الشاعر احمد عباس الحساني

2022-07-08 23:11:18 حِد  الباشط   ياعباس
وطشر لمة هاي الناس
~~~
نازل الكلة شجاعة چن علي گولّ وفعل
آنة زينب يابوفاضل خلي سيفك لا يمل
خلّي      ابّالك   هالمعلومة
عيد الماضي وعيد اعلومة
واللي اگبالك لو حَلّ  يومة
ينقذ روحة ايذب اهدومة

طولك شامخ ياعرناس
وطشر لمة هاي الناس
~~~
عاگد  الراية اعلة ايدة اتلوگ لزنودة السُمُر
اعنان خيلة اشما يجرة يشّلّع افچوچ المُهُر
صاحت   زينب   يا  غاليها
اگلب     سافلها     ابعاليها
وخلي الناس اتسولف بيها
روح    ابزودك  يا   راعيها

وتكسر  بيدك  اكبر  راس
وطشر   لمة   هاي الناس
~~~~~
بس اله اتلوگ القيادة وبس اله تلوگ الحرب
ياهو بالله يلاگي وجهة لو أبو  فاضل  يطب
إشهر  سيفك   يابو  الغيرة
وخلي  الوادم  كلها  بحيرة
وين الشردة  الگاع  ازغيرة
صگر اوصايد صيدة چبيرة

چفك غيرة وچف نوماس
وطشر   لمة   هاي الناس
~~~~~
والكتايب من تجيلة مستعد الها الگمر
كلها  صفاهّا اعلة ايدة مايرد منهم نفر
انت الوحدك عسكر كامل
الغيرة ابدمك يابو فاضل
أشجع واحد ظل متخاذل
ابسد الخيل العسكر خاتل

برجلك عسكرهم  ينداس
وطشر   لمة   هاي الناس
~~~~~
أحمد عباس الحساني
نزال باز کردن / نظر دهید

2022-07-07 18:04:11 انعمالله اعلة الذبح عرّفني صحبتكم
محد الواگف گبل نص هاي  وگفتكم
الصاحب الزين           حُب الحسين
~~~~~~
انعمالله اعلة الذبح       صرنة چن زاد وملح
      صاحب النشمي الكفو لميعوف دربك
الفزعة لليفزع  ترة         تنحسبلة     مفخرة
       وبالمواقف  تعرف  الصاحب  يحبك
من تختار   اختار     الزين
كون ايموت ابحب احسين      مثل اصحابي
صاحب نخوة  وتفخر   بيه
ابوكت الشدة التچوة اعليه     مثل اصحابي

چلمتي حق ابإذنهم هيّة مسموعة
لبسو الروح اونسو ما لبسو ادروعة
مستعدين                حُب الحسين
~~~~~~~
نطّلگ الدنية ونجي        ويم خيامك نلتجي
      حزام احنة بالشدد شدنا اعلة ظهرك
الدنية من دونك بلاء       مقبرتنة   ابكربلاء
       إحنة  أنصارك   نْبيْع  الروح  بامرك
انّعوف الدنية وكلشي انبيع
انت   التأمر  وإحنة  انطيع كلشي ابإيدك
يحسين  الدم  تمشي  اوياه
أأمُر      يجرّة        التتمناه كلشي ابإيدك

[  ألفُ عينٍ  لجلِ  عينٍ ]   تكرم  ابهاية
والله يم جدمك نجيب العلگمي اوماية
لجل هالعين                  حُب الحسين
~~~~~~~
بالحرب سوّو عجب       واهس الحومة وهب
         بنافع  وجون  وحبيب  آنة  أباهل
صاحب النخوة زُهير       أذّن    بسيفة    بُريَر
         غيرةت  أنصاري تشابه أبو فاضل
هدّوّ صاحو  نفس  الصوت
عاش احسين ابحبة انموت      ذول انصاري
الينزع  ثوبة   چي   مفتون
عاقل ( عابس ) مو مجنون     ذول انصاري

الله خالقلي صحابة ابكل زمن حُرة
والعلامة الفارقة يلطم  على صدرة
ابكل لسنين             حُب الحسين
~~~~~~~
انت  تتكرر   جهاد        بس عددنة اهناك زاد
         اومحد يذبحك بعد والشيعة حولّك
ابوكت المهادد نهد        واحنة   نتكرر  حشد
          نكسر اخشوم العنيدة الما تطخ لّك
شيعة اوكلنا انموت اعليك
ابماي العين  احنة  انرّوّيك        يا مولانّة
باچر   گبرك   يعلة   اهواي
وباچر حدرك  يمشي الماي        يا مولانّة

حرگةت امصابك جمر  تجدد العاشر
شيعة  مخلوقين  إلك ما تنترك حاير
يضمّن الدين              حُب الحسين
~~~~~~~   
أحمد عباس الحساني
الانصار باز کردن / نظر دهید

2022-07-06 22:30:26 الچانت اتضّوّي ابألهلها
موحشة  ومحد  دخلها
وین أهلنة الضيعوني
وین أهلنة الضيعوني
~~~~
سيّر على ابنيتك حلم ... مشتاگة بهدومك أشم ... بثوبك  تْرْد   عافيتي
الچنت ابحياتة امدللة ... أكثر وكت محتاجة لة ...
وبوجهة يضوي بيتي
راحت الكعدة التلمنة وما أظن  ترجع بعد
ماتت اللمة وسوالفنة اوي بونة امن ابتعد

راح ابو  روح  الحنينّة
النعمة راحت من ادينّة
سافرو   ما  ودعوني
وین أهلنة الضيعوني
~
اباب انتظارك گاعدة .. امبينعلة وجهي فاگدة .. شوية واجة ناعيكم
ينشد علة بيتي وبچة .. باوع عليّة ومن حچة .. گلي انذبح واليكم
وگلي  چان ابوجهة حيرة وكل اخوتة امذَبحّة
امن الشريعة شفتة راجع بگلبة حسرة واضِحّة

ظهرة محني ويمشي گوة
امبّيّن      المعتاز     خوّة
يحچي وآنة اتصب عيوني
وین    أهلنة    الضيعوني
~
ناعي خبر موتك وصل .. متگطع  احسينچ وصل .. وبصدرة طابع حافر
گلولة تجرحهة عفة ... رد وصرخ من الگفة ...
مذبوح نحرة الطاهر
وگلي گاعد فوگ صدرة واحد وإسمة شمر
لازم ابشيبة  المقدس  من لحيتة  ابيا عذر

تربع    اولازم    لحيتة
طايح  اگبال اهل  بيتة
من الدمع يبسن جفوني
وین   أهلنة  الضيعوني
~
گلي بقة عاري الجسد .. وسحگو علة ضلوعة لحد .. مخسوف بيّن صدرة
داست عليه خيل وبشر .. عطشان وبصفة نهر .. اعلة ارماح شالو نحرة
گلي  باگو   ثوبة   حتى  اتبيّن   الذلة  عَلَيهْ
حتة گطعو خنصر ايدة وباگو امحابس اديهْ

چنها   صدگية   السوالف
عالهضم چن دهري حالف
راحو أهلي  وفارگوني
وین   أهلنة الضيعوني
~
سولَف اخيراً عالخيم .. وچف ولوة وعين وسهم ..
الإختة أعز من روحة
گماط الرضيع الكلة دم .. والقاسم ابزفةت ألم ..
الأكبر كبَر بجروحة
والله بالي يم رقية بالله هسة اشگد  بچت
ركضة العلوية هضمة وعدنا نسوان انسبت

اتجّمعّو   أهل   المدينة
وصبري  گالو  يالحزينة
وبالكلام  ايصّبروني
وین أهلنة الضيعوني
~
أحمد عباس الحساني

العليلة باز کردن / نظر دهید

2022-07-02 08:49:55 محتارة زينب بالضعن     والغربة حگها اتحير
محتارة  ترجع  للوطن     واحسينها    متوذر
وياهّا    أيتام
مسبية  للشام                 واحسينها   متوذر
~~
يلا زينب .. ودعي اخوتچ .. حان موتچ .. الناگة تابوت السبي ، تشييع گلبچ
يالعقيلة .. گرب ليلچ .. لمي حيلچ .. لمي كلشي اوياچ خاف ايطول دربچ
بعدة  ما خلص ترا الهم والبلاء
طبةت الديوان أشد من كربلاء

لحسين  نحره  منذبح      لو روحچ   المذبوحة
مو هسة گلبچ  ينجرح      وبكل وكت مجروحة
من نار الخيام
مسبية  للشام                 واحسينها    متوذر
~~
ياعذابچ .. يالغريبة .. بهالمصيبة ..   الناس    ملتمة    تشوف  اخيال   منچ
وبیدچ احبال .. والله صعبة .. ناس غربة .. وسفة مسبية وغرب يحدون ضعنچ
هاي زينب بت علي وبت فاطمة
اچفوفها  من  الحبل تجري  دمة

چفها انچوة بنار الخيم      نوب  بحبل  شدوها
نار   وحبل   زاد   الألم      وللشام گوة اخذوها
عالهزَّل  اتنام
مسبية للشام                 واحسينها    متوذر
~~
وحدچ انتي .. والله حيرة .. ابلا عشيرة .. صعبة هاي أم الخدر تصعد هزيلة
كلفة والله ... شتمّوّها ... سلبّوّها ...  ويلي    للشام انسبت  وإهية العقيلة
تصيح  حيهم وين  هاشم  عني  وين
انسلب خدري وانسلب ثوب الحُسين

صاحت علة اخوتها ابدمع     فزعولي   يا خوّاني
احسين  اللينحرة  منگطع     ومطفّية عين الثاني
مطفية بسهام
مسبية  للشام                 واحسينها    متوذر
~~
يخت الحسين .. شنهي صبرچ .. تالي عمرچ .. تشيّب ارموش الجفن من المصايب
رحتي للشام .. يأم الاحزان .. بلاية خوّان .. اگعدتي مچتوفة ابحبل ذيچ الخرايب
ابلا  كفيل  اميسّرّة   اخت  الكفيل
ابّطن  ناگة  ابسلسلة  انشّد  العليل

شاگفتي عن سوط الهضم      بچفوفچ الملچومة
ويلي   الحبل  لاح  العظم      يازينب  المهضومة
تبچي ومتنلام
مسبية   للشام                 واحسينها    متوذر
~~
أحمد عباس الحساني باز کردن / نظر دهید

2022-06-26 10:29:35 وحدك انت وحزنك اهواي
ومحد    ايعينك    يمولاي
تنلچم   لو   تشرب   الماي     يابوصالح
~~~~
يابو  صالح  شنهي  حزنك  الله  يعلم
شلون أعينك يالدموعك تجري من دم
گلبك   ايوّن   ما   يهّود   من    محرّم
ولسة  تتنفس    رماد    امن   المُخيَّم

تعرض ابعينك انحور
وگلبك ايمردة عاشور
للحزن    انت   منذور        يابوصالح
~~~~
[ليتَ شعري] ساعدك  والبيك  بية
تنهضم لو  تسمع  ابچلمةت  سبية
ولو    تريد   اتنام    تتذكر    رقية
وچم طفل تاه ابصحاري الغاضرية

تغمض   وما  تكدر اتنام
تسمع   اصياح    الايتام
وتبچي من طاري لخيام        يابو صالح
~~~~
شلون تتنفس  اذا خيل  اعلة  صدرك
هيچ الحسين  انسحگ  كلشي يذكرَك
كلشي يجرح بيك كلشي يحني ظهرك
فوگ  ناگة  والخدر  محسوب  خدرك

صدرك ابعبرة مخنوگ
اتخيرو   هزلة   النوگ
وگفّو   عمتَك  ابسوگ          يابو صالح
~~~~
وين  بيك  الدنية  هسة  يابو صالح
ليش  نازح ! صير بلكي  بگلبي نازح
خاف گلبك وي ضعنكم مسبي رايح
خاف گلبك ؟ عالشريعة هناك طايح

أسأل   ودمعي  بالعين  
بهالوكت هسة چا وين !؟
الطالب ابدم   الحسين      يابو صالح
~~~
أحمد عباس الحساني

الامام الحجة(عجل الله فرجه) باز کردن / نظر دهید

2021-11-29 19:45:41 #: ارزقني دمعه


#الـرادود : جواد الباوي
# كلمات : احمد عباس الحساني
#ذكـرى : شهادة الحسين ع
#هيئة الحسن المجتبى ع- محرم

الـلـهـم عـجـل لـولـيـك الـفـرج
https://t.me/Jawad12121212 باز کردن / نظر دهید

2021-08-21 17:27:41 ها يالغالي .. وراحة بالي .. گلي اشلونك
بعدك ضامي.. ونحرك دامي..ورايح لونك
من گد ما داسو صدرك
يحسين اتساوة بظهرك
~~~~~~~~~~
        باطراف العين       انباوع لحسين
      قبل المذبح  ونباوعلة   ملتمين   اعليه
        طايح   خلوه         نزلو   رفسوه
    واحد شفته والله برجلة ظل يرفس بيه
             غريب وباقي  بس وحدة
             الشمر  شفتة  گعد  گعدة
            اعلة صدرة يضرب ابخدة
             وحيد  وكلشي  ما  عندة   
                    اخوي احسين
شفت اعضيدي .. وترجف إيدي .. وسط الخيمة
اليمشي ابدمي .. طايح   مرمي .. ابذیچ  الهيمة
                يا   گلبي   إنزل    گبرك
               يحسين اتساوة  بظهرك
           ~~~~~~~~~~
      تتلوة    اهناك         مّحد      وّياك
    شفتك  خوية  ابلية  اعمامة  ويضربوك
     ما  عندك  حيل      ايضربونك حيل
    ويطيحونك   ردت   اتگوم   وما  خلوك
                الرمل متوسدة اتنازع
                منو عنك  إجة ايدافع
                عليك   الوادم  اتباوع
                من ظهرك سهم  طالع
                      اخوي احسين
حيلك رايح ..  بعدك طايح ..  ويسحگونك
تنزف   دمك .. رفسو جسمك .. ويدوسونك
               متولّم   يگطع   نحرك
               يحسين اتساوة  بظهرك
           ~~~~~~~~~~

  
     واحدهم صاح       وين   الذباح
  بذيچ اللحظة اتمنيت  الهم يطفي العين
       لمّن    ذبحوه        رجعو شالوه
  گطعو راسة اومن شيباتة ايكظ احسين
              الشمر    متربع  ابصدرة
              طبر نحرة اثنعش طبرة
              اعلة كيفة يگطع ابنحرة
              ولحيتة  اتحولت  حمرة
               اخوي احسين
شفت المنحر .. أمشي وأعثر .. چي مرعوبة
واحد   داسة .. وشايل راسة .. وبايگ  ثوبة
             امن اهدومك واحد جرّك
              يحسين   اتساوة  بظهرك
           ~~~~~~~~~~


      هاا يالعطشان       وجهك     ذبلان
   وجهك   ذابل  منّ   حرورةت   رمل   الگاع
      لو يعمة الشوف     صدرك مخسوف
   الخيل اثگيلة اوتسحگ بيك وجسمك ضاع
               اعلة گلبك  حافر اتكسر
               يخوية وجسمك اتطشر
              صريع اوباقي بس منحر
               نعوفك   وحدك   ابهالبر
                      اخوي احسين
يابو اسكينة .. گلبك    وينة .. بصدرك حفرة
شگد دورتة  .. بس ماشفتة .. وية    العشرة
              اوعطشان امخلص عمرك
              يحسين    اتساوة   بظهرك
           ~~~~~~~~~~
أحمد عباس الحساني (العاشر) باز کردن / نظر دهید