2021-10-12 10:36:33
شهادة الإمام الحسن العسكري ص
عسكري وكاضيها بالخدمه الحسينيه
حتى من تِغْمض عيوني اقره لطميه
صنفي المجالس واللطم
َحتى بفرحتي منهضم
من زغري دگ جفي الصدر ' بيه جمر متوارد وي الخيمه
ما نشفت دمعي ابد' لا ما برد والجرح الله يديمه
ومن ادموعي محفر خدي
شاغل كل ايامي بجدي
امي فطمتني اعله اقرايه
صغير وشايل رِتبت جندي
اباب گلبي منكتب عاشگ اللطميه
وبالحواس الخمسه تلگه الخيمه مبنيه
اللطم واصل للعظم
حتى بفرحتي منهضم
.
.
.
.
بنص گلبي شايل كربله' چن بسلمه ماتوگع من الساني
تزداد قوى هائله' ومعدله شما تعبت ذرعاني
جفي وصدري ريه ونسمه
لدمعه اعله حسين اكبر نعمه
تأذن دمعاتي كل مغرب
حي الله الما عاف الخدمه
غدًا كل دمعه دجيلك بالگبر شمعه
والذنب من ينكتب ينمسح بالدمعه
الفرح للعاشگ خصم
حتى بفرحتي منهضم
.
.
.
.
تحشيد لدموعي الخيم ' ابچي ابالم بچْيّت رقيه بعاشر
البيته بالطف محترگ' يموته العشگ يبتهت لبطاري حافر
وعيوني تشاهد يوميه
علويه تلوذ بعلويه
اي من حقي احرگ دلالي
واگضي ايامي بس لطميه
عاشگ الخيمه الحسينية بگلب ضامي
عمري مدري شكم دقيقه وشاد احزامي
عالطايح بحضن الظلم
حتى بفرحتي منهضم
.
.
.
.
شاهد عيان اعله الجرح دم الرمح والهزله والترجيه
اگضي العمر بس كربله ومهيله ادموعي على المسبيه
بحسيني ايامي المگضيه
الطم چن لطم العلويه
ما مرت ليله اعله عيوني
الا وقاري اعليه لطميه
بطور بدوي انعى مره ومره بالمقتل
وبأولويات الخدامه الدمع ما ينمل
الدنيا دونه بلا طَعُم
حتى بفرحتي منهضم
.
.
.
.
.
اي عسكري وصنفي البچي ماكو حچي يوصف وجع دلالي
شايل بوجهي كربله بيه هله لكل ألم خص الغالي
مطلوب الما لاطم صدره
وشاعل للحسرات العشره
خالق ادموع الوادم
لعيون الضامي ابن الزهره
اليسگي اوجاعي الدمع والحسره والونه
والجرح من يبرد بزينب الچمنه
واجروحي لا ما تنفطم
حتى بفرحتي منهضم
الشاعر عبدالله الشويلي
283 viewsعبدالله الشويلي, edited 07:36