2022-04-18 04:18:25
#شور
#للامام_علي_ع
اشهدُ ان الكرار الأول بإسلامه
الجبال اگصيره يم طوله
بعين اسمه الف صوله
الما سا معها گلوله
علي الأعلى
جبير ونظرته تعور
بخت ساده سطر يسطر
خير اعله السمه ينثر
هو الأغلى
قتال گطاع الرگب يا محلى طاريه
اسمه على عرش السمه ينشاف بيريه
الحومه يعصرها عصر لو سرفن اردانه
فَذ بالشجاعه نسبته ميه على ميه
فحل
مايّثني الضربه
جفه حل كل صعبه
بي تنومس ربه
فحل
اشهد ان الكرار الأول بإسلامه
.
.
.
.
السمه بجفوفه مرفوعه
علي بس الله موضوعه
علي لو طيّح ادموعه
الفلك يسجد
علي راية بني هاشم
هو الموقف الحاسم
جوه الله عِله الوادم
يحل ويشد
أربات الله وهيبته وشيخ العرب كلها
الدنيا لو مالت علي بخنصرها يعدلها
اتگوم كل اهل السمه لو مر ذكر اسمه
الما يحلها اي بشر بس عد علي حلها
بطل
وشكبر سالفته
فاطمه معزبته
مقصر اوصفته
بطل
اشهد ان الكرار الأول بإسلامه
.
.
.
.
علي القائد علي الاقدر
يوازن بالشطر حيدر
هو الساقي عالكوثر
منو يوصفه؟
زاده واصل الجنه
طير البَر شبع منه
من خيره زلم صرنه
وزلم كلفه
ماكو رقم ينصف كرم ابنَ ابي طالب
ان چان عين الله علي يصير النبي الحاجب
بالحرب قتال العرب بالليل للفقره
مو مثل غيره بكل وكت مغلوب ما غالب
كرم
يمطر اعله الفقره
چنه جف الزهره
صار ازرگ ضهره
كرم
اشهد ان الكرار الأول بإسلامه
.
.
.
.
بالذر بايعت حيدر
حنين بدونه ما أكدر
بخت عد مالك الاشتر
حفظ شِكله
ديني ومنهجي هوه
العباده بدونه مو حلوه
علي نخوه علي أمروه
بل اعلَه
الدين اذا ما بي علي سالفته مگضيه
والهوى الما بايع علي ما يدخل الريه
الساني ما فارگ لعن كلمن بغض حيدر
العن ومن الله العلي ماخذ صلاحيه
علي
سبب في تكويني
هو فحوى سنيني
قبلة الحب، ديني
علي
اشهد ان الكرار الأول بإسلامه
.
.
.
.
عدل ما يعرف الزله
الله ما خلق مثله
الصعبه عد علي سهله
كلف كله
أميري ومنخلق لجله
اليخوص بحبه يتعله
أمِل الدنيا ما مِله
هو المِله
يا رحمة الله الواسعه معناها يا حيدر
بخزرته مو باب ومدن حتى السمه تنجر
لو نفترض عمره الف ميشيل عوجيه
الساند السبعه يضل طول الزمن أقدر
أسد
والثگال أطباعه
هو معنى الطاعه
امبين من اذراعه
أسد
اشهد ان الكرار الأول بإسلامه
الشاعر عبدالله الشويلي
1.7K viewsعبدالله الشويلي, 01:18
ا
