضل
مو دم رگبت السجاد اهون دمعي لو هامل

اجر ابروحي من كثر البواچي
ولا واحد يجر مني التراچي

ولا كض الخواصر
ولا اشوف المناحر

لو انه عليله...... لو انه عليله
.
.
.
.
هدوء البيت هم يسبي بس احسلي من عدهم
رحت وي ناس كلها غروب ولون عالدم مواعدهم
عدهم حبل عت روحي اوصل لعظامي من شدهم
خلوني ابچي حد الموت والضحكه ترس خدهم

رحت وي ناس باگوا ضحكت حسين
وجتفوا عالهزل كل النساويين

واشوفن بس بواتر
ولا اشوف المناحر

لو انه عليله........ لو انه عليله
.
.
.
.
اسولف وي روحي هواي اگلها حسين جاوينه
الماتنعقل يا ابويه الغربه تحرس علينه
نمنه جروح عالحيطان من عرفوا اسامينه
وگدام الخلگ رادوا بقصرهم تخدم سكينه

عكازة مشي نسوي الحياطين
احنه وينه وين الدواوين

الشتم والزجر حاضر
ولا اشوف المناحر
لو انه عليله...... لو انه عليله

الشاعر عبدالله الشويلي باز کردن / نظر دهید

2021-07-10 19:43:35 للقاسم عليه السلام

يمه ردت لامتي
باقي الزلم حصتي
من صغري راسم حلم
بالمعركه زفتي

____________

ابوي ولامته عندج.. عليه اتفصلت تفصال
بيها اليوم استشهد... موش احجايه التنگال
انه الهاشمي طبعي... ما انطي شبه للخال
الگعده للزلم خِله... اسوي الماخطر عالبال

زلمه وعمي رباني على الكلفة
دمي حنتي والمعركه الزفه

وين الزمط بالحرب
هاي الخيم خل يطب
من عمي ماخذ عزم
بالمعركه زفتي



__________
حِنت العرس مرفوضه.. ابدم رگبتي اتحنه
ابنج يشبه العباس... ودرب الحومه اعرفنه
لخلي الجيش كله يگول.. العباس رد النه
ولون النهر يتغيير..  من دمهم اگلبنه

صح غايب ابوي وماهو ويانه
بس اليوم أنه الأخذ امجانه

ماكو زلم تستقر
فليخسه حتى الشمر
يحلالي اجاري الزلم
بالمعركه زفتي


___________

يا يمه انه الخيال.... واليشرد اصيدنه
الارمقه بطارف عيوني...ركبته لسيفي تتعنه
اليحس روحه جبير الگوم......ازغير وما اشوفنه
ابو فاضل ترسني هواي...ماخذ هالحجي منه


علمني بشسع ما اشري الهوايه
وعلمني ابو فاضل شِّيلت الرايه

عمي والي هالفخر
مايرضه أدير الضهر
وبكيفي اطشر والم
بالمعركه زفتي



____________
اللامه اتلوگ للفرسان... وابنج هاجت احزانه
اموتن أهون ولا اشوف... أم الخدر عطشانه
الا من ناصر اسمعها.... والبالخيم ضمئانه
ومن حر الشمس يمه....... حتى الخيمه ذبلانه

لخلي النهر يحتار بسواجيه
واگلب كربله لدمعة العلويه

لعيون المدلله
لخسف أرض كربله
وللماي ابد ما اهم
بالمعركه زفتي



_________
ابنج ربى اعله الكلفات... اولازم يطلع ايوافي
اذا ابقى اني بالخيمه....الناس اتگول متعافي
راسي اعله الرمح لايگ.... مالايگ على اجتافي
يمه شلون ما اموتن..... وطفلنه من العطش غافي

صح اهواي وگفوا عالمسنايه
وابنج وحده بس فزعته هوايه

عليهم اصيرن عدد
من جدي ماخذ مدد
غذاني غيره وعلم
بالمعركه زفتي


_________
گلبي ابيض مثل عابس...النوارس سمره وي لونه
واني وكلبي ملك لحسين..هيئة عشگ شافونه
أعمى وعمي ما اشوفه ..... ابوَحده يعادونه
لذلك عميي العباس.....  خله السهم بعيونه

انه وكشختي فدوة لوجه عمي
من صغري ييمه بسمه متسمي

زلزال احط بالعده
سيفي بعيد المده
واليشرد ابلا هدم
بالمعركه زفتي 


الشاعر عبدالله الشويلي باز کردن / نظر دهید

2021-07-10 19:43:35 فتحت عزاء للعليه

شكد صحت انه وراهم من مشوا
التفتت النوگ وهَلي ما باوعوا


يدريني الحسين امنضل اشبع قهر من دونه
التهضمني ما حاجيته ابد جا ليش حمره عيونه
اليتمرض ايباروه هَله مو وحده يخلونه
هو اني يمه وابچي دم شلون امنفارگ لونه

انغمى عليه وطحت من سلموا
التفتت النوگ وهَلي ما باوعوا

.
.
.
.

فرحانه بهلي والسفر وصرتي اكبال عيوني
ما دامني اتنفس ألم كلت اهلي ميخلوني
ميته امي والعله سهم بگلبي وهَلي عافوني
من ما خذوني كمت احس يحلى السفر من دوني

احجايه التنگال روحي ما حجوا
التفت النوگ وهلي ما باوعوا

.
.
.
.
كلمن وگف يم ناگِته وبالباب وحدي اتحسر
مستحوذ اعليه المرض كل ما اكومن اعثر
العباس يفتر عالضعن والكاع بيه تفتر
مشكوله ذمتك يالمرض ذبلت عودي الاخضر

السبب انت بضلتي وأهلي حِدوا
التفتت النوگ وهَلي ما باوعوا
.
.
.
.
كل المدينه سمعته صوتي وهَلِي ما سمعو
كلشي التفت ليه وبچه وأهلي ابد ملتفتو
عن ناظري بسرعه مشوا دفعة الغيم اندفو
ومن دمعت النوگ الضعن كلت الاهل ما رجعو

حتى بحلامي وعلي هم ما اجو
التفتت النوگ وهَلي ما باوعوا
.
.
.
.

يمته تجي ما كتله ابد ادري بعد ما يرجع
ومو انه الاغراب البِدي ما رضه وياهم يطلع
اركض وراه لَمن طلع والدمع صار مربع
صيحت يا بويه انتظر وچنه الابو ما يسمع

وصوتي مسموع وأهَلي كلهم بجوا
التفت النوگ وهلي ما باوعوا
.
.
.
.
عبدالله الشويلي باز کردن / نظر دهید

2021-07-10 19:39:25 استقبال محرم

بهل الشهر زينب أسيره
وديره تأخذها اعله ديره
وانت يا شيخ العشيره
ابكربله سليب

_
محرم يعني سوط ايدور ابنيتك
محرم يعني اثر حافر على الحيتك
يعني ابكربله مبيوگه خاجيتك
ودخان المخيم واصل البيتك

يعني ابد مايعرفونك
منِ السحك ما باقي لونك
تالي شالوك بحصيره

____

خلت بيه حركه سوالف العاشر
اشوفنك  وحيد وما الك ناصر
وصدرك منفرش ملعب لكل حافر
والسانك خشب من العطش صاير

وينسلب منك ردائك
ويندبح حامل لوائك
حيره والحيره جيره


_______

محرم يعني ركضه من الخيم للتل
محرم يعني طيحه بعثرت الهِزَل
يعني صدرك وي الكاع يتعدل
وتروح اختك أسيره والعزيز انذل

من الشمس حمره العبايه
والأمير ابلايه رأيه
وشصعبها هالمسيره


__

بالعاشر جرح لو اوصفه ما اكدر
تكوم وتوكع وبالماكو تتعثر
وانت وكشختك بالحومه تطشر
ومن دوس الحوافر صدرك اتوذر

والسهم دمر جبينك
وبالحجر مسدوده عينك
ناس ماتمتلك غيره


_

يلما مرتوي خاطر  تروينه
نكطع نحرك لاجلنه يا ابو سكينه
واخوك اعله النهر طفه السهم عينه
الردته انت بدرب الله تمشينه

عليك تلتم المصايب
وعنك تروح الحبايب
اوحدك اتگابل الحيره


___
بعز الحر نمت فيّيَولك وترفض
يالنايم وراسك حييل مترضرض
اختك خلصت كاع الله بس تركض
شهر بس للمصايب والحزن ينبض

منذبح بس شحلاتك
وعينك أدير الخواتك
تشوف وحدتهن اميره


الشاعر عبدالله الشويلي باز کردن / نظر دهید

2021-07-10 19:38:40 شور لعلي الأكبر ع
قاتل الاشرار  مولانا علي الأكبر
مرعب الفجار  مولانا علي الأكبر

روح المخيم
بالحربِ اعلم
خلاها بس دم
ياعلي الاكبر

منزل عَلَمها
امركض زلمها
كاسر عزمها
يا علي الأكبر

علي الأكبر  طب ليها بدر اكبر   ضيِّع هيبة العسكر
والحومه ومراجلها

هِوى الثامه  وفرت كلها كدامه   الطوله الحرب محتامه
وبرايه يعزلها

.
.
.
.
خاطف الأرواح   مولانا علي الأكبر
نسمة المصباح  مولانا علي الأكبر


ترف ومقاتل
اشجع منازل
چنه ابو فاضل
ياعلي الاكبر

مسهل صعبها
گاطع رگبها
ماي وشربها
يا علي الأكبر

گمر ثاني   شايل نور رباني  صاح بكربله اني
بدرعي وسيفي اردمها

اصفيها   وبرايي انفرد بيها  اشعلها واطفيها
واسگي الگاع من دمها
.
.
.
.
تارس الميدان   مولانا علي الأكبر
شاطر الجيمان  مولانا علي الأكبر

ما صح نظيره
گلب العشيره
شاره جبيره
يا علي الأكبر

لو لف غترته
تكتل نظرته
امرايه جبهته
يا علي الأكبر


علي امحزم   اول هاشمي تقدم  بسيفه الرگب تتثلم
بيمتنه الصعبة مگضيه

ابو كلفه    بس ايأشر بجفه  گدامه الشمس تطفه
والكون وسواچيه

.
.
.
.
جده حامي الجار  مولانا علي الأكبر
هو هم كرار  مولانا علي الأكبر

شنهي اگوله
فدوه لَطوله
ابن الحموله
يا علي الأكبر

مالح سماره
ضِله مناره
صدر الصداره
يا علي الأكبر

حِمل نظره   بيها شارة الزهره  لعدو لو شافها تصطره
يذبله بكربله راسه

  علي الأمكن آله وبالحرب تطحن  المعسكر كله بي انجن
بتسمله هواي عباسه 
.
.
.
.
منة المنان   مولانا علي الأكبر
ناحر الشجعان  مولانا علي الأكبر


هُوه دواها
گاطع هواها
منكس لواها
يا علي الأكبر

بسيفه تصدر
صاح انه الأكبر
بالكلفه اضهر
يا علي الأكبر

ابن ساده   عدنا بالحرب عاده  الصوله الأوله عالقاده
وننحر وين المعتبر

وخِدر زينب   لخلي الروس تتگلب   اتعبكم وما اتعب
اعثركم وما اعثر


عبدالله الشويلي باز کردن / نظر دهید

2021-07-10 19:38:03 للمهدي عج

عجل يا ماي عيوني
عجل يالخاطف لوني
عجل كلهم لاموني
يافرض الحب... عجل



يمخلص عمرك عاشر
انت اول غايب حاضر
عشتك كل عمري مسافر
يالعايش بالحسرات
شلونك يالخالص لونك
يالشايل طف بمتونك
يالتبجي دم عيونك
وحتى نفاسك ونات

عشتك وانتظارك ياكل ابروحي
يمعذبني انتَ أَوّل اجروحي

الطف ذابح أحلامك
وحارگلك كل اخيامك
ومچويلك ايتامك
الله بعونك.... عجل

_______________
يالشاغل كل ايامي
يالمتصدر بحلامي
يمتى توگف كدامي
واشكيلك يا مولاي
هذا انه الضايع حيله
ارحمني الغيبه اطويله
اللفظ اسمك ترتيله
يالذكرك دوم وياي

سافر گلبي الك ما منه اي جيه
كل مغرب يفز طاري الألم بيه

لملمني المثلك يگدر
هذا انه انسان مبعثر
والمثلي لا مايضطر
يعيش الواقع.... عجل

________________
عجل وارويلي الفكره
طف حسينك والزهره
واشلون اتهشم صدره
ومشوا فوگاه الخيل
وتحجيلي بگطعت راسه
وخيل النثرت احساسه
ومن ضل عالشط عباسه
وضربنه اسهام الويل

وتحجيلي اعله زينب شنهو حالتهه
من اخذوها مجتوفه بلا اخوتهه

وتحجيلي اعل الترجيه
الشلعت اذن العلويه
الجانت بالطف مچويه
وعالمسبيات.... عجل

_________________
يالمِطْشر عباسك
الله يساعد احساسك
الطف گاطع انفاسك
وما خذلك كل الحيل
ضاعتلك جم علويه
زينب عمتك مچويه
واعله الناگه مسبيه
اوحدها بذاك الليل

اديها مجتفه بالسلسه وزرگه
العافت كل اهلها تعيش بالحرگه

راحت من ديره لديره
وي وآدم وبلا غيره
راحت والعلة جبيره
ياكِلها الليل.... عجل

____________
من مثلك عاش الحالة
يوميه الطف اكباله
وشاف ايسلبون عياله
وشاف الطف بالمضون
جرحك أكبر من عمرك
العاشر كاسر ضهرك
الله الله يا صبرك
المثلك عاش شلون

يالشايل جرح كد السمه واكبر
يالراسم بعينك جسد وي منحر

احسينك ضل بالصحره
ودمه اتبده اعله الغبره
وداست فوكاه العشره
اطشر بالخيل.... عجل


_____________









الشاعر عبدالله الشويلي باز کردن / نظر دهید